search icon
என் மலர்tooltip icon

    செய்திகள்

    ராஜஸ்தான் சட்டசபை தேர்தல் - வேட்பாளர்களின் முதல் பட்டியலை வெளியிட்டது காங்கிரஸ்
    X

    ராஜஸ்தான் சட்டசபை தேர்தல் - வேட்பாளர்களின் முதல் பட்டியலை வெளியிட்டது காங்கிரஸ்

    ராஜஸ்தான் சட்டசபைக்கு டிசம்பர் 7-ம்தேதி நடைபெறும் தேர்தலில் போட்டியிடும் 152 வேட்பாளர்களின் பெயர்களை கொண்ட முதல் பட்டியலை காங்கிரஸ் தலைமை வெளியிட்டது. #RajasthanAssemblyElections2018 #Congresslist
    புதுடெல்லி:

    200 இடங்களை கொண்ட ராஜஸ்தான் சட்டசபைக்கு டிசம்பர் 7-ம்தேதி நடைபெறுகிறது. இந்த தேர்தலில் மீண்டும் ஆட்சியை தக்கவைத்து கொள்ள ஆளும் பா.ஜ.க.வும், இழந்த ஆட்சியை கைப்பற்ற எதிர்க்கட்சியான காங்கிரசும் முனைப்பு காட்டி வருகின்றன.

    இந்நிலையில், காங்கிரஸ் கட்சி சார்பில் இந்த தேர்தலில் போட்டியிடும் 152 வேட்பாளர்களின் பெயர்களை  கொண்ட முதல் பட்டியலை காங்கிரஸ் தலைமை வெளியிட்டது.



    இந்த பட்டியலில் இடம்பெற்றுள்ள முன்னாள் முதல் மந்திரி அசோக் கேலாட், சர்தார்பூர் தொகுதியிலும், அம்மாநில காங்கிரஸ் தலைவர் சச்சின் பைலட், டோங்க் தொகுதியிலும் போட்டியிடுகின்றனர்.
          
    தேசிய மகளின் ஆணையத்தின் முன்னாள் தலைவர் கிரிஜா வியாஸ், உதய்பூர் தொகுதியிலும், தற்போது சட்டசபையில் எதிர்கட்சி தலைவராக பதவி வகிக்கும் ராமேஷ்வர் லால் டுடி, நோக்ஹா தொகுதியிலும் காங்கிரஸ் மூத்த தலைவர் சி.பி. ஜோஷி, நத்ட்வாரா தொகுதியிலும் போட்டியிடுகின்றனர்.

    இந்த தேர்தலில் 162 தொகுதிகளில் போட்டியிடும் வேட்பாளர்கள் பட்டியலை இருகட்டங்களாக  பா.ஜ.க. ஏற்கனவே வெளியிட்டுள்ளது.  #RajasthanAssemblyElections2018 #Congresslist
    Next Story
    ×