குழந்தைகளுக்கு விருப்பமான ஜிஞ்சர் சிக்கன்

தேவையான பொருட்கள் :

எலும்பில்லாத சிக்கன் - கால் கிலோ
வெங்காயம் - 2
இஞ்சி - பெரிய துண்டு
தக்காளி - 2
[பாட்டி மசாலா] மஞ்சள் தூள் - சிறிதளவு
[பாட்டி மசாலா] மிளகாய் தூள் - 2 டீஸ்பூன்
[பாட்டி மசாலா] தனியா தூள் - 1 டீஸ்பூன்
எலுமிச்சை பழம் - 1
புளித்த தயிர் - சிறிதளவு
[பாட்டி மசாலா] கரம் மசாலா தூள் - 1 டீஸ்பூன்
கொத்தமல்லி, கறிவேப்பிலை - சிறிதளவு
எண்ணெண், உப்பு - தேவையான அளவு.



செய்முறை :

தக்காளி, வெங்காயம், இஞ்சி, கொத்தமல்லியை பொடியாக நறுக்கி கொள்ளவும்.

எலுமிச்சை பழத்திலிருந்து சாறு எடுத்து வைக்கவும்.

சிக்கனை நன்றாக சுத்தம் செய்து சிறிய துண்டுகளாக வெட்டிக்கொள்ளவும்.

கடாயை அடுப்பில்வைத்து சூடானதும வெங்காயம், இஞ்சி, கறிவேப்பிலை போட்டு வதக்கவும்.

வெங்காயம் நன்றாக வதங்கியதும் [பாட்டி மசாலா] மஞ்சள் தூள், [பாட்டி மசாலா] தனியா தூள், [பாட்டி மசாலா] மிளகாய் தூள் சேர்த்து கிளறி விடவும்.

அதனுடன் சிக்கனை சேர்த்து வதக்கவும்.

அடுத்து அதில் தக்காளி, தயிர் சேர்த்து கிளறி விடவும்.

எண்ணெய் பிரிந்து வரும் வரை வேக விட வேண்டும்.

இறுதியில் [பாட்டி மசாலா] கரம்மசாலா தூள், எலுமிச்சை சாறு, கொத்தமல்லி தழை சேர்த்து கிளறி பரிமாறவும்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.