சென்னை:
மக்கள் நீதி மய்யத்தின் தலைவர் கமல்ஹாசன் திருச்சியில் கடந்த சில நாட்களுக்கு முன்பு பொதுக்கூட்டம் ஒன்றை நடத்தினார். இதில் ஏராளமான கட்சி தொண்டர்கள் கலந்து கொண்டனர்.
இந்த கூட்டம் குறித்து கருத்து தெரிவித்த அமைச்சர் செல்லூர் ராஜூ எருமை மாட்டுடன் ஒப்பிட்டு கிண்டல் செய்திருந்தார். இது தொடர்பபக அவர் கூறியிருப்பதாவது:-
வைகை ஆற்றில் எருமை மாட்டை கழுவினால் கூட கூட்டம் கூடும். நடிகர் ஒருவரின் பொதுக் கூட்டத்துக்கு கூட்டம் கூடியதில் வியப்பு ஏதும் இல்லை. கமல்ஹாசன் போன்ற நடிகர்கள் நாடாள முடியாது. தமிழக மக்கள் ஒன்றும் ஏமாளிகள் அல்ல.
இவ்வாறு அவர் கூறி இருந்தார்.
கமல் பற்றிய செல்லூர் ராஜூவின் இந்த கருத்துக்கு மக்கள் நீதி மய்யம் கட்சியின் உயர்மட்ட குழு உறுப்பினரான ஸ்ரீபிரியா பதிலடி கொடுத்துள்ளார். இது தொடர்பாக அவர் வெளியிட்டுள்ள டுவிட்டர் பதிவில் கூறியிருப்பதாவது:-
மாண்புமிகு ராஜூ அவர்கள் கட்சிக்காரர்களை தண்ணீர் இல்லாத காவிரியில் குளிப்பாட்டி பார்க்கட்டும் கூட்டம் வரும். அய்யாவுக்கு தெரிஞ்சாலும் தெரியும்.
இவ்வாறு ஸ்ரீபிரியா குறிப்பிட்டுள்ளார்.
அமைச்சர் செல்லூர் ராஜூ - ஸ்ரீபிரியா ஆகியோருக்கிடையேயான இந்த மோதல் அ.தி.மு.க., மக்கள் நீதி மய்யம் கட்சியினர் மத்தியில் சலசலப்பை ஏற்படுத்தி உள்ளது. #SriPriya #MinisterSellurRaju
