கிரான்ட் டிரங்க் எக்ஸ்பிரஸ் ரெயில் சேவையில் மாற்றம் - தெற்கு ரெயில்வே அறிவிப்பு

சென்னை:

சென்னை சென்டிரல்- டெல்லி ஷாராய் ரோஹில்லா- சென்னை சென்டிரல் (வ.எண்.12615, 12616) செல்லும் ‘கிரான்ட் டிரங்க்’ எக்ஸ்பிரஸ் ரெயில் சென்னை சென்டிரல்-டெல்லி சாராய் ரோஹில்லா இடையே ரெயில் சேவை வழங்கி வந்தது. இந்த நிலையில் ‘கிரான்ட் டிரங்க்’ எக்ஸ்பிரஸ் ரெயிலின் சேவையில் சிறிது மாற்றம் செய்யப்பட்டுள்ளது.

அதன்படி, சென்னை சென்டிரல்-புதுடெல்லி வரை தான் இந்த எக்ஸ்பிரஸ் ரெயில் செல்லும். வருகிற 21-ந் தேதியில் இருந்து சென்னை சென்டிரல்-புதுடெல்லி கிரான்ட் டிரங்க் எக்ஸ்பிரஸ் ரெயிலிலும்(12615), வருகிற 23-ந் தேதியில் இருந்து புதுடெல்லி- சென்னை சென்டிரல் கிரான்ட் டிரங்க் எக்ஸ்பிரஸ் ரெயிலிலும்(12616) இந்த சேவை மாற்றம் அமலுக்கு வருகிறது.

மேற்கண்ட தகவல் தெற்கு ரெயில்வே வெளியிட்டுள்ள செய்திக்குறிப்பில் தெரிவிக்கப்பட்டுள்ளது.