search icon
என் மலர்tooltip icon

    செய்திகள்

    கேரளாவில் தாயின் இரண்டாவது கணவரால் தாக்கப்பட்ட சிறுவன் பலி
    X

    கேரளாவில் தாயின் இரண்டாவது கணவரால் தாக்கப்பட்ட சிறுவன் பலி

    கேரளாவில் தாயின் இரண்டாவது கணவரால் சரமாரியாக தாக்கப்பட்ட 7 வயது சிறுவன் சிகிச்சை பலனின்றி பரிதாபமாக உயிரிழந்தான். #KeralaBoyDead
    கொச்சி:

    கேரளாவின் இடுக்கி மாவட்டத்தில் உள்ள தொடுபுழா பகுதியில் தாய் இறந்து 10 மாதங்கள் ஆன நிலையில், 2 சிறுவர்கள் தாயின் இரண்டாவது கணவன் அருண் ஆனந்த்(36) உடன் வாழ்ந்து வந்தனர். இந்நிலையில் கடந்த மார்ச் 28ம் தேதி, 4 வயது சிறுவன் அதிகாலையில் படுக்கையில் சிறுநீர் கழித்ததற்காக அருண், அந்த சிறுவனை கடுமையாக தாக்கியுள்ளான்.

    இதை தடுக்க அந்த சிறுவனின் அண்ணன் (வயது 7) முயற்சித்தான். இதையடுத்து ஆத்திரமடைந்த அருண், 7 வயது சிறுவனை அலமாரியில் மோதி, பின்னர் அருகிலிருந்த வாக்கிங் ஸ்டிக் கொண்டு பலமாக தாக்கினான். இதனால் தலையில் பலத்த காயம் ஏற்பட்டது. மேலும் உடல் முழுவதும் காயங்கள்,  இரத்தப்போக்கு மற்றும் நுரையீரல் கடுமையாக பாதிப்புக்குள்ளானது.

    இச்சம்பவம் தொடர்பாக போலீசாருக்கு தகவல் கொடுக்கப்பட்டது. சம்பவ இடத்திற்கு விரைந்த போலீசார், 2 சிறுவர்களையும் உடனடியாக மருத்துவமனைக்குக் கொண்டு சென்றனர். அங்கு தீவிர சிகிச்சை அளிக்கப்பட்ட நிலையில், இன்று காலை 7 வயது சிறுவன் சிகிச்சை பலனின்றி பரிதாபமாக உயிரிழந்தான். அருண் ஆனந்தை போலீசார்  கைது செய்து கொலை வழக்குப் பதிவு செய்துள்ளனர்.

    இந்த சிறுவர்களை கேரள முதல்வர் பினராயி விஜயன் கடந்த திங்கள் அன்று சந்தித்து ஆறுதல் கூறியது குறிப்பிடத்தக்கது. #KeralaBoyDead 

    Next Story
    ×