பெய்ஜிங்:

சீனாவின் சென்சென் நகரில் மகளிருக்கான டென்னிஸ் தொடர் போட்டிகள் நடைபெற்று வருகின்றன. கடந்த 30-ம் தேதி தொடங்கிய இப்தொடரின் ஒற்றையர் பிரிவின் காலிறுதிக்கு முந்தைய சுற்று ஆட்டங்கள் நேற்று நடைபெற்றன. இதில் ரஷ்ய வீராங்கனை மரியா ஷரபோவா, அமெரிக்காவின் அலிசான் ரிஸ்கியுடன் மோதினார்.

முதல் செட்டில் 3-6 என்ற கணக்கில் ஷரபோவா தோல்வியடைந்தார். இரண்டாவது செட்டில் ஷரபோவா 6-4 என வென்று சமநிலை ஏற்படுத்தினார். மிகவும் விறுவிறுப்பாக அமைந்த 3-வது செட்டை 6-4 என ஷரபோவா கைப்பற்றினார். இதன்மூலம் 3-6, 6-4, 6-4 என்ற செட் கணக்கில் வென்ற ஷரபோவா காலிறுதி சுற்றுக்கு தகுதி பெற்றார். இந்த ஆட்டம் சுமார் இரண்டரை மணி நேரம் நீடித்தது.