ஆஸ்திரேலியா - இங்கிலாந்து இடையிலான ஆஷஸ் கிரிக்கெட் தொடர் நடைபெற்று வருகிறது. மேல்போர்னில் நடைபெற்ற 4-வது டெஸ்ட் வெற்றி தோல்வியின்றி டிராவில் முடிந்தது.
இந்த போட்டியில் இங்கிலாந்து அணியின் முன்னாள் கேப்டனும், தொடக்க பேட்ஸ்மேனும் ஆன அலஸ்டைர் குக் அவுட்டாகாமல் 244 ரன்கள் குவித்தார். இதன்மூலம் 17-வது இடத்தில் இருந்த அவர் 9 இடங்கள் முன்னேறி 8-வது இடத்தைப் பிடித்துள்ளார்.
ஆஸ்திரேலியா கேப்டன் ஸ்டீவ் ஸ்மித் முதல் இடத்திலும், விராட் கோலி, புஜாரா, கேன் வில்லியம்ஸ் ஆகியோர் முறையே 2-வது இடம் முதல் 4-வது இடத்தை பிடித்துள்ளனர். ஜோ ரூட் ஒரு இடங்கள் முன்னேறி கேன் வில்லியம்சன் உடன் 4-வது இடத்தை பகி்ர்ந்துள்ளார்.
டேவிட் வார்னர் 6-வது இடத்திலும், ஹசிம் அம்லா 7-வது இடத்திலும் உள்ள நிலையில், பாகிஸ்தான் வீரர் அசார் அலி 9-வது இடத்திலும், இலங்கை வீரர் தினேஷ் சண்டிமல் 10-வது இடத்திலும் உள்ளனர்.
பந்து வீச்சாளர்கள் தரவரிசையில் இங்கிலாந்து வீரர் ஆண்டர்சன் முதல் இடத்தையும், தென்ஆப்பிரிக்கா வீரர் காகிசோ ரபாடா 2-வது இடத்தையும், ஜடேஜா 3-வது இடத்தையும், அஸ்வின் 4-வது இடத்தையும் பிடித்துள்ளனர். #ICCTestrankings #AUSvENG, #AlastiarCook, #Smith, #ViratKohli
