iFLICKS தொடர்புக்கு: 8754422764
இன்றைய ராசி தனுசு
தனுசு

இன்றைய ராசி பலன்கள்

வார பலன்கள்

தமிழ் மாத ஜோதிடம்

அக்டோபர் 17-ம் தேதியில் இருந்து நவம்பர் 16-ம் தேதி வரை

சார்வரி வருடம் ஐப்பசி மாதக் கிரக நிலைகளை ஆராய்ந்து பார்க்கின்ற பொழுது, மாதத் தொடக்கத்தில் உங்கள் ராசிநாதன் குரு உங்கள் ராசியிலேயே இருக்கின்றார். அவரோடு தன- சகாய ஸ்தானாதிபதியான சனியும் இருக்கின்றார். எனவே வருமானம் திருப்திகரமாக இருக்கும். தொழில், உத்தியோகத்தில் நீங்கள் எடுத்த புது முயற்சிகளில் வெற்றி உண்டு.

நீச்சம் பெறும் சுக்ரன்

இதுவரை சிம்ம ராசியில் சஞ்சரித்து வந்த சுக்ரன், அக்டோபர் 23-ந் தேதி கன்னி ராசிக்குச் செல்கின்றார். அங்கு அவர் நீச்சம் பெறுகின்றார். உங்கள் ராசிநாதன் குருவிற்கு, சுக்ரன் பகை கிரகமாவார். எனவே அவர் நீச்சம் பெறுவது ஒருவழிக்கு நன்மைதான். அதே நேரத்தில் தொழில் ஸ்தானாதிபதியாக விளங்கும் புதனோடு இணைகின்றார். உச்சம் பெற்ற புதனோடு இணைவதால் உத்தியோகத்தில் உயர்ந்த நிலையை அடைய வழிபிறக்கும். மறுக்கப்பட்ட சலுகைகள் மீண்டும் கிடைக்கும். தொழில் துறையில் இருப்பவர்களாக இருந்தால் ஏதேனும் ஒரு தொழிலை பிறரிடம் ஒப்படைத்து விட்டு புதிய முயற்சியில் ஈடுபட வைக்கும்.

மீன செவ்வாய்

உங்கள் ராசிக்கு 5, 12 ஆகிய இடங்களுக்கு அதிபதியானவர் செவ்வாய். அவர் அக்டோபர் 26-ந் தேதி வக்ர இயக்கத்தில் மீன ராசிக்குச் செல்கின்றார். சுக ஸ்தானத்தில் செவ்வாய் வரும்பொழுது, ஆரோக்கியத் தொல்லை அகலும். அதிக பிரயாசை எடுத்தும் முடியாத காரியங்கள் இப்பொழுது முடியும். பத்திரப்பதிவில் இருந்த தாமதங்கள் அகலும். உறவினர்கள் உங்கள் குணமறிந்து நடந்துகொள்வர். பிள்ளைகளின் பட்ட மேற்படிப்பிற்காக எடுத்த முயற்சி கைகூடும்.

புதனின் வக்ர நிவர்த்திக் காலம்

அக்டோபர் 27-ந் தேதி கன்னி ராசியில் சஞ்சரிக்கும் புதன், வக்ர நிவர்த்தியாகின்றார். 7, 8 ஆகிய இடங் களுக்கு அதிபதியான புதன் வக்ர நிவர்த்தியாவதால், சுபகாரியப் பேச்சுக்கள் முடிவாகும். தூரதேசத்தில் இருந்து நல்ல தகவல் வந்துசேரும். மாமன், மைத்துனர் வழியில் ஏற்பட்ட மனக்கசப்புகள் மாறும். நவம்பர் 4-ந் தேதி துலாம் ராசிக்குப் புதன் செல்கின்றார். துலாத்தில் சஞ்சரிக்கும் சூரியனோடு இணைந்து ‘புத-ஆதித்ய யோக’த்தை உருவாக்குவதோடு, ‘தர்ம கர்மாதிபதி யோக’த்தையும் உருவாக்குகின்றார். எனவே பொதுவாழ்வில் இருப்பவர்களுக்கு நல்ல பொறுப்புகள் கிடைக்கும்.

மகர குருவின் சஞ்சாரம்

நவம்பர் 15-ந் தேதி மகர ராசிக்கு குரு செல்கின்றார். மகர ராசி குருவிற்கு நீச்ச வீடாகும். உங்கள் ராசிநாதனாகவும், சுக ஸ்தானத்திற்கு அதிபதியாகவும் விளங்கும் குரு, நீச்சம்பெறுவது அவ்வளவு நல்லதல்ல. குறிப்பாக ஆரோக்கியத் தொல்லை அதிகரிக்கும். ஏதேனும் சிறு தொந்தரவு வந்தாலும் உடனடியாக மருத்துவ ஆலோசனைகளைப் பெறுவது நல்லது. குருவின் பார்வை 6, 8, 10 ஆகிய இடங்களில் பதிவாகின்றது. எனவே எதிரிகள் உதிரிகளாவர். வழக்குகள் சாதகமாக முடியும். இழப்புகளை ஈடுகட்ட நீங்கள் எடுக்கும் புது முயற்சி வெற்றி பெறும்.

இம்மாதம் வெள்ளிக்கிழமை தோறும் ஆனைமுகப் பெருமானை வழிபடுவது நல்லது.

பணத்தேவையைப் பூர்த்தி செய்யும் நாட்கள்:- அக்டோபர்: 17, 18, 25, 26, 29, 30, நவம்பர்: 7, 8, 13, 14மகிழ்ச்சி தரும் வண்ணம்:- மஞ்சள்.

பெண்களுக்கான பலன்கள்

இம்மாதம் பொருளாதார நிலை சிறப்பாக இருக்கும். குடும்ப முன்னேற்றம் திருப்தி தரும். உறவினர்கள் உங்களுக்கு உறுதுணையாக இருப்பர். கணவன்-மனைவிக்குள் பாசமும், நேசமும் அதிகரிக்கும். பிள்ளைகளின் நீண்ட நாளையக் கனவுகளை நனவாக்குவீர்கள். பணிபுரியும் பெண்களுக்கு வீடு மற்றும் வாகனங்கள் வாங்க விண்ணப்பித்திருந்தால், அதற்கான சலுகைகள் கிடைக்கும். மேலதிகாரிகள் உங்கள் திறமைக்கு ஏற்ப உயர்வுகளைத் தருவர்.

ஆண்டு பலன் - 2020

1-1-2020 முதல் 31-12-2020 வரை

மூலம், பூராடம், உத்ராடம், 1-ம் பாதம் வரை

(பெயரின் முதல் எழுத்துக்கள்: யே, யோ, ப, பி, பு, பூ, பா, ன, டே, பே உள்ளவர்களுக்கும்)
யோசித்து செயல்பட வேண்டும்

இந்தப் புத்தாண்டின் தொடக்கத்தில், சூரியன், புதன், வியாழன், சனி, கேது ஆகிய 5 கிரகங்களும் உங்கள் ராசியில் கூடியிருக்கின்றன. ராகு மிதுனத்தில் இருந்து உங்கள் ராசியைப் பார்க்கிறார். விரயாதிபதி செவ்வாய் விரய ஸ்தானத்திலேயே வீற்றிருக்கிறார். அஷ்டமாதிபதி சந்திரன் சகாய ஸ்தானத்தில் இருக்கிறார். ஏழரைச் சனியில் ஜென்மச் சனியின் ஆதிக்கம் நடைபெறுகிறது. பொருளாதாரத்தைப் பொறுத்தவரை விரயங்களே கூடுதலாக இருக்கும். நண்பர்கள் நம்பிக்கைக்குரிய விதம் நடந்துகொள்வார்களா என்பது சந்தேகம் தான். வாரிசுகளால் தொல்லையும், காரியத் தடைகளும் உண்டாகும்.

ஏழரைச் சனியில் ஜென்மச் சனியின் ஆதிக்கம் இருக்கும்வரை மிகுந்த கவனத்துடன் இருப்பது நல்லது. உங்கள் சுய ஜாதகத்தை ஆராய்ந்து பார்த்து தசாபுத்திக்கேற்ற தெய்வ வழிபாடுகளையும், சிறப்பு வழிபாடுகளையும் மேற்கொள்ள வேண்டும்.

ஜென்மத்தில் கேதுவும், 7-ல் ராகுவும் இருப்பதால் ராகு -கேது பரிகாரமும் செய்வது நல்லது. இடமாற்றம், ஊர் மாற்றம், வீடு மாற்றம், உத்தியோக மாற்றம், பணிநீக்கம் அதிகாரப் பதவியில் உள்ளவர்களால் தொல்லை, அரசுவழிச் சிக்கல் போன்றவைகளைச் சந்திக்காமல் இருக்கவும், கடுமை கொஞ்சம் குறையவும் வழிபாடுகள் உங்களுக்கு கைகொடுக்கும். குறிப்பாக குலதெய்வ வழிபாட்டை மேற்கொள்வது நல்லது. உடன் இருப்பவர்களை கொஞ்சம் அனுசரித்துக்கொள்ள வேண்டும். கோபத்தைக் குறைத்துக்கொள்ள வேண்டும். கடமையில் கண்ணும், கருத்துமாக இருக்க வேண்டும். சனிப்பெயர்ச்சி வரை கொஞ்சம் பொறுமையாகச் செயல்பட்டால் அதன்பிறகு உங்களுக்கு இனிமையான வாழ்க்கை அமையும்.

குரு சனி சேர்க்கையின் பலன்

வருடம் தொடங்கும் போது உங்கள் ராசிநாதன் குரு, உங்கள் ராசியிலேயே சஞ்சரிப்பது யோகம்தான். அதன் பார்வை உங்கள் ராசிக்கு
5, 7, 9 ஆகிய இடங்களில் பதிகிறது. உங்களைப் பொறுத்தவரை ஜென்மச் சனி, ஜென்ம கேது ஆகியவற்றின் ஆதிக்கம் இருப்பதால் எதிர்பார்த்த அளவு பலன் கிடைக்குமா? என்பது சந்தேகம்தான். புத்திர ஸ்தானத்தை குரு பார்ப்பதால் பிள்ளைகளுக்கு திருமண பாக்கியம் நடைபெறும். அதே நேரம் அவர்கள் வாழ்க்கையில் சனியின் ஆதிக்கத்தால் பிரச்சினைகள் உருவாகலாம்.

பிதுர்ரார்ஜித ஸ்தானத்தைக் குரு பார்ப்பதால் பெற்றோர்களின் ஆரோக்கியம் சீராக அமையும். நீங்கள் கேட்ட உதவிகளை பெற்றோர்கள் செய்துகொடுப்பர். ஆனால் ஜென்ம கேதுவின் ஆதிக்கம் இருப்பதால் அப்படி அவர்கள் செய்யும் உதவியை திருப்தியாக செய்யவிடாமல், உடன் இருப்பவர்கள் தடுக்கலாம். பிள்ளைகளுக்கு வரன்கள் வந்து அலை மோதினாலும், எதுவும் முடிவடையாமல் போகலாம். குரு சப்தம பார்வையாக ஏழாம் இடத்தைப் பார்ப்பதால் மங்கல ஓசை மனையில் கேட்க வழிபிறக்கும். ஆனால் முடிவடைவதற்குள் பெரும்முயற்சி எடுக்க வேண்டிய நிர்ப்பந்தம் உருவாகும். எல்லாவற்றுக்கும் ஜென்மச்சனி, ஜென்ம கேதுவின் ஆதிக்கம்தான் காரணம். உத்தியோகத்தில் இருப்பவர்களுக்கு உங்களின் திறமைக்கு அங்கீகாரம் கிடைக்காது போகலாம். வேறு வேலைக்கு முயற்சி செய்வதில் ஆர்வம் காட்டுவீர்கள்.

மகர குருவின் சஞ்சாரம்

8.7.2020 முதல் 9.9.2020 வரை தனுசு ராசிக்குள் குரு வக்ரம் பெறுகிறார். இக்காலத்தில் சனியும், தனுசு ராசிக்குள்ளேயே வக்ரமாகிறார். எனவே இக்காலத்தில் பொருளாதாரப் பற்றாக்குறை அதிகரிக்கும். புதிய முயற்சிகளில் தடை ஏற்படும். நீண்டதூரப் பயணங்கள் எதிர்பாராத விதத்தில் வந்துசேரும். வெளிநாட்டில் பணிபுரிபவர்கள் திடீரெனத் சொந்த ஊர் திரும்பும் சூழ்நிலை கூட உருவாகலாம். ஒருசிலர் வாங்கிய இடத்தை விற்கும் நிலை வரும்.

15.11.2020-ல் மகர ராசிக்கு குருபகவான் பெயர்ச்சியாகிச் செல்கிறார். அது குருவுக்கு நீச்ச வீடாகும். நீச்சம் பெற்றிருந்தாலும் குருவின் பார்வை நமக்கு உச்சம் பெற்ற வாழ்க்கையை அமைத்துக்கொடுக்கும். அதன் பார்வை 6, 8, 10 ஆகிய இடங்களில் பதிவாகிறது. எனவே எதிர்ப்பு கள் அகலும். இல்லம் தேடி நல்ல தகவல் வந்து சேரும். எதிரிகள் விலகுவர். கடன்சுமை குறையும். மாற்று மருத்துவத்தால் ஆரோக்கியம் சீராகும். உத்தியோகத்தில் எதிர்பார்த்த நற்பலன் கிடைக்கும்.

ராகு- கேது பெயர்ச்சிக் காலம்

ஆண்டின் தொடக்கத்தில் உங்கள் ராசியிலேயே சஞ்சரித்து வரும் கேது பகவான், 1.9.2020-ல் 12-ம் இடத்திற்கு வரப்போகிறார். அதே நேரம் சப்தம ஸ்தானத்தில் சஞ்சரித்து வரும் ராகு, 6-ம் இடத்திற்கு வரப்போகிறார். இதன்விளைவாக சில நல்ல மாற்றங்கள் உங்களுக்கு வரலாம். குறிப்பாகப் பயண ஸ்தானத்திற்கு கேது வருவதால் பயணங்கள் பலன் தருவதாக அமையும். புதிய வேலைக்கு விண்ணப்பித்தவர்களுக்கு அது கிடைக்கும். கை மாறிய சொத்துக்கள் உங்களுக்கு கிடைக்கலாம்.

ராகு- கேதுக்கள் சுயபலமற்ற கிரகங்கள். அவர்கள் யார் வீட்டில் சஞ்சரிக்கிறார்களோ, அவர்களுக்குரிய பலன்களையே வழங்குவார்கள். அந்த அடிப்படையில் பார்க்கும் பொழுது செவ்வாய் வீட்டில் கேது சஞ்சரிப்பதால் உடன்பிறப்புகளின் ஒத்துழைப்பு கிடைக்கும். அவர்களின் இல்லங்களில் நடைபெறும் மங்கல நிகழ்ச்சிகளை முன்னின்று நடத்துவீர்கள். கூட்டு முயற்சியில் இருந்து விடுபட்டு தனித்து இயங்க வேண்டுமென்று விருப்பப்படுவீர்கள். அரசியல் ஈடுபாடு அதிகரிக்கும். நாட்டுப்பற்று மிக்கவர்களின் நல்லாதரவோடு லாபம் காண்பீர்கள்.
6-ம் இடத்திற்கு ராகு வருவது ஒருவழிக்கு நன்மைதான். 6-ல் ராகு சஞ்சரித்து, குரு கேந்திரத்தில் நின்றால் அஷ்டலட்சுமி யோகம் என்பார்கள். அந்த அடிப்படையில் இப்பொழுது சாதகமான பலன்கள் உங்களுக்கு கிடைக்கப் போகிறது. நினைத்தது நிறைவேறும். தொட்டது துலங்கும். நீடித்த நோய் அகலும். உற்றார், உறவினர்கள் உங்கள் முன்னேற்றம் கண்டு வியப்பர். வளர்ச்சி கூடும். வாகன யோகம் உண்டு. ஆபரணங்களை வாங்குவதில் தனிக்கவனம் செலுத்துவீர்கள். இதுவரை இருந்த கடன்சுமை குறையும். நாலாபுறமும் இருந்து நல்ல தகவல்கள் வந்து சேரும். முட்டுக்கட்டைகள் விலக, முக்கியப் புள்ளிகள் ஒத்துழைப்பு செய்வர். அரசுப் பணிக்காக ஏற்பாடு செய்திருந்தால் அது கைகூடும். இக்காலம் ராகு-கேதுக்களை முறையாக வழிபடுவது நல்லது.

சனிப்பெயர்ச்சிக் காலம்

உங்கள் ராசியிலேயே சஞ்சரித்து வரும் சனிபகவான், 29.4.2020 முதல் 14.9.2020 வரை தனுசு ராசிக்குள் குரு வக்ரம் பெறுகிறார். 13.2.2020 முதல் 22.3.2020 வரை செவ்வாய்- சனி சேர்க்கை ஏற்படுகிறது. 3.5.2020 முதல் 17.6.2020 வரை தனுசு ராசியில் கும்பத்தில் இருக்கும் செவ்வாயை, சனி பார்வை செய்கிறார். இக்காலத்தில் எதிர்பாராத விரயங்களும் ஏமாற்றங்களும் ஏற்படலாம். ஆரோக்கியத்தில் அச்சுறுத்தல்கள் ஏற்படும். குடும்பத் தகவல்களை மூன்றாம் நபரிடம் சொல்வதால் பிரச்சினைகள் அதிகரிக்கும். கடன் சுமை கூடும். தொலைதூரப் பயணங்கள் செய்வதில் தாமதம் ஏற்படும்.

26.12.2020-ல் உத்ராடம் 2-ம் பாதத்தில் மகர ராசிக்கு செல்லப்போகிறார். ஜென்மச் சனி முடிந்து குடும்பச் சனியின் ஆதிக்கம் தொடங்கப்போகிறது. இதில் இன்னும் இரண்டரை வருடகாலம் நீடிக்கும். அதன்பிறகு சனி முழுமையாக விலகிய பின்னால்தான் நீங்கள் ஏழரைச் சனியின் பிடியில் இருந்து விடுதலை பெறுகிறீர்கள். சனி உங்கள் ராசிக்கு நன்மை தரும் கிரகமாகும். கடந்த இரண்டரை ஆண்டு காலமாக சனியால் வந்த துயரங்கள் இனிக் குறையும். சஞ்சலங்கள் தீரும். சகோதர ஒற்றுமை பலப்படும். தனித்து இயங்க நினைத்தவர்களுக்கு அதில் வெற்றி கிடைக்கும். உத்தியோகப் பிரச்சினை அகலும். ஊர் மாற்றங்கள் திருப்தி தரும்.

செல்வ வளம் தரும் வழிபாடு

வியாழக்கிழமை தோறும் குரு தட்சிணாமூர்த்தியை வழிபட்டு வருவதோடு, யோகபலம் பெற்ற நாளில் சிவகங்கை மாவட்டம் கீழச்சிவல்பட்டி அருகில் உள்ள இரணியூர் ஆட்கொண்டநாதர், சிவபுரம் தேவியை பூக்கொண்டும், பாக்கொண்டும் வழிபட்டால் வாழ்க்கை வளமாக அமையும்.
குருவின் வக்ர காலமும், பரிவர்த்தனை யோகமும்

27.3.2020-ல் மகர ராசிக்கு குரு வக்ர இயக்கத்தில் செல்கிறார். அங்கு 7.7.2020 வரை இருக்கின்றார். அதே நேரத்தில் சனியும், தனுசு ராசியில் வக்ரம் பெறுகிறார். இதனால் இருவரும் பரிவர்த்தனை யோகம் பெறுகிறார்கள். ‘பரிவர்த்தனை யோகம்’ என்பது யோகங்களில் சிறந்த யோகமாகும். உங்கள் ராசிக்கு 2, 3 ஆகிய இடங்களுக்கு அதிபதியானவர், சனிபகவான். குரு உங்கள் ராசிநாதனாகவும், 4-ம் இடமான சுக ஸ்தானத்திற்கு அதிபதியாகவும் விளங்குபவர். எனவே இக்காலம் உங்களுக்கு ஓரளவு நன்மை தரும் விதத்திலேயே அமைகிறது. இடம், பூமி வாங்கும் யோகம்,புதுவீடு கட்டிக் குடியேறும் வாய்ப்பு கிடைக்கலாம். சுபவிரயங்கள் அதிகரிக்கும். கூட்டு முயற்சியில் லாபம் காண்பீர்கள். ஏற்ற இறக்கமான நிலை அகலும். வழக்குகள் சாதகமாகும்.
பெண்களுக்கான பலன்கள்

தனுசு ராசியில் பிறந்த பெண்களுக்கு இந்தப் புத்தாண்டில் பொருளாதாரப் பற்றாக்குறை அதிகரிக்கும். செய்யும் காரியங்கள் அனைத்திலும் இடையூறு ஏற்பட்டாலும், கடைசி நேரத்தில் காரியங்கள் கைகூடிவரும். ஐந்து கிரக சேர்க்கையோடு தொடங்கும் ஆண்டு என்பதால் மிகுந்த விழிப்புணர்ச்சியுடன் செயல்படுவது நல்லது. ஏழரைச் சனியில் ஜென்மச் சனியின் ஆதிக்கம் நடைபெறுவதால், குடும்பத்தினரையும் அனுசரித்துச் செல்வது நல்லது. தன்னிச்சையாகச் செயல்பட இயலாது. கணவன் - மனைவிக்குள் மனக்கசப்புகள் ஏற்படாமல் இருக்க விட்டுக்கொடுத்துச் செல்வது உகந்தது. உடன்பிறப்புகளின் உதவியும், தாயின் ஒத்துழைப்பும் ஓரளவே கிடைக்கும். எதிர்மறை சிந்தனைகளை மாற்றிக் கொள்ளுங்கள். நேர்மறை சிந்தனைகளை வளர்த்துக் கொள்ளுங்கள். பணிபுரியும் பெண்களுக்கு பயணங்களும், இடமாற்றங்களும் வந்து சேரும். ராகு-கேது பெயர்ச்சிக்குப் பிறகு தடைப்பட்ட பதவி உயர்வு, தானாகக் கிடைக்கலாம். குருவழிபாடும், சனி வழிபாடும் சர்ப்ப சாந்தியும் தடைகளை அகற்றும்.

 

சார்வரி வருட பலன்

சார்வரி வருட தமிழ்ப்புத்தாண்டு உங்கள் ராசியிலேயே பிறக்கிறது. ஜென்மத்திலேயே கேதுவும், சனியும் சஞ்சரிக்கிறார்கள். இரண்டாமிடத்தில் குரு மற்றும் செவ்வாய் இணைந்து குரு-மங்கள யோகத்தை உருவாக்குகிறார். சகாய ஸ்தானத்தில் புதன் நீச்சம் பெற்றும், பஞ்சம ஸ்தானத்தில் 9-க்கு அதிபதி சூரியன் உச்சம் பெற்றும் சஞ்சரிக்கிறார்கள். சுக்ரன் 6-ம் இடத்திலும், சப்தம ஸ்தானத்தில் ராகுவும் வீற்றிருக்க சர்ப்ப தோஷ ஆதிக்கத்தின் பிடியில் சிக்கியிருக்கிறீர்கள். எனவே கடந்த ஆண்டில் இருந்த மனக்குழப்பம் அகலும். பொருளாதார நிலை உயரும்.

ராகு-கேது பெயர்ச்சி

1.9.2020-ல் உங்கள் ராசிக்கு 6-ம் இடத்தில் ராகுவும், 12-ல் கேதுவும் பெயர்ச்சியாகி வரப்போகிறார்கள். 6-ம் இடத்து ராகுவால் சில மாற்றம் உருவாகும். வழக்குகள் நல்ல முடிவிற்கு வரும். சொத்துக்களில் இருந்த வில்லங்கங்களும், விவகாரங்களும் விலகும். கைமாறிய சொத்துக்கள் கூட மீண்டும் உங்கள் கைகளுக்கு வந்து சேரும். உத்தியோகத்தைப் பொறுத்தவரை உயர்வு கிடைக்கும். அதிகாரிகளின் ஆதரவு திருப்தி அளிக்கும். விரய ஸ்தானத்தில் கேது சஞ்சரிப்பதால், சுப விரயங்களை மேற்கொள்ளுங்கள். புதிய வாகனங்கள் வாங்கும் முயற்சி கைகூடும்.

குருப்பெயர்ச்சி

15.11.2020 அன்று குரு பகவான், மகர ராசிக்கு பெயர்ச்சியாகிறார். அது குருவுக்கு நீச்ச வீடு. 4-ம் அதிபதி நீச்சம் பெறுவது நன்மைதான். தாய்வழி ஆதரவு கிடைக்கும். தட்டிச் சென்ற வாய்ப்புகள் தானாக வந்து சேரும். புதிய வீடு வாங்கிக் குடியேறும் யோகம் உண்டு. எதிரிகள் விலகுவர். கடன்சுமை குறையும். உத்தியோகம் சம்பந்தமாக எடுத்த புது முயற்சி வெற்றி கிடைக்கும். நோயில் இருந்து நிவாரணம் பெறுவீர்கள். புதிய பங்குதாரர்களை சேர்த்துக்கொள்ளும் எண்ணம் மேலோங்கும். எதிர்கால முன்னேற்றம் கருதி தீட்டிய திட்டங்கள் நிறைவேறும்.

சனிப்பெயர்ச்சி

26.12.2020 அன்று வாக்கிய பஞ்சாங்கப்படி சனி பகவான் மகரத்திற்கு செல்கிறார். இதனால் உங்களுக்கு குடும்பச் சனி நடைபெற உள்ளது. புது முயற்சிகளில் வெற்றி கிடைக்கும். கொடுக்கல்- வாங்கல் ஒழுங்காகும். பழைய கடன்களை அடைத்துவிட்டு நிம்மதிப் பெருமூச்சு விடுவீர்கள். பிள்ளைகளால் வந்த தொல்லை அகலும். பார்போற்றும் அளவிற்கு வாழ்க்கைத் தரத்தை உயர்த்திக் கொள்ள நினைப்பீர்கள். ஒப்பந்தங்கள் அடிக்கடி வந்து கொண்டேயிருக்கும். ஆரோக்கியத்தில் கவனம் தேவை.

குரு வக்ரமும், அதிசாரமும்

13.5.2020 முதல் 7.7.2020 வரை குருபகவான் அதிசாரமாகவும், வக்ரமாகவும் சஞ்சரிக்கிறார். 8.7.2020 முதல் 9.9.2020 வரை தனுசு ராசியில் குரு வக்ர இயக்கத்தில் இருக்கிறார். அதே நேரத்தில் சனியும் வக்ர கதியில் அவரோடு இணைந்து சஞ்சரிக்கிறார். மீண்டும் குருபகவான் 6.4.2021-ல் கும்ப ராசிக்கு அதிசாரத்தில் செல்கிறார். இதன் விளைவாக உங்களுக்கு தக்க சமயத்தில் நண்பர்களின் உதவி கிடைக்கும். பொருளாதாரப் பற்றாக்குறை அகலும்.

வழிபாடு

சனிக்கிழமை ஆஞ்சநேயரை வழிபட்டு வந்தால் வளர்ச்சி அதிகரிக்கும்.

சனிப்பெயர்ச்சி பலன்கள்

ஜனவரி 24-ம் தேதி 2020 முதல் 2022 ஆண்டு வரை

(மூலம், பூராடம், உத்திராடம் 1, 2, 3ம் பாதங்கள் ஆகிய நட்சத்திரங்களில் பிறந்தவர்கள் மற்றும் யே, யோ, ப, பி, பூ, த, ட, பே, ஜ, ஜா ஆகிய எழுத்துக்களை பெயரின் முதல் எழுத்தாக கொண்டவர்களுக்கும்.)

எந்தப் பக்கம் செல்வது என்று கரை தெரியாமல் தத்தளித்துக் கொண்டிருக்கும் தனுசு ராசிக்காரர்களுக்கு, அவர்களுடைய துயரங்களைத் தீர்த்துக் கரை சேர்க்கும் விதமாக 2020 ஜனவரி மாதம் 24-ம் தேதி நடைபெற இருக்கும் சனிப் பெயர்ச்சி அமைய இருக்கிறது. கடந்த மூன்றாண்டுகளில் கடுமையான சோதனைகளை தனுசுவினர் அனுபவித்து விட்டீர்கள். நீங்கள்தான் தனுசு ராசியாக இருக்க வேண்டும் என்பதில்லை. உங்கள் குடும்பத்தில் யாராவது ஒருவர் தனுசுவாக இருந்தாலே அந்த குடும்பத்தில் 2017 முதல் சோதனைகள் ஆரம்பமாகிவிட்டன.

குறிப்பாக சொல்லப் போனால் வீட்டில் வேறு யாராவது ஒருவர் விருச்சிகம், அல்லது ரிஷப ராசியாக இருந்தால் அந்தக் குடும்பம் அளவற்ற மன அழுத்தங்களையும், துன்பங்களையும் சந்தித்தது. பிறந்த ஜாதகம் வலுவாக உள்ள மிகச் சில தனுசு ராசிக்காரர்களுக்கு மட்டுமே பாதிப்புகள் தாங்கிக் கொள்ளும்படி இருந்தன.

ஜென்மச்சனியின் தாக்கத்தினால் நெருங்கிய உறவினரை இழந்தவர்கள், வேலையைப் பறி கொடுத்தவர்கள், தூக்கம் தொலைத்தவர்கள், கடன் தொல்லையில் அவஸ்தைப் பட்டவர்கள், உடல்நலம் கெட்டவர்கள் இன்னும் சில சொல்ல முடியாத பிரச்னைகளில் சிக்கியவர்கள் அனைவரும் இனிமேல் அனைத்தும் சாதகமாக அமைந்து நிம்மதி கிடைக்கப் பெறுவீர்கள்.

என்னதான் யோகசாலியாக இருந்தாலும் எல்லோரையும் சனி ஆட்டி வைத்து விட்டார். 40 வயதுக்குட்பட்ட எந்த ஒரு தனுசு ராசிக்காரரும் ஏதாவது ஒரு வகையில் இந்த ஏழரைச் சனியால் பாதிப்புகளை அடைந்தீர்கள் என்பது கண்கூடாகத் தெரிந்தது. கடந்த சில ஆண்டுகளில் என்னிடம் ஜாதகம் பார்க்க வந்தவர்களில் அதிகம் பேர் தனுசு அல்லது ரிஷபத்தினை குடும்ப உறுப்பினராகக் கொண்டவர்கள் என்பதை அடிக்கடி மாலைமலர் ராசிபலன்களிலும், பேஸ்புக், யூ டியூப் மற்றும் டி.வி. நிகழ்ச்சிகளிலும் சொல்லிக் கொண்டுதான் இருக்கிறேன். அதிலும் கடந்த வருடம் பூராடம் நட்சத்திரத்தில் சனி சென்றதால் அவர்கள் அதிகமாகப் பாதிக்கப்பட்டார்கள். இந்த நிலைகள் அனைத்தும் வருகிற சனிப் பெயர்ச்சி முதல் மாற இருக்கிறது.

இப்போதைய சனி மாற்றத்தின் மூலம் முழுவதுமாக ஏழரைச்சனி நீங்கவில்லை என்றாலும் மூன்று பிரிவாக அமையும் சனியின் தாக்கத்தில், நடுப்பகுதியான ஜென்மச்சனி எனப்படும் இரண்டரை ஆண்டு காலமே கடுமையான கெடுபலன்களை தரும் என்பதால் இனிமேல் தனுசு ராசிக்காரர்களுக்கு சோதனைகள் எதுவும் நடக்காது என்பது உறுதியான ஒன்று.

அதைவிட மேலாக சனிபகவான் எங்கெல்லாம் பாதிப்புகளைக் கொடுத்தாரோ, எப்படிப்பட்ட இடத்தில் உங்களை அடித்தாரோ, அவைகளை அவரே நீக்கி இனி வேதனைகளும், சோதனைகளும் மாறுவதற்கான வழிவகைகளைச் செய்வார். எனவே இதுவரை கெடுபலன்கள் நடப்பதை மட்டும் பார்த்து மனஅழுத்தங்களில் இருப்பவர்களுக்கு சோதனைகள் விலகி படிப்படியாக நன்மைகள் நடப்பதை கண்கூடாகக் காண முடியும்.

கடந்த ஐந்து ஆண்டுகளில் பணம் என்றால் என்ன, நல்லவர் யார், கெட்டவர் யார், உறவுகள் எப்படிப்பட்டது, நட்பு என்பது என்ன என்பதை சனிபகவான் புரிய வைத்து விட்டதால் அவர் தந்த அனுபவங்களைக் கொண்டு இனிமேல் நீங்கள் வாழ்க்கையில் ஒரு சிறப்பான நிலையை அடைய இந்த சனிப்பெயர்ச்சி துணை நிற்கும்.

தனுசு ராசியினர் மிகவும் ஆவலுடன் எதிர்பார்த்திருந்த சனிப்பெயர்ச்சி இப்போது நடந்தேறி உங்களைப் பிடித்திருந்த ஜென்மச்சனி விலகுகிறது. முப்பது வயதுகளில் இருப்பவர்கள் இனி நல்ல மாற்றங்களைக் காண்பீர்கள். சனியினால் இதுவரை நடந்த கெடுதல்கள் இனிமேல் இருக்காது. இனி உங்கள் வாழ்க்கை உங்கள் கையில் இருக்கும்.

தனுசுவினர் சிலர் ஒவ்வொரு வாரமும், மாதமும் எனக்கு நல்ல பலன் நடக்கும் என்றுதான் எழுதுகிறீர்கள் ஆனால் ஒன்றும் நடக்கவில்லையே என்று என்னிடம் குறைப்பட்டுக் கொண்டார்கள். ராசிபலன் என்பது பொதுவான ஒன்றுதான். கடந்த மூன்று வருடங்களுக்கு மேலாக திக்குத் தெரியாத காட்டில் அலைந்து கொண்டிருக்கும் தனுசு ராசியினர் சிலர் மட்டுமாவது என்னுடைய ஆறுதல் ஊட்டும் பலன்களைப் படித்து நம்பிக்கையைப் பெற்றிருப்பீர்கள் என்பது எனக்குத் தெரியும்.

சிக்கலில் தவிக்கும் ஒரு ஆத்மாவை இன்னும் கொஞ்சகாலத்தில் உனக்கு நல்ல காலம் பிறக்க இருக்கிறது, கவலைப்படாதே என்று தேற்றுவதுதான் ராசிபலனின் வேலை. அதுவே ஒரு நல்ல ஜோதிடரின் கடமை. அந்தவகையில் எனது கடமையை ரிஷபத்திற்கும், தனுசுவிற்கும் சரியாகச் செய்திருக்கிறேன் என்பதற்கு என்னுடைய பேஸ்புக்கிலும், யூ டியூப்பிலும், இணையதளத்திலும் இருக்கும் வாசகர்களின் கமெண்டுகளே சாட்சி.

இந்தப் பெயர்ச்சியினால் இளைய பருவத்தினர் இதுவரை இருந்து வந்த ஏமாற்றத்திலும், மன அழுத்தத்திலும் இருந்து விடுபடுவீர்கள். புதிய நண்பர்கள் கிடைப்பார்கள். புதிய அறிமுகங்கள் கிடைக்கும். உங்களைப் புரிந்து கொள்ளாமல் உங்களிடமிருந்து விலகி இருந்தவர்கள தற்போது பக்கத்தில் வருவார்கள். இனிமேல் வாழ்க்கை முன்னேற்றப் பாதையில் செல்லத் துவங்கும். இதுவரை இருந்து வந்த தேவையற்ற பயஉணர்வுகளும், கலக்கமான மன நிலையும், சிறிய விஷயங்களைக் கூட பெரிதாக்கிப் பார்த்து பயந்து கொண்டிருந்த சூழ்நிலையும் இனிமேல் விலகி மனத்தில் ஒரு புத்துணர்ச்சி பிறந்து புதுமனிதராக மாறப் போகிறீர்கள்.

சனி மாற்றத்தினால் அனைத்து நன்மைகளும் நடக்கும். தாமதமாகி வந்த எல்லா பாக்கியங்களும் கை கூடும். சிக்கலில் ஆழ்த்திக் கொண்டிருந்த கடன் தொல்லை ஒழியும், பணபிரச்னை தீரும். கஷ்டங்களைக் கொடுத்து வந்த மகன், மகளின் பிரச்னைகள் தீர்த்து புத்திர விஷயத்திலும் நிம்மதி அடைவீர்கள். காரணம் தெரியாமல் தடையாகிக் கொண்டிருந்த மகன், மகளின் திருமணத்தை நல்லபடியாக நடத்தி ஊர் வாயை அடைக்க முடியும்.

ஆரோக்கியம் மேம்படும். மருத்துவத்திற்கு கட்டுப்படாமல் இருந்து வந்த நோய்கள் தீரும். கோர்ட், கேஸ் என்று மன வருத்தங்களில் இருந்தவர்களுக்கு வழக்கு சாதகமாக முடியும். இனிமேல் நீதிமன்றம், காவல்நிலையம் என்று அலைய வேண்டி இருக்காது. வேலை, வியாபாரம், தொழில் போன்ற ஜீவன அமைப்புகளில் இருந்து வந்த போட்டிகளும், எதிர்ப்புகளும், பொறாமைகளும் விலகி அனைத்தும் நன்மை தரும். பணிபுரியும் இடங்களில் இருந்து வந்த நிம்மதியற்ற சூழல் இனிமேல் இருக்காது. அரசு தனியார்துறை ஊழியர்களுக்கு வருமானங்கள் சிறப்பாக இருக்கும். தொல்லை கொடுத்த அதிகாரிகள் மாறுதலாகி உங்களைப் புரிந்து கொண்டவர்கள் வருவார்கள். தடைப்பட்ட பதவி உயர்வு, சம்பள உயர்வு போன்றவைகள் கிடைக்கும்.

இளைய பருவத்தினருக்கு நல்லவேலை கிடைத்து திருமணமும் நடக்கும். காதலிப்பவர்கள் பெற்றோர்கள் சம்மதத்துடன் நினைத்தவரை மணமுடிப்பீர்கள். குழந்தை பாக்கியம் இல்லாதவர்களுக்கு இனி குழந்தை உண்டு. சிலருக்கு வேலை மாற்றம் நடந்து வெளியூரில் வேலை அமையும். வெளிநாட்டு வேலைக்கு முயற்சி செய்தவர்களுக்கு அது கை கூடும். வெளிநாட்டில் கஷ்டப்பட்டுக் கொண்டிருக்கும் நிலை இனிமேல் மாறும். விசா கிடைக்கும். குடியுரிமை கிடைக்குமா கிடைக்காதா என்று குழப்பத்தில் இருந்தவர்களுக்கு தெளிவு கிடைக்கும்.

சொந்தத் தொழில் செய்பவர்கள் நல்ல மாற்றங்களை உணர்வார்கள். தொழில் சீர்படும். லாபத்தை சேமிக்க முடியும். செலவுகள் குறையும். விரையங்கள் இருக்காது. வியாபாரிகளுக்கு வியாபாரம் திருப்திகரமாக இருக்கும். நல்ல வேலைக்காரர்கள் அமைவார்கள். கூட்டுத் தொழிலில் இருந்த வந்த கருத்து வேறுபாடுகளும், மந்தமான நிலைமையும் மாறி தொழில் நல்லபடியாக நடக்கும்.

தந்தையின் ஆதரவு கிடைக்கும். தந்தைவழி உதவிகள் நன்றாக இருக்கும். அப்பா வழி சொத்துக்கள் மூலம் ஆதாயம் உண்டு. பங்காளிப் பிரச்னை தீரும். பூர்வீக சொத்துக்களில் உங்கள் பாகம் சேதமில்லாமல் கிடைக்கும். பெரியப்பா சித்தப்பாக்கள் மற்றும் தந்தையுடன் பிறந்த அத்தைகளால் லாபம் இருக்கும்.
அண்ணன், தம்பி, அக்கா, தங்கை உறவுகள் பலப்படும். திருமணம் தாமதமான அக்கா, அண்ணன் போன்றவர்களுக்கு நல்ல இடத்தில் திருமணமாகும். கணவன் மனைவிக்குள் இருந்து வந்த பிரச்னைகள் தீரும். கணவன் ஓரிடம், மனைவி வேறிடம் என்று பிரிந்திருந்தவர்கள், வெளியூரில் பிரிந்து வேலை பார்த்தவர்கள் ஒன்று சேருவீர்கள்.

தனுசு ராசிக்கு இது முன்னேற்றத்திற்கு அடித்தளம் போடும் காலகட்டமாக அமையும். இப்போது ஏற்படும் நன்மைகளால் எதிர்காலத்தை சிறப்பாக அமைத்துக் கொள்வீர்கள். மொத்தத்தில் இது உங்களுக்கு இருந்து வந்த அதிர்ஷ்டக் குறைவை விரட்டி அடிக்கும் சனிப்பெயர்ச்சியாக இருக்கும்.

பரிகாரங்கள்:

பாதச் சனி நடப்பில் உள்ளதால் அருகிலுள்ள பழமையான ஈஸ்வரன் கோவிலில் அருள்புரியும் காலபைரவருக்கு சனிக்கிழமை தோறும் நல்லெண்ணெய் தீபம் ஏற்றுங்கள். சனியின் கடுமை குறையும். கெடுதல்கள் இருக்காது. இதையே நெய் தீபமாக ராமபக்தன் ஸ்ரீஹனுமனுக்கும் செய்யலாம் .

ஜோதிடக்கலை அரசு ஆதித்யகுருஜி
(செல்: 8870 99 8888)

குருப்பெயர்ச்சி பலன்கள்

ராகுகேது பெயர்ச்சி பலன்கள்

1.9.2020 முதல் 20.3.2022 வரை

கடந்த சில ஆண்டுகளாக ஏழரைச் சனியினால் பாதிக்கப் பட்டிருக்கும் தனுசு ராசிக்கு இப்போது நல்ல கோட்சார அமைப்புகள் உருவாகின்றன. குறிப்பாக தற்போதைய ராகு,கேது பெயர்ச்சி மிகவும் நன்மையைத் தரும் ஆறு பனிரெண்டாமிடங்களில் உங்களுக்கு நடக்க இருக்கிறது.

ராகு,கேதுக்கள் இதுபோல ஒரு நல்ல இடத்திற்கு வருவது பதினெட்டு ஆண்டுகளுக்கு ஒருமுறைதான் நடக்கும். ஆகவே இம்முறை தனுசு ராசிக்காரர்களுக்கு ராகு கேதுப் பெயர்ச்சியால் அதிக நன்மைகள் கிடைக்கும்.

அதைப் போலவே ராகுகேது பெயர்ச்சியை அடுத்து நடக்க இருக்கும் குருப் பெயர்ச்சியும் உங்களுக்கு மிகவும் அதிர்ஷ்டத்தைத் தரும். தற்போது ராசியில் இருக்கும் குரு இரண்டாமிடத்திற்கு செல்வது ஒரு நல்ல மாறுதலாக இருக்கும். இதன் மூலம் தனுசு ராசிக்காரர்கள் ஒரே கல்லில் இரண்டு மாங்காய் அடிக்கும் நிலையைப் பெறுவீர்கள்.

ராகு, கேது பெயர்ச்சியும், குருப் பெயர்ச்சியும் உங்களை சந்தோஷப்படுத்தப் படுத்தும் விதத்தில் அமைவது எப்போதோ ஒருமுறை மட்டுமே நடக்க இருப்பது என்பதால் எந்த வகையில் பார்த்தாலும் இன்னும் இரண்டு வருடங்களுக்கு கோட்சார ரீதியில் தனுசுவிற்கு மிகுந்த சாதகமான பலன்கள் நடக்க இருக்கின்றன.
அதேநேரத்தில் கோட்சார பலன்கள் என்பவை பொதுவானவைதான். ஒரு மனிதனுக்கு நடக்க இருக்கும் நல்ல கெட்ட சம்பவங்களையும், நன்மை தீமைகளையும் உறுதியாகச் சொல்பவை அவனது பிறந்த ஜாதக அமைப்புப்படி நடக்க இருக்கும் தசாபுக்தி அமைப்புகள்தான்.

தசாபுக்தி பலன்களும், இப்போது நீங்கள் படித்துக் கொண்டிருக்கும் கோட்சார பலன்களும் சரியான விதத்தில் நன்மையாக ஒன்று சேரும் போது ஒரு மனிதன் சந்தோஷ வாழ்வின் உச்சத்திற்கு செல்ல முடியும்.

எனவே பிறந்த ஜாதகப்படி நல்ல தசா,புக்தி அமைப்பு நடப்பவர்கள் நான் சொல்லும் இந்த நன்மைகளை முழுமையாக அனுபவிப்பீர்கள். பிறந்த ஜாதகப்படி நல்ல அமைப்புகள் நடக்காதவர்களுக்கு பலன்கள் சற்றுக் குறைவாக இருக்கும். தனுசு ராசியினர் கடந்த காலங்களில் ஜென்மச் சனியினால் பட்ட கஷ்டங்களுக்கு பம்பர் பரிசாக வரும் இரண்டு பெயர்ச்சிகளும் அமையும் என்பதால் இந்த வருடத்தின் இறுதியில் இருந்தே மிகவும் நன்மைகளை அடைவீர்கள்.

ஆறாமிடத்திற்கு மாறும் ராகுவால் செய்தொழில் விருத்தி, எதிலும் லாபம், யாவற்றிலும் வெற்றி, அரசலாபம், அன்னிய இன, மத, மொழிக்காரர்களால் நன்மை. வெளிநாடு, வெளிமாநில மேன்மை, தூரஇடங்களில் இருந்து பணம் கிடைத்தல், சிறிது முயற்சி, பெரியநன்மை. அதிர்ஷ்டம் ஆகிய பலன்கள் உங்களுக்கு நடக்கும். இதுவரை நடக்காமல் தட்டிப்போயிருந்த அத்தனை பாக்கியங்களும், கொடுப்பினைகளும் இப்போது தடையின்றிக் கிடைக்கும்.

ராகு ரிஷப வீட்டில் அமரும் போது அதிகமான நன்மைகளைச் செய்வார் என்பதால் இம்முறை இரட்டிப்பு நன்மையாக பெயர்ச்சிக்குப் பிறகு தாராள பணவரவு, குழந்தைகளால் பெருமை போன்ற பலன்களைச் செய்வார். குறிப்பாக பிறந்த ஜாதகத்தில் ராகுதசை அல்லது ராகுபுக்தி நடந்து கொண்டிருப்பவர்களுக்கும், யோகமான தசாபுக்திகள் நடப்பவர்களுக்கும் இம்முறை ராகுவால் மேம்பட்ட நல்ல லாபங்கள் கிடைக்கும்.

இதுவரை நல்லவேலை கிடைக்காமல் சோர்ந்து போயிருந்தவர்களுக்கு மனதுக்குப் பிடித்த வகையில் நல்லசம்பளத்துடன் வேலை கிடைக்கும். பொதுவாழ்க்கையில் இருப்பவர்கள், ஊடகம் பத்திரிக்கை போன்ற துறையில் இருப்பவர்கள், கலைஞர்கள் உள்ளிட்டவர்களுக்கு இது வசந்த காலமாகும். கலைத்துறையினர் இதுவரை இல்லாத நல்ல திருப்பங்களைக் காண்பீர்கள்.

பொருத்தமில்லாத வேலையில் இஷ்டமில்லாமல் இருந்த இளைஞர்களுக்கு உடனடியாக மாற்றங்கள் உருவாகி நினைத்த மாதிரியான வேலை கிடைக்கும். உங்களைப் பிடிக்காத மேலதிகாரி மாறுதலாகி உங்களுக்கு அனுசரணையானவர் அந்த இடத்திற்கு வருவார். அலுவலகத்தில் இருந்த பிரச்னைகள் மறையும். ஏற்கனவே தொழில் ஆரம்பித்து இன்னும் காலூன்ற முடியாமல் சிரமப்பட்டுக் கொண்டிருப்பவர்களுக்கு தொழில் நல்ல முன்னேற்றமாக நடக்கும்.

அரசு தனியார்துறை ஊழியர்களுக்கு ‘இதர வருமானங்கள்’ சிறப்பாக சொல்லிக் கொள்ளும்படி இருக்கும். தொழிலாளர்களுக்கு வேலைப்பளு குறைந்து சம்பள உயர்வு, பதவிஉயர்வு போன்றவைகள் கிடைக்கும். தொழிற்சங்கங்களில் பதவியில் இருப்பவர்கள் பாராட்டுகளைப் பெறுவீர்கள். வியாபாரிகள், சுயதொழில் செய்பவர்கள் உள்ளிட்டவர்கள் தொழில்மேன்மையும், புதிய தொழில் தொடங்குதலும் அடைவீர்கள்.

பரிகாரங்கள்

ராகுபகவானால் பெறும் நன்மைகளை கூட்டிக்கொள்ள ஒரு ஞாயிற்றுக் கிழமை மாலை 4.30 மணியிலிருந்து 6 மணிக்குள் ஒரு சலவையாளருக்கு 18 கிலோ அடுப்புக்கரி தானம் செய்யவும். கேதுபகவானுக்கென உள்ள திருத்தலமான காஞ்சிபுரம் சித்திரகுப்தன் ஆலயத்தில் அர்ச்சனை அபிஷேக ஆராதனைகளையும் செய்யலாம்.

ஜோதிடக்கலை அரசு ஆதித்யகுருஜி
(செல்: 8870 99 8888)

What’s in store for you?

Maalaimalar brings you: The Latest Tamil News | Tamil Cinema News and | Reviews | Kollywood gossips | astrology in Tamil.


Maalaimalar Tamil brings you the latest Tamil news from India and rest of the World.

You Also Get Top Breaking News | Political News from Tamil Nadu and India.

Get In-depth Coverage of National and International Politics | Business | Sports | Cricket News and Score Update of IPL & TNPL, if you are a Chennai Super Kings- CSK or Chepauk Super Gillies-CSG fan, look no further as we have year round updates about these.

We also focus on Tamil Spiritual News | Astrology | Technology | Traditional Tamil Food Recipes | Tamil Cinema Entertainment i.e. Tamil Cinema News | About Tamil Top Actors such as | Rajinikanth | Kamalhasan | Vijay | Ajith etc.

Further Latest Tamil movie reviews with ranking of Top Tamil Movies | Top Tamil Actor and Actress | Photo Gallery | History of Tamil Cinema | Tamil Movie Video Reviews. Catch the Start Interviews and latest events on our site as and when it happens


If you are looking for news from your home town, trust Maalaimalar.com Tamil to get you all the latest happenings not only from districts of Tamil Nadu

Ariyalur News in Tamil | Chennai News in Tamil | Coimbatore News in Tamil | Cuddalore News in Tamil | Dharmapuri News in Tamil | Dindigul News in Tamil | Erode News in Tamil | Kanchipuram News in Tamil | Kanyakumari News in Tamil | Karur News in Tamil | Krishnagiri News in Tamil | Madurai News in Tamil | Nagapattinam News in Tamil | Namakkal News in Tamil | Nilgiris (Ooty) News in Tamil | Perambalur News in Tamil | Pudukkottai News in Tamil | Ramanathapuram News in Tamil | Salem News in Tamil | Sivagangai News in Tamil | Thanjavur (Tanjore) News in Tamil | Theni News in Tamil | Thoothukudi (Tuticorin) News in Tamil | Tiruchirappalli (Trichy) News in Tamil | Tirunelveli (Nellai) News in Tamil | Tirupur News in Tamil | Tiruvallur News in Tamil | Tiruvannamalai News in Tamil | Tiruvarur News in Tamil | Vellore News in Tamil | Viluppuram News in Tamil | Virudhunagar News in Tamil | But also from Puducherry (Pondycherry) News in Tamil.

Others

Other than News and Entertainment in Tamil we also provide Astrology predictions | Daily Tamil Rasi palan for your star Mesham rasi palan | Rishabam rasi palan | Midhunam rasi palan | Kadagam rasi palan | Simmam rasi palan | Kanni rasi palan | Thulam rasi palan | Viruchagam rasi palan | Dhanusu rasi palan | Magaram rasi palan | Kumbam rasi palan | Meenam rasi palan everyday also we publish Tamil New year palan, Guru Peyarchi palan and Sani Peyarchi Palangal etc.

We do care about your wellbeing. We provide health tips such as simple | exercise | Yoga | Home Medicine | Health food recipe rasi palan | Child care | Natural beauty tips | Medicine for Woman | Safety tips for Woman

Technology and Automobile is part of our busy life, we provide tech news in Tamil about latest mobile phone | computers and gadgets. Cars | Bikes and automobile news in Tamil are well appreciated by our readers.

If you are looking for Tamil News and entertainment in video format then Maalaimalar video [video.maalaimalar.com] is the right choice. We bring the latest Tamil movie trailers | Tamil Cinema events | Cinema gossips. | Special star interviews and | Tamil news in video format.



To stay updated, all you need to do is just one thing - get the latest Tamil News on the go.. just download Maalaimalar Tamil News APP from Apple App store or Google Play Store


Download Our Apps

Apple Store Google Play Store