iFLICKS தொடர்புக்கு: 8754422764
இன்றைய ராசி தனுசு
தனுசு

இன்றைய ராசி பலன்கள்

வார பலன்கள்

ஜனவரி 13-01-2020 முதல் 19-01-2020 வரை:

ராசிநாதன் குருவின் சுபவலுவால் இந்த வாரம் தனுசு ராசிக்காரர்களுக்கு எதிர்ப்புகளை ஜெயிக்கும் வல்லமையும், எதையும் நிதானமாக சிந்தித்து எதிர் கொள்ளும் போக்கும் உண்டாகும். இது உங்களுக்கு நல்ல வாரம்தான். குரு, சுக்கிர தயவால் பணவரவும், சொல்லிக் கொள்ளும்படியாக இருக்கும். ராசியில் சனி,கேது இருப்பதால் தொழிலிடங்களில் அகலக்கால் வைக்காதீர்கள். பொது இடங்களில் வீண் வாக்கு வாதங்கள், தேவையற்ற விவாதங்கள், அரசியல்பேச்சுக்கள், அரட்டைகள் போன்றவைகள் வேண்டவே வேண்டாம்.

இளைய தனுசுவினர் யாரையும் பகைத்துக் கொள்ளாதீர்கள். சிறு துரும்பும் பல் குத்த உதவும் என்பதை நினைவில் வையுங்கள். வீண் வாக்குவாதங்கள் வேண்டாம். இன்றைய சூழ்நிலையில் நீங்கள் பணிந்து போவது ஒன்றும் தவறில்லை. புலி பதுங்குவது நல்ல நேரம் வரும்போது பாய்வதற்குத்தான் என்பதை புரிந்து கொள்ளுங்கள். ரேஸ் லாட்டரி பங்குச்சந்தை சூதாட்டம் போன்றவைகள் இப்போது கை கொடுக்காது. ராசிநாதன் குரு ராசியில் ஆட்சி நிலையில் வலுவாக இருப்பதால் எதையும் சமாளிப்பீர்கள்.

ஆதித்ய குருஜி செல்: 8870 99 8888

தமிழ் மாத ஜோதிடம்

ஆண்டு பலன் - 2020

1-1-2020 முதல் 31-12-2020 வரை

மூலம், பூராடம், உத்ராடம், 1-ம் பாதம் வரை

(பெயரின் முதல் எழுத்துக்கள்: யே, யோ, ப, பி, பு, பூ, பா, ன, டே, பே உள்ளவர்களுக்கும்)
யோசித்து செயல்பட வேண்டும்

இந்தப் புத்தாண்டின் தொடக்கத்தில், சூரியன், புதன், வியாழன், சனி, கேது ஆகிய 5 கிரகங்களும் உங்கள் ராசியில் கூடியிருக்கின்றன. ராகு மிதுனத்தில் இருந்து உங்கள் ராசியைப் பார்க்கிறார். விரயாதிபதி செவ்வாய் விரய ஸ்தானத்திலேயே வீற்றிருக்கிறார். அஷ்டமாதிபதி சந்திரன் சகாய ஸ்தானத்தில் இருக்கிறார். ஏழரைச் சனியில் ஜென்மச் சனியின் ஆதிக்கம் நடைபெறுகிறது. பொருளாதாரத்தைப் பொறுத்தவரை விரயங்களே கூடுதலாக இருக்கும். நண்பர்கள் நம்பிக்கைக்குரிய விதம் நடந்துகொள்வார்களா என்பது சந்தேகம் தான். வாரிசுகளால் தொல்லையும், காரியத் தடைகளும் உண்டாகும்.

ஏழரைச் சனியில் ஜென்மச் சனியின் ஆதிக்கம் இருக்கும்வரை மிகுந்த கவனத்துடன் இருப்பது நல்லது. உங்கள் சுய ஜாதகத்தை ஆராய்ந்து பார்த்து தசாபுத்திக்கேற்ற தெய்வ வழிபாடுகளையும், சிறப்பு வழிபாடுகளையும் மேற்கொள்ள வேண்டும்.

ஜென்மத்தில் கேதுவும், 7-ல் ராகுவும் இருப்பதால் ராகு -கேது பரிகாரமும் செய்வது நல்லது. இடமாற்றம், ஊர் மாற்றம், வீடு மாற்றம், உத்தியோக மாற்றம், பணிநீக்கம் அதிகாரப் பதவியில் உள்ளவர்களால் தொல்லை, அரசுவழிச் சிக்கல் போன்றவைகளைச் சந்திக்காமல் இருக்கவும், கடுமை கொஞ்சம் குறையவும் வழிபாடுகள் உங்களுக்கு கைகொடுக்கும். குறிப்பாக குலதெய்வ வழிபாட்டை மேற்கொள்வது நல்லது. உடன் இருப்பவர்களை கொஞ்சம் அனுசரித்துக்கொள்ள வேண்டும். கோபத்தைக் குறைத்துக்கொள்ள வேண்டும். கடமையில் கண்ணும், கருத்துமாக இருக்க வேண்டும். சனிப்பெயர்ச்சி வரை கொஞ்சம் பொறுமையாகச் செயல்பட்டால் அதன்பிறகு உங்களுக்கு இனிமையான வாழ்க்கை அமையும்.

குரு சனி சேர்க்கையின் பலன்

வருடம் தொடங்கும் போது உங்கள் ராசிநாதன் குரு, உங்கள் ராசியிலேயே சஞ்சரிப்பது யோகம்தான். அதன் பார்வை உங்கள் ராசிக்கு
5, 7, 9 ஆகிய இடங்களில் பதிகிறது. உங்களைப் பொறுத்தவரை ஜென்மச் சனி, ஜென்ம கேது ஆகியவற்றின் ஆதிக்கம் இருப்பதால் எதிர்பார்த்த அளவு பலன் கிடைக்குமா? என்பது சந்தேகம்தான். புத்திர ஸ்தானத்தை குரு பார்ப்பதால் பிள்ளைகளுக்கு திருமண பாக்கியம் நடைபெறும். அதே நேரம் அவர்கள் வாழ்க்கையில் சனியின் ஆதிக்கத்தால் பிரச்சினைகள் உருவாகலாம்.

பிதுர்ரார்ஜித ஸ்தானத்தைக் குரு பார்ப்பதால் பெற்றோர்களின் ஆரோக்கியம் சீராக அமையும். நீங்கள் கேட்ட உதவிகளை பெற்றோர்கள் செய்துகொடுப்பர். ஆனால் ஜென்ம கேதுவின் ஆதிக்கம் இருப்பதால் அப்படி அவர்கள் செய்யும் உதவியை திருப்தியாக செய்யவிடாமல், உடன் இருப்பவர்கள் தடுக்கலாம். பிள்ளைகளுக்கு வரன்கள் வந்து அலை மோதினாலும், எதுவும் முடிவடையாமல் போகலாம். குரு சப்தம பார்வையாக ஏழாம் இடத்தைப் பார்ப்பதால் மங்கல ஓசை மனையில் கேட்க வழிபிறக்கும். ஆனால் முடிவடைவதற்குள் பெரும்முயற்சி எடுக்க வேண்டிய நிர்ப்பந்தம் உருவாகும். எல்லாவற்றுக்கும் ஜென்மச்சனி, ஜென்ம கேதுவின் ஆதிக்கம்தான் காரணம். உத்தியோகத்தில் இருப்பவர்களுக்கு உங்களின் திறமைக்கு அங்கீகாரம் கிடைக்காது போகலாம். வேறு வேலைக்கு முயற்சி செய்வதில் ஆர்வம் காட்டுவீர்கள்.

மகர குருவின் சஞ்சாரம்

8.7.2020 முதல் 9.9.2020 வரை தனுசு ராசிக்குள் குரு வக்ரம் பெறுகிறார். இக்காலத்தில் சனியும், தனுசு ராசிக்குள்ளேயே வக்ரமாகிறார். எனவே இக்காலத்தில் பொருளாதாரப் பற்றாக்குறை அதிகரிக்கும். புதிய முயற்சிகளில் தடை ஏற்படும். நீண்டதூரப் பயணங்கள் எதிர்பாராத விதத்தில் வந்துசேரும். வெளிநாட்டில் பணிபுரிபவர்கள் திடீரெனத் சொந்த ஊர் திரும்பும் சூழ்நிலை கூட உருவாகலாம். ஒருசிலர் வாங்கிய இடத்தை விற்கும் நிலை வரும்.

15.11.2020-ல் மகர ராசிக்கு குருபகவான் பெயர்ச்சியாகிச் செல்கிறார். அது குருவுக்கு நீச்ச வீடாகும். நீச்சம் பெற்றிருந்தாலும் குருவின் பார்வை நமக்கு உச்சம் பெற்ற வாழ்க்கையை அமைத்துக்கொடுக்கும். அதன் பார்வை 6, 8, 10 ஆகிய இடங்களில் பதிவாகிறது. எனவே எதிர்ப்பு கள் அகலும். இல்லம் தேடி நல்ல தகவல் வந்து சேரும். எதிரிகள் விலகுவர். கடன்சுமை குறையும். மாற்று மருத்துவத்தால் ஆரோக்கியம் சீராகும். உத்தியோகத்தில் எதிர்பார்த்த நற்பலன் கிடைக்கும்.

ராகு- கேது பெயர்ச்சிக் காலம்

ஆண்டின் தொடக்கத்தில் உங்கள் ராசியிலேயே சஞ்சரித்து வரும் கேது பகவான், 1.9.2020-ல் 12-ம் இடத்திற்கு வரப்போகிறார். அதே நேரம் சப்தம ஸ்தானத்தில் சஞ்சரித்து வரும் ராகு, 6-ம் இடத்திற்கு வரப்போகிறார். இதன்விளைவாக சில நல்ல மாற்றங்கள் உங்களுக்கு வரலாம். குறிப்பாகப் பயண ஸ்தானத்திற்கு கேது வருவதால் பயணங்கள் பலன் தருவதாக அமையும். புதிய வேலைக்கு விண்ணப்பித்தவர்களுக்கு அது கிடைக்கும். கை மாறிய சொத்துக்கள் உங்களுக்கு கிடைக்கலாம்.

ராகு- கேதுக்கள் சுயபலமற்ற கிரகங்கள். அவர்கள் யார் வீட்டில் சஞ்சரிக்கிறார்களோ, அவர்களுக்குரிய பலன்களையே வழங்குவார்கள். அந்த அடிப்படையில் பார்க்கும் பொழுது செவ்வாய் வீட்டில் கேது சஞ்சரிப்பதால் உடன்பிறப்புகளின் ஒத்துழைப்பு கிடைக்கும். அவர்களின் இல்லங்களில் நடைபெறும் மங்கல நிகழ்ச்சிகளை முன்னின்று நடத்துவீர்கள். கூட்டு முயற்சியில் இருந்து விடுபட்டு தனித்து இயங்க வேண்டுமென்று விருப்பப்படுவீர்கள். அரசியல் ஈடுபாடு அதிகரிக்கும். நாட்டுப்பற்று மிக்கவர்களின் நல்லாதரவோடு லாபம் காண்பீர்கள்.
6-ம் இடத்திற்கு ராகு வருவது ஒருவழிக்கு நன்மைதான். 6-ல் ராகு சஞ்சரித்து, குரு கேந்திரத்தில் நின்றால் அஷ்டலட்சுமி யோகம் என்பார்கள். அந்த அடிப்படையில் இப்பொழுது சாதகமான பலன்கள் உங்களுக்கு கிடைக்கப் போகிறது. நினைத்தது நிறைவேறும். தொட்டது துலங்கும். நீடித்த நோய் அகலும். உற்றார், உறவினர்கள் உங்கள் முன்னேற்றம் கண்டு வியப்பர். வளர்ச்சி கூடும். வாகன யோகம் உண்டு. ஆபரணங்களை வாங்குவதில் தனிக்கவனம் செலுத்துவீர்கள். இதுவரை இருந்த கடன்சுமை குறையும். நாலாபுறமும் இருந்து நல்ல தகவல்கள் வந்து சேரும். முட்டுக்கட்டைகள் விலக, முக்கியப் புள்ளிகள் ஒத்துழைப்பு செய்வர். அரசுப் பணிக்காக ஏற்பாடு செய்திருந்தால் அது கைகூடும். இக்காலம் ராகு-கேதுக்களை முறையாக வழிபடுவது நல்லது.

சனிப்பெயர்ச்சிக் காலம்

உங்கள் ராசியிலேயே சஞ்சரித்து வரும் சனிபகவான், 29.4.2020 முதல் 14.9.2020 வரை தனுசு ராசிக்குள் குரு வக்ரம் பெறுகிறார். 13.2.2020 முதல் 22.3.2020 வரை செவ்வாய்- சனி சேர்க்கை ஏற்படுகிறது. 3.5.2020 முதல் 17.6.2020 வரை தனுசு ராசியில் கும்பத்தில் இருக்கும் செவ்வாயை, சனி பார்வை செய்கிறார். இக்காலத்தில் எதிர்பாராத விரயங்களும் ஏமாற்றங்களும் ஏற்படலாம். ஆரோக்கியத்தில் அச்சுறுத்தல்கள் ஏற்படும். குடும்பத் தகவல்களை மூன்றாம் நபரிடம் சொல்வதால் பிரச்சினைகள் அதிகரிக்கும். கடன் சுமை கூடும். தொலைதூரப் பயணங்கள் செய்வதில் தாமதம் ஏற்படும்.

26.12.2020-ல் உத்ராடம் 2-ம் பாதத்தில் மகர ராசிக்கு செல்லப்போகிறார். ஜென்மச் சனி முடிந்து குடும்பச் சனியின் ஆதிக்கம் தொடங்கப்போகிறது. இதில் இன்னும் இரண்டரை வருடகாலம் நீடிக்கும். அதன்பிறகு சனி முழுமையாக விலகிய பின்னால்தான் நீங்கள் ஏழரைச் சனியின் பிடியில் இருந்து விடுதலை பெறுகிறீர்கள். சனி உங்கள் ராசிக்கு நன்மை தரும் கிரகமாகும். கடந்த இரண்டரை ஆண்டு காலமாக சனியால் வந்த துயரங்கள் இனிக் குறையும். சஞ்சலங்கள் தீரும். சகோதர ஒற்றுமை பலப்படும். தனித்து இயங்க நினைத்தவர்களுக்கு அதில் வெற்றி கிடைக்கும். உத்தியோகப் பிரச்சினை அகலும். ஊர் மாற்றங்கள் திருப்தி தரும்.

செல்வ வளம் தரும் வழிபாடு

வியாழக்கிழமை தோறும் குரு தட்சிணாமூர்த்தியை வழிபட்டு வருவதோடு, யோகபலம் பெற்ற நாளில் சிவகங்கை மாவட்டம் கீழச்சிவல்பட்டி அருகில் உள்ள இரணியூர் ஆட்கொண்டநாதர், சிவபுரம் தேவியை பூக்கொண்டும், பாக்கொண்டும் வழிபட்டால் வாழ்க்கை வளமாக அமையும்.
குருவின் வக்ர காலமும், பரிவர்த்தனை யோகமும்

27.3.2020-ல் மகர ராசிக்கு குரு வக்ர இயக்கத்தில் செல்கிறார். அங்கு 7.7.2020 வரை இருக்கின்றார். அதே நேரத்தில் சனியும், தனுசு ராசியில் வக்ரம் பெறுகிறார். இதனால் இருவரும் பரிவர்த்தனை யோகம் பெறுகிறார்கள். ‘பரிவர்த்தனை யோகம்’ என்பது யோகங்களில் சிறந்த யோகமாகும். உங்கள் ராசிக்கு 2, 3 ஆகிய இடங்களுக்கு அதிபதியானவர், சனிபகவான். குரு உங்கள் ராசிநாதனாகவும், 4-ம் இடமான சுக ஸ்தானத்திற்கு அதிபதியாகவும் விளங்குபவர். எனவே இக்காலம் உங்களுக்கு ஓரளவு நன்மை தரும் விதத்திலேயே அமைகிறது. இடம், பூமி வாங்கும் யோகம்,புதுவீடு கட்டிக் குடியேறும் வாய்ப்பு கிடைக்கலாம். சுபவிரயங்கள் அதிகரிக்கும். கூட்டு முயற்சியில் லாபம் காண்பீர்கள். ஏற்ற இறக்கமான நிலை அகலும். வழக்குகள் சாதகமாகும்.
பெண்களுக்கான பலன்கள்

தனுசு ராசியில் பிறந்த பெண்களுக்கு இந்தப் புத்தாண்டில் பொருளாதாரப் பற்றாக்குறை அதிகரிக்கும். செய்யும் காரியங்கள் அனைத்திலும் இடையூறு ஏற்பட்டாலும், கடைசி நேரத்தில் காரியங்கள் கைகூடிவரும். ஐந்து கிரக சேர்க்கையோடு தொடங்கும் ஆண்டு என்பதால் மிகுந்த விழிப்புணர்ச்சியுடன் செயல்படுவது நல்லது. ஏழரைச் சனியில் ஜென்மச் சனியின் ஆதிக்கம் நடைபெறுவதால், குடும்பத்தினரையும் அனுசரித்துச் செல்வது நல்லது. தன்னிச்சையாகச் செயல்பட இயலாது. கணவன் - மனைவிக்குள் மனக்கசப்புகள் ஏற்படாமல் இருக்க விட்டுக்கொடுத்துச் செல்வது உகந்தது. உடன்பிறப்புகளின் உதவியும், தாயின் ஒத்துழைப்பும் ஓரளவே கிடைக்கும். எதிர்மறை சிந்தனைகளை மாற்றிக் கொள்ளுங்கள். நேர்மறை சிந்தனைகளை வளர்த்துக் கொள்ளுங்கள். பணிபுரியும் பெண்களுக்கு பயணங்களும், இடமாற்றங்களும் வந்து சேரும். ராகு-கேது பெயர்ச்சிக்குப் பிறகு தடைப்பட்ட பதவி உயர்வு, தானாகக் கிடைக்கலாம். குருவழிபாடும், சனி வழிபாடும் சர்ப்ப சாந்தியும் தடைகளை அகற்றும்.

 

விகாரி வருட பலன்

தனுசு ராசிக்கு நன்மைகளும் தீமைகளும் கலந்த ஒரு புது வருடமாக இந்த விகாரி வருடம் இருக்கும். குறிப்பாக சொல்லப்போனால் இளைஞர்களுக்கு குறைகளைத் தரும் ஆண்டுதான் இது. ஐம்பது வயது தாண்டியவர்களுக்கு சிறப்புக்கள் இருக்கும்.

தனுசுக்கு தற்போது ஏழரைச்சனி நடந்து கொண்டிருக்கிறது. சனி பகவான் உங்களின் ராசியில் அமர்ந்து ஜென்மச் சனி எனும் அமைப்பில் இருக்கிறார். ஜென்மச் சனி நடக்கும்போது வேலை, தொழில் விஷயங்களில் சாதகமான பலன்கள் நடக்காது என்பது ஜோதிட விதி.

சனி மட்டுமே ஒருவருக்கு அஷ்டம, ஏழரைச்சனி நேரங்களில் பொருளாதாரச் சிக்கல்களை கொடுத்து பணத்தின் அருமையைப் புரிய வைக்கின்ற கிரகம் என்பதால் இந்த வருடம் உங்களின் வேலை, தொழில், வியாபாரம் போன்ற ஜீவன அமைப்புகளில் உங்களுக்கு விருப்பமற்ற, சாதகமற்ற நிலைகள் இருக்கும். எனவே தொழில் விஷயங்களில் நீங்கள் ரிஸ்க் எடுக்காமல் இருப்பது நல்லது.

“அரசனை நம்பி புருஷனை கைவிடும்” கதையாக சில விஷயங்கள் தனுசு ராசிக்கு இப்போது நடக்கும் என்பதால் முப்பது வயதுகளில் இருக்கும் இளைய பருவத்தினர் வேலை விஷயங்களில் நிதானமாகவும், அக்கறையுடனும் இருக்க வேண்டும்.

ராசியில் இருக்கும் சனி, பத்தாமிடத்தை பார்ப்பதால் உங்களுடைய தெளிவான சிந்தனைகளுக்கு முட்டுக்கட்டை போட்டு உங்களுடைய மனதை மாற்றி இருக்கும் வேலையை பறிக்க முயற்சிப்பார் என்பதால் எதிர்காலத் திட்டமிடுதல்களில் கவனமுடன் இருக்கவேண்டியது அவசியம்.

இந்த வருடத்தின் பலன்களை உங்களுக்கு இரண்டு பிரிவாக பிரித்துச் சொல்லுவேன். நவம்பரில் நடக்க இருக்கும் குருப்பெயர்ச்சியின் மூலம் உங்கள் ராசிநாதன் குரு, ராசிக்கு மாறி ஆட்சி நிலை பெற்று, சனியை சுபத்துவப் படுத்தப் போகிறார். அதுமுதல் உங்களின் கஷ்டங்கள் குறைய ஆரம்பித்துவிடும். எனவே நவம்பர் வரை பல்லைக் கடித்துக் கொண்டு பொறுத்துக் கொண்டிருங்கள்.

தமிழ்ப் புத்தாண்டின் ஆரம்ப மாதங்களில் எந்த ஒரு விஷயத்திலும் நீங்கள் அகலக்கால் வைக்காமல் நிதானத்துடனும், கவனத்துடனும் செயல்பட வேண்டிருக்கும். ஆயினும் பணத்தின் அருமையை உங்களுக்கு சனிதான் புரிய வைக்க வேண்டும் என்பதால் வெயிலில் இருக்கும் போதுதான் நிழலின் அருமை தெரியும் என்ற பழமொழியின்படி வருட ஆரம்பத்தில் இருந்தே பணத் தட்டுப்பாட்டினையும், பொருளாதாரச் சிக்கல்களையும் கடன் வாங்க வேண்டிய அளவிற்கு நிலைமையையும் உருவாக்குவார்.

எதிலும் அகலக்கால் வைக்காமல், புதிதாக எதையும் தொடங்காமல் கட்டுப்பாட்டுடன் இருக்க வேண்டியது அவசியம். இப்போது என்ன செய்து கொண்டிருக்கிறீர்களோ அதைக் கண்ணும் கருத்துமாக கவனித்து வந்தால் மட்டும் போதும்.

பிறந்த ஜாதகத்தில் யோகவலுவுள்ள தசா,புக்திகள் நடக்கும். தனுசு ராசிக்காரர்களுக்கு சாதகமற்ற பலன்கள் சற்றுக் குறைவாக இருக்கும். ஆயினும் ஜென்மச்சனி என்பது உங்களுக்கு துன்பங்கள் என்ற பெயரில் அடுத்தவர்களிடம் எப்படி ஏமாறாமல் இருப்பது மற்றும் எப்படித் தொழில் நடத்துவது. போன்ற வாழ்க்கை அனுபவங்களை கற்றுத்தரும் என்பதால் இளைய பருவத்தினரைப் பொறுத்தவரை இந்த வருடம் அனுபவங்களைக் கற்றுக் கொள்ளும் வருடமாக இருக்கும்.

தொழில், வேலை, வியாபாரம் போன்றவைகள் சுமாரான பலன்களைத்தான் தரும். வேலைப்பளு அதிகம் வருவதற்கு வாய்ப்பு இருக்கிறது. சுயதொழில் நடத்துவோருக்கு கடன் வாங்க வேண்டிய சூழ்நிலை இருக்கும். வெளிநாடுகளில் வர்த்தக அமைப்புகளை வைத்திருப்பவர்கள், மாநிலங்களுக்கு இடையே தொழில் செய்பவர்கள் கடன் கொடுப்பதில் கவனமாக இருக்க வேண்டும்.

அரசு, தனியார்துறை ஊழியர்களுக்கு வேலைப்பளு அதிகமாக இருக்கும். விருப்பம் இல்லாத ஊருக்கு மாற்றம் அல்லது துறைரீதியான தேவையில்லாத மாற்றங்கள் நடந்து உங்களை சங்கடப்படுத்தலாம். வீடு மாற்றம், தொழில் மாற்றம் போன்ற ஏதேனும் ஒன்று இப்போது நடக்கும்.

உங்களில் சிலர் அடிக்கடி பயணம் செய்ய வேண்டியிருக்கும். வெளி மாநிலங்களுக்கு செல்வீர்கள். நீண்டதூரப் பயணங்களால் சங்கடங்கள் இருக்கும். இதுவரை வெளிநாடு போக முயற்சித்தவர்களுக்கு இப்போது வெற்றி கிடைக்கும். இளம்பருவத்தினர் வேலை விஷயமாக வெளிநாடு செல்வீர்கள்.

பூர்வீக சொத்து விவகாரங்களில் ஏதேனும் வழக்கு போன்ற வில்லங்கம் வரும். பங்காளிகளுடன் கருத்து வேற்றுமை வர வாய்ப்பு இருக்கிறது. உறவினர்களுடன் கவனமாக பழக வேண்டியது அவசியம். தேவையற்ற பேச்சுக்கள் வேண்டாம். சிலருக்கு மறைமுகமான வழியில் தனலாபங்கள் இருக்கும். எப்படி வந்தது என்று வெளியில் சொல்ல முடியாத வகையில் பண வரவுகளும் இருக்கும்.

யூகவணிகம், பங்குச்சந்தை முதலீடு, வட்டிக்கு பணம் கொடுத்தல் போன்ற ரிஸ்க் எடுக்கும் தொழில்களில் கவனமுடன் இருப்பது நல்லது. ஆரம்பத்தில் சிறிது லாபம் வருவது போல காட்டி பிறகு மொத்த முதலீடும் சிக்கலுக்கு ஆளாகும் நிலை வரலாம். பங்குச் சந்தையில் முதலீடு செய்ய வேண்டாம்.

குலதெய்வத்தின் அருளைப் பெற வேண்டிய நேரம் இது என்பதால் முறையாக குலதெய்வ வழிபாடு செய்யுங்கள். தள்ளிப் போயிருந்த குலதெய்வ வழிபாடு மற்றும் நேர்த்திக்கடன்களை இப்போது நிறைவேற்ற முடியும். கம்ப்யூட்டர் சம்பந்தமாக படிக்கும் மாணவர்களுக்கு படிப்பில் தேக்க நிலையும், மந்தமான போக்கும், மறதிகளும் ஏற்படும். பொறியியல் துறை மாணவர்கள் கூடுதல் கவனத்துடன் படிக்க வேண்டிய காலம் இது. பேசும்போது வார்த்தைகளில் கவனமாக இருங்கள். பொது வாழ்க்கையில் உள்ள சிலருக்கு அதிகாரப் பதவிகள் தேடி வரும். கூடவே விரோதிகளும் எதில் சிக்க வைக்கலாம் என்றும் அலைவார்கள். கலைஞர்கள் வேலை செய்த பணத்தை பெற போராட வேண்டி இருக்கும்.

நடுத்தர வயதை எட்டுபவர்கள் மருத்துவ பரிசோதனைகள் செய்து கொள்ள வேண்டியது அவசியம். சர்க்கரை, ரத்தஅழுத்தம் போன்றவைகள் கண்டுபிடிக்கப்படும் நேரம் இது என்பதால் உடல்நல விஷயத்தில் அலட்சியம் காட்டாமல் சிறு சுகக்குறைவு என்றாலும் மருத்துவரை உடனே அணுகு வது நல்லது.

போட்டி பந்தயங்களில் கலந்து கொள்ள வேண்டாம். அடிதடி சண்டை போன்றவைகளால் கோர்ட் காவல்துறை போன்ற இடங்களுக்கு அலைய வேண்டியது ஏற்படக்கூடும் என்பதால் எதிலும் கவனமாக இருக்க வேண்டியது அவசியம். ஏற்கனவே வழக்கு விவகாரங்கள் இருந்தால் அவற்றை முடிப்பதற்கும் அவசரப்பட வேண்டாம். தற்போது தீர்ப்பு வரும் நிலை இருந்தால் அவற்றை தள்ளி வைக்க முயற்சிப்பது நல்லது. தீர்ப்புகள் உங்களுக்கு சாதகமாக வருவது கடினம். குடும்பப் பிரச்னைகளும் நீதிமன்றம் செல்லக் கூடிய காலகட்டம் இது.

பெண்களுக்கு நல்லபலன்கள்தான் அதிகம் இருக்கும். குடும்பத்தில் செலவுகள் அதிகமாக இருக்கும் என்பதால் இருக்கும் சேமிப்பு செலவழிந்து உங்கள் பாடு திண்டாட்டமாகலாம். வேலைக்கு செல்லும் பெண்களுக்கு இதுவரை தள்ளிப் போய் இருந்த பதவிஉயர்வும், சம்பளஉயர்வும் தற்போது கிடைக்கும். சுபக்கிரகமான குருபகவான் ஆறாமிடத்தைப் பார்ப்பதால் சில தேவையற்ற விஷயங்களில் மாட்டிக் கொண்டு உங்களுடைய நல்ல பெயரைக் கெடுத்துக் கொள்வீர்கள். தேவையற்றவர்களுக்கு ஜாமீன் போடுவது மற்றும் எவருக்காகவும் கியாரண்டி தருவது இப்போது கூடாது. பல நாள் சேர்த்து வைத்த நற்பெயர் ஒரு சில நிமிட செயல்களால் கெடக்கூடும் என்பதால் கவனமாக இருங்கள்.

எந்த ஒரு செயலையும் கடும் முயற்சிக்குப் பின்னர்தான் செய்ய முடியும் என்பதால் அனைத்து விஷயங்களையும் நிதானமாகவும் திட்டமிட்டும் சரியாகச் செய்ய வேண்டி இருக்கும். குழப்பமான சூழ்நிலையில் தவறான முடிவுகள் எடுக்க வாய்ப்பு இருக்கிறது. எனவே எந்த ஒரு விஷயத்தையும் ஒன்றுக்கு இரண்டு முறை யோசித்தும், வீட்டில் இருக்கும் அனுபவம் வாய்ந்த பெரியவர்களிடம் ஆலோசித்தும் முடிவு எடுப்பது மிகவும் நன்மையைத் தரும்.

இளைஞர்களுக்கு எதிர்கால நன்மைக்கான மாற்றங்கள் நடக்க இருக்கும் காலம் இது. கிரகங்கள் சாதகமற்ற பலன்களை தரும் இதுபோன்ற நேரங்களில் வாழ்க்கையே கசப்பானதாகவும், உலகமே இருண்டு விட்டதாகவும் தோன்றினாலும் சிலகாலம் கழித்து மிகப் பெரிய நன்மைகள் நடக்கும் போது எல்லாம் அவன் செயல் என்பது நம் அறிவுக்குப் புலப்படும். அதன் பிறகுதான் நடந்தது எல்லாம் நன்மைக்கே என்பது உங்களுக்கு புரியும்.

எனவே எதிர்காலத்தில் நீங்கள் மிகவும் நன்றாக இருக்கக்கூடிய சூழலுக்கு மாறுவதற்கான ஆரம்பகட்ட அடிப்படை நிகழ்வுகள் இப்போது உங்களுக்கு நடக்கும். எனவே, கிரகங்கள் தரப்போகும் மாற்றத்தை முழுமனதோடு ஏற்றுக் கொண்டு அதற்குத் தயாராகுங்கள்.

குறிப்பாக இளைய பருவத்தினர் காதல் என்பதை சற்றுத் தள்ளி வையுங்கள். ஆனால் நீங்கள் சொல்வதைக் கேட்க மாட்டீர்கள். இப்போது காதல் வந்தே தீரும். பின்னாலேயே கடுமையான மன அழுத்தமும் வரும்.

ஆரம்பத்தில் அனைத்தையும் கெடுத்து பிற்பகுதியில் வளமாக இருக்க வைக்கும் வருடமாக இது இருக்கும்.

ஆதித்ய குருஜி
செல்: 88709 98888

சனிப்பெயர்ச்சி பலன்கள்

19-12-2017 முதல் 28-03-2020 வரை

மூலம், பூராடம், உத்ராடம், 1-ம் பாதம் வரை

(பெயரின் முதல் எழுத்துக்கள்: யே, யோ, ப, பி, பு, பூ, பா, ன, டே, பே உள்ளவர்களுக்கும்)

ஜென்ம ராசியில் சனி சிந்தித்து செயல்பட வேண்டும் இனி!

லட்சியம் நிறைவேறும் வரை விடாது பாடுபடும் தனுசு ராசி நேயர்களே!

குருவின் ஆதிக்கம் பெற்ற உங்களுக்கு ஒரு தனி மதிப்பும், மரியாதையும் இருக்கும். வெல்லும் சொல்லுக்கு சொந்தக்காரர்களாக விளங்கும் நீங்கள் நியாயத்தை நிலைநிறுத்தப்பாடுபடுவீர்கள். உங்களுக்கு இதுவரை விரய ஸ்தானத்தில் சஞ்சரித்து வந்த சனிபகவான் இப்பொழுது ஜென்ம ராசிக்குள் அடியெடுத்து வைக்கின்றார். உங்கள் ராசியைப் பொறுத்தவரை தனாதிபதியாகவும், சகாய ஸ்தானாதிபதியாகவும் விளங்குபவர் சனிபகவான். எனவே பெரிய பாதிப்புகளை ஏற்படுத்த மாட்டார். இருந்தாலும் ஏழரைச் சனியின் ஆதிக்கம் என்பதால் குழப்ப நிலையை உருவாக்குவார்.

சனி உங்கள் ராசிக்கு முதல் சுற்றா? இரண்டாவது சுற்றா? மூன்றாவது சுற்றா? என்பதை ஆராய்ந்து பாருங் கள். முதல் சுற்றாக இருக்கும் பட்சத்தில் தீட்டிய திட்டங்கள் திசைமாறிச் செல்லலாம். திடீர், திடீரென விரயங்கள் ஏற்படலாம்.

இரண்டாவது சுற்று நடப்பவர்கள் பொங்கு சனியின் ஆதிக்கம் இருப்பதால் செல்வநிலை உயரும். செயல்பாடுகள் அனைத்திலும் வெற்றி கிடைக் கும். ஆனால் மனதில் மட்டும் இனம் புரியாத கவலை குடிகொள்ளும்.

மூன்றாவது சுற்று நடப்பவர்கள் எதையும் நிதானித்துச் செய்வது நல்லது. எப்படிச் செய்தாலும் அந்தக் காரியத்தில் மக்கள் அவர்கள் மீது குற்றம் சுமத்துவர். பண நெருக்கடி அதிகரிக்கும்.

இப்பொழுது உங்களுக்கு நடக்கும் சனி ஜென்மச் சனியாகும். அதற்காக நீங்கள் கவலைப்பட வேண்டாம். நீதிமான் என்றும், நியாயத்தை வழங்குபவர் என்றும் வர்ணிக்கப்படும் சனி பகவானை தேடி கோவிலுக்குச் சென்று வழிபட்டு வந்தால் வாழ்க்கைப் பாதை சீராகும். வழக்குகள் சாதகமாகும். வாரிசுகளால் ஏற்பட்ட பிரச் சினைகள் அகலும்.

சனிக்குரிய சிறப்பு ஸ்தலங்களான மதுரை, தேனி அருகிலுள்ள குச்சானூர் சென்று சனிபகவானை வழிபட்டு வருவது நல்லது. காரைக்கால் அருகிலுள்ள திருநள்ளாறு சென்று தங்க வாகனத்தில் காட்சி தரும் சனிபகவானை கவசம் பாடிக் கைதொழுது வழிபட்டு வாருங்கள். வார நாட்களில் சனி ஓரை வரும் நேரத்தில் சனி பகவானை வழிபட்டால் சகல யோகங் களும் உங்களுக்கு கிடைக்கும்.

ஜென்மத்தில் சனிவரும் நேரம்
சிந்தித்து செயல் புரிந்தால்
நன்மையே நாளும் சேரும்!
நல்லவர் தொடர்பு கிட்டும்!
பொன், பொருள் குவிவதற்கும்,
புகழ்வந்து சேர்வதற்கும,்
அன்புடன் கவசம் பாடி
அவரையே தொழுவோம் நாமே!

என்று ஜோதிட சாஸ்திரம் சொல்கின்றது.

எனவே ஒவ்வொரு சனிக்கிழமையும் சனியின் சன்னிதியில் எள் தீபம் ஏற்றி வழிபாடு செய்யுங்கள். ஆதியந்த பிரபு வழிபாடு ஆனந்தம் வழங்கும்.

சிறப்புகளை வழங்குமா ஜென்மச் சனி?

டிசம்பர் 19-ந் தேதி முதல் விரயச் சனியின் ஆதிக்கத்தில் இருந்து விடுபட்டு ஜென்மச் சனியின் ஆதிக்கத்தைப் பெறுகிறீர்கள். உங்கள் ராசி வீட்டைத் தேடி வரும் சனியால் பல விதங்களில் மாற்றங்களைக் காணப் போகிறீர்கள். ஆனால் தேக நலனில் மட்டும் அதிக அக்கறை எடுத்துக் கொள்ளும் சூழ்நிலை உருவாகும். அலைச்சல் கூடும். அதிகமாக முயற்சி செய்துதான் சில காரியங்கள் முடியும். செலவுகள் கட்டுக்கடங்காமல் இருக் கும். ஒருசிலரை நம்பி ஏமாறும் சூழ்நிலை கூட உண்டு. உங்கள் கண்காணிப்பில் இல்லாத காரியங்கள் சிறப்பாக முடிவடையாது.

பொதுநலம் மற்றும் அரசியலில் உள்ளவர்கள் வீண் பழிகளுக்கு ஆளாக நேரிடும். ஒருசிலர் வேறு தலைமையில் சேரலாமா? என்று கூட சிந்திப்பர். கணக்கு வழக்குகளை கச்சிதமாக வைத்துக் கொள்வது நல்லது.

சுற்றியுள்ளவர்களின் பகை அதிகரிக்கும். நட்பு வட்டமும் பகை ஆகலாம். நாடு மாற்றங்களும், வீடு மாற்றங்களும், வாகன மாற்றங்களும் நம்பிக்கை அளிக்கும். வீடு கட்டிக் குடியேற வேண்டும் அல்லது வாங்கிக் குடியேற வேண்டுமென்று நினைத்தவர்களின் எண்ணங்கள் பூர்த்தியாகப் போகின்றது.

ஜென்மச் சனி காலத்தில் மிகப் பெரிய விரயங்கள் ஏற்படலாம். சொத்துப் பிரச்சினைகள் தலைதூக்கலாம். எனவே பத்திரப் பதிவில் கவனம் செலுத்துங்கள்.

வாகனங்களில் செல்லும் பொழுது கூடுதல் கவனம் செலுத்த வேண்டிய நேரமிது. பழைய வாகனங்கள் பழுதாகி செலவு செய்ய நேரிடும். படிப்பில் தடங்கல் ஏற்படலாம்.

விரைவில் உங்கள் ராசியிலேயே கேதுவும், 7-ல் ராகுவும் சஞ்சரிக்கப் போவதால் நாகசாந்திப் பரிகாரங்களை முறையாகச் செய்வது நல்லது. மேலும் சாப விமோசனப் படங்களை இல்லத்துப் பூஜையறையில் வைத்து வழிபாடு செய்யலாம். பவுர்ணமி கிரிவலத்தில் கலந்து கொள்வதினாலும், அமாவாசையில் முன்னோர்களை வழிபடுவதன் மூலமும் முன்னேற்றத்தில் ஏற்பட்ட முட்டுக்கட்டைகள் அகலும்.

சனியின் பார்வை பலன்கள்!

உங்கள் ராசியிலேயே சனி பகவான் டிசம்பர் 19-ந் தேதியிலிருந்து சஞ்சரிக்கப் போகின்றார். அப்பொழுது அதன் பார்வை 3, 7, 10 ஆகிய இடங் களில் பதிவாகின்றது.

எனவே, அந்த இடங்களுக்குரிய ஆதிபத்யங்களில் எல்லாம் நல்ல மாற்றங்கள் உருவாகும். குறிப்பாக தன்னுடைய வீடான 3-ம் வீட்டைத் தானே பார்ப்பதால் உடன்பிறப்புகள் வழியே உதவிகள் கிடைக்கும். அவர்களோடு ஏற்பட்ட உரசல்களும், விரிசல்களும் அகலும். நீண்ட நாட்களாக வேலைஇல்லாமல் இருந்த உடன்பிறப்புகளுக்கு இப்பொழுது வேலை கிடைக்கும். அவர்களுடைய மண விழாக்கள் சிறப்பாக முடிய வழி பிறக் கும்.

சனியின் பார்வை சப்தம ஸ்தானத்தில் பதிவதால் உத்தியோகத்தில் வேலைப்பளு கூடுதலாக இருக்கும். அலைச்சல் அதிகரிக்கும். ஆதாயம் குறைவாகவே கிடைக்கும். நீண்ட தூரப் பயணங்களால் மனக்கலக்கம் ஏற்படும்.

வெளியுலகத் தொடர்பு விரிவடையும் என்றாலும் புதியவர்களிடம் கொஞ்சம் கவனமுடன் இருப்பது நல்லது. குடும்பத்தில் கணவன்-மனைவிக்குள் ஒற்றுமைக் குறைவு ஏற்படாமல் இருக்க விட்டுக் கொடுத்துச் செல்வது நல்லது. பெற்றோர்களின் உடல்நலத்தில் ஆரோக்கிய குறை ஏற்பட்டு அகலும்.

சனியின் பார்வை 10-ம் இடத்தில் பதிவதால் தொழிலில் மாறுதல் செய்ய நினைப்பீர்கள். மனைவி வழி உறவினர்கள் கூட்டாளிகளாக வந்திணைவர். உத்தியோகத்தில் உள்ளவர்கள் வி.ஆர்.எஸ். பெற்றுக்கொண்டு விருப்ப ஓய்வில் வெளிவந்து புதிய தொழில் தொடங்கும் திட்டங்களை மேற்கொள்வர். பணிநிரந்தரம் பற்றிய தகவல் வந்து சேரும்.

குதூகலம் தரும் குருப்பெயர்ச்சிக் காலம்!

4.10.2018-ல் விருச்சிக ராசியில் குரு சஞ்சரிக்கப் போகின்றார். அதன்பிறகு 28.10.2019-ல் தனுசு ராசிக்கு குரு செல்கின்றார். இந்த இரண்டு குருப் பெயர்ச்சிகளும் உங்களுக்கு எதிர்பார்த்த மாற்றங்களையே கொடுக்கப் போகின்றது.

விருச்சிகத்தில் குரு சஞ்சரிக்கும் பொழுது அதன் பார்வை 4, 6, 8 ஆகிய இடங்களில் பதிகின்றது. குரு பார்வை பதியும் இடங்கள் எல்லாம் புனித மாகும். எனவே சுகங்களும், சந்தோஷங்களும் கிடைக்கும். வாகன யோகம் உண்டு. திருமண மண்டபங்கள், கடைகள் கட்டி வாடகைக்கு விடும் சூழ்நிலை உண்டு. பாக்கிகள் வசூலாகி பரவசப்படுத்தும். பணி நிரந்தரமாகவில்லையே என்ற கவலை இனி அகலும்.

தனுசு ராசியில் குரு சஞ்சரிக்கும் பொழுது அதன் பார்வை 5, 7, 9 ஆகிய இடங்களில் பதிகின்றது. எனவே பிள்ளைகளால் ஏற்பட்ட பிரச்சினைகள் அகலும். பிரபலஸ்தர்களின் ஒத்துழைப்பு கிடைக்கும். வாழ்க்கைத் துணையாலும் உதிரி வருமானங்கள் வந்து சேரும். அசையா சொத்துகளில் இருந்த வில்லங்கங்கள் விலகும்.

ராகு-கேது பெயர்ச்சிக் காலம்!

13.2.2019-ல் மிதுன ராசியில் ராகுவும், தனுசு ராசியில் கேதுவும் சஞ்சரிக்கப் போகின்றார்கள். இக்காலத்தில் கூடுதல் கவனம் தேவை. நிறைய விரயங்கள் ஏற்படும். ‘கரும்பாம்பு ஜென்மம் வந்தால் கடலளவு பொருள் இருந்தாலும் விரயமாகி விடும்’ என்பர். வாழ்க்கைத் துணைவழியே பிரச்சினைகள் ஏற்பட்டு அகலும். குலதெய்வப் பிரார்த்தனைகளை நிறைவேற்றுவது நல்லது. ராகு-கேதுக் களுக்குரிய சிறப்பு வழிபாடுகளைச் செய்தால் மனநிம்மதி கிடைக்கும்.

தொட்ட காரியங்களில் வெற்றி பெற வழிபாடு!

வியாழக்கிழமை தோறும் சிவாலயத்திற்கு சென்று குரு தட்சிணா மூர்த்தியை வழிபட்டு வாருங்கள். சனிக்கிழமை அனுமனையும் வழிபட்டு வாருங்கள். சிறப்பு வழிபாடாக சிவகங்கை மாவட்டம் திருப்பத்தூருக்கு அருகில் உள்ள பிள்ளையார் பட்டிக்கு சென்று அங்குள்ள வடக்கு நோக்கி வீற்றிருந்து அருள்வழங்கும் கற்பக விநாயகரை கைதொழுது போற்றுங்கள். ஒப்பற்ற வாழ்க்கை அமையும்.

சனியின் வக்ர காலம்!

25.4.2018 முதல் 21.8.2018 வரை மூல நட்சத்திரக் காலில் சனி வக்ரம் பெறுகின்றார். 8.5.2019 முதல் 3.9.2019 வரை மீண்டும் பூராட நட்சத்திரக் காலில் சனி வக்ரம் பெறுகின்றார்.

இக்காலத்தில் பண நெருக்கடி அதிகரிக்கும். விரயங்கள் கூடுதலாக இருக்கும். எந்தக் காரியமும் உடனடியாக முடிவடையவில்லையே என்று கவலைப்படுவீர்கள். கொடுத்த வாக்கைக் காப்பாற்ற இயலாது. கண், காது சம்பந்தப்பட்ட இடங்களில் தொல்லைகள் ஏற்பட்டு அகலும். தொழில் நிலையம் வைத்திருக்கும் இடத்தை மாற்றும் முயற்சியில் ஈடுபடுவீர்கள். முடிவடைந்த வழக்குகள் கூட மீண்டும் தலை தூக்கலாம்.

மங்கையருக்கான மகத்தான பலன்கள்!

தனுசு ராசியில் பிறந்த பெண்களுக்கு விரயச் சனியின் ஆதிக்க காலம் முடிந்து ஜென்மச் சனியின் ஆதிக்கம் நடைபெறப் போகின்றது. உடல் ஆரோக்கியப் பாதிப்புகள் அடிக்கடி ஏற்படலாம். தகுந்த மருத்துவ ஆலோசனைகளை பெறுவது நல்லது. இட மாற்றங்கள், ஊர் மாற்றங்கள் உருவாகும். ஒருசிலருக்கு வீடு வாங்கி குடியேறும் அமைப்பு உண்டு. பொருளாதார நிலை உயரும். மணவாழ்வில் மகிழ்ச்சி கூடும். கணவன்-மனைவிக்குள் இருந்த கருத்து வேறுபாடு அகலும். ஒருவரை ஒருவர் புரிந்து கொண்டு செயல்படுவீர்கள். பிள்ளைகளின் முன்னேற்றம் பெருமைப்படத்தக் கதாக இருக்கும். போட்டி, பந்தயங்களில் அவர்கள் வெற்றி கண்டு பதக்கங்களைப் பெறுவர்.

குருப் பெயர்ச்சிக்கு பிறகு குடும்பத்தில் சுபகாரியங்கள் நடைபெறும். தாய்வழி ஆதரவு பெருகும். ஆடை, ஆபரண சேர்க்கை உண்டு. பணிபுரியும் இடத்திலிருந்த பிரச்சினைகள் மாறும். வீடு கட்ட, வாகனம் வாங்க நீங்கள் எதிர்பார்த்த சலுகைகள் கிடைக்கும். குலதெய்வ வழிபாடு குடும்ப முன்னேற்றத்திற்கு வித்திடும். அதோடு சர்ப்ப சாந்தியும் செய்வது நல்லது.

குருப்பெயர்ச்சி பலன்கள்

தனுசு ராசிக்கு இதுவரை பனிரெண்டாமிடத்தில் இருந்த உங்கள் ராசிநாதன் குரு இப்போது உங்கள் ராசிக்கே இடம் பெயர்ந்து ஜன்ம குருவாக மாறுகிறார். ஏழரைச் சனியால் அவதிப்பட்டுக்கொண்டிருக்கும் உங்களுக்கு ஒரு விடியலைக் காட்டும் பெயர்ச்சியாக இது அமையும்.

இருள் கிரகமான சனி, ஜென்மச் சனியாக உங்கள் ராசியில் அமர்ந்ததால் கடந்த இரண்டரை ஆண்டுகளாக தனுசுவினர் சொல்ல முடியாத அவஸ்தையில் இருந்தீர்கள். 2017ம் ஆண்டிலிருந்தே தனுசுவினர் கடுமையான சிக்கல்களில் இருக்கிறீர்கள். அவரவர் வயது, இருப்பிடம், சூழ்நிலைக்கேற்ப கெடுபலன்கள் நடந்து கொண்டிருக்கின்றன.

நீங்கள் தனுசு ராசியாக இல்லாவிட்டாலும் பரவாயில்லை, உங்கள் வீட்டில் ஒரு தனுசு ராசிக்காரர் கணவன், மனைவி, குழந்தை என்ற உறவில் இருந்தாலே அந்தக் குடும்பத்தில் நன்மைகள் எதுவும் நடக்கவில்லை. குறிப்பாகச் சொல்லப் போனால் இளைய பருவத்தினர் விரக்தியின் விளிம்பில் நிற்கிறீர்கள். அந்த அளவிற்கு ஏழரைச்சனியின் சாதகமற்ற பலன்கள் மட்டும்தான் சென்ற ஆண்டுகளில் முன்னே நின்றது.

மிக முக்கிய ஒரு நிலையாக வரும் ஜனவரி மாதம் 24ம் தேதி நடக்க இருக்கும் சனிப்பெயர்ச்சி மூலம் இதுவரை உங்களை கடுமையான மன அழுத்தத்திற்கு உள்ளாக்கிக் கொண்டிருக்கும் ஜென்மச் சனி அமைப்பு விலகப் போவதால் இனிமேல் உங்களுக்கு நன்மைகள் இருக்கும்.

இந்தப் பெயர்ச்சி மூலம் இதுவரை இழந்த, இழந்து கொண்டிருக்கும் அனைத்தையும் தனுசுவினர் திரும்பப் பெறப் போகிறீர்கள். கடுமையான சோதனைக் காலம் இன்னும் சில வாரங்களில் முடிய இருக்கிறது. இனி நடக்க இருக்கும் அனைத்தும் உங்களுக்கு சுப விஷயங்களை மட்டுமே தரும்.

குறிப்பாக உங்கள் ராசிநாதன் குருவின் இப்போதைய ராசி அமர்வால், உங்கள் ராசி ஒளி பெறுகிறது. அதாவது நீங்கள் ஒளி பெறப் போகிறீர்கள். உங்களைச் சுற்றி ஒரு பாசிடிவ் எனர்ஜி உருவாகப் போகிறது. இனிமேல் நீங்கள் நன்றாக இருக்கப் போகிறீர்கள்.

இந்த அமைப்பால் சென்ற வருடத்தை விட இந்த வருடம் வருமானம் நன்றாக இருக்கும். பணவரவும் சரளமாக இருக்கும். இம்முறை தொழில் மேன்மை மற்றும் பொருளாதார வசதிகளை குரு அளிப்பார். நடக்கும் குரு, சனி மாற்றங்கள் சாதகமாக இருப்பதால் இதுவரை இருந்து வந்த மனக் கவலைகள் குழப்பங்கள், உடல்நலக் குறைவு, கடன் தொல்லை மற்றும் எதிர்மறை எண்ணங்கள், தொழில் தேக்கம், அதிர்ஷ்டக் குறைவு, தடைகள், தாமதங்கள் போன்ற அனைத்தும் இனி விலகும்.

வேலை செய்யும் இடத்தில் இருந்து வந்த அதிருப்திகளும் சஞ்சலங்களும் விரக்தியும் இனிமேல் இருக்காது. உடலிலும் மனதிலும் புதுத் தெம்பு பிறக்கும். எங்கும் எதிலும் உற்சாகமாக இருப்பீர்கள். நினைத்த காரியங்கள் நினைத்தபடியே நிறைவேறும். எந்த ஒரு செயலையும் உடனுக்குடன் நிறைவேற்ற முடியும்.
இதுவரை நடக்காமல் இருந்த நல்ல விஷயங்கள் நடக்கும். தாமதமாகிப் போனவைகள் கிடைக்கும். மாறும் கிரகநிலைகள் இப்போது மகிழ்ச்சியையும், வருமானத்தையும் தரும். சிந்தனை, செயல்திறன் ஆக்கப்பூர்வமாக இருக்கும். எதிர்மறை எண்ணங்கள் நீங்கி மனதில் தன்னம்பிக்கை குடி கொள்ளும். கௌரவம், அந்தஸ்து கூடும்படியான சம்பவங்கள் நடக்கும். கையில் பணப்புழக்கம் அதிகரித்து உங்களுடைய சொல்லை அனைவரும் கேட்கும் நிலை உருவாகும்.

சொந்தத் தொழில் செய்பவர்களுக்கு மிகப் பெரிய திருப்பு முனையான நல்ல சம்பவங்கள் இந்த வருடம் நடக்க இருக்கிறது. தொழிலை விரிவு படுத்தும் எண்ணங்கள் ஈடேறும். தொழில், வியாபாரம் போன்றவைகள் முன்னேற்ற வழியில் இருக்கும். அதேநேரத்தில் வேலைப்பளுவும் அதிகமாக இருக்கும்.

போட்டி பந்தயங்கள் கை கொடுக்கும். கூட்டுத்தொழிலில் இதுவரை இருந்து வந்த கருத்து வேறுபாடுகள் நீங்கி பங்குதாரர்களிடையே இணக்கமான சூழல்கள் இருக்கும். கூட்டுத்தொழில் ஆரம்பிக்க உகந்த நேரம் இது. தொழில் விரிவாக்கங்கள் பலன் தரும். சுயதொழில் செய்வோருக்கு எடுக்கும் முயற்சிகள் கை கொடுக்கும். பணிபுரிபவர்களுக்கு நெடுநாட்களாக தள்ளிப் போய் இருந்த பதவி உயர்வும் சம்பள உயர்வும் இப்பொழுது கிடைக்கும்.

தொழிலதிபர்களுக்கு இதுவரை இருந்து வந்த முட்டுக்கட்டைகள் விலகும். அரசாங்க ஆதரவு உண்டு. இடைத்தரகர்களை நீக்கி நேரடியாக அமைச்சர்களையோ அதிகாரிகளையோ பார்த்து காரியங்களை வெற்றியாக்க முடியும். எந்த ஒரு காரியத்திலும் எடுக்கும் முயற்சிகள் இப்போது பலிதமாகும். தொழிலை விரிவுபடுத்தலாம். புதிய சோதனை முயற்சிகளை இப்போது செய்யலாம். ராசியில் ஜன்ம குரு இருப்பதால் ஏதேனும் ஒரு விஷயத்தைப் பற்றிய தீவிர சிந்தனையும், மனக்குழப்பமும் இருக்கும். மனதைப் போட்டு உழப்பிக் கொண்டிருப்பீர்கள். சிலருக்கு மறைமுக வழியில் தனலாபங்கள் இருக்கும்.

எப்படி வந்தது என்று வெளியில் சொல்ல முடியாத வகையில் பண வரவுகளும் இந்தக் குருப் பெயர்ச்சியால் இருக்கும். அடிக்கடி ஞாபகமறதி வரும். கைப்பொருளை எப்போதும் பாதுகாப்பாக வைத்துக் கொள்ளுவது நல்லது. வங்கியிலிருந்து பணம் எடுக்கும் போதோ அல்லது பெரிய தொகைகளை கையாளும்போதோ கவனமாக இருக்கவேண்டியது அவசியம்.

ராசியில் ஆட்சி நிலையில் அமரும் குரு தனது மதிப்பு மிக்க பார்வையால் உங்களுடைய ஐந்து, ஏழு, ஒன்பதாம் இடங்களை பார்வையிட்டு அந்த இடங்களை புனிதப்படுத்துவார் என்பதால் அந்த பாவகங்களின் மூலமாக உங்களுக்கு நல்ல பலன்களைத் தருவார்.

குருவின் ஏழாமிட பார்வையால் குடும்பத்தில் இருந்து வந்த பிரச்சினைகள் தீரும். கணவன் மனைவி உறவு நல்லபடியாக மாறும். கருத்து வேறுபாடு, குடும்ப பிரச்னைகள் அல்லது வேலை விஷயமாக பிரிந்து இருந்த தம்பதியினர் ஒன்று சேர்வார்கள். வேறு வேறு இடங்களில் பணிபுரிந்த கணவன், மனைவிக்கு ஒரே இடத்தில் பணிமாறுதல் கிடைத்து குடும்பம் ஒன்று சேரும்.

உடல்நலம் சரியில்லாமல் இருந்தவர்களின் ஆரோக்கியத்தில் நல்ல முன்னேற்றம் தெரியும். இதுவரை குருவால் இருந்து வந்த விரயச் செலவுகள் இனிமேல் இருக்காது. ஏதேனும் ஒரு தொகையை அது சிறியதாக இருந்தாலும் சேமிக்க முடியும். குடும்பத்தில் மங்கள காரியங்கள் நடக்கும் என்பதால் வருமானம் வந்தாலும் அதற்கு ஏற்ப சுபச் செலவுகளும் இருக்கும். சொத்து வாங்குவீர்கள். மனைவிக்கு நகை, பெண்குழந்தைகளின் திருமணத்திற்கென்று நகைசேமிப்பு போன்றவைகளை இப்போது செய்ய முடியும்.

பெண்களுக்கு நன்மைகள் அதிகமாக இருக்கும். குடும்பத்தில் உள்ளவர்களிடம் உங்களின் பேச்சு எடுபடும். மாமியாரிடம் பாராட்டு கிடைக்கும். புகுந்த வீட்டில் மதிக்கப் பெறுவீர்கள். பணிபுரியும் இடத்தில் இருந்து வந்த சிக்கல்கள் தீரும். அந்தஸ்து கௌரவம் உயரும். வேலைக்குச் செல்லும் பெண்கள் மதிப்புடன் நடத்தப்படுவீர்கள்.

தனுசு ராசியினருக்கு மகன், மகள் விஷயத்தில் இருந்து வந்த மனக்கவலைகள் தீரப் போகிறது. வேலைக்குச் செல்லாமல் இருந்து வந்த இளைய வயதினருக்கு நல்லவேலை கிடைக்கும். தாமதமாகிக் கொண்டே வந்த மகன், மகள் திருமணத்தை இப்போது நல்லபடியாக நடத்துவதற்கு குரு அருள் புரிவார்.

காதலித்துக் கொண்டிருக்கும் இளைய பருவத்தினருக்கு பெற்றோர் சம்மதத்துடன் திருமணம் கை கூடி வரும். சிலர் புதிதாக காதலிக்க ஆரம்பித்து தங்களது வாழ்க்கைத் துணையை அடையாளம் காண்பார்கள். முதல் திருமணம் முறிந்து விவாகரத்தாகி இரண்டாவது வாழ்க்கையை எதிர்பார்த்து காத்துக் கொண்டிருப்பவர்களுக்கு இப்போது நல்ல வழி பிறக்கும்.

குழந்தைகளால் பெருமைப் படத்தக்க சம்பவங்கள் இருக்கும். பிள்ளைகள் மூலம் நல்ல செய்திகளை எதிர்பார்க்கலாம். அவர்களின் கல்வியில் முன்னேற்றங்கள் இருக்கும். குழந்தைகள் விரும்பும் பள்ளியிலோ, படிப்பிலோ அவர்களை சேர்த்து விட முடியும். நல்ல காலேஜில் சீட்டு கிடைக்கும்.

புத்திர தோஷத்தினால் நீண்டகாலமாக குழந்தை இல்லாத தம்பதிகளுக்கு இப்போது குழந்தை பிறக்கும் நேரம் வந்து விட்டது. குரு புத்திரகாரகன் என்பதால் அவர் ஐந்தாமிடத்தைப் பார்க்கும் இந்த நேரத்தில் எப்பேர்ப்பட்ட தோஷம் இருந்தாலும் அதை நீக்கி குழந்தை பாக்கியம் அருளுவார்.

வெளிநாடு சம்பந்தப்பட்ட அனைத்து விஷயங்களும் கை கொடுக்கும். வெளி நாட்டில் படிக்கவோ, வேலை செய்யவோ முயற்சிப்பவர்களுக்கு உடனடியாக விசா கிடைக்கும். இதுவரை வெளிநாடு செல்லாதவர்கள் இப்போது வெளிநாட்டுப் பயணம் செல்லும்படி இருக்கும். பயணங்கள் மூலம் நன்மைகள் இருக்கும்.

இதுவரை வீடு வாங்க தடை இருந்தவர்களுக்கு இந்த தடை நீங்கி நல்ல வசதியான வீடு அமைய போகிறது. உங்கள் ராசிநாதன் குருவே உங்களின் நான்காம் பாவகத்திற்கும் அதிபதி என்பதால் அவர் ஆட்சிநிலை பெறும் இந்த வருடத்தில் வீட்டு விஷயத்தில் உங்களுக்கு நல்ல பலன்கள் உண்டு.

குறிப்பாக இதுவரை வாடகை வீட்டில் இருப்பவர்கள் இனிமேல் குத்தகை அடிப்படை வீட்டிற்காவது மாற முடியும். இதுவரை வசதியில்லாத வீட்டில் இருந்தவர்கள் காற்றோட்டமான, விசாலமான வீட்டிற்கு குடி போவீர்கள். நீண்ட நாட்களாக சொந்தவீடு வாங்க வேண்டும் என்ற எண்ணத்தில் இருப்பவர்களின் ஆசை இப்போது நிறைவேறும்.

மொத்தத்தில் இந்தக் குருப்பெயர்ச்சி கெடுதல்கள் இல்லாமல் எதிர்காலத்தில் நீங்கள் சிறப்பாக இருக்க வேண்டியதற்கான அடிப்படை விஷயங்களைச் செய்யும்.

பரிகாரங்கள்:

மூத்தவர்களுக்கும் குரு ஸ்தானத்தில் இருப்பவர்களுக்கும் சிறு உதவியாக இருந்தாலும் தேடிப் போய் உதவி செய்து அவர்களின் வாழ்த்துக்களையும் ஆசிகளையும் பெறுங்கள். வயதானவர்களுக்கு ஏதேனும் உதவி தேவைப்பட்டால் உதவுவது, ஏழை மாணவருக்கு கல்வி உதவி, வசதிக்குறைவான பெண்ணிற்கு திருமணத்திற்கு உதவுவது போன்றவைகளால் குருவால் கிடைக்கும் நன்மைகளை இன்னும் பெருக்கிக் கொள்ள முடியும்.

ஆதித்ய குருஜி செல்: 8870 99 8888

ராகுகேது பெயர்ச்சி பலன்கள்

திருக்கணிதப் பஞ்சாங்கப்படி வரும் மார்ச் மாதம் (7-3-2019) முதல் ஏறத்தாழ ஒன்றரை ஆண்டு காலம்

தனுசு ராசிக்கு இதுவரை சாதகமற்ற பலன்களைக் கொடுத்து வந்த அஷ்டம ராகுவும், இரண்டாமிட கேதுவும் தற்போது கெடுபலன்களைத் தர இயலாத விதத்தில் ஏழாமிடத்திற்கும், ராசிக்கும் மாற இருக்கிறார்கள்.

ஏற்கனவே ராகு-கேதுக்கள் இருந்து வந்த எட்டு-இரண்டாமிடங்கள் தனுசுவினரை கடுமையாகப் பாதித்து கெடுபலன்கள் நடந்த இடம் என்பதால் தற்போது ராகு,கேதுக்கள் மாற இருக்கும் ஒன்று, ஏழாமிட பெயர்ச்சியால் நிச்சயமாக கெடுதல்கள் எதுவுமிருக்காது.

முக்கியமாக ஏழாமிடத்திற்கு வரும் ராகு இந்த வருட நவம்பர் மாதம் முதல் உங்கள் ராசிக்கு மாற இருக்கும் குருவின் பார்வையால் சுபத்தன்மை பெற்றவராகி உங்களுக்கு நற்பலன்களை அளிக்கும் தகுதி பெற்றவராகிறார் என்பதால் நவம்பர் முதல் ஏழாமிடத்து ராகு உங்களுக்கு நன்மைகளைச் செய்வார்.

அதேபோல இதுவரை இரண்டாமிடத்தில் இருந்து உங்களின் தனம், வாக்கு, குடும்பம் ஆகியவற்றைப் பாதித்து உங்களின் பணவரவுகளைத் தடுத்து உங்களுக்குப் பொருளாதாரச் சிக்கல்களை இதுவரை கொடுத்துக் கொண்டிருந்த கேதுவும் அந்த இடத்திலிருந்து மாறி ஜென்மம் எனப்படும் ராசிக்கு மாறுகிறார் என்பதால் கேதுவும் நற்பலன் களையே செய்வார்.

பொதுவாக ஜென்மகேது நன்மைகளைச் செய்வதில்லை என்ற கருத்து இருந்தாலும் இயற்கைச் சுபரின் வீடுகளில் இருக்கும் கேது கெடுபலன்களைத் தரமாட்டார் எனும் விதிப்படி தற்போது உங்களின் ராசியான குருவின் வீட்டில் அமரும் கேது கண்டிப்பாக உங்களுக்கு நன்மைகளை மட்டுமே செய்வார். அதிலும் வரும் நவம்பர் முதல் கேது குருவோடு இணையப் போவதால் மிகுந்த நன்மைகளை உங்களுக்குச் செய்வார் என்பது உறுதி.

ஏழாமிடத்து சுப ராகுவால் அடுத்த வருடம் முதல் அந்த வீட்டின் சுபத்தன்மைகள் அதிகரித்து திருமணம், வாழ்க்கைதுணை லாபம், நண்பர்கள் உதவி, கூட்டுத்தொழில் மேன்மை, பயணநன்மை போன்ற பலன்கள் தனுசு ராசிக்காரர்களுக்கு நடைபெற ஆரம்பிக்கும்.

அதேபோல கேது சுபத்தன்மை பெற்று ராசியில் இருப்பதால் குருவின் மறு உருவமாகி உங்களின் சிந்தனை, செயல்திறன், பேச்சு இவைகளைச் சீர்படுத்தி ஊக்கமும் ஏற்படுத்தி அனைத்து விஷயங்களிலும் உங்களுக்கு ஏற்றதினை உண்டாக்குவார் என்பது உறுதி.

இனி முக்கியாமான விஷயத்திற்கு வருகிறேன். தனுசு ராசிக்கு தற்போது ஏழரைச்சனியில் ஜென்மச்சனி அமைப்பு நடந்து கொண்டிருக்கிறது. பொதுவாக கோட்சார அமைப்புகளில் சனியின் நன்மை-தீமைகளே ஒருவரை அதிகம் பாதிக்கும் என்பது ஒரு பொதுவிதி. கோட்சார நிலைமைகளில் மற்ற கிரகப் பெயர்ச்சிகள் அனைத்தும் ஏழரைச்சனிக்கு கட்டுபட்டவைதான்.

உதாரணமாக கடுமையான ஏழரைச்சனி நடந்து கொண்டிருக்கும்போது நல்ல நிலையில் வேறு ஒரு கிரகம் இருந்தாலும் அந்த கிரகத்தால் கொடுக்கப்பட இருக்கும் நற்பலன் சனியால் தடுக்கப்படும். ஏழரைச்சனியை ஓரளவிற்கு கட்டுப்படுத்துவது குருவின் பார்வை மட்டும்தான்.

எனவே இளைய பருவத்தினர் இப்போது சனியின் ஆதிக்கத்தில் இருப்பதால் தற்போது தொழில்ரீதியாக எந்தவித புது முயற்சிகளும் செய்யாமல் இருப்பது நல்லது. அதிகப் பணத்தை முதலீடு செய்து தொழில் ஆரம்பிப்பதோ இருக்கும் தொழிலை விரிவாக்கம் செய்வதோ புதிய கிளைகள் ஆரம்பிப்பதோ வேறு எந்த வகையிலும் புதியவைகளைச் செய்வதோ வேண்டாம்.

தொழிலை விரிவுபடுத்துவதற்கு இது சரியான நேரம் அல்ல. இருக்கும் தொழிலை அக்கறையுடன் பார்த்துக் கொள்ள வேண்டும். எக்காரணம் கொண்டும் புதிய கிளைகள் ஆரம்பிக்கவோ, தொழிலை விரிவாக்கம் செய்யவோ, மேற்கொண்டு அதிகமான முதலீடு செய்யவோ வேண்டாம்.

தனுசுவினர் அனைத்து சோதனைகளையும் வெற்றியாக, சாதனைகளாக மாற்றக்கூடியவர் என்பதால் ஏழரைச்சனி பெரிதாக ஒன்றும் உங்களைப் பாதிக்காது. சனியை நினைத்து கவலைப்பட்டுக் கொண்டிருக்க வேண்டாம். மேலும் சனிபகவான் தற்போது மூலம் நட்சத்திரத்தில் தன்னுடைய பயணத்தை முடித்து தற்போது உங்கள் ராசியில் பூராடம் நட்சத்திரத்தில் சென்று கொண்டிருக்கிறார். எனவே தனுசு ராசி சனியின் பாதிப்பில் இருந்து பாதி விலகி விட்டது.

ஆயினும் சனி, சனிதான் என்பதால் ஏழரைச்சனி நேரங்களில் குறுக்குவழி பணம் வரும் சூழ்நிலையில் விழிப்பும் எச்சரிக்கையும் தேவை. எங்கும் எதிலும் கவனமாக இருங்கள். முறைகேடாக தவறான வழியில் ஆசை காட்டப்படும் எந்த முயற்சிக்கும் மனதை திடப்படுத்திக் கொண்டு அலைபாயாமலும் அடிபணியாமலும் இருக்க வேண்டியது அவசியம். குறிப்பாக இன்னும் சில காலத்திற்கு மதுப்பழக்கத்தை கை விடுங்கள்.

சொந்தத்தொழில் செய்யும் நடுத்தர வயதினருக்கு திருப்புமுனையான நல்ல சம்பவங்கள் நடக்க இருக்கிறது. தொழில், வியாபாரம் போன்றவைகள் முன்னேற்ற வழியில் இருந்தாலும் வேலைப்பளுவும் அதிகமாக இருக்கும். வியாபாரிகளுக்கு கொள்முதல் சம்பந்தமான அலைச்சல்கள் இருக்கும். யாரையும் நம்ப வேண்டாம். வியாபாரம் கண்டிப்பாகக் குறையாது என்றாலும் அதற்காக கடுமையாக உழைக்க வேண்டியிருக்கும்.

சுயதொழில் வியாபாரம் போன்றவைகளை நடத்துவோருக்கு கடன் வாங்க வேண்டிய சூழ்நிலை இருக்கும். ஆயினும் வாங்கும் கடன் நல்லபடியான முதலீடாகவோ அல்லது முன்னேற்றத்திற்கானதாகவோ, வருமானம் வரும் வகையிலோதான் செலவாகும். அலுவலகத்திலோ, தொழில் இடங்களிலோ கூடவே இருக்கும் நெருங்கிய ஒருவர் உங்களை சரியாகப் புரிந்து கொள்ளாமலோ அல்லது அவரசப்பட்டு நீங்கள் செய்யும் ஒரு தவறாலோ எதிராக மாறுவதற்கு வாய்ப்பு இருக்கிறது. அவரை எதிரியாக தள்ளி வைக்க முடியாமலும் நண்பராக சேர்த்துக் கொள்ள முடியாமலும் திணறுவீர்கள் என்பதால் மறைமுக எதிர்ப்புகளில் கவனமாக இருங்கள்.

அரசுவகை உதவிகள் எதிர்பார்ப்போருக்கு அனைத்திலும் சுணக்கம் இருக்கும். அரசு, தனியார்துறை ஊழியர்களுக்கு இடமாற்றம் உண்டு. அரசுப் பணியாளர்களுக்கு உங்களைப் புரிந்து கொள்ளாதவர் மேலதிகாரியாக வந்து மனச் சங்கடங்கள் தருவதற்கு வாய்ப்பு இருக்கிறது. காவல்துறை, வனத்துறை போன்ற சீருடை அணிந்து வேலை செய்யும் துறையினருக்கு பதவி உயர்வு கண்டிப்பாக கிடைக் கும். சம்பள உயர்வு இதர படிகள் போன்றவை எதிர்பார்த்த படி ஓரளவு கிடைக்கும். தொழிலா ளர்களுக்கு வேலை செய்யு மிடத்தில் வேலைப்பளு அதிகமாக இருக்கும். சிலருக்கு வேலை அமைப்புகளில் மாற்றம் வரலாம்.

சிலருக்கு வீடுமாற்றம் தொழில்மாற்றம் வேலை மாற்றம் போன்றவைகள் இப்போது நடக்கும். வெளிநாடு சம்பந்தப்பட்ட அனைத்து விஷயங்களும் இப்போது உங்களுக்கு கை கொடுக்கும். வெளிநாட்டில் படிக்கவோ, வேலை செய்யவோ முயற்சிப்பவர்களுக்கு உடனடியாக விசா கிடைக்கும். இதுவரை வெளிநாடு செல்லாதவர்கள் இப்போது வெளிநாட்டுப் பயணம் செல்லும்படி இருக்கும். பயணங்கள் மூலம் நன்மைகள் இருக்கும்.

புதிதாக வேலை தேடிகொண்டிருக்கும் இளைய பருவத்தினருக்கு அவர்களின் தகுதிக்கு ஏற்ற வேலை கிடைக்கும். சிலருக்கு வெளியூரிலோ வெளி மாநிலத்திலோ தூரதேசங்களிலோ தங்கி வேலை செய்ய கூடிய அமைப்புகள் உருவாகும். நீண்ட நாட்களாக தள்ளிப் போயிருந்த குலதெய்வ வழிபாடு சிறப்பாகச் செய்ய முடியும். நேர்த்திகடன்கள் செலுத்துவீர்கள்.

ஷீரடி மகான் ராகவேந்திரர் மகா பெரியவர் பகவான்ரமணர் சத்யசாய் போன்ற ஆன்மிகத் திருவுருக்கள் அவதரித்து அருளாட்சி செய்த திருத்தலங்களை தரிசிப்பீர்கள்.

ராசிக்கு கேது வருவதால் இதுவரை தீர்த்தயாத்திரை செல்லாதவர்கள் நினைத்த புனிதத்தலத்திற்கு சென்று வருவீர்கள். சொல்லிக்கொடுக்கும் பணி, சாப்ட்வேர், அச்சகம், புத்தகம், அக்கவுண்ட்ஸ், பத்திரிக்கைத்துறை போன்ற துறைகளில் இருக்கும் தனுசு ராசிக்காரர்களுக்கு இந்தப் பெயர்ச்சி நன்மைகளைத் தரும். மேற்கண்ட துறைகளில் இருப்போரின் வாழ்க்கை லட்சியங்கள் இப்போது நிறைவேறும்.

ரியல்எஸ்டேட், வீடுகட்டி விற்போர், திரவம் சம்பந்தப்பட்ட தொழில் செய்பவர்கள், காய்கறி மொத்த வியாபாரம், வெளி நாட்டு ஏற்றுமதி இறக்குமதி, சிகப்பு மற்றும் வெள்ளை நிறம் சம்பந்தப்பட்ட தொழில் செய்பவர்களுக்கு பட்ஜெட்டை மீறி செலவுகளும் விரயங்களும் இருக்கும் என்றாலும் வருமானம் வந்து அனைத்தையும் ஈடு கட்டும். தனுசுராசி இளையபருவத்தினர் எதைச் செய்தாலும் இன்னும் இரண்டு வருடங்களுக்குப் பிறகு இது நமக்கு என்ன பலன்களைச் செய்யும் என்பதை முன்கூட்டியே யோசித்துச் செய்தால் எதையும் ஜெயிக்கலாம்.

பரிகாரங்கள்

ஏழரைச்சனியின் நடுப்பகுதியான ஜென்மச்சனி அமைப்பில் நீங்கள் இருப்பதால் அருகில் இருக்கும் பழமையான ஈஸ்வரன்கோவிலில் உள்ள காலபைரவருக்கு சனிக்கிழமை தோறும் நல்லெண்ணெய் தீபம் ஏற்றுங்கள். ராமதாசன் ஸ்ரீஹனுமனுக்கு சனிக்கிழமை தோறும் நெய்தீபம் ஏற்றுவதும் சனியின் கடுமையை அண்டவிடாது பாதுகாக்கும். ஏழரைச்சனி முடியும் வரை தனித்த சனியின் சந்நிதி முன் நின்று வணங்க வேண்டாம்.

கணித்தவர் ஜோதிடக்கலை அரசு
ஆதித்யகுருஜி
88709 98888

What’s in store for you?

Maalaimalar brings you: The Latest Tamil News | Tamil Cinema News and | Reviews | Kollywood gossips | astrology in Tamil.


Maalaimalar Tamil brings you the latest Tamil news from India and rest of the World.

You Also Get Top Breaking News | Political News from Tamil Nadu and India.

Get In-depth Coverage of National and International Politics | Business | Sports | Cricket News and Score Update of IPL & TNPL, if you are a Chennai Super Kings- CSK or Chepauk Super Gillies-CSG fan, look no further as we have year round updates about these.

We also focus on Tamil Spiritual News | Astrology | Technology | Traditional Tamil Food Recipes | Tamil Cinema Entertainment i.e. Tamil Cinema News | About Tamil Top Actors such as | Rajinikanth | Kamalhasan | Vijay | Ajith etc.

Further Latest Tamil movie reviews with ranking of Top Tamil Movies | Top Tamil Actor and Actress | Photo Gallery | History of Tamil Cinema | Tamil Movie Video Reviews. Catch the Start Interviews and latest events on our site as and when it happens


If you are looking for news from your home town, trust Maalaimalar.com Tamil to get you all the latest happenings not only from districts of Tamil Nadu

Ariyalur News in Tamil | Chennai News in Tamil | Coimbatore News in Tamil | Cuddalore News in Tamil | Dharmapuri News in Tamil | Dindigul News in Tamil | Erode News in Tamil | Kanchipuram News in Tamil | Kanyakumari News in Tamil | Karur News in Tamil | Krishnagiri News in Tamil | Madurai News in Tamil | Nagapattinam News in Tamil | Namakkal News in Tamil | Nilgiris (Ooty) News in Tamil | Perambalur News in Tamil | Pudukkottai News in Tamil | Ramanathapuram News in Tamil | Salem News in Tamil | Sivagangai News in Tamil | Thanjavur (Tanjore) News in Tamil | Theni News in Tamil | Thoothukudi (Tuticorin) News in Tamil | Tiruchirappalli (Trichy) News in Tamil | Tirunelveli (Nellai) News in Tamil | Tirupur News in Tamil | Tiruvallur News in Tamil | Tiruvannamalai News in Tamil | Tiruvarur News in Tamil | Vellore News in Tamil | Viluppuram News in Tamil | Virudhunagar News in Tamil | But also from Puducherry (Pondycherry) News in Tamil.

Others

Other than News and Entertainment in Tamil we also provide Astrology predictions | Daily Tamil Rasi palan for your star Mesham rasi palan | Rishabam rasi palan | Midhunam rasi palan | Kadagam rasi palan | Simmam rasi palan | Kanni rasi palan | Thulam rasi palan | Viruchagam rasi palan | Dhanusu rasi palan | Magaram rasi palan | Kumbam rasi palan | Meenam rasi palan everyday also we publish Tamil New year palan, Guru Peyarchi palan and Sani Peyarchi Palangal etc.

We do care about your wellbeing. We provide health tips such as simple | exercise | Yoga | Home Medicine | Health food recipe rasi palan | Child care | Natural beauty tips | Medicine for Woman | Safety tips for Woman

Technology and Automobile is part of our busy life, we provide tech news in Tamil about latest mobile phone | computers and gadgets. Cars | Bikes and automobile news in Tamil are well appreciated by our readers.

If you are looking for Tamil News and entertainment in video format then Maalaimalar video [video.maalaimalar.com] is the right choice. We bring the latest Tamil movie trailers | Tamil Cinema events | Cinema gossips. | Special star interviews and | Tamil news in video format.



To stay updated, all you need to do is just one thing - get the latest Tamil News on the go.. just download Maalaimalar Tamil News APP from Apple App store or Google Play Store


Download Our Apps

Apple Store Google Play Store