ராஜகோபால சுவாமி கோவில் தெப்பத்திருவிழா

பாளையங்கோட்டை ராஜகோபால சுவாமி கோவிலில் மாசி திருவிழா கடந்த 27-ந் தேதி கொடியேற்றத்துடன் தொடங்கியது. தினமும் பல்வேறு பூஜைகள் மற்றும் சுவாமி வீதி உலா நடைபெற்றது. விழாவின் சிறப்பு நிகழ்ச்சியான தெப்பத்திருவிழா நேற்று நடைபெற்றது.

இதையொட்டி ருக்மணி சத்யபாமா, ராஜகோபாலருக்கு சிறப்பு அபிஷேகம், அலங்கார தீபாராதனை நடந்தது. ராஜகோபால சுவாமி கோவிலில் தெப்பம் இல்லாததால் பாளையங்கோட்டை ராமசாமி கோவிலில் உள்ள தெப்பத்தில் நேற்று இரவு 7 மணிக்கு தெப்பதிருவிழா நடந்தது. இந்த நிகழ்ச்சியில் திரளான பக்தர்கள் கலந்து கொண்டனர்.