சென்னை வந்த லண்டன் விமானம் 6 மணி நேரம் தாமதம்- பயணிகள் தவிப்பு

ஆலந்தூர்:

லண்டனில் இருந்து அதிகாலை 3.30 மணிக்கு சென்னை வரும் பயணிகள் விமானம் மீண்டும் காலை 5.30 மணிக்கு புறப்பட்டு செல்லும். ஆனால் லண்டனில் இருந்து வர வேண்டிய விமானம் குறிப்பிட்ட நேரத்துக்கு சென்னைக்கு வரவில்லை. காலதாமதமாக விமானம் வரும் என அறிவிக்கப்பட்டது.

இதனால் விமான நிலையத்திலேயே பயணிகள் காத்திருக்க வேண்டிய நிலை ஏற்பட்டது. இதற்கிடையே அந்த விமானம் காலை 9.45 மணிக்கு வந்து 11.30 மணிக்கு புறப்பட்டு சென்றது. இதனால் லண்டன் செல்லும் பயணிகள் சென்னை விமான நிலையத்தில் 6 மணி நேரம் தவித்தனர். #ChennaiAirport