கோவில்பட்டி:
கோவில்பட்டி அருகே உள்ள கடம்பூரில் அமைச்சர் கடம்பூர் ராஜூ நிருபர்களிடம் கூறியதாவது:-
நீட் தேர்வு தவறான கேள்விகளுக்கு மதிப்பெண் அளிக்க உச்சநீதிமன்றம் தடை விதித்திருப்பது குறித்து அரசு வக்கீல்களுடன் ஆலோசனை நடத்தி முதல்வர் நடவடிக்கை எடுப்பார்.
விரைவில் நடைபெறவுள்ள திரைப்பட தயாரிப்பாளர்கள், விநியோகஸ்தர்கள், திரையரங்கு உரிமையாளர் சங்கங்களை இணைத்து நடத்தும் 2-வது கூட்டத்தில் தமிழகத்தில் உள்ள திரையரங்குகளில் ஸ்நாக்ஸ் மற்றும் பார்க்கிங் கட்டணத்தினை குறைக்க நடவடிக்கை எடுக்கப்படும்.
மத்திய அரசு மீதான நம்பிக்கை இல்லாத வாக்கெடுப்பு கொண்டு வந்தது 4 ஆண்டுகாலம் பா.ஜ.கவுடன் கூட்டணியில் இருந்த ஆந்திரா அரசு தான். சிறப்பு அந்தஸ்து வேண்டும் என்று தங்களின் மாநிலம் சார்ந்த கோரிக்கையை முன் வைத்து கொண்டு வந்ததை ஆதரிக்க முடியாது. அவர்கள் இந்தியாவிற்கான பிரச்சனையை முன் வைத்து கொண்டு வரவில்லை.
இவ்வாறு அவர் கூறினார். #TNMinister #KadamburRaju #Theaters
