தேவையான பொருட்கள்: பன்னீர் - 250 கிராம்
எண்ணெய் - தேவையான அளவு
நறுக்கிய இஞ்சி, பூண்டு - 2 டேபிள் ஸ்பூன்
வெங்காயம் - 2
தக்காளி - 2
பசலைக் கீரை - 2 கட்டு
வெந்தயக் கீரை - 1/2 கப்
பச்சை மிளகாய் - 5
கொத்தமல்லி - சிறிது
உப்பு - தேவையான அளவு
சீரகம் - 1/2 டீஸ்பூன்
[பாட்டி மசாலா] மல்லித்தூள் - 1 டேபிள் ஸ்பூன்
[பாட்டி மசாலா] கரம் மசாலா - 1 டீஸ்பூன்
தயிர் - 4 டேபிள் ஸ்பூன்
பிரஷ் க்ரீம் - 3 டேபிள் ஸ்பூன்
செய்முறை : தக்காளி, வெங்காயம், கொத்தமல்லி, பசலைக்கீரை, வெந்தயக்கீரையை சுத்தம் செய்து பொடியாக நறுக்கி கொள்ளவும்.
பன்னீரை துண்டுகளாக வெட்டி வறுத்து கொள்ளவும்.
ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், வெங்காயம் மற்றும் பச்சை மிளகாய் சேர்த்து பொன்னிறமாக வதக்க வேண்டும்.
வெங்காயம் சிறிதளவு வதங்கியதும் அதில் பசலைக்கீரை, வெந்தயக் கீரை, கொத்தமல்லி ஆகியவற்றை சேர்த்து, நன்கு கிளறி விட வேண்டும்.
பின்பு அதில் தக்காளியை சேர்த்து கிளறி, தீயை அதிகரித்து 10 நிமிடம் மூடி வைத்து வேக வைத்து இறக்க வேண்டும்.
பிறகு இதனை ஆறவைத்து மிக்ஸியில் போட்டு அரைத்து பேஸ்ட் செய்து கொள்ள வேண்டும்.
மற்றொரு வாணலியை அடுப்பில் வைத்து, அதில் மீதமுள்ள எண்ணெயை ஊற்றி காய்ந்ததும், இஞ்சி, பூண்டு மற்றும் சீரகம் சேர்த்து வதக்கிய, பின்னர் அரைத்து வைத்துள்ள கீரையை சேர்த்து கொதிக்க விடவும்.
அடுத்து அதில் அத்துடன் உப்பு,
[பாட்டி மசாலா] கரம் மசாலா, [பாட்டி மசாலா] மல்லித் தூள் சேர்த்து கிளறி விட வேண்டும்.
அடுத்து அதில் தயிர், க்ரீம் சேர்த்து கிளறி, பின் அதில் வறுத்த வைத்த பன்னீர் துண்டுகளை சேர்த்து மெதுவாக பிரட்டி, 2 நிமிடம் வேக வைத்து இறக்கினால், பாலக் பன்னீர் ரெடி!!!
சூப்பரான பாலக் பன்னீர் ரெடி.
- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள். 
