search icon
என் மலர்tooltip icon

    செய்திகள்

    பிரபல டென்னிஸ் வீரர் விஜய் அமிர்தராஜ் தாயார் காலமானார்
    X

    பிரபல டென்னிஸ் வீரர் விஜய் அமிர்தராஜ் தாயார் காலமானார்

    பிரபல டென்னிஸ் வீரர் விஜய் அமிர்தராஜ் தாயாரும் பிரிட்டானியா அமிர்தராஜ் டென்னிஸ் கழகத்தின் நிறுவருமான மேகி அமிர்தராஜ்(92) சென்னையில் இன்று காலமானார். #VijayAmritraj #MaggieAmritraj #RIPMaggieAmritraj
    சென்னை:

    டென்னிஸ் விளையாட்டில் தனது அபார ஆட்டத்தின் மூலம் இந்தியாவுக்கு பல்வேறு சிறப்புகளை சேர்த்தவர்கள் ஆனந்த் அமிர்தராஜ், விஜய் அமிர்தராஜ், அசோக் அமிர்தராஜ் சகோதரர்கள்.

    1974 மற்றும் 1984-ம் ஆண்டில் டேவிஸ் கோப்பையை நாட்டுக்கு பெற்றுத்தந்த விஜய் அமிர்தராஜின் தாயார் மேகி அமிர்தராஜ், பிரிட்டானியா அமிர்தராஜ் டென்னிஸ் கழகம் என்ற அமைப்பை உருவாக்கி இந்திய டென்னிஸ் உலகிற்கு இளம் விளையாட்டு வீரர்களை அறிமுகப்படுத்தும் நற்பணிகளை செய்து வந்தார்.



    இந்த அமைப்பில் பயிற்சி பெற்று முன்னணி ஆட்டக்காரர்களாக திகழ்ந்தவர்களில் லியான்டர் பயஸ் மற்றும் சோம்தேவ் தேவ்வர்மன் ஆகியோர் உலக அரங்கில் பல்வேறு வெற்றிகளை குவித்தனர்.

    இந்நிலையில், சிலகாலமாக உடல்நலக்குறைவால் சிகிச்சை பெற்றுவந்த  மேகி அமிர்தராஜ்(92) சென்னையில் இன்று காலமானார். அவரது இறுதி அஞ்சலி பிரார்த்தனை கூட்டம் வரும் 23-ம் தேதி சென்னை நுங்கம்பாக்கத்தில் உள்ள செயிண்ட் தெரசா தேவாலயத்தில் நடைபெறும் என குடும்பத்தினர் தெரிவித்துள்ளனர். #VijayAmritraj #MaggieAmritraj  #RIPMaggieAmritraj  
    Next Story
    ×