சூப்பரான முட்டை - பிரட் உப்புமா

தேவையான பொருட்கள் :

பிரட் துண்டுகள் - 5
முட்டை - 3
வெங்காயம் - 2
கடுகு - சிறிதளவு
உளுந்தம் பருப்பு - சிறிதளவு
கொத்தமல்லி - சிறிதளவு
கறிவேப்பிலை - சிறிதளவு
[பாட்டி மசாலா] மஞ்சள் தூள் - கால் தேக்கரண்டி
ப.மிளகாய் - 3
உப்பு, எண்ணெய் - தேவையான அளவு



செய்முறை :

வெங்காயம், கொத்தமல்லி, ப.மிளகாயை பொடியாக நறுக்கி கொள்ளவும்.

பிரட்டை உதிரியாக உதிர்த்து கொள்ளவும்.

முட்டையில் சிறிது உப்பு சேர்த்து நன்றாக கலந்து கொள்ளவும்.

கடாயில் எண்ணெய் ஊற்றி சூடானதும் கடுகு, உளுந்தம் பருப்பு போட்டு தாளித்த பின்னர் வெங்காயம், ப.மிளகாய்,

[பாட்டி மசாலா] மஞ்சள் தூள், உப்பு சேர்த்து நன்றாக வதக்க வேண்டும்.

அடுத்து அதனுடன் அடித்து வைத்துள்ள முட்டையை சேர்த்து உதிரியாக வரும் வரை வதக்க வேண்டும்.

முட்டை நன்றாக உதிரியாக வந்தவுடன் அதில் பொடித்து வைத்துள்ள பிரட்டை போட்டு மிதமான தீயில் வதக்க வேண்டும்.

எல்லாம் சேர்ந்து வந்தவுடன் அதில் கொத்தமல்லிதழை சேர்த்து இறக்கி பரிமாறவும்.

சூப்பரான முட்டை - பிரட் உப்புமா ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.