என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
நொய்டாவில் கட்டிடம் இடிந்து விபத்து: 50-க்கும் மேற்பட்டவர்கள் இடிபாடுகளில் சிக்கியிருப்பதாக தகவல்
Byமாலை மலர்17 July 2018 8:44 PM GMT (Updated: 17 July 2018 8:44 PM GMT)
உ.பி மாநிலம் நொய்டாவில் இரண்டு கட்டிடங்கள் இடிந்து விபத்துக்குள்ளானதில் 50-க்கும் மேற்பட்டவர்கள் இடிபாடுகளில் சிக்கியிருக்கலாம் என அஞ்சப்படுகிறது.
லக்னோ :
உத்தரப்பிரதேசம் மாநிலம், நொய்டாவில் உள்ள ஷா பரி கிராமத்தில் புதிதாக கட்டப்பட்டு வரும் 6 மாடி கட்டிடம் திடீரென இடிந்து விழுந்ததில் அதன் அருகாமையில் இருந்த 4 மாடி கட்டிடமும் சேர்ந்து இடிந்து விழுந்து விபத்துக்குள்ளானது.
இதில், 4 மாடி கட்டிடத்தில் வசித்து வந்த 18 குடும்பங்களை சேர்ந்த சுமார் 50-க்கும் மேற்பட்டோர் இடிபாடுகளில் சிக்கியிருக்கலாம் என அஞ்சப்படுகிறது. எனினும், உயிரிழந்தவர்கள் மற்றும் படுகாயம் அடைந்தவர்களை பற்றிய தகவல்கள் வெளியாகவில்லை.
விபத்து குறித்த தகவல் அறிந்ததும் தேசிய பேரிடர் மீட்புக்குழுவினர் மற்றும் நூற்றுக்கும் மேற்பட்ட போலீசார் சம்பவ இடத்திற்கு விரைந்து மீட்பு பணிகளில் ஈடுபட்டு வருகின்றனர். மேலும், கட்டிட விபத்து ஏற்பட்டுள்ள பகுதிக்கு விரைந்து மீட்பு பணிகளை துரிதப்படுத்த கவுதம் புத் மாவட்ட நீதிபதி மற்றும் உ.பி. அம்மாநில உயர் அதிகாரிகளுக்கு முதல்-மந்திரி யோகி ஆதித்யநாத் அறிவுறுத்தியுள்ளார்.
இந்நிலையில், விபத்து ஏற்பட்ட பகுதியில் நேரில் சென்று பார்வையிட்ட மத்திய மந்திரி மகேஷ் சர்மா, தேசிய பேரிடர் மீட்புக்குழுவினர் மற்றும் மோப்ப நாய்களின் உதவியுடன் இடிபாடுகளில் உயிருடன் சிக்கியிருப்பவர்களை மீட்க்கும் நடவடிக்கைகள் நடைபெற்று வருவதாகவும், அருகாமையில் உள்ள மருத்துவமனைகள் அனைத்தும் தயார் நிலையில் இருப்பதாகவும் தெரிவித்தார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X