search icon
என் மலர்tooltip icon

    லைஃப்ஸ்டைல்

    சூப்பரான உருளைக்கிழங்கு மிளகு ரோஸ்ட்
    X

    சூப்பரான உருளைக்கிழங்கு மிளகு ரோஸ்ட்

    பலரும் விரும்பி சாப்பிடும் உருளைக்கிழங்கை கொண்டு, அற்புதமான சுவையில் உருளைக்கிழங்கு மிளகு ரோஸ்ட் செய்து, சாம்பார் சாதத்துடன் சாப்பிட்டால் சுவையாக இருக்கும்.
    தேவையான பொருட்கள் :

    உருளைக்கிழங்கு - 250 கிராம்
    இஞ்சி பூண்டு பேஸ்ட் - 3 டேபிள் ஸ்பூன்
    எண்ணெய் - 5 டேபிள் ஸ்பூன்
    கடுகு - 1 டீஸ்பூன்
    மிளகு தூள் - 1 டீஸ்பூன்
    சீரகம் - 1 டீஸ்பூன்
    கறிவேப்பிலை - சிறிது
    உப்பு - தேவையான அளவு



    செய்முறை:


    முதலில் உருளைக்கிழங்கை குக்கரில் போட்டு, தண்ணீர் ஊற்றி, 2 விசில் விட்டு இறக்கிக் கொள்ளவும்.

    உருளைக்கிழங்கு வெந்ததும் தோலை நீக்கி விட்டு துண்டுகளாக வெட்டிக்கொள்ளவும்.

    பின்னர் ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், கடுகு, சீரகம், கறிவேப்பிலை சேர்த்து தாளிக்கவும்.

    பிறகு அதில் இஞ்சி பூண்டு பேஸ்ட் சேர்த்து நன்கு வதக்கி, உருளைக்கிழங்கைச் சேர்த்து நன்கு பிரட்டி விடவும்.

    அடுத்து அதில் உப்பு சேர்த்து, தீயை குறைத்து பொன்னிறமாகும் வரை கிளறவும்.

    கடைசியாக மிளகுத் தூளைத் தூவி பிரட்டி இறக்கினால், உருளைக்கிழங்கு மிளகு ரோஸ்ட் ரெடி!!!

    இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    Next Story
    ×