ஈரோட்டில் இன்று பெட்ரோல் விலை ரூ.2.63 குறைந்தது

ஈரோடு:

பெட்ரோல் மற்றும் டீசல் விலை ஈரோட்டில் தினமும் உயர்ந்து கொண்டே சென்றது.

இந்த நிலையில் வாகன ஓட்டிகளுக்கு லேசாக மகிழ்ச்சி அளிக்கும் வகையில் பெட்ரோல் மற்றும் டீசல் விலை குறைந்துள்ளது. உற்பத்தி விலையை குறைத்துள்ள மத்திய அரசு பெட்ரோல், டீசல் விலை லிட்டருக்கு 2.50 குறைக்கப்படுவதாக அறிவித்திருந்தது.

அதன்படி விலை குறைக்கப்பட்டது. இதே போல் ஈரோட்டிலும் பெட்ரோல்- டீசல் விலை குறைக்கப்பட்டுள்ளது.

ஈரோட்டில் ஒரு லிட்டர் பெட்ரோல் நேற்று ரூ.87.80-க்கு விற்கப்பட்டது. இன்று 2.63 குறைக்கப்பட்டு 85.17-க்கு விற்கப்பட்டது.

இதே போல் நேற்று ஒரு லிட்டர் டீசல் 80.26-க்கு விற்கப்பட்டது. இன்று 2.68 குறைக்கப்பட்டு 77.58-க்கு விற்பனை செய்யப்பட்டது.

தினமும் பெட்ரோல் மற்றும் டீசல் விலை 20 காசு 30 காசு என உயர்ந்து கொண்டே சென்ற நிலையில் தற்போது 2.60 குறைந்திருப்பது வாகன ஓட்டிகள் மனதில் கொஞ்சம் மகிழ்ச்சியை ஏற்படுத்தி உள்ளது.