மேட்டூர் அணைக்கு நீர்வரத்து சரிவு

மேட்டூர்:

காவிரி நீர்பிடிப்பு பகுதிகளில் கடந்த சில நாட்களாக மழை பெய்து வருவதால் மேட்டூர் அணைக்கு நீர்வரத்து படிப்படியாக அதிகரித்து வந்தது.

கடந்த 30-ந் தேதி 2 ஆயிரத்து 538 கன அடியாக இருந்த நீர்வரத்து 9-ந் தேதி 5 ஆயிரத்து 244 கன அடியாக அதிகரித்தது. நேற்று 6 ஆயிரத்து 38 கன அடி தண்ணீர் வந்த நிலையில் இன்று நீர்வரத்து சரிந்து 5 ஆயிரத்து 747 கன அடி தண்ணீர் வந்து கொண்டிருக்கிறது.

அணையில் இருந்து டெல்டா பாசனத்திற்காக காவிரி ஆற்றில் 5 ஆயிரம் கன அடி தண்ணீரும், கால்வாய் பாசனத்திற்கு 700 கன அடி தண்ணீரும் திறந்து விடப்பட்டுள்ளது.

அணைக்கு வரும் தண்ணீரும், அணையில் இருந்து திறந்து விடப்பட்ட தண்ணீரும் ஒரே அளவாக இருப்பதால் அணையின் நீர்மட்டம் அதே அளவில் நீடிக்கிறது. நேற்று 100.01 அடியாக இருந்த மேட்டூர் அணையின் நீர்மட்டம் இன்றும் 100 அடியாக நீடித்தது. #MetturDam