search icon
என் மலர்tooltip icon

    ஆன்மிகம்

    அற்புத குழந்தை இயேசு ஆலய திருவிழா இன்று தொடங்குகிறது
    X

    அற்புத குழந்தை இயேசு ஆலய திருவிழா இன்று தொடங்குகிறது

    நாகர்கோவில், பொன்னப்பநாடார் காலனி அற்புத குழந்தை இயேசு ஆலய திருவிழா இன்று (புதன்கிழமை) தொடங்கி வருகிற 14-ந் தேதி வரை நடக்கிறது.
    நாகர்கோவில், பொன்னப்பநாடார் காலனியில் அற்புத குழந்தை இயேசு ஆலயம் உள்ளது. இந்த ஆலய திருவிழா இன்று (புதன்கிழமை) தொடங்கி வருகிற 14-ந் தேதி வரை நடக்கிறது. இன்று மாலை 6 மணிக்கு செபமாலை, கொடியேற்றம், திருப்பலி, மறையுரை போன்றவை நடைபெறும். நிகழ்ச்சியில் கோட்டார் முன்னாள் ஆயர் பீட்டர் ரெமிஜியூஸ் தலைமை தாங்குகிறார். நாளை (வியாழக்கிழமை) முதல் 12-ந் தேதி வரை மாலையில் செபமாலை, திருப்பலி, மறையுரை போன்றவை நடைபெறும்.

    வருகிற 13-ந் தேதி காலை 6.30 மணிக்கு மறைமாவட்ட முதன்மை அருட்பணியாளர் ஹில்லாரியுஸ் தலைமையில் திருப்பலி நடக்கிறது. மறைமாவட்ட பொருளாளர் அருட்பணியாளர் அலோசிஸ் பென்சிகர் மறையுரை நிகழ்த்துகிறார். மாலை 6 மணிக்கு மறைக்கல்வி மன்ற ஆண்டு விழா, கலை நிகழ்ச்சிகள் நடைபெறும். விழாவின் இறுதி நாளான 14-ந் தேதி மாலை 5.30 மணிக்கு செபமாலை, திருவிழா திருப்பலி ஆகியவை நடக்கிறது. கோட்டார் வட்டார முதன்மை பணியாளர் மைக்கல் ஏஞ்சலஸ் தலைமை தாங்குகிறார். அருட்பணியாளர் ஜோசப் ஜெய்ல்சிங் மறையுரையாற்றுகிறார். தொடர்ந்து அன்பின் விருந்து நடைபெறும்.

    இதற்கான ஏற்பாடுகளை பங்குதந்தை ஜான் பெல்லார்மின் தலைமையில் பங்கு அருட்பணி பேரவையினர், பங்கு மக்கள் செய்துள்ளனர்.
    Next Story
    ×