காதலிக்கும் பெண்ணுக்கு பிறந்தநாள் வாழ்த்து தெரிவிக்க டெல்லி பல்கலைகழக இணையதளத்தை முடக்கிய ஹேக்கர்

புதுடெல்லி:

ஜமியா மில்லியா இஸ்லாமியா பல்கலைகழகம் டெல்லியின் அமைந்துள்ளது. இந்த பல்கலைகழகம் 1920-ம் ஆண்டு இந்திய விடுதலைக்காக போராடிய முஸ்லீம் தலைவர்களால் தொடங்கப்பட்டது. கடந்த 1988-ம் ஆண்டு டிசம்பர் மாதம், இந்த பல்கலைகழகத்துக்கு மத்திய பல்கலைகழகம் அந்தஸ்து அளிக்கப்பட்டது.

இந்நிலையில், இந்த பல்கலைகழகத்தின் இணையதளமான jmi.ac.in-ஐ சிலர் இன்று முடக்கியுள்ளனர். இணையதளத்தை முடக்கிய அந்த நபர் பூஜா என்ற பெண்ணுக்கு பிறந்தநாள் வாழ்த்து கூறியுள்ளார். அந்த பெண்ணை காதலிப்பதாகவும் இணையதளத்தை முடக்கிய அந்த நபர் குறிப்பிட்டுள்ளார்.

இணையதளத்தை சரிசெய்யும் முயற்சியில் பல்கலைகழகம் ஈடுபட்டு வருகிறது. #JamiaMilliaIslamiaUniversity #officialwebsitehacked