நாலுமாவடி இயேசு விடுவிக்கிறார் ஊழியங்கள் சார்பில் கேரளாவுக்கு ரூ. 20 லட்சம் நிவாரண பொருட்கள்

நாசரேத்:

கேரள மாநிலத்தில் சமீபத்தில் நடைபெற்ற கடும் வெள்ளப்பெருக்கில் ஏராளமானவர்கள் பாதிக்கப்பட்டனர். இந்நிலையில் கடுமையாக பாதிக்கப்பட்ட பெரியார் தாலுகா செண்ட மங்கலம் கிராமத்தில் 700 குடும்பத்திலுள்ள 2 ஆயிரத்து 500 பேருக்கு ரூ. 20 லட்சம் மதிப்பிலான 5 கிலோ அரிசி பைகள், மசாலாப் பொருள்கள், சீனி, பிஸ்கட், மாணவ -மாணவிகளுக்கான பேக்குகள், டிசர்ட், நைட்டி உள்ளிட்ட நிவாரணப் பொருள்களை தூத்துக்குடி மாவட்டம் நாலுமாவடி இயேசு விடுவிக்கிறார் ஊழியத்தின் சார்பில் அதன் ஊழியர்கள், அதனுடன் இணைந்து செயல்படும் புது வாழ்வுச் சங்க உறுப்பினர்கள் மூலமாக 3-ம் கட்டமாக வழங்கப்பட்டது.

ஏற்பாடுகளை இயேசுவிடுவிக்கிறார் ஊழிய நிறுவன பொதுமேலாளர் செல்வகுமார் தலைமையில் புது வாழ்வுசங்கத்தினர் செய்திருந்தனர். #keralarain