iFLICKS தொடர்புக்கு: 8754422764
இன்றைய ராசி கன்னி
கன்னி

இன்றைய ராசி பலன்கள்

மாலைநேரம் மனக்குழப்பம் அதிகரிக்கும் நாள். விரயங்கள் உண்டு. வீடுமாற்றச் சிந்தனை மேலோங்கும். உடன்பிறப்புகளின் பகை அதிகரிக்கும். அலுவலகப் பணிகளில் தாமதம் ஏற்படும்.

வார பலன்கள்

30-10-2020 முதல் 5-11-2020 வரை

இடையூறுகளை பொருட்படுத்தாமல், உங்கள் வழக்கமான பணிகளைச் செய்யுங்கள். உத்தியோகத்தில் உள்ளவர்களுக்கு இடமாற்றம், பதவி உயர்வு கிடைப்பதில் தாமதம் ஏற்படும். தொழில் செய்பவர்களின் வியாபாரம் நல்லபடியாக நடைபெறும். குடும்பத்தில் மகன் அல்லது மகளால் மனமகிழ்ச்சி ஏற்படும். இந்த வாரம் வெள்ளிக்கிழமை துர்க்கைக்கு தீபமேற்றி வழிபட்டு வாருங்கள்.

தமிழ் மாத ஜோதிடம்

அக்டோபர் 17-ம் தேதியில் இருந்து நவம்பர் 16-ம் தேதி வரை

சார்வரி வருடம் ஐப்பசி மாதக் கிரக நிலைகளை ஆராய்ந்து பார்க்கின்ற பொழுது, உங்கள் ராசிநாதன் புதன் உச்சம் பெற்றும், வக்ரம் பெற்றும் சஞ்சரிக்கின்றார். பொதுவாக ராசிநாதன் புதன் உச்சம் பெறுவது நன்மைதான். ஆரோக்கியம் சீராகி ஆனந்தப்படுத்தும். திடீர் தனவரவு வந்து மகிழ்ச்சியை வழங்கும். தொழில், உத்தியோகம் போன்றவற்றில் நீங்கள் எடுத்த புது முயற்சி வெற்றி தரும்.

நீச்சம் பெறும் சுக்ரன்

இதுவரை சிம்ம ராசியில் சஞ்சரித்து வந்த சுக்ரன், அக்டோபர் 23-ந் தேதி கன்னி ராசியான உங்கள் ராசிக்கு வருகிறார். அங்கு அவர் நீச்சம் பெற்றாலும், உச்சம் பெற்ற புதனோடு சேர்வதால் ‘நீச்ச பங்க ராஜயோகம்’ உருவாகின்றது. எனவே திட்டமிடாது செய்யும் காரியங்களில் கூட வெற்றி கிடைக்கும். திடீரென வரும் புதிய பங்குதாரர்களால் தொழிலில் வளர்ச்சி சிறப்பாக அமையும். புதிய ஒப்பந்தங்களில் கையெழுத்திட்டு மகிழும் சூழ்நிலை உண்டு. உத்தியோகத்தில் உள்ளவர்கள் பணி நீக்கம் செய்யப்பட்டிருந்தால், மீண்டும் பணியில் சேர அழைப்புகள் வரலாம்.

மீன செவ்வாய்

உங்கள் ராசிக்கு 3, 8 ஆகிய இடங்களுக்கு அதிபதியானவர் செவ்வாய். அவர் அக்டோபர் 26-ந் தேதி வக்ர இயக்கத்தில் மீன ராசிக்குச் செல்கின்றார். இது அவ்வளவு நல்லதல்ல. செவ்வாய் உங்கள் ராசிக்கு நேர்பார்வையில் இருப்பதால், உங்களுக்கு கோபம் அதிகம் வரலாம். உணர்ச்சிவசப்பட்டு எதையாவது பேசிவிட்டு உறவினர்களின் பகையை தேடிக்கொள்ளும் சூழ் நிலை உருவாகும். ‘கட்டிய வீட்டை வாடகைக்கு விடமுடியவில்லையே, குடிவர நல்ல ஆட்கள் வரவில்லையே’ என்று ஒரு சிலர் கவலைப்படுவர். அருகில் இருப்பவர்களை அனுசரித்துச் செல்வது நல்லது.

புதனின் வக்ர நிவர்த்திக் காலம்

அக்டோபர் 27-ந் தேதி கன்னி ராசியில் சஞ்சரிக்கும் புதன், வக்ர நிவர்த்தியாகின்றார். உங்கள் ராசிநாதன் வக்ர நிவர்த்தியாகும் இந்த நேரம், அற்புதமான நேரமாகும். உற்றார், உறவினர்கள் உங்கள் முன்னேற்றம் கண்டு ஆச்சரியப்படுவர். உத்தியோகத்தில் இருப்பவர்களுக்கு மேலிடத்து நிர்ப்பந்தம் காரணமாக இதுவரை நிறுத்தி வைக்கப்பட்ட சலுகைகள் இப்பொழுது மீண்டும் கிடைக்கும். நவம்பர் 4-ந் தேதி துலாம் ராசிக்கு புதன் செல்கின்றார். அங்குள்ள சூரியனோடு இணைந்து ‘புத-ஆதித்ய யோக’த்தை உருவாக்குகின்றார். எனவே அதிகாரப் பதவியில் உள்ளவர்களின் அறிமுகம் கிடைக்கும்.

மகர குருவின் சஞ்சாரம்

நவம்பர் 15-ந் தேதி மகர ராசிக்கு குரு செல்கின்றார். மகர ராசி குருவிற்கு நீச்ச வீடாகும். அங்கிருந்தபடி உங்கள் ராசியையே பார்க்கப் போகின்றார். அதுமட்டுமல்லாமல் 9, 11 ஆகிய இடங்களையும் பார்க்கின்றார். எனவே ஆரோக்கியத் தொல்லை அகலும். ரண சிகிச்சை செய்ய வேண்டும் என்று சொன்ன மருத்துவர்கள் கூட, இனி சாதாரண சிகிச்சையிலேயே குணப்படுத்த முடியும் என்பர். வெளிநாட்டில் ஏற்பட்ட பிரச்சினைகள் அகலும். பார்க்கும் குருவை பலப்படுத்த குரு கவசம் பாடி, குருவை வழிபடுவது நல்லது. இம்மாதம் சக்கரத்தாழ்வார் வழிபாடு சந்தோஷத்தை வழங்கும்.

பணத்தேவையைப் பூர்த்தி செய்யும் நாட்கள்:- அக்டோபர்: 18, 19, 21, 22, 23, நவம்பர்: 2, 3, 7, 8, 13, 14 மகிழ்ச்சி தரும் வண்ணம்:- கரும்பச்சை.

பெண்களுக்கான பலன்கள்

இம்மாதம் வளர்ச்சி அதிகரிக்கும். வருமானம் திருப்திகரமாக இருக்கும். உங்கள் வளர்ச்சிக்கு தடையாக இருந்தவர்கள் தானாக விலகுவர். கணவன்-மனைவிக்குள் பாசமும், நேசமும் அதிகரிக்கும். இதுவரை மருத்துவச் செலவை அதிகரித்து வந்த, தாயின் உடல் நலம் சீராகும். உடன்பிறந்தவர்களில் ஒருவர் மட்டும் உங்களோடு இணைந்து செயல்படுவார். பணிபுரியும் பெண்களுக்குப் பாராட்டும், புகழும் கூடும். முருகப்பெருமான் வழிபாடு முன்னேற்றத்தை வழங்கும்.

ஆண்டு பலன் - 2020

1-1-2020 முதல் 31-12-2020 வரை

உத்ரம் 2,3,4 பாதங்கள், ஹஸ்தம், சித்திரை 1,2 பாதங்கள் வரை

(பெயரின் முதல் எழுத்துக்கள்: ப, பி, பு, பூ, ஷ, ண, ட, பே, போ உள்ளவர்களுக்கும்)
மகர குருவின் சஞ்சாரம் மகிழ்ச்சி தரும்

புத்தாண்டு பிறக்கும் பொழுதே, சுக ஸ்தானமான 4-ம் இடத்தில் சூரியன், புதன், வியாழன், கேது, சனி ஆகிய 5 கிரகங்கள் சஞ்சரிக்கின்றன. 2, 9 ஆகிய இடங்களுக்கு அதிபதியான சுக்ரன், பஞ்சம ஸ்தானத்தில் இருக்கிறார். 10-ல் ராகுவும், 3-ல் செவ்வாயும், 6-ல் சந்திரனும் இருந்தபடி இந்த ஆண்டு பிறக்கிறது.

ஆண்டின் தொடக்கத்திலேயே உங்கள் ராசிநாதன் புதன், சூரியனோடு இணைந்து புத - ஆதித்ய யோகத்தை உருவாக்குகிறார். இருப்பினும் அர்த்தாஷ்டமச் சனி, அர்த்தாஷ்டம குரு, அர்த்தாஷ்டம கேது என்று மூன்று பெரும் கிரகங்கள் நான்காம் இடத்தில் இருந்து உங்களுக்கு நடக்கும் காரியங்களில் எல்லாம் தடைகளையும், தாமதங்களையும் உருவாக்கும் விதத்தில் சஞ்சரிக்கின்றன.

உத்தியோகத்தில் உள்ளவர்களாக இருந்தாலும் சரி, தொழில் செய்பவர்களாக இருந்தாலும் சரி ‘உழைப்பிற்கேற்ற பலன் கிடைக்கவில்லையே, இந்த இடத்தை விட்டுச் சென்றுவிடலாமா? வேறு வேலை கிடைக்குமா? இல்லை இங்கேயே சனிப்பெயர்ச்சி வரை ஓட்டிவிடலாமா?’ என்றெல்லாம் சிந்தித்துக் கொண்டிருப்பீர்கள். என்னயிருந்தாலும், அர்த்தாஷ்டமச் சனியின் ஆதிக்க காலத்தில் மிக மிக பொறுமை தேவை. மேலும் எந்தப் புது முயற்சிகள் செய்தாலும் குடும்பப் பெரியவர்களையோ அல்லது அருகில் இருக்கும் அனுபவம் நிறைந்தவர்களையோ ஆலோசித்து முடிவெடுங்கள்.
குறிப்பாக விரயங்கள் அதிகரிக்கலாம். வீடு மாற்றங்களும், நாடு மாற்றங்களும், இடமாற்றங்களும். உத்தியோக மாற்றங்களும் வருவதற்கான அறிகுறிகள் தென்படும். ஆனால் சனிப்பெயர்ச்சி வரை எந்த முடிவும் எடுக்க முடியாது. ஆரோக்கியத் தொல்லை ஒரு பக்கம், அருகில் இருப்பவர்களால் தொல்லை மறுபக்கம், பிள்ளைகளின் பிரச்சினைக்குத் தீர்வுகாண முடியாமல் தத்தளிக்கும் சூழ்நிலை என்று உங்களின் மன அமைதி குறையும் நேரம் இது. இந்த காலகட்டத்தில் உங்களுடைய தைரியத்தையும், தன்னம்பிக்கையும் வளர்த்துக் கொள்ளுங்கள். அப்பொழுதுதான் இந்த ஆண்டை இனிய ஆண்டாக மாற்றிக் கொள்ள இயலும்.

கோடி நலம் தரும் குருவின் பார்வை

வருடத் தொடக்கத்தில் குரு பகவான் உங்கள் ராசிக்கு 4-ம் இடமான தனுசு ராசியில், தனது சொந்த வீட்டில் சஞ்சரிக்கிறார். உங்கள் ராசிக்கு 4, 7-க்கு அதிபதியான குரு, கேந்திராதிபத்ய தோஷம் பெற்றவர். அவர் வக்ரம் பெறும்பொழுதும், நீச்சம் அடையும் பொழுதும், வலிமை இழக்கும் பொழுதும் உங்களுக்கு அற்புதமான பலன்களை வாரி வழங்குவார்.

அந்த அடிப்படையில் மகரத்தில் குரு சஞ்சரிக்கும் பொழுதுதான் மகத்தான பலன் உங்களுக்கு கிடைக்கும். வருடத் தொடக்கத்தில் சுக ஸ்தானத்தில் விரயாதிபதி சூரியனுடன் குரு கூடி இருப்பதால் சுகக்கேடுகள் அதிகரிக்கும். மருத்துவ ஆலோசனைகளை உடனுக்குடன் பெறுவது நல்லது. வியாபாரத்தில் புதிய யுக்திகளைக் கையாண்டாலும் பெருமளவில் லாபம் கிடைக்காது.

4-ம் இடம் என்பது தாய், கல்வி, வாகனம், சுகம், குடும்பம் ஆகியவற்றைக் குறிக்கும் இடமாகும். இங்கு குரு வாசம் செய்யும்போது, தாய் வழி ஆதரவு அதிகரிக்கும். புதிய வாகனம் வாங்கும் முயற்சியில் ஆர்வம் காட்டுவீர்கள். அப்படி வாகனம் வாங்கும் பொழுது, ஏறுவரிசை அமைப்பில் அதிர்ஷ்டம் தரும் எண் ஆதிக்கத்தில் வாங்குவது நல்லது. 10-ம் இடத்தைக் குரு பார்ப்பதால் தொழில்புரிபவர்களுக்கு புதிய ஒப்பந்தங்கள் வந்து சேரும். நாட்டுப்பற்று மிக்கவர்களின் நல்ல வாய்ப்புகளை உபயோகப்படுத்திக் கொள்வீர்கள்.

மகர குருவின் சஞ்சாரம்

8.7.2020 முதல் 9.9.2020 வரை தனுசு ராசிக்குள்ளேயே குரு வக்ரம் பெறுகிறார். அதே நேரத்தில் அவரோடு இருக்கும் சனியும் வக்கிரத்தில் உள்ளார். குரு அவருடைய வீட்டிலேயே வக்ரம் பெறுவதால் பெரிய பாதிப்பு எதுவும் இருக்காது. உங்கள் ராசிக்கு 5, 6 ஆகிய இடங்களுக்கு அதிபதியான சனியும், கேந்திராதிபத்ய தோஷம் பெற்ற குருவும் வக்ரம் காண்பதால், உத்தியோக சம்பந்தமாக எடுத்த முயற்சிகளில் வெற்றி கிடைக்கும். வரவேண்டிய சம்பளப் பாக்கிகள் வந்து சேரும். மூடிக்கிடந்த தொழிலுக்கு திறப்பு விழா நடத்துவீர்கள்.

15.11.2020 முதல் மகர ராசிக்கு குருபகவான் முறையாகப் பெயர்ச்சியாகிச் செல்கிறார். 12 ஆண்டுகளுக்கு ஒருமுறை மகர ராசியில் குரு சஞ்சரிப்பார். அது குருவுக்கு நீச்ச வீடாகும். குரு நீச்சம் பெற்றாலும் அதன் பார்வையால் உங்கள் ராசியைப் பார்ப்பதால் சகல தோஷங்களில் இருந்தும் நீங்கள் விடுபட வாய்ப்பு உண்டு. ஆரோக்கியம் சீராகும். எதிர்பார்த்த சலுகைகளும், உதவிகளும் கேட்ட இடத்தில் கிடைக்கும். திசைமாறிய தென்முகக் கடவுளையும், விஸ்வரூப ஆஞ்சநேயரையும் ஒரே நாளில் வழிபட்டு வருவது நல்லது.

ராகு-கேது பெயர்ச்சிக் காலம்

ஆண்டின் தொடக்கத்தில் 4-ம் இடத்தில் கேதுவும், 10-ம் இடத்தில் ராகுவும் சஞ்சரிக்கிறார்கள். பின்னோக்கிச் செல்லும் இந்தக் கிரகங்கள், உங்களை வாழ்க்கையின் முன்னேற்றப் பாதையில் அடியெடுத்து வைக்க வழிகாட்டும். 1.9.2020-ல் ராகு-கேது பெயர்ச்சி நிகழ்கிறது. அதன்படி ராகு 9-ம் இடத்திற்கும், கேது 3-ம் இடத்திற்கும் வருகிறார்கள்.

9-ல் சஞ்சரிக்கும் ராகு, ஒளிமயமான எதிர்காலத்திற்கு உத்தரவாதம் கொடுப்பார். பிதுர்ரார்ஜித ஸ்தானத்திற்கு வருவதால் பெற்றோர் வழியில் உங்களுக்குப் பெருமை சேரும். உற்றார், உறவினர்கள் உங்கள் முன்னேற்றம் கண்டு ஆச்சரியப்படுவர். வெற்றித் தேவதை உங்கள் வீட்டிலேயே குடியிருக்க வேண்டுமானால், ராகுவுக்குரிய சர்ப்ப சாந்திப் பரிகாரங்களை, உங்கள் ராசிக்கு அனுகூலம் தரும் ஸ்தலங்ளைத் தேர்ந்தெடுத்துச் செய்து வரவேண்டும். பெயர்ச்சியான ஒருமாத காலத்திற்குள் அதைச் செய்வது நல்லது. பாகப்பிரிவினைகளில் இருந்த தடை அகலும். புதிய வாகனம் வாங்கி மகிழ்வீர்கள்.

மூன்றாமிடத்தில் கேது சஞ்சரிப்பதால் ‘முன்னேற்றப் பாதிப்புகள் ஏற்படுமோ?’ என்று நினைக்க வேண்டாம். செவ்வாய் வீட்டில் கேது சஞ்சரிப்பதால், தைரியமும், தன்னம்பிக்கையும் கூடும். சகாய ஸ்தானத்திற்கு வரும் கேதுவால், வாய்ப்புகள் வாசல் தேடி வரும். ஆன்மிக நாட்டம் அதிகரிக்கும். முன்னோர் செய்த திருப்பணிகளை தொடர்ந்து செய்வீர்கள். சகோதர அரவணைப்பு உண்டு. அதிகாரப் பதவியில் உள்ளவர்களின் ஆதரவு கிடைக்கும். வழக்குகள் சாதகமாகும்.

சனிப்பெயர்ச்சிக் காலம்

உங்கள் ராசிக்கு 4-ம் இடத்தில் சஞ்சரித்து வரும் சனிபகவான், 29.4.2020 முதல் 14.9.2020 வரை தனுசு ராசியிலேயே வக்ரம் பெறுகிறார். 6-க்கு அதிபதி வக்ரம் பெறுவதால், நற்பலன்களே நடைபெறும். தொழில் உத்தியோகத்தில் எதிர்பார்த்த முன்னேற்றம் உண்டு. எதிரிகளின் பலம் குறையும். ஆரோக்கியம் சீராகும். உறவினர்களின் மனஸ்தாபங்கள் அகலும். வம்பு, வழக்குகளில் இருந்து விடுபடுவீர்கள். பிறருக்கு பொறுப்பு சொல்லி வாங்கிக் கொடுத்த தொகை வந்து சேரும்.

13.2.2020 முதல் 22.3.2020 வரை தனுசு ராசிக்குள் செவ்வாய் - சனி சேர்க்கை ஏற்படுகிறது. 3.5.2020 முதல் 17.6.2020 வரை தனுசு ராசியில் உள்ள சனிபகவான், கும்பத்தில் உள்ள செவ்வாயைப் பார்க்கிறார். இக்காலத்தில் மட்டும் கொஞ்சம் எச்சரிக்கையோடு இருங்கள். குடும்பத்தில் குழப்பங்கள் அதிகரிக்கும். தொழிலில் மந்தநிலை உருவாகி மனதை வாட்டும். பிரச்சினைகள் பல வழிகளிலும் வரும். ஆரோக்கிய குறை உண்டாகும். முன்கோபத்தால் முன்னேற்றப் பாதையில் சறுக்கல்கள் ஏற்படலாம்.

26.12.2020-ல் உத்தராடம் 2-ம் பாதத்தில் மகர ராசிக்கு சனிபகவான் பெயர்ச்சியாகிச் செல்கிறார். உங்கள் ராசிக்கு 5-ம் இடத்திற்கு செல்லும் சனி அற்புதமான பலன்களை அள்ளி வழங்குவார். பிள்ளைகளின் கனவுகள் நனவாகும். கடன்சுமை குறையும். பூர்வ புண்ணிய ஸ்தானம் பலம்பெறுவதால் அசையாச் சொத்துக்கள் வாங்குவதில் ஆர்வம் கூடும். ஆபரண சேர்க்கை உண்டு. மங்கல ஓசை மனையில் கேட்கும்.

செல்வ வளம் தரும் வழிபாடு

புதன்கிழமை தோறும் விரதம்இருந்து, நின்ற கோலத்துப் பெருமாளை வழிபட்டு வருவது நல்லது. அனுகூலம் தரும் நாளில் நாமக்கல் ஆஞ்சநேயரையும் வழிபடுங்கள்.
குருவின் வக்ர காலமும், பரிவர்த்தனை யோகமும்

27.3.2020-ல் குரு வக்ர இயக்கத்தில் மகர ராசிக்குச் செல்கிறார். அங்கு 7.7.2020 வரை வக்ர இயக்கத்திலேயே இருந்து, உங்கள் ராசியை பார்க்கிறார். எனவே இக்காலம் ஒரு பொற்காலமாக அமையும். நினைத்தது நிறைவேறும். நிகழ்காலத் தேவைகள் பூர்த்தியாகும். பணவரவு திருப்தி தரும். வீடுகட்டும் யோகம் அல்லது வாங்கும் யோகம் உண்டு. தடையாக இருந்த பயணம் கைகூடலாம். மகரத்தில் குரு வக்ரம் பெற்றிருக்கும் அதே வேளையில், தனுசு ராசியில் சனியும் வக்ரம் பெறுகிறார். இருவரும் தங்களின் வீடுகளை மாற்றிக் கொண்டிருப்பதால் ‘பரிவர்த்தனை யோகம்’ செயல்படுகிறது. இது மிகவும் சிறப்பு வாய்ந்த யோகமாகும். எனவே பிள்ளைகளுக்கு நல்ல வேலை கிடைக்கும்.
பெண்களுக்கான பலன்கள்

இந்தப்புத்தாண்டில் வரவும், செலவும் சமமாக இருக்கும். அடுத்துவரும் குருப்பெயர்ச்சி வரை சற்று பொறுமையைக் கடைப்பிடிப்பது நல்லது. கொடுக்கல் - வாங்கல்களில் கூடுதல் விழிப்புணர்ச்சி தேவை. அதிகாரப் பதவியில் உள்ளவர்களை பகைத்துக் கொள்ள வேண்டாம். கணவன் - மனைவிக்குள் ஒற்றுமை பலப்பட, ஒருவருக்கொருவர் விட்டுக்கொடுத்துச் செல்லுங்கள். இல்லத்தில் சுபவிரயங்கள் அதிகரிக்கும். உறவினர்களோடு பகைமை பாராட்டாமல் இருப்பது நல்லது. முன்கோபத்தைக் குறைத்துக் கொள்ளுங்கள். அதுதான் உங்களை முன்னேற்றப் பாதைக்கு அழைத்துச் செல்லும். தாய் மற்றும் உடன்பிறப்புகளின் ஒத்துழைப்பு ஓரளவே கிடைக்கும். ஆரோக்கியத் தொல்லை அதிகரிக்கும். மருத்துவச் செலவு உண்டு. பிள்ளைகளை உங்கள் மேற்பார்வையில் வைத்துக்கொள்வது நல்லது. பணிபுரியும் இடத்தில் திறமைக்கு அங்கீகாரம் கிடைக்காது. வேலைப்பளு அதிகரிப்பதால், ‘விருப்ப ஓய்வு பெற்றுவிடலாமா?’ என்று சிந்திப்பீர்கள். முறையாக ராகு - கேது சாந்தி பரிகாரங்களை செய்வதோடு, அனுமனையும் வழிபாடு செய்யுங்கள்.

சார்வரி வருட பலன்

சார்வரி வருடத் தொடக்கத்தில் உங்கள் ராசியை குரு பகவான் பார்க்கிறார். ராசிநாதன் புதன் நீச்சம் பெற்று மீனத்தில் சஞ்சரிக்கிறார். 2, 9 ஆகிய இடங்களுக்கு அதிபதியான சுக்ரன் 9-ம் இடத்திலேயே தன் சொந்த வீட்டில் இருக்கிறார். 10-ல் ராகுவும், 4-ல் கேதுவும் உலாவருகிறார்கள். பஞ்சம ஸ்தானத்தில் குரு நீச்சம்பெற்று செவ்வாயோடு இணைந்து குரு-மங்கள யோகத்தை உருவாக்குகிறார். குரு, சனி பரிவர்த்தனையோடும், குரு-மங்கள யோகத்தோடும், விரயாதிபதி சூரியன் அஷ்டமத்தில் உச்சம் பெற்றுச் சஞ்சரிக்கும் அமைப்போடும் சுக்ர பலத்தோடும் இந்த ஆண்டு தொடங்குவதால் மகிழ்ச்சிக்குரிய தகவல்கள் அதிகம் வரப்போகிறது.

ராகு- கேது பெயர்ச்சி

1.9.2020 அன்று உங்கள் ராசிக்கு 9-ம் இடத்திற்கு ராகுவும், 3-ம் இடத்திற்கு கேதுவும் பெயர்ச்சியாகிறார்கள். இந்த கால கட்டத்தில் முன்னேற்றப் பாதையை நோக்கி அடியெடுத்து வைப்பீர்கள். உத்தியோகம் சம்பந்தமாக எடுத்த முயற்சி கைகூடும். உடன்பிறப்புகள் உங்கள் கடன்சுமை குறைய வழிவகுத்துக் கொடுப்பர். போட்டிக் கடைவைத்தோர் விலகுவர். புகழ்மிக்கவர்களின் நட்பு கிடைக்கும். பணியாளர்கள் பக்கபலமாக இருப்பார்கள். புதிய சொத்துக்களை வாங்கும் எண்ணம் உருவாகும்.

குருப்பெயர்ச்சி

15.11.2020 அன்று குரு பகவான், மகர ராசிக்கு பெயர்ச்சியாகிறார். இது குரு பகவானுக்கு நீச்ச வீடாகும். குரு பகவான் நீச்சம் பெற்று சஞ்சரிப்பது அவ்வளவு நல்லதல்ல. என்றாலும் குரு, சனி பரிவர்த்தனை யோகம் பெற்றிருக்கும் காலங்களில் நன்மைகளைச் செய்வார். துணிவும், தன்னம்பிக்கையும் கூடும். தொல்லை தந்தவர்கள் விலகுவர். பணப்புழக்கம் அதிகரிக்கும். தனித்து இயங்கும் ஆற்றல் உருவாகும். தந்தை வழி உறவில் இருந்த விரிசல்கள் அகலும். தொழிலில் எதிர்பார்த்த அளவிற்கு லாபம் கிடைக்கும்.

சனிப்பெயர்ச்சி

26.12.2020 அன்று வாக்கிய பஞ்சாங்க ரீதியாக சனிபகவான், மகரத்திற்கு பெயா்ச்சியாகிறார். எனவே மனக்குழப்பங்கள் அகலும். மறைமுக எதிர்ப்புகள் மாறும். தாராளமாகச் செலவிடும் வாய்ப்பு கைகூடும். பெரிய பொறுப்புகள் மற்றும் பதவிகளிலிருந்து விலகியவர் களுக்கு மீண்டும், அதில் சேரக்கூடிய வாய்ப்பு கைகூடும். திருமணத் தடை அகலும். அர்த்தாஷ்டமச் சனி விலகும் நேரத்தில் சனிக்குரிய ஆலயங்களுக்குச் சென்று வழிபட்டு வருவது நல்லது.

குரு வக்ரமும், அதிசாரமும்

13.5.2020 முதல் 7.7.2020 வரை குருபகவான் அதிசாரமாகவும், வக்ரமாகவும் சஞ்சரிக்கிறார். 8.7.2020 முதல் 9.9.2020 வரை தனுசு ராசியில் குரு வக்ர இயக்கத்தில் இருக்கிறார். அதே நேரத்தில் சனியும் வக்ர கதியில் அவரோடு இணைந்து சஞ்சரிக்கிறார். மீண்டும் குருபகவான் 6.4.2021-ல் கும்ப ராசிக்கு அதிசாரமாகச் செல்கிறார். இதன் விளைவாக ஓரளவு நற்பலன்கள் நடைபெறும். கேந்திராதிபத்ய தோஷம் பெற்ற கிரகம் என்பதால் வக்ர காலத்தில் வளர்ச்சி அதிகரிக்கும். தாயின் உடல் நலம் சீராகும். குடும்பத்தில் ஏற்பட்ட குழப்பங்கள் அகலும்.

வழிபாடு

திருவோண நட்சத்திரமன்று விரதமிருந்து திருமாலை வழிபாடு செய்தால், வாழ்க்கை வளமாகும்.

சனிப்பெயர்ச்சி பலன்கள்

ஜனவரி 24-ம் தேதி 2020 முதல் 2022 ஆண்டு வரை

(உத்திரம் 2, 3, 4ம் பாதங்கள், ஹஸ்தம், சித்திரை, 1, 2ம் பாதங்கள் மற்றும் டோ, ப, பா, பி, பூ, ஷ, ட, பே, போ ஆகிய எழுத்துக்களை பெயரின் முதல் எழுத்தாக கொண்டவர்களுக்கும்.)

கன்னி ராசிக்கு இதுவரை கெடுபலன்களை தரக்கூடிய இடமான நான்காம் இடத்தில் இருந்து வந்த சனிபகவான் ஐந்தாமிடத்திற்குச் செல்கிறார். இது உங்களுக்கு மிகவும் சந்தோஷத்தைக் கொடுக்கக் கூடிய ஒரு மாற்றமாக அமையும். சனிபகவான் ஐந்தாமிடத்தில் இருப்பது நல்ல நிலை என்று நம்முடைய மூல நூல்களில் சொல்லப்படாவிட்டாலும் கடந்த மூன்று ஆண்டு காலமாக உங்கள் ராசிக்கு நான்காமிடத்தில் அமர்ந்து ஜீவன ஸ்தானத்தை பார்த்ததன் மூலம் கன்னி ராசிக்காரர்களுக்கு தொழில், வேலை, வியாபாரம் போன்ற அமைப்புகளில் நிம்மதியற்ற சூழலை சனி கொடுத்துக் கொண்டிருந்தார்.

மேலும் தன்னுடைய கெடுதலான பார்வையின் மூலம் ராசியைப் பார்த்து கன்னியினருக்கு மன நிம்மதி இல்லாத சூழல்களையும் உருவாக்கி இருந்தார். இதுபோன்ற நிலையில் இருந்து சனி நீங்குவது கன்னிக்கு பெரிய நன்மைகளைத் தரும் என்பதால் இந்த சனிப் பெயர்ச்சியால் நன்மைகளை அடையப் போகும் ராசிகளில் கன்னியும் ஒன்றாக இருக்கும்.

குறிப்பாக கன்னி ராசிக்காரர்களின் உடல், மனம் இரண்டையும் பாதித்து கெடுபலன்களைத் தந்து கொண்டிருந்த சனி அர்த்தாஷ்டமச் சனி எனும் நிலையில் இருந்து மாறுவதே கன்னிக்கு ஒரு மிகப் பெரிய நிம்மதியை தருகின்ற ஒரு நிலை. கடந்த காலங்களில் கன்னியினர் கடுமையான மனஅழுத்தத்தை தரக்கூடிய சம்பவங்களை எதிர் கொண்டீர்கள். இளம் பருவத்தினருக்கு வேலையில் நிம்மதி இல்லாத சூழ்நிலையும், வேலையே இல்லாத நிலைமையும், தகுதி, திறமைக்கேற்ற பணி இல்லாத ஒரு நிலையும் இருந்து வந்தது. அந்த நிலைமை இந்தப் பெயர்ச்சியின் மூலம் முற்றிலுமாக விலகி அனைத்திலும் கன்னியினர் ஒரு நிம்மதியான நிலையை பெறப் போகிறீர்கள்.

வேறு சிலருக்கு வேலையில் மன அழுத்தம் தரக் கூடிய டார்ச்சர் எனப்படும் நிலைமைகள் இருந்ததோடு, சொந்த வாழ்விலும் மன இறுக்கம் தரக்கூடிய சூழல்கள் இருந்தன. கணவன்-மனைவி கருத்து வேறுபாடு, குடும்பத்தில் மூன்றாம் மனிதரின் தலையீட்டினால் குழப்பம், பொருளாதாரச் சிக்கலினால் சண்டை, குழந்தைகளால் மனவேதனை போன்ற அனைத்து வித குழப்பங்களும் ராசிக்கு இருக்கும் சனியின் பார்வை விலகுவதால் தீரப் போகிறது.

சமீபகாலங்களில் இரண்டு பெரும் வருடக் கிரகங்களில் ஒன்றான குரு தீமையைக் கொடுக்கக் கூடிய மூன்றாமிடத்தில் இருந்ததும், இன்னொரு பெரும் பாபரான ராகு தொழிலைக் குறிக்கும் பத்தாமிடத்தில் இருப்பதும் பெரும்பாலான கன்னியினரின் வேலை,தொழில் இரண்டையும் பாதித்திருந்தன.

முன்னரே நடந்த ஒரு நல்ல நிகழ்ச்சியாக சில வாரங்களுக்கு முன் குரு பகவான் நான்காமிடத்திற்கு மாறியுள்ளதும், தற்போதய சனி மாற்றத்தினால் சனியின் பார்வை உங்கள் ராசியில் இருந்து விலகுவதும், கன்னி ராசியை சீர் பெறச் செய்யும் அமைப்புகள் என்பதால் உங்கள் தொழிலும், மனமும் இனி நேராகும்.
இந்தப் பெயர்ச்சியின் மூலம் இதுவரை தன்னம்பிக்கை இழந்து, தாழ்வு மனப்பான்மையில் இருந்த கன்னியினர் மீண்டும் இழந்த நம்பிக்கையைப் பெற்று வாழ்க்கையில் அனைத்தையும் சந்திக்கத் துணியும் செயல்திறனுடன், புத்துணர்ச்சியோடு வலம் வர தொடங்குவீர்கள். எனவே கெடுபலன்கள் நீங்கப் போகின்றது என்ற வகையில் இந்த பெயர்ச்சி ஒரு மகத்தான மாற்றத்தை சொந்த வாழ்க்கையிலும், தொழில் அமைப்புகளிலும் உங்களுக்குக் கொடுத்து வாழ்வில் முன்னேற்றத்தினை தர இருக்கிறது.

அதேநேரத்தில் ஐந்தாமிடத்தில் அமரும் சனி என்ன பலன்களைத் தருவார் என்று பார்க்கும்போது பிள்ளைகள் விஷயத்தில் சங்கடங்களையும், குழந்தைகள் மூலமான நம்முடைய எதிர்பார்ப்பு நிறைவேறாமல் போவதையும், பிள்ளைகளுக்கு நாம் செய்ய வேண்டிய கடமைகளை செய்ய இயலாமல் போவதுமான பலன்களைச் செய்வார்.

எனவே இந்த சனி மாற்றத்தால் பருவ வயது குழந்தைகளை வைத்திருப்பவர்கள் அவர்களுடைய படிப்பு, வேலை போன்ற விஷயங்களில் கவனமாக இருக்க வேண்டியது மிக அவசியம். பிள்ளைகள் தங்களுடைய வயதிற்குரிய விஷயங்களைச் செய்து உங்களுக்கு மன வருத்தத்திற்கு ஆளாக்குவார்கள் என்பதால் பள்ளியிறுதி-கல்லூரி வயதில் இருக்கும் குழந்தைகளை அக்கறையுடன் கவனித்து கொள்ள வேண்டியது அவசியம்.

இதுவரை வேலை கிடைக்காமல் சிரமப்பட்டு கொண்டிருந்தவர்களுக்கு நல்லவேலை கிடைக்கும். இருக்கும் வேலையில் பிரச்னைகளை சந்தித்துக் கொண்டிருப்பவர்கள் அனைத்தும் ஓய்ந்து நிம்மதி கிடைக்கப் பெறுவீர்கள். சனியின் பத்தாம் பார்வை தொழில் ஸ்தானத்தில் இருந்து விலகுவதால் தொழில், வியாபாரம் போன்றவைகள் இனிமேல் சூடுபிடித்து நாளுக்கு நாள் விருத்தி அடையும். இதுவரை இருந்து வந்த விரையங்கள் இனிமேல் இருக்காது. சம்பாதிக்கும் பணத்தை சேமிக்க முடியும். எதிரிகள் ஒழிவார்கள். போட்டிகள் விலகும்.

சனியின் பார்வை ராசியில் இருந்தும் விலகுவதால் இதுவரை தாழ்வு மனப்பான்மையில் இருந்தவர்கள் அது விலகப் பெறுவீர்கள். எதிர்மறை எண்ணங்கள் குறைந்து நல்லவைகளை சிந்திக்கவும், செயல்படுத்தவும் ஆரம்பிப்பீர்கள். மனஅழுத்தம் நீங்கி புத்துணர்ச்சி வரும். எதிர்காலத்தை பற்றிய நம்பிக்கை பிறக்கும். அதற்கு உறுதுணையாக இருக்கக்கூடிய ஆட்களைச் சந்திப்பீர்கள்.

மொத்தத்தில் அர்த்தாஷ்டமச் சனி என்ற பெயரில் கடந்த மூன்று வருடங்களாக உங்களை முன்னேற விடாமல் தடுத்துக் கொண்டிருந்த சனிபகவான் விலகுவதால் அனைத்து விஷயங்களிலும் வெற்றி பெற்று எதிர்காலத்தை உங்களுடையதாக்கி கொள்வீர்கள்.

சனிபகவான் ஐந்தாமிடத்திற்கு மாறுவதால் குடும்பத்தில் மகன், மகளுக்கு ஆகவேண்டிய திருமணம் போன்ற சுபகாரியங்களுக்கு தடைகளை ஏற்படுத்துவார். பிள்ளைகளுக்கும், பெற்றவர்களுக்கும் தலைமுறை இடைவெளி வரும். நீங்கள் உங்கள் தகப்பனாரிடம் வாழ்ந்த காலம் வேறு. தற்போதைய இளைஞர்களின் காலம் வேறு என்பதை உணர்ந்து கொண்டால் இந்த ஐந்தாமிட சனியை சுலபமாக சமாளித்து விடுவீர்கள்.

இந்த காலகட்டத்தில் அதிர்ஷ்டம் கொஞ்சம் குறையும். சாதாரண சிறு விஷயங்களுக்குக் கூட மிகப் பெரிய முயற்சிகள் தேவைப்படும். எனவே எந்த ஒரு விஷயத்தையும் அசட்டையாகவும் கவனக்குறையாகவோ எடுத்துக் கொள்ளாமல் முழு கவனத்துடன் செய்ய வேண்டி இருக்கும். என்னதான் சனி ஐந்தாமிடத்தில் இருந்தாலும் பணவரவுக்கு குறை இருக்காது. வருமானம் தடைப்படாது. சனி எந்த ஒரு விஷயத்திலும் சிறு பிரச்சினைகளையும், சிக்கல்களையும் தருவாரே தவிர பண விஷயங்களில் கைவைக்கமாட்டார். அதே நேரத்தில் சேமிக்கவும் முடியாது என்பதால் எந்த ஒரு செலவு செய்யும் முன்பும் யோசித்து செய்வதும், சிக்கனமாக இருப்பதும் நல்லது.

கடந்த காலங்களில் சுக ஸ்தானமான நான்காமிடத்தில் சனி இருந்ததால் ஆரோக்கியக் குறைவையும், உடல்நலப் பிரச்சினைகளையும் சந்தித்தவர்கள் சீக்கிரமாக குணமடைவீர்கள். மருத்துவர்களுக்கு அடங்காத நோய்களும் இப்போது பரம்பொருளின் கருணையால் வெகு விரைவில் குணமாகும். இதுவரை மருத்துவத்துக்கென ஒரு தொகையை ஒதுக்கி வைத்தது விலகி இனிமேல் அப்படி செய்ய வேண்டியது இருக்காது.

பெண்களுக்கு குடும்பத்தில் நற்பெயரும் கௌரவமும் கிடைக்கும். பெண்களின் ஆலோசனை ஆண்களால் ஏற்கப்படும். வேலைக்குச் செல்லும் மகளிருக்கு பதவி உயர்வு, கூடுதல் சம்பளம் போன்ற நல்லபலன்கள் இருக்கும். உடன் பணிபுரியும் ஆண்களின் ஒத்துழைப்பு கிடைக்கும். நீண்டநாட்களாக நினைத்திருந்த காரியம் இப்போது நிறைவேறும். அனைவரிடமும் பாராட்டுப் பெறுவீர்கள்.

வீட்டிற்கு தேவையான பொருட்களை வாங்க முடியும். இன்பச் சுற்றுலா சென்று வருவீர்கள். கணவன் மனைவி உறவு நன்றாக இருக்கும். சகோதரர்கள் உதவுவார்கள். குடும்பத்தில் சொத்துச் சேர்க்கை, நகைகள் வாங்குதல், சேமிப்புகளில் முதலீடு செய்தல் போன்றவை இருக்கும். மாணவர்களுக்கு பள்ளி கல்லூரிகளில் இனிய சம்பவங்கள் நிகழும். படிப்பது மனதில் பதியும். தேர்வுகளை நன்றாக எழுத முடியும்.

மத்திய மாநில நிர்வாகப் பதவிகளுக்கான ஐ.ஏ.எஸ், குரூப்ஒன் தேர்வுகளுக்கு படிப்பவர்களுக்கும் ஏற்கனவே எழுதி முடிவுகளுக்கு காத்துக் கொண்டிருப்பவர்களுக்கும் நல்ல செய்திகள் கிடைக்கும். வெளிமாநில வேலைக்குச் செல்ல இருந்த தடைகள் விலகும். சொந்த வீடு இல்லாதவர்களுக்கு வீடு கட்டும் வாய்ப்போ அல்லது கட்டிய பழைய வீடோ வாங்கும் யோகம் வருகிறது. நகரங்களில் இருப்பவர்கள் அருமையான ஒரு பிளாட் வாங்குவீர்கள். இதுவரை வாங்க முடியாத விரும்பிய வாகனம் வாங்க முடியும். தாயாருக்கு உடல்நலக் குறைவு சரியாகும். அம்மாவைப் பற்றிக் கவலைப் பட அவசியம் இருக்காது.
பொதுவாக கன்னி ராசிக்கு இது எதிர்கால முன்னேற்றத்திற்கு அடித்தளம் போடும் காலகட்டமாக அமையும். இப்போது ஏற்படும் நன்மைகளால் உங்கள்
எதிர்காலத்தை சிறப்பாக அமைத்துக் கொள்வீர்கள்.

பரிகாரங்கள்:

ஒரு கருப்பு நிறமுள்ள மனிதரை மேற்குமுகமாக நிறுத்தி வைத்து நீங்கள் அவருக்கு எதிரில் கிழக்கு பார்த்து நின்று ஒரு இரும்புச் சட்டியில் வழிய வழிய நல்லெண்ணெய் ஊற்றி ஒரு சனிக்கிழமை இரவு எட்டு மணியிலிருந்து ஒன்பது மணிக்குள் அல்லது உங்களின் ஜென்ம நட்சத்திர நாளன்று இரவில் சனி ஹோரையில் தானம் கொடுப்பது சனிபகவானை திருப்திப்படுத்தும். தானம் பெறுபவர் துப்புரவுத் தொழிலாளியாக இருந்தால் சிறப்பு.

ஜோதிடக்கலை அரசு ஆதித்யகுருஜி
(செல்: 8870 99 8888)

குருப்பெயர்ச்சி பலன்கள்

ராகுகேது பெயர்ச்சி பலன்கள்

1.9.2020 முதல் 20.3.2022 வரை

கன்னி ராசிக்கு தற்போதுள்ள நான்கு, பத்தாம் இடங்களில் இருந்து சர்ப்பக் கிரகங்கள் என்று சொல்லப்படும் ராகு-கேதுக்கள் மூன்று, ஒன்பதாம் இடங்களுக்கு மாறுகிறார்கள்.

இதில் கேது மாறுகின்ற மூன்றாம் பாவகம், ராகு-கேதுக்கள் நன்மைகளைத் தரும் இடங்கள் என்று நமது கிரந்தங்களில் கூறப்பட்டிருப்பதால் இம்முறை ராகு-கேது பெயர்ச்சியில் கன்னி ராசிக்கு நன்மைகள் மட்டுமே இருக்கும் என்பது நிச்சயம். இன்னும் ஒருபடி மேலாக சொல்லப் போவோமேயானால் கடந்த சில ஆண்டுகளாக நடந்த அர்த்தாஷ்டமச் சனியின் தாக்கத்தினால் கன்னியினர் எதிலும் உதவியற்ற ஒரு கடுமையான நிலையை சந்தித்து கொண்டிருக்கிறீர்கள்.
யாராவது ஒருவர் உங்களுடைய கஷ்டமான நிலைமையை பார்த்து உதவலாம் என்று முன் வந்தால் கூட, சாதகமற்ற கிரகங்களின் ஆதிக்கத்தினால் மனம்

இருந்தும் அதற்கேற்ற தகுதி நிலை இல்லாமல் போய் ஒரு ஆறுதலான எந்த விஷயமும் கன்னிக்கு இல்லாமல் போகிறது. இதுபோன்ற உதவிகள் அற்ற நிலை இனிமேல் இல்லாத வண்ணம் கேட்கும் இடத்தில், உதவிகள் கிடைக்கின்ற ஒரு நிலையை தற்போது மூன்றாமிடத்திற்கு மாற இருக்கும் கேது உங்களுக்கு தருவார்.

ராகு- கேது பெயர்ச்சியை அடுத்து சில வாரங்களில் நடக்க இருக்கும் குருப் பெயர்ச்சியால் குரு ஐந்தாமிடத்திற்கு மாறி ராசியைப் பார்க்கப் போகிறார். இதுவும் கன்னிக்கு ஒரு சாதகமான கிரக நிலை. எனவே அடுத்து தொடர்ச்சியாக நடக்க இருக்கும் பெயர்ச்சிகளும் நல்ல அமைப்பில் இருப்பதால் இனிமேல் கன்னிக்கு துயரங்கள் எதுவும் இல்லை. வரப் போகும் எல்லா நல்லவைகளையும் பெற்றுத் தரக் கூடிய ஆரம்ப மாற்றமாக இந்த ராகு-கேது பெயர்ச்சி இருக்கும்.

சர்ப்ப கிரகங்கள் மூன்று, ஒன்பதாம் இடங்களில் வருவதன் மூலம் சகாய ஸ்தானம் என்று சொல்லப்படும் உதவி ஸ்தானம் மிகுந்த வலுப்பெறும். இந்த இடம் தைரியம் மற்றும் கீர்த்தியை குறிப்பதால் இதுவரை எதற்கும் பயந்து கொண்டு தன்னம்பிகை இன்றி இருந்த கன்னி ராசியினர் இழந்த நம்பிக்கையை மீண்டும் பெறுவீர்கள்.

இதுவரை நடந்த எதிர்மறை பலன்களால் கலங்கிப் போய், எனக்கு என்ன நடந்து கொண்டு இருக்கிறது, ஏன் எனக்கு அனைத்திலும் தோல்வி கிடைக்கிறது, ஏன் என்னை எவரும் புரிந்து கொள்ள மாட்டேன் என்கிறார்கள் என்று தைரியம் இழந்து கலங்கித் தவித்துக் கொண்டிருக்கும் இளைய பருவத்தினருக்கும் தைரியத்தையும், புத்துணர்ச்சியும் ஊட்டி அவர்களை சாதனை செய்பவர்களாக மாற்றும் வேலையினை மூன்றாமிட கேது செய்வார்.

அதேபோல தற்போது மாற இருக்கும் ரிஷப, விருச்சிக வீடுகள் ராகு-கேதுக்கள் நன்மைகளைச் செய்யக் கூடிய ஒரு அமைப்பு வீடுகள் என்பதால் இந்த பெயர்ச்சியின் மூலம் கன்னிக்கு நல்ல வாய்ப்புகளின் கதவுகள் அகலமாகத் திறந்து வைக்கப்படும்.

அர்த்தஷ்டம சனியின் தாக்கத்தினாலும், தற்போதைய கிரக நிலைகளாலும் தொழில் துறையில், வேலை அமைப்புகளில் இதுவரை நல்லது கிடைக்காத நிலைமை மாறத் துவங்கி ராகு-கேது பெயர்ச்சிக்கு பிறகு நழுவிப் போன அனைத்து வாய்ப்புகளும் தேடி வரும். அதைவிட மேலாக ஏற்கனவே வாய்ப்புக் கிடைத்தும் அதை சரியாக செய்ய முடியாமல், கிடைத்த வாய்ப்பினை நழுவ விட்டவர்களுக்கு மீண்டும் ஒரு வாய்ப்பு கிரகங்களால் கொடுக்கப்படும்.

ராகு ஒன்பதாம் இடத்திற்கு வருவது நன்மைகளைத் தராது என்று நமது மூலநூல்களில் சொல்லப்பட்டிருந்தாலும், ராகு இப்போது செல்லும் இடம் அவருக்கு மிகவும் பிடித்த ரிஷப வீடு என்பதால் பெரிய துன்பங்கள் எதையும் கொடுத்து விட மாட்டார்.

மூன்றாமிடமான விருச்சிகத்தில் கேது சுப, சூட்சும வலுப் பெறுவதால் மூன்றாமிடத்தின் நற்பலன்கள் அனைத்தும் உங்களுக்கு முழுமையாகக் கிடைக்கும். வேலை தேடிக் கொண்டிருப்பவர்களுக்கு அவர்கள் படிப்புக்கும் தகுதிக்கும் ஏற்ற பொருத்தமான வேலை உடனடியாக அமையும். உயர் கல்வி கற்பதற்கு இதுவரை இருந்து வந்த தடைகள் அனைத்தும் விலகும்.

வேலை செய்யும் இடத்தில் இதுவரை இருந்த அதிருப்திகள் இனிமேல் இருக்காது. நீண்ட நாட்களாக நிலுவையில் இருந்த சம்பள உயர்வும் பாக்கித் தொகையும் பெறுவீர்கள். பதவி உயர்வுடன் கூடிய இடமாற்றங்கள் உண்டு. கொரோனாவின் சாதகமற்ற நிலையையும் மீறி சொந்தத் தொழில் செய்பவர்களுக்கு தொழிலில் இருந்த முட்டுக்கட்டைகள் மாறி தொழில் சூடு பிடிக்கும். வேலை செய்பவர்களும் பங்குதாரர்களும் உதவிகரமாக இருப்பார்கள்.

பரிகாரங்கள்

ராகு கேது பெயர்ச்சி நடந்தபிறகு ஒருமுறை ஜென்ம நட்சத்திரத்திற்கு முதல் நாள் மாலை சூரியன் அஸ்தமிக்கும் முன்பே பேரருள் திருத்தலமான ஸ்ரீ காலஹஸ்திக்குச் சென்று இரவு தங்கி அதிகாலை எம்பெருமான் காளத்திநாதனுக்கும் அன்னை ஞானப் பிரசுன்னாம்பிகைக்கும் நடக்கும் ருத்ராபிஷேகத்தில் கலந்து கொண்டு திரும்புங்கள். ஒரு குறையும் வராது.

ஜோதிடக்கலை அரசு ஆதித்யகுருஜி
(செல்: 8870 99 8888)

What’s in store for you?

Maalaimalar brings you: The Latest Tamil News | Tamil Cinema News and | Reviews | Kollywood gossips | astrology in Tamil.


Maalaimalar Tamil brings you the latest Tamil news from India and rest of the World.

You Also Get Top Breaking News | Political News from Tamil Nadu and India.

Get In-depth Coverage of National and International Politics | Business | Sports | Cricket News and Score Update of IPL & TNPL, if you are a Chennai Super Kings- CSK or Chepauk Super Gillies-CSG fan, look no further as we have year round updates about these.

We also focus on Tamil Spiritual News | Astrology | Technology | Traditional Tamil Food Recipes | Tamil Cinema Entertainment i.e. Tamil Cinema News | About Tamil Top Actors such as | Rajinikanth | Kamalhasan | Vijay | Ajith etc.

Further Latest Tamil movie reviews with ranking of Top Tamil Movies | Top Tamil Actor and Actress | Photo Gallery | History of Tamil Cinema | Tamil Movie Video Reviews. Catch the Start Interviews and latest events on our site as and when it happens


If you are looking for news from your home town, trust Maalaimalar.com Tamil to get you all the latest happenings not only from districts of Tamil Nadu

Ariyalur News in Tamil | Chennai News in Tamil | Coimbatore News in Tamil | Cuddalore News in Tamil | Dharmapuri News in Tamil | Dindigul News in Tamil | Erode News in Tamil | Kanchipuram News in Tamil | Kanyakumari News in Tamil | Karur News in Tamil | Krishnagiri News in Tamil | Madurai News in Tamil | Nagapattinam News in Tamil | Namakkal News in Tamil | Nilgiris (Ooty) News in Tamil | Perambalur News in Tamil | Pudukkottai News in Tamil | Ramanathapuram News in Tamil | Salem News in Tamil | Sivagangai News in Tamil | Thanjavur (Tanjore) News in Tamil | Theni News in Tamil | Thoothukudi (Tuticorin) News in Tamil | Tiruchirappalli (Trichy) News in Tamil | Tirunelveli (Nellai) News in Tamil | Tirupur News in Tamil | Tiruvallur News in Tamil | Tiruvannamalai News in Tamil | Tiruvarur News in Tamil | Vellore News in Tamil | Viluppuram News in Tamil | Virudhunagar News in Tamil | But also from Puducherry (Pondycherry) News in Tamil.

Others

Other than News and Entertainment in Tamil we also provide Astrology predictions | Daily Tamil Rasi palan for your star Mesham rasi palan | Rishabam rasi palan | Midhunam rasi palan | Kadagam rasi palan | Simmam rasi palan | Kanni rasi palan | Thulam rasi palan | Viruchagam rasi palan | Dhanusu rasi palan | Magaram rasi palan | Kumbam rasi palan | Meenam rasi palan everyday also we publish Tamil New year palan, Guru Peyarchi palan and Sani Peyarchi Palangal etc.

We do care about your wellbeing. We provide health tips such as simple | exercise | Yoga | Home Medicine | Health food recipe rasi palan | Child care | Natural beauty tips | Medicine for Woman | Safety tips for Woman

Technology and Automobile is part of our busy life, we provide tech news in Tamil about latest mobile phone | computers and gadgets. Cars | Bikes and automobile news in Tamil are well appreciated by our readers.

If you are looking for Tamil News and entertainment in video format then Maalaimalar video [video.maalaimalar.com] is the right choice. We bring the latest Tamil movie trailers | Tamil Cinema events | Cinema gossips. | Special star interviews and | Tamil news in video format.



To stay updated, all you need to do is just one thing - get the latest Tamil News on the go.. just download Maalaimalar Tamil News APP from Apple App store or Google Play Store


Download Our Apps

Apple Store Google Play Store