கோவாவில் சட்டசபை கூட்டத் தொடரை தவிர்த்த முதல்வர் பாரிக்கர்

கோவா:

கோவா மாநில சட்டசபையில் பட்ஜெட் கூட்டத் தொடர் நடைபெற்று வருகிறது. முதல்வர் மனோகர் பாரிக்கர், நேற்று சட்டசபையில் பட்ஜெட்டை தாக்கல் செய்தார். இந்நிலையில் இன்று காலை சட்டசபை மீண்டும் கூடியது. அப்போது, மனோகர் பாரிக்கர் அவைக்கு வரவில்லை.

பாரிக்கர் சட்டசபைக்கு வராததன் காரணம் தெரியாத நிலையில், அவர் பதில் அளிக்கவேண்டிய துறைகளுக்கான கேள்விகளை அடுத்த அமர்வுக்கு ஒத்திவைப்பதாக சபாநாயகர் பிரமோத் சாவந்த் அறிவித்தார்.

63 வயதான பாரிக்கருக்கு கணைய நோய் பாதிப்பு உள்ளது. உடல்நிலை சரியில்லாதபோதிலும் நேற்று அவையில் பட்ஜெட்டை தாக்கல் செய்தார். கோவாவின் மூன்று நாள் பட்ஜெட் கூட்டத்தொடர் இன்றுடன் முடிவடைகிறது என்பது குறிப்பிடத்தக்கது.  #parrikarskipsAssembly