உள்ளாட்சி தேர்தலில் தமாகா-அதிமுக கூட்டணி அமோக வெற்றிபெறும்: ஜி.கே.வாசன் பேட்டி

மதுரை:

த.மா.கா. மாநில செயலாளர் சிலுவை இல்ல திருமண விழா மதுரையில் இன்று நடைபெற்றது. இதில் த.மா.கா. தலைவர் ஜி.கே.வாசன் கலந்து கொண்டு திருமணத்தை நடத்தி வைத்தார். பின்னர் அவர் நிருபர்களிடம் கூறியதாவது:-

மறைந்த முதல்- அமைச்சர் ஜெயலலிதா தீட்டிய திட்டங்களை முதல்- அமைச்ச எடப்பாடி பழனிசாமி சிறப்பாக செயல்படுத்தி வருகிறார். இந்த அரசுக்கு மேலும் வலுவூட்டும் வகையில் செயலாற்றுவோம்.

வருகிற உள்ளாட்சி தேர்தலில் த.மா.கா.- அ.தி.மு.க. கூட்டணி வெற்றி பெறும் வகையில் வியூகம் வகுத்து செயல்படுவோம்.

வருகிற 16-ந்தேதி சென்னையில் மாவட்ட செயலாளர்கள் மற்றும் நிர்வாகிகள் ஆலோசனை கூட்டம் நடைபெறுகிறது.

இந்த கூட்டத்தில் உள்ளாட்சி தேர்தலில் கூட்டணி கட்சிகளுடன் இணைந்து செயலாற்றுவது குறித்து வியூகம் வகுக்கப்படுகிறது. உள்ளாட்சி தேர்தலில் த.மா.கா-அ.தி.மு.க. கூட்டணி அமோக வெற்றி பெறும்.

இவ்வாறு அவர் கூறினார்.