search icon
என் மலர்tooltip icon

    செய்திகள்

    காவேரி மருத்துவமனைக்கு கனிமொழி மீண்டும் வருகை
    X

    காவேரி மருத்துவமனைக்கு கனிமொழி மீண்டும் வருகை

    திமுக தலைவர் கருணாநிதியின் உடல்நிலை பின்னடவை சந்தித்துள்ள நிலையில், மருத்துவமனையில் இருந்து புறப்பட்டு சென்ற கனிமொழி மீண்டும் காவேரி மருத்துவமனைக்கு வருகை தந்துள்ளார்.#Karunanidhi #KauveryHosipital #DMK #GetWellKarunanidhi
    சென்னை :

    திமுக தலைவர் கருணாநிதி வயது மூப்பு சார்ந்த பிரச்சனைகள் காரணமாக கடந்த 10 நாட்களாக ஆழ்வார்பேட்டையில் உள்ள காவேரி மருத்துவமனையில் அனுமதிக்கப்பட்டுள்ளார். சில நாட்களாக முன்னேறி வந்த அவரது உடல்நிலையில் இன்று சற்று பின்னடைவு ஏற்பட்டுள்ளது.  

    இதனால், திமுக தொண்டர்கள் மருத்துவமனை வளாகத்தில் குவிந்துள்ளனர்.

    திமுக செயல்தலைவர் ஸ்டாலின், கனிமொழி உள்பட அனைத்து திமுக எம்.எல்.ஏ.க்களும் 10 மணியளவில், மருத்துவமனையில் இருந்து புறப்பட்டுச் சென்றனர். திமுகவின் முக்கிய நிர்வாகிகளும் புறப்பட்டுச் சென்றனர்.

    இந்நிலையில், புறப்பட்டு சென்ற சில மணி நேரங்களிலேயே கருணாநிதியின் மகளும் மாநிலங்களவை உறுப்பினருமான கனிமொழி மீண்டும் மருத்துவமனைக்கு  வந்துள்ளார். அவருடன், திமுக சட்டமன்ற உறுப்பினர் பொன்முடியும் மருத்துவமனைக்கு வருகை தந்துள்ளார்.

    இதற்கிடையே, மயிலாப்பூர் துணை ஆணையர் அலுவலகத்தில், மாநகர போலீஸ் கமிஷ்னர் விஸ்வநாதன் தலைமையில் ஆலோசனை கூட்டம் நடந்து வருகிறது. போக்குவரத்து மற்றும் பாதுகாப்பு பணிகள் தொடர்பாக ஆலோசனை நடந்து வருவதாக தகவல்கள் தெரிவிக்கின்றன. #Karunanidhi #KauveryHosipital #DMK #GetWellKarunanidhi
    Next Story
    ×