search icon
என் மலர்tooltip icon

    செய்திகள்

    அதிமுக அரசு அணையும் தீபம் அல்ல- தம்பிதுரை
    X

    அதிமுக அரசு அணையும் தீபம் அல்ல- தம்பிதுரை

    அ.தி.மு.க. அணையும் விளக்கு அல்ல என்றும் எல்.இ.டி. விளக்கு போல் 5 வருட கியாரண்டியுடன் பிரகாசமாக எரியும் விளக்கு என்றும் தம்பிதுரை தெரிவித்துள்ளார். #ADMK #Thambidurai #DMK #MKStalin
    கரூர்:

    பாராளுமன்ற துணை சபாநாயகர் தம்பிதுரை, கரூர் பாராளுமன்ற தொகுதியில் பொதுமக்களை சந்தித்து குறைகளை கேட்டு மனுக்கள் பெற்று வருகிறார். இன்று அவர் வேலாயுதம்பாளையம் அருகே உள்ள காகித ஆலை பகுதியில் பொதுமக்களை சந்தித்து குறைகளை கேட்டறிந்தார்.

    அப்போது அவர் நிருபர்களிடம் கூறியதாவது:-

    ஜி.எஸ்.டி. வரி விதிப்புக்கு பிறகு ஒட்டுமொத்த நிதியும் மத்திய அரசின் கைக்குள் சென்று விட்டது. ஜி.எஸ்.டி. வரிக்கு அ.தி.மு.க. கடும் எதிர்ப்பு தெரிவித்தது.

    அதனால் வியாபாரிகள் மற்றும் ஏழை, நடுத்தர மக்கள் பெரிதும் பாதிக்கப்பட்டுள்ளனர். மேலும் பெட்ரோல்- டீசல் விலை உயர்வாலும் பாதிக்கப்பட்டுள்ளனர். பெட்ரோல்- டீசல் விலையை ரூ.10 வரை மத்திய அரசு குறைத்திருக்க வேண்டும்.


    அ.தி.மு.க.வை பார்த்து அணையும் விளக்கு என்று மு.க.ஸ்டாலின் விமர்சித்துள்ளார். அ.தி.மு.க. அணையும் விளக்கு அல்ல. எல்.இ.டி. விளக்கு போல் 5 வருட கியாரண்டியுடன் பிரகாசமாக எரியும் விளக்கு.

    வருகிற பாராளுமன்ற தேர்தலில் எத்தனை அணிகள் போட்டியிட்டாலும் அ.தி.மு.க.வுக்கு கவலையில்லை. 40 தொகுதிகளிலும் போட்டியிட்டு வெற்றி பெறுவோம்.

    இவ்வாறு அவர் கூறினார். #ADMK #Thambidurai #DMK #MKStalin
    Next Story
    ×