பீகாரில் லாரி மீது வேன் மோதி விபத்து: 7 பேர் பலி- 9 பேர் படுகாயம்

பீகார் மாநிலம் சிவான் மாவட்டத்தில் உள்ள சரை என்ற பகுதியில் வேன் ஒன்று சென்று கொண்டிருந்தது. ஒரு விழாவிற்கு சென்றவர்கள் இந்த வேனில் பயணித்தனர். அப்போது திடீரென வேன் மீது லாரி பயங்கரமாக மோதியது. இதில் 7 பேர் சம்பவ இடத்திலேயே பலியானார்கள்.

படுகாயம் அடைந்த 9 பேர் பாட்னா மெடிக்கல் காலேஜ் அண்டு மருத்துவமனையில் சேர்க்கப்பட்டுள்ளனர். பலியான 7 பேரும் 20 வயதிற்குட்பட்டவர்கள் என்பது குறிப்பிடத்தக்கது.

வேன் மீது மோதிய லாரி நிற்காமல் சம்பவ இடத்தில் இருந்து தப்பி சென்று விட்டது. போலீசார் இந்த விபத்து குறித்து விசாரணை நடத்தி வருகின்றனர்.