சென்னையில் பெட்ரோல் விலை லிட்டருக்கு 14 காசுகள் குறைவு- டீசல் விலையும் குறைந்தது

சென்னை:

கடந்த மாதம் 17-ந்தேதி ஒரு லிட்டர் பெட்ரோல் ரூ.86.10-க்கும், டீசல் ரூ.80.04-க்கும் விற்பனை ஆனது. அதனைத்தொடர்ந்து பெட்ரோல்- டீசல் விலை கொஞ்சம் கொஞ்சமாக குறைந்து வருகிறது. சென்னையில் ஒரு லிட்டர் பெட்ரோல் நேற்று ரூ. 80.56-க்கும், டீசல் விலை ரூ. 76.43-க்கும் விற்பனை செய்யப்பட்டது.

இந்த நிலையில், நேற்றைய விலையில் இருந்து 14 காசுகள் குறைந்து பெட்ரோல் இன்று ஒரு லிட்டர் ரூ. 80.42-க்கு விற்பனை செய்யப்படுகிறது. டீசல் லிட்டருக்கு 13 காசுகள் குறைந்து ரூ.76.30-க்கு விற்பனையாகிறது.



தொடர்ந்து 27-வது நாளாக பெட்ரோல், டீசல் விலை குறைவை சந்தித்து வருகிறது. கடந்த 27 நாட்களில் பெட்ரோல் விலை ரூ. 5.68-ம், டீசல் விலை ரூ.3.74-ம் குறைந்துள்ளது.