சாப்டூர் அருகே 2 குழந்தைகளுடன் இளம்பெண் மாயம்

பேரையூர்:

மதுரை மாவட்டம், சாப்டூர் போலீஸ் சரகத்திற்குட்பட்ட குடிசேரி கிராமத்தை சேர்ந்தவர் செல்ல சாமி. இவரது மனைவி சித்ராதேவி (வயது 30). இவர்களுக்கு மர்வீன்குமார் (6), யுகேஷ் (2) என்ற 2 மகன்கள் உள்ளனர்.

கடந்த சில மாதங்களாக கணவன்-மனைவி இடையே அடிக்கடி குடும்ப பிரச்சினை ஏற்பட்டது. சம்பவத்தன்று இரவும் அவர்களுக்குள் தகராறு ஏற்பட்டது. இதன் காரணமாக செல்லசாமி வீட்டின் மாடிக்கு சென்று தூங்கி விட்டார்.

மறுநாள் காலையில் வீட்டுக்கு சென்று பார்த்த போது சித்ராதேவி, 2 மகன்கள் மாயமாகி இருந்தனர். இதனால் அதிர்ச்சி அடைந்த செல்லசாமி மனைவி, மகன்களை பல இடங்களில் தேடிப்பார்த்தார். ஆனால் பலன் இல்லை.

இதுகுறித்து சித்ரா தேவியின் சகோதரி ரதிதேவி சாப்டூர் போலீசில் புகார் செய்தார். போலீசார் வழக்குப்பதிவு செய்து 2 குழந்தைகளுடன் மாயமான இளம்பெண்ணை தேடி வருகின்றனர்.