என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
ஏற்காடு பகுதியில் சாரல் மழை
ஏற்காடு:
ஏற்காடு மற்றும் அதன் சுற்று வட்டார பகுதிகளில் சில தினங்களாக நல்ல மழை பெய்து வருவதால் கடுமையான குளிர் வாட்டி வதைக்கிறது.
இரவு நேரங்களில் கன மழையும், பகல் நேரங்களில் சாரல் மழையும் பெய்துவருவதால் கடுமையான குளிர் வாட்டி வதைக்கிறது. மாலை 6 மணிக்கு மேல் வீட்டை விட்டு வெளியே வரமுடிபியாத அளவிற்கு குளிர் நிலவுகிறது. இதனால் மக்களின் இயல்பு வாழ்க்கை பாதிக்கப்பட்டுள்ளது.
ஏற்காட்டின் முக்கிய விவசாயமான காபி தொழில் இந்த மழையால் கடுமையாக பாதிக்கப்பட்டுள்ளது. குறிப்பாக ஆகஸ்ட் செப்டம்பர் மாதங்களில் காபி செடிகளுக்கு மருந்து அடிப்பது வழக்கம், அப்படி அடிக்கப்பட்ட மருந்துகள் மழை வராமல் இருந்தால் தான் மண்ணில் இறங்கி காபி செடிகளுக்கு ஏறும்.
தொடர்ந்து மழை பெய்து வருவதால் மருந்து மண்ணில் நிற்பதில்லை. இதனால் காபி செடிகளுக்கு மருந்து ஏறாத நிலை உள்ளது. மேலும் அதிகமாக மழை பெய்வதால் காபி செடிகளில் ஒருவிதமான ஒட்டுண்ணிகள் வளர ஆரம்பித்து காபியின் மகசூல் குறைய வாய்ப்புள்ளது.
இதற்கிடையே இன்று காலை முதல் சாரல் மழை பெய்து வருவதால் பள்ளி கல்லூரி செல்லும் குழந்தைகள் பெரிதும் சிரமத்திற்குள்ளானார். பனி மூட்டம் நிலவுவதால் வாகனங்கள் முகப்பு விளக்குகளை எரிய விட்டபடி மெதுவாக செல்கின்றன.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்