மோடிக்கு மாற்றான தலைவர் ராகுல்காந்தி தான்: காங்கிரஸ் சொல்கிறது

புதுடெல்லி:

டெல்லியில் காங்கிரஸ் செய்தி தொடர்பாளர் ரந்தீப் சுர்ஜ்வாலா நேற்று நிருபர்களுக்கு பேட்டி அளித்தார். அப்போது அவர், ‘தற்போது 2 தலைவர்கள் இருக்கிறார்கள். ஒருவர் மாநில பிரச்சினைகளுக்கு முக்கியத்துவம் கொடுக்காமல் தனது ஆடைகளுக்கு முன்னுரிமை கொடுத்து தினமும் 6 முறை உடைகளை மாற்றும் மோடி. மற்றொருவர் எளிமையும், தெளிவும் கொண்ட காங்கிரஸ் தலைவர் ராகுல்காந்தி. மோடிக்கு மாற்றான தலைவர் ராகுல்காந்தி தான். அவரை அடுத்த பிரதமராக்க மக்கள் விரும்புகிறார்கள்’ என்று தெரிவித்தார்.



சிவசேனாவும், தெலுங்குதேசம் கட்சியும் ஆளும் பா.ஜ.க. மீது கடும் அதிருப்தியில் உள்ளதாக தெரிவித்த ரந்தீப் சுர்ஜ்வாலா, வரும் நாடாளுமன்ற தேர்தலில் ஆட்சி மாற்றத்தை கொண்டு வர எதிர்க்கட்சிகளை ஒருங்கிணைக்கும் முயற்சியில் காங்கிரஸ் ஈடுபட்டு வருவதாக தெரிவித்தார். #tamilnews