திமுகவை பற்றி பேச உங்களுக்குத்தான் தகுதி இல்லை- எடப்பாடி பழனிசாமி மீது உதயநிதி தாக்கு

சென்னை:

தி.மு.க காங்கிரஸ் கூட்டணியைக் கண்டித்து சேலத்தில் நடைபெற்ற கண்டன ஆர்ப்பாட்டத்தில் முதல்-அமைச்சர் எடப்பாடி பழனிசாமி கலந்து கொண்டார்.

அவர் பேசியபோது, ‘தி.மு.கவில் நடப்பது குடும்ப ஆட்சி, கருணாநிதிக்குப் பிறகு ஸ்டாலின், அவருக்குப் பிறகு உதயநிதி ஸ்டாலின் இப்போதே லைனுக்கு வந்துவிட்டார். ஆனால், அ.இ.அ.தி.மு.கவில் யார் வேண்டுமானாலும் சட்டமன்ற உறுப்பினராக, அமைச்சராக, எம்.பியாக ஆகலாம்.

முதல்-அமைச்சரின் இந்த பேச்சுக்கு உதயநிதி ஸ்டாலின் கடுமையாக விமர்சித்து தனது டுவிட்டர் பக்கத்தில் பதில் அளித்துள்ளார். அதில் அவர் கூறி இருப்பதாவது:-

வரிசையில்தான் நிற்கின்றேன். கலைஞரின் உயிரினும் மேலான இயக்கத்தின் கடைமட்ட தொண்டனுக்குப் பின்னால். தலைவனாய் அல்ல, அவனுக்கும் தொண்டனாய் சேவை ஆற்றவே.

சுயமரியாதை இழந்த அடிவருடிகளுக்கும், முதுகெலும்பில்லாத அடிமைகளுக்கும் எங்கள் இயக்கத்தைப் பற்றி பேச துளிகூடத் தகுதி இல்லை’’

இவ்வாறு அவர் கூறியுள்ளார்.  #ADMK #EdappadiPalaniswami #UdhayanidhiStalin #DMK