search icon
என் மலர்tooltip icon

    செய்திகள்

    காவிரி மேலாண்மை வாரியம் அமைக்க கோரி கிறிஸ்தவ அமைப்புகள்- விவசாயிகள் ஆர்ப்பாட்டம்
    X

    காவிரி மேலாண்மை வாரியம் அமைக்க கோரி கிறிஸ்தவ அமைப்புகள்- விவசாயிகள் ஆர்ப்பாட்டம்

    கீரனூர் காந்தி சிலை அருகே காவிரி மேலாண்மை வாரியம் அமைக்க காலம் தாழ்த்தி வரும் மத்திய அரசை கண்டித்து கிறிஸ்தவர்கள், விவசாயிகள் கண்டன ஆர்ப்பாட்டம் நடத்தினர்.
    கீரனூர்:

    கீரனூர் காந்தி சிலை அருகே காவிரி மேலாண்மை வாரியம் அமைக்ககாலம் தாழ்த்தி வரும் மத்திய அரசை கண்டித்து திருச்சி மறை மாவட்டம் மற்றும் கீரனூர் மறை மாவட்டம் கிறிஸ்தவர்கள், விவசாய சங்கத்தினர் இணைந்து கண்டன ஆர்ப்பாட்டத்தில் ஈடுபட்டனர்.

    திருச்சி மறைமாவட்ட பொறுப்பாளர் ஜுலி தலைமை தாங்கினார்.  தலைவர் யூஜின், கீரனூர் பங்கு தந்தை எட்வர்டுராஜா மற்றும் 13 பாதிரியார்கள், கன்னியாஸ்திரிகள், தமிழ் மாநில காங்கிரஸ் மாநில இணைசெயலாளர் ஆனந்த் மாணிக்கம், விவசாய சங்க மாவட்ட தலைவர் ரவி, செய லாளர் நடராஜன், நகர தலைவர் கோவிந்தராஜ் ஆகியோர் கலந்து கொண்டு பேசினர்.

    இந்த ஆர்ப்பாட்டத்தில் தமிழ், தமிழகத்தை வஞ்சிக்காதே, காவிரி மேலாண்மை வாரியத்தை உடனடியாக அமைக்க வேண்டும் என்பது உள்ளிட்ட கோஷங்களை எழுப்பினர். இறுதியில் கோரிக்கைகள் குறித்து தீர்மானங்கள் நிறைவேற்றப்பட்டன.

    கீரனூர் காவல் துறை கண்காணிப்பாளர் சார்லஸ் தலைமையில் போலீசார் பாதுகாப்பு பணிகளை செய்திருந்தனர்.
    Next Story
    ×