சென்னை:
டைரக்டர் பாரதிராஜா வெளியிட்டுள்ள அறிக்கையில் கூறியிருப்பதாவது:-
தமிழகத்தில் ஆறுமுறை முதல்வராயிருந்த திராவிட இயக்கத்தின் சுயமரியாதை தலைவர், பெரியவர் கலைஞரின் குடும்பத்தை இழி சொல்லால் இழிவு படுத்துவது கண்டிக்கத்தக்கது.
தலைவர், கலைஞரின் கைபிடித்த ராசாத்தி அம்மாளின் மகள் கனிமொழி தவறான உறவில் பிறந்தவரா?
சமீபத்தில் தமிழ்நாட்டில் ஏற்பட்டுள்ள பெரிய பிரச்சினையை திசை திருப்ப, நடத்தும் இந்த நாடகத்தை எம் தமிழ் மக்கள் நன்கு அறிவார்கள். யாரையோ காப்பாற்ற, யாரையோ பலியிடும் இந்த பிரச்சினையை சற்று உற்று நோக்குங்கள்.
ஆளும் அரசியல்வாதிகள் நாகரீகம் மறந்து இப்படி அநாகரீகமாக பேசி தமிழ் நாட்டை ஒரு போர்க்களமாக மாற்ற நினைக்கிறார்கள்.விழித்திக்கொள்! தமிழா, விழித்திக்கொள்! சொரணை கெட்டவர்கள் அல்ல தமிழர்கள். என்றும் துணிந்து நிற்போம்.
தாய்மார்களே தமிழகம் உங்கள் கையில், ஒன்றுபடுங்கள்! உரத்த குரல் கொடுங்கள்!
இவ்வாறு அவர் கூறியுள்ளார். #tamilnews
