search icon
என் மலர்tooltip icon

    செய்திகள்

    பிசிசிஐ தலைமை செயல் அதிகாரி ராகுல் ஜோரி மீது பாலியல் குற்றச்சாட்டு - விளக்கம் அளிக்க நிர்வாக குழு உத்தரவு
    X

    பிசிசிஐ தலைமை செயல் அதிகாரி ராகுல் ஜோரி மீது பாலியல் குற்றச்சாட்டு - விளக்கம் அளிக்க நிர்வாக குழு உத்தரவு

    இந்திய கிரிக்கெட் கட்டுப்பாட்டு வாரியத்தின் தலைமை செயல் அதிகாரி ராகுல் ஜோரி மீது சுமத்தப்பட்டுள்ள பாலியல் குற்றச்சாட்டு தொடர்பாக அவர் ஒருவாரத்திற்குள் விளக்கம் அளிக்க வேண்டும் என பிசிசிஐ நிர்வாக குழு உத்தரவிட்டுள்ளது. #BCCI #RahulJohri
    புதுடெல்லி :

    வேலை பார்க்கும் இடங்களிலும் , பிற இடங்களிலும் ஆண்களால் தங்களுக்கு இழைக்கப்படும் பாலியல் தொல்லைகள் குறித்து சமீப காலமாக பெண்கள் தைரியமாக புகார் கூறி வருகின்றனர். சர்வதேச அளவில் ‘மிடூ’ என்ற பெயரில் சமூக வலைத்தளங்களிலும், ஊடகங்களிலும் கடந்த சில நாட்களாக இப்படிப்பட்ட புகார்கள் குவிந்து வருகின்றன.

    இதில் சினிமாத்துறையில் பணியாற்றும் ஏராளமான பெண்கள் ‘மிடூ’ என்ற பெயரில் தங்களுக்கு நேர்ந்த கொடுமைகளை விவரித்து வருகின்றனர். எனினும் அரசியல் துறையையும் இது விட்டு வைக்கவில்லை. அந்த வகையில் மத்திய வெளியுறவுத்துறை இணை மந்திரி எம்.ஜே.அக்பரும் இந்த குற்றச்சாட்டுக்கு ஆளாகி இருக்கிறார். இதனால் அவர் பதவி விலக வேண்டும் என எதிர்க்கட்சிகள் வலியுறுத்தி வருகின்றன.

    இந்நிலையில், இந்திய கிரிக்கெட் துறையிலும் முதல் மிடூ குற்றச்சாட்டு எழுந்து உள்ளது. தற்போது இந்திய கிரிக்கெட் கட்டுப்பாட்டு வாரிய (பிசிசிஐ) தலைமை செயல் அதிகாரி ராகுல் ஜோரி மீது இத்தகைய குற்றச்சாட்டுகள் வைக்கப்பட்டுள்ளது.

    ராகுல் ஜோரி பிசிசிஐ தலைமை செயல் அதிகாரியாக கடந்த 2016-ஏப்ரல் முதல் பணியாற்றி வருகிறார். அவர் மீது பத்திரிகையில் பணியாற்றும் பெண் ஒருவர் குற்றச்சாட்டை வைத்துள்ளார். அடையாளத்தை வெளிபடுத்தாத அந்த பெண், ராகுல் ஜோரியும், இவரும் வெவ்வேறு ஊடக நிறுவனங்களுக்கு வேலை செய்தபோது நிகழ்ந்த ஒரு சம்பவத்தைப் குறிபிட்டு உள்ளார்.  

    ராகுல் ஜோரி தன்னிடம் பாலியல் ரீதியாக தவறாக நடந்துகொண்டதாக அவர் குற்றம்சாட்டியுள்ளார். பிசிசிஐ நிர்வாகி மீது பாலியல் புகார் எழுந்ததுள்ள சம்பவம் இந்திய கிரிக்கெட் வட்டாரத்தில் பரபரப்பை ஏற்படுத்தியுள்ளது. இதற்கிடையே தன் மீதான குற்றச்சாட்டு குறித்து ஒருவாரத்திற்குள் விளக்கம் அளிக்க வேண்டும் என்று பிசிசிஐ நிர்வாக குழு ராகுல் ஜோரிக்கு உத்தரவிட்டுள்ளது. #BCCI #RahulJohri
    Next Story
    ×