காட்கோபர் காமராஜ் நகரில் புனித அந்தோணியார் ஆலய திருவிழா இன்று கொடியேற்றம்

மும்பை காட்கோபர் கிழக்கு காமராஜ் நகரில் உள்ள புனித அந்தோணியார் ஆலயத்தின் 27-ம் ஆண்டு திருவிழா இன்று (வியாழக்கிழமை) மாலை 6.15 மணிக்கு கொடியேற்றத்துடன் தொடங்குகிறது.

அருட்தந்தைகள் லியோன் மாஸ்கரேன்ஹஸ், ஏசுராஜ் ஆகியோர் திருவிழா கொடியேற்றி வைத்து திருப்பலி நிறைவேற்றுகிறார்கள். தொடர்ந்து திருவிழா வருகிற 26-ந் தேதி வரை 10 நாட்கள் நடக்கிறது. இதில் 20-ந் தேதி புனித செபஸ்தியார் திருவிழா நடக்கிறது. 24-ந் தேதி காலை 9.30 மணி முதல் மாலை 3 மணி வரை தியானம் நடக்கிறது. 26-ந் தேதி காலை 10.30 மணிக்கு திருவிழா திருப்பலி நிறைவேற்றப்படுகிறது.

மதியம் 1 மணிக்கு சமபந்தி விருந்து நடக்கிறது. மாலை 6.30 மணிக்கு புனித அந்தோணியாரின் தேர்பவனி நடக்கிறது. 24-ந் தேதி தவிர விழாவின் மற்ற அனைத்து நாட்களிலும் மாலை 6.45 மணிக்கு ஜெபமாலையும், பின்னர் திருப்பலியும் நிறைவேற்றப்படும்.