iFLICKS தொடர்புக்கு: 8754422764
இன்றைய ராசி துலாம்
துலாம்

இன்றைய ராசி பலன்கள்

வார பலன்கள்

7-8-2020 முதல் 13-8-2020 வரை

இந்த வாரம் கவலையின்றி உங்கள் முயற்சி களில் வேகமாகச் செயல்படலாம். பிரச்சினைகள் படிப்படியாக உங்களைவிட்டு விலகிச் செல்லும். குடும்ப நிர்வாகத்தில் பெண்களின் சிறப்பான திறமை வெளிப்படும். குடும்பத்தில் சுப நிகழ்ச்சி ஒன்றிற்கான ஏற்பாடுகளை செய்ய முற்படு வீர்கள். இந்த வாரம் செவ்வாய்க்கிழமை அன்று, துர்க்கை அம்மனுக்கு நெய் தீபமேற்றி வழிபாடு செய்வதால் நினைத்த காரியங்கள் நிறைவேறும்.

தமிழ் மாத ஜோதிடம்

16.7.20 - 16.8.20

சார்வரி வருடம் ஆடி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சுக்ரன் சொந்த வீடான ரிஷபத்தில் உச்சம் பெற்று சந்திரனோடு இணைந்து சஞ்சரிக்கின்றார். தனுசு ராசியில் சஞ்சரிக்கும் குருவின் பார்வை 7, 9, 11 ஆகிய மூன்று இடங்களில் பதிவாகின்றது. எனவே கல்யாண வாய்ப்புகள் கைகூடலாம். இடமாற்றங்களும், உத்தியோக மாற்றங்களும் எதிர்பார்த்தபடி அமையலாம்.

கடக புதனின் சஞ்சாரம்

ஜூலை 27-ந் தேதி கடக ராசிக்குப் புதன் செல்கின்றார். உங்கள் ராசிக்கு 9, 12 ஆகிய இடங்களுக்கு அதிபதியானவர் புதன். அவர் 10-ம் இடத்தில் சஞ்சரிக்கும் இந்த நேரத்தில் தொழில் முன்னேற்றம் ஏற்படும். புதிய ஒப்பந்தங்கள் வந்து சேரலாம். உயரதிகாரிகள் உங்கள் குரலுக்கு செவிசாய்ப்பர். பணி நீக்கம் செய்யப்பட்டவர்கள் மீண்டும் பணியில் சேர வாய்ப்பு கிடைக்கும். பிள்ளைகளின் கல்வி சம்பந்தமாக எடுத்த முடிவுகளை பரிசீலனை செய்வீர்கள்.

மிதுன சுக்ரனின் சஞ்சாரம்

ஜூலை 30-ந் தேதி மிதுன ராசிக்குச் சுக்ரன் செல்கின்றார். இதுவரை அஷ்டமத்தில் சஞ்சரித்த சுக்ரன் இப்பொழுது பிதுர் ராஜ்ஜிய ஸ்தானத்திற்கு வருவதால், தந்தைவழி உறவில் இருந்த பிணக்குகள் அகன்று இணக்கம் ஏற்படும். பாகப்பிரிவினைகள் சுமுகமாக முடிய வழிபிறக்கும். புதிய வாகனம் வாங்கும் முயற்சியில் ஆர்வம் காட்டுவீர்கள். தொழிலை விரிவு செய்து கொள்ள சந்தர்ப்பங்கள் கைகூடி வரும்.

மேஷ செவ்வாயின் சஞ்சாரம்

ஆகஸ்டு 12-ந் தேதி மேஷ ராசிக்குச் செவ்வாய் செல்கின்றார். தன சப்தமாதிபதியான செவ்வாய் சப்தம ஸ்தானத்திற்கு வருவது யோகம் தான். பணத்தேவைகள் பூர்த்தியாகும். சொந்த பந்தங்களால் வந்த மனக்கசப்புகள் அகலும். ‘உடன்பிறப்புகளுக்கு கல்யாணம் பேசிப்பேசி விட்டுப் போகிறதே’ என்றெல்லாம் மனக்குழப்பத்தோடு இருந்த உங்களுக்கு, இப்பொழுது நல்ல பலன் கிடைக்கப் போகின்றது.

சிம்ம புதனின் சஞ்சாரம்

ஆகஸ்டு 13-ந் தேதி சிம்ம ராசிக்குப் புதன் வருகின்றார். உங்கள் ராசிக்கு 9, 12 ஆகிய இடங்களுக்கு அதிபதியானவர் புதன். அவர் லாப ஸ்தானத்திற்கு வரும்பொழுது வருமானம் வந்து கொண்டே இருக்கும். காரியத்தை தொடங்கும் முயற்சியில் ஈடுபட்டால் யாருடைய உதவியேனும் உங்களுக்கு கிடைத்து காரியம் வெற்றிகரமாக முடிந்துவிடும். வீடு, இடம் வாங்கும் முயற்சியிலும் ஆர்வம் காட்டுவீர்கள். உத்தியோக வாய்ப்பு கைகூடும்.

இம்மாதம் இல்லத்து பூஜை அறையில் விஷ்ணு படம் வைத்து, நாக கவசம் பாடி வழிபட்டால் நல்லது நடக்கும்.

பணத்தேவையைப் பூர்த்தி செய்யும் நாட்கள்: ஜூலை: 18, 19, 23, 24, 29, 30, 31, ஆகஸ்டு: 6, 7, 16

மகிழ்ச்சி தரும் வண்ணம்: கருநீலம்.

பெண்களுக்கான பலன்கள்!

இம்மாதம் சுக்ர பலமும், குரு பலமும் சாதகமாக இருப்பதால் நினைத்தது நிறைவேறும். நிகழ்காலத் தேவைகள் பூர்த்தியாகும். குடும்பத்தில் ஏற்பட்ட கருத்து வேறுபாடுகள் அகலும். இழந்த வாய்ப்புகளை மீண்டும் பெறுவீர்கள். ஏற்றத்தாழ்வாக இருந்த பொருளாதாரம் சீராகும். பணிபுரியும் பெண்களுக்கு பாதிப்புகள் ஏற்படாது என்றாலும் மன பயம் அதிகரிக்கும். ஆதியந்தப் பிரபு வழிபாடு ஆனந்தம் வழங்கும்.

ஆண்டு பலன் - 2020

1-1-2020 முதல் 31-12-2020 வரை

சித்திரை 3,4 பாதங்கள், சுவாதி, விசாகம் 1,2,3 பாதங்கள் வரை

(பெயரின் முதல் எழுத்துக்கள்: ர, ரி, ரு, ரே, த, தி, து, தே உள்ளவர்களுக்கும்)
யோசித்து செயல்பட்டால் யோகம் வந்து சேரும்

புத்தாண்டின் தொடக்கம் உங்களுக்கு வளமாக அமைந்தாலும், குருப்பெயர்ச்சியின் விளைவாக அர்த்தாஷ்டம குருவின் ஆதிக்கம் வருவதாலும், சனிப்பெயர்ச்சியின் விளைவாக அர்த்தாஷ்டமச் சனியின் ஆதிக்கமும், ராகு- கேது பெயர்ச்சியின் விளைவாக அஷ்டமத்து ராகுவும் செயல்படப் போகும் நேரமாக இருக்கிறது. இருப்பினும் அந்தந்த கிரகங்கள் பெயர்ச்சியாவதற்கு முன் வளர்ச்சியும், வாழ்க்கைத் தேவைகள் பூர்த்தியாகும் அமைப்பும் நன்றாக உள்ளது.

தனாதிபதி செவ்வாய் தன ஸ்தானத்தில் இருப்பதால் ஆண்டின் தொடக்கத்தில் வருமானம் திருப்திகரமாக இருக்கும். உங்களுக்கு சம்பள உயர்வும், உங்கள் வாழ்க்கைத் துணைக்கு வேலைவாய்ப்பும் கிடைக்கலாம். எல்லையில்லாத நற்பலன்களை, இந்த ஆண்டின் தொடக்கம் உங்களுக்கு வழங்கப்போகிறது. இடம், பூமியாலும் லாபம், உடன்பிறப்புகளால் முன்னேற்றம் என்ற நிலை உருவாகும்.

தொழில் ஸ்தானாதிபதி சந்திரன் பஞ்சம ஸ்தானத்தில் இருப்பதாலும், குருவின் பார்வை லாப ஸ்தானத்தில் பதிவதாலும் சுய தொழில் செய்பவர்களுக்கு வியாபாரம் சிறப்பாக நடைபெறும். பெரிய மனிதர்களின் ஆதரவும் கிடைக்கும். முதலீடுகள் அதிகம் செய்து தொழிலை பெருக்கிக் கொள்ள முன்வருவீர்கள். சென்ற ஆண்டில் ஏற்பட்ட சிக்கல்கள் இப்பொழுது அகலும்.

சகாய ஸ்தானத்தில், சூரியன், புதன், வியாழன், கேது, சனி ஆகிய 5 கிரகங்களின் சேர்க்கை உள்ளது. குறிப்பாக லாபாதிபதி சூரியன்,
9, 12-க்கு அதிபதியான புதன், 5, 8 ஆகிய இடங்களுக்கு அதிபதியான சனி ஆகியோரோடு கேதுவும், குருவும் இணைந்திருப்பதால் வழக்குகளில் சாதகமான நிலை ஏற்படும். வெளிநாட்டில் இருந்து அனுகூலத் தகவல் வரலாம். அடிப்படை வசதிகளைப் பெருக்கிக் கொள்ள ஆர்வம் காட்டுவீர்கள். மாற்று இனத்தவரின் ஒத்துழைப்போடு உங்கள் கூட்டு முயற்சிகளில் வெற்றி கிடைக்கும்.

குரு பார்வை கொடுக்கும் பலன்கள்

ஆண்டு தொடங்கும் பொழுது, குருபகவான் உங்கள் ராசிக்கு 3-ம் இடத்தில் சஞ்சரிக்கிறார். அவரது பார்வை 7, 9, 11 ஆகிய இடங்களில் பதிவாகிறது. எனவே களத்திர ஸ்தானம், பிதுர்ரார்ஜித ஸ்தானம் மற்றும் லாப ஸ்தானம் ஆகிய மூன்று இடங்களும் புனிதமடைகின்றன. இந்த காலகட்டத்தில் காரியங்கள் உடனடியாக நடைபெறாவிட்டாலும், கடைசி நேரத்திலாவது கைகூடிவிடும். இப்போது பிள்ளைகளுக்கு திருமணப் பேச்சை தொடங்கலாம். 9-ம் இடத்தில் குருவின் பார்வை பதிவதால் பூர்வீக சொத்துப் பிரச்சினைகள் நல்ல முடிவிற்கு வரும். லாப ஸ்தானத்தை குரு பார்ப்பதால் பணப் பிரச்சினைகள் அகலும். எதிர்பார்த்த தொகை கைகளில் புரளும். பல நாட்களாக வரவேண்டிய பாக்கிகள் கூட வரலாம். வெளிநாட்டு முயற்சியில் அனுகூலம் கிடைக்கும்.

மகர குருவின் சஞ்சாரம்

8.7.2020 முதல் 9.9.2020 வரை குரு பகவான் தனுசு ராசிக்குள்ளேயே வக்ரம் பெறுகிறார். அதே நேரத்தில் தனுசு ராசிக்குள் சஞ்சரிக்கும் சனியும் வக்ரம் பெறுகிறார். ஒரே வீட்டில் இரண்டு கிரகங்களும் வக்ரம் பெறுவது அவ்வளவு நல்லதல்ல. சனி உங்கள் ராசிக்கு 4, 5 ஆகிய இடங்களுக்கு அதிபதியாவார். குரு உங்கள் ராசிக்கு 3, 6 ஆகிய இடங்களுக்கு அதிபதியாவார். எனவே இக்காலத்தில் உத்தியோகத்தில் திடீர் மாற்றங்கள் உருவாகலாம். சக பணியாளர்களால் தொல்லை ஏற்படும். தலைமைப் பதவியில் உள்ளவர்கள் உங்கள் குரலுக்கு செவிசாய்க்க மறுப்பர். தேனாகப் பேசும் உறவினர்களும் கூட பகையாவர். தெய்வ தரிசனங்கள் மட்டுமே உங்களுக்கு திருப்தியை வழங்கும்.

15.11.2020-ல் குரு பகவான் மகர ராசிக்குப் பெயர்ச்சியாகிச் செல்கிறார். 12 ஆண்டுகளுக்கு ஒருமுறை மகர ராசியில் குரு சஞ்சரிப்பார். அது குரு வலிமை இழக்கும் நீச்ச வீடாகும். உங்களைப் பொறுத்தவரை நீச்சம் பெறும் பொழுதுதான் நல்ல பலன் கிடைக்கும். எனவே இது உங்களுக்கு அற்புதமான குருப்பெயர்ச்சிஆகும். அப்போது 8, 10, 12 ஆகிய இடங்களைக் குரு பார்க்கப் போகிறார். எனவே இழப்புகளை ஈடுசெய்யப் புதிய வாய்ப்புகள் வரும். உழைப்பிற்கேற்ற பலனும் உண்டு. ஊர்மாற்றங்கள் திருப்தியளிக்கும்.

ராகு - கேது பெயர்ச்சிக் காலம்

ஆண்டின் தொடக்கத்தில் உங்கள் ராசிக்கு 3-ம் இடத்தில் சஞ்சரித்து வந்த கேதுவும், 9-ம் இடத்தில் சஞ்சரித்து வந்த ராகுவும், 1.9.2020-ல் பின்னோக்கிச் சென்று இடம்மாறி அமரப் போகிறார்கள். அதாவது இந்த ராகு - கேதுவின் பெயர்ச்சியின் விளைவாக கேது 2-ம் இடத்திற்கும், ராகு 8-ம் இடத்திற்கும் வரப்போகிறார்கள். அஷ்டமத்து ராகுவால் அலைச்சலும், ஆதாயக் குறைவும் உருவாகும். உழைப்பிற்கேற்ற பலன் கிடைக்குமா என்பது சந்தேகம் தான். ஊர்மாற்றங்கள், இடமாற்றங்கள் எதிர்பார்த்ததைப் போல அமையாது. இல்லத்தில் உள்ளவர்கள் உங்கள் குணமறிந்து நடந்து கொள்ளமாட்டார்கள். உத்தியோகத்தில் மாற்றங்கள் செய்யலாமா? அல்லது புதிய தொழில் தொடங்கலாமா? என்ற சிந்தனை உருவாகும்.
கேது 2-ல் நிற்பது அவ்வளவு நல்லதல்ல. குடும்பச்சுமை கூடுதலாக இருக்கும். எதையும் துணிந்து முடிவு செய்ய இயலாது. கொடுத்த வாக்கை காப்பாற்ற அதிக முயற்சி எடுக்க வேண்டியதிருக்கும். உறவினர்கள் உங்களுக்கு உதவி செய்வதாகச் சொல்லி விட்டுக் கடைசி நேரத்தில் கையை விரிக்கலாம். துணையாக இருப்பவர்கள் தோள்கொடுத்து உதவுவார்களா என்பது சந்தேகம்தான். குடும்பத் தகவல்களை மூன்றாம் நபர்களிடம் பகிர்ந்து கொள்ள வேண்டாம். ஆரோக்கியத்திலும் கொஞ்சம் அக்கறை காட்ட வேண்டிய நேரம் இது. ஒருநோய் தீர்ந்தால் மற்றொரு நோய் வருவதற்கான அறிகுறி தென்படும். எனவே மருத்துவ ஆலோசனைகளைப் பெறுவது நல்லது. வெளி நாட்டில் இருப்பவர்கள் சொந்த ஊர் திரும்ப முடியாமல் தத்தளிக்கும் சூழ்நிலை உருவாகலாம்.

சனிப்பெயர்ச்சிக் காலம்

வருடத் தொடக்கத்தில் உங்கள் ராசிக்கு 3-ம் இடமான சகாய ஸ்தானத்தில் சனிபகவான் சஞ்சரிக்கிறார். 29.4.2020 முதல் 14.9.2020 வரை அவர், தனுசு ராசிக்குள்ளேயே வக்ரம் பெறுகிறார். உங்கள் ராசிக்கு 4, 5 ஆகிய இடங்களுக்கு அதிபதியான சனி பகவான், வக்ரம் பெறுவது அவ்வளவு நல்லதல்ல. தாய் வழி ஆதரவு குறையும். இடம், பூமியால் ஏதேனும் பிரச்சினைகள் ஏற்படலாம். எதிரிகளின் பலம் கூடும். பிள்ளைகளாலும், சில பிரச்சினைகள் உருவாகி மறையும். விற்ற சொத்துக்களில் வில்லங்கங்களும், சிக்கல்களும் உருவாகும். வாங்கிய சொத்துக்களால் வரும் லாபம் குறையலாம்.
13.2.2020 முதல் 22.3.2020 வரை தனுசு ராசிக்குள் செவ்வாய் - சனி சேர்க்கை ஏற்படுகிறது. குரு வீட்டில் இந்தச் சேர்க்கை ஏற்படுவதால் பயப்பட வேண்டியதில்லை. குடும்பத்தில் நிச்சயித்த சில சுபகாரியங்களில் தாமதங்கள் ஏற்படும். குடியிருக்கும் வீட்டால் ஒருசிலருக்கு பிரச்சினைகள் ஏற்படலாம். கொடுக்கல்- வாங்கலில் கவனம் தேவை. புதியவர்களை நம்பிப் பொறுப்பை ஒப்படைக்க வேண்டாம். 3.5.2020 முதல் 17.6.2020 வரை தனுசு ராசியில் உள்ள சனிபகவான் கும்பத்தில் உள்ள செவ்வாயைப் பார்க்கிறார். செவ்வாய், சனி பார்வை அவ்வளவு நல்லதல்ல. குடும்பப் பிரச்சினை கொடிகட்டிப் பறக்கும். விட்டுக் கொடுத்துச் செல்லுங்கள். தாய், தந்தையரின் உடல் நலத்தில் கவனம் தேவை.

26.12.2020-ல் உத்ராடம் 2-ம் பாதத்தில் மகர ராசிக்குச் சனி பகவான் பெயர்ச்சியாகிச் செல்கிறார். அது அர்த்தாஷ்டமச் சனியாகும். எனவே மிகமிக கவனத்தோடு செயல்பட வேண்டும். உணர்ச்சி வசப்படுவதைத் தவிர்ப்பது நல்லது. கடின உழைப்பின் மூலமே கனிவான வாழ்க்கையை அமைத்துக்கொள்ள இயலும். இக்காலத்தில் சனி பகவானை வழிபாடு செய்து வாருங்கள்.

செல்வ வளம் தரும் வழிபாடு

வெள்ளிக்கிழமை தோறும் விரதமிருந்து, ஜீவ தீபம் ஏற்றி அம்பிகையை வழிபடுவது நல்லது. சிவகங்கை மாவட்டம் பிள்ளையார்பட்டி அருகில் உள்ள வைரவன்பட்டி வயிரவர் ஆலயம் சென்று வைரவர், வளரொளிநாதர், வடிவுடையம்மனை வழிபட்டு வாழ்வை வளமாக்கிக் கொள்ளுங்கள்.
குருவின் வக்ர காலமும், பரிவர்த்தனை யோகமும்

27.3.2020-ல் மகர ராசிக்குள், குரு வக்ர இயக்கத்தில் செல்கிறார். அங்கு 7.7.2020 வரை இருக்கிறார். அதே நேரத்தில் சனியும், தனுசு ராசியில் வக்ரம் பெறுகிறார். இதனால் சனியும், குருவும் பரிவர்த்தனை யோகம் பெறுகிறார்கள். இந்த யோகம் நற்பலன்களைக் கொடுக்குமே தவிர கெடுபலன்களைக் கொடுக்காது. மேலும் மகர ராசியில் குரு நீச்சம் பெறுகிறார். உங்கள் ராசிநாதனுக்கு பகை கிரகமான குருபகவான், நீச்சம் பெறுவதும் நன்மைதான். ‘கெட்டவன் கெட்டிடில் கிட்டிடும் ராஜயோகம்’ என்பதற்கேற்ப எதிர்பாராத நல்ல திருப்பங்கள் ஏற்படலாம். தடம்மாறிச் சென்ற உறவினர்கள் தானாகத் திரும்ப வருவர். வீடு கட்டும் எண்ணம் நிறைவேறலாம். கிரகங்கள் சஞ்சரிக்கும் நிலை சாதகமாக உள்ளது. புதிய ஒப்பந்தங்களில் கையெழுத்திடும் சூழ்நிலை உருவாகும்.
பெண்களுக்கான பலன்கள்

இந்தப் புத்தாண்டு விரயங்கள் அதிகரிக்கும் ஆண்டாக அமையப் போகிறது. வரவைக் காட்டிலும் செலவு கூடும். குடும்பச்சுமை அதிகரிக்கும். உறவினர்களைப் பகைத்துக்கொள்ள வேண்டாம். சுப காரியங்களை நிறைவேற்றுவதில் கவனம் செலுத்துங்கள். கணவன் - மனைவிக்குள் அன்பும், அரவணைப்பும் அதிகம் இருந்தால்தான் குடும்ப ஒற்றுமை பலப்படும். தாய், தந்தையரின் உடல் நலத்தில் கவனம் தேவை. சகோதரர்களின் உதவி எதிர்பார்த்த அளவிற்கு கிடைக்காது. பிள்ளைகளை உங்கள் மேற்பார்வையில் வைத்துக்கொள்ளுங்கள். பணிபுரியும் பெண்களுக்கு சக பணியாளர்களால் தொல்லைகள் ஏற்படலாம். சம்பளப் பாக்கிகள் வருவதில் தாமதம் உருவாகும். திடீரென வரும் இலாகா மாற்றங்களும், ஊர் மாற்றங்களும் வந்து சேரும். அது திருப்தியளிக்கும் வகையில் அமையுமா என்பது சந்தேகம்தான். அர்த்தாஷ்டமச் சனி, அர்த்தாஷ்டம குருவின் ஆதிக்க காலத்தில் அதிக கவனம் தேவை. ஆரோக்கியத்திலும் பாதிப்புகள் ஏற்படலாம். துர்க்கை மற்றும் வராகி வழிபாடு துயரங்களைப் போக்கும்.

சார்வரி வருட பலன்

சார்வரி வருடத் தொடக்கத்தில், உங்கள் ராசிநாதன் சுக்ரன் அஷ்டம ஸ்தானத்தில் சொந்த வீட்டில் பலம்பெற்றுச் சஞ்சரிக்கிறார். சகாய ஸ்தானத்தில் சனி, சந்திரன், கேது ஆகிய கிரகங்கள் இணைந்திருக்கின்றன. குருவும், செவ்வாயும் இணைந்து அர்த்தாஷ்டம ஸ்தானத்தில் உள்ளனர். புதன் நீச்சம்பெற்றும், சூரியன் பலம்பெற்றும் உலவும் அமைப்பில் ஆண்டு பிறக்கிறது. எனவே உதிரி வருமானங்கள் வரும். அரசியல் ஈடுபாடு கொண்டவர்களுக்கு அதிகாரப் பதவிகள் கிடைக்கும்.

ராகு - கேது பெயர்ச்சி

1.9.2020 அன்று 2-ம் இடத்திற்கு கேதுவும், 8-ம் இடத்திற்கு ராகுவும் பெயர்ச்சியாகிறார்கள். அந்த வகையில் உங்களுக்கு சுப விரயங்கள் அதிகரிக்கும். எதிர்பாராத விதத்தில் இடமாற்றம், ஊர்மாற்றங்கள் வந்து சேரும். வெளிநாடு செல்பவர்களுக்கு தடை ஏற்பட்டு அகலும். எந்தக் காரியத்தையும், செய்யத்தொடங்கும் பொழுது கையில் பணத்தை வைத்துக்கொண்டு செய்ய இயலாது. ஆலய வழிபாட்டில் அதிக ஆர்வம் காட்டுவீர்கள். குலதெய்வப் பிரார்த்தனைகளை நிறைவேற்றும் எண்ணம் உருவாகும்.

குருப்பெயர்ச்சி

15.11.2020 அன்று குரு பகவான், மகர ராசிக்கு பெயர்ச்சியாகிறார். அது குருவுக்கு நீச்ச வீடாகும். உங்கள் ராசிநாதன் சுக்ரனுக்கு குரு பகை கிரகம் என்பதால், நீச்சம்பெறுவது ஒருவழிக்கு நன்மைதான். சகாய ஸ்தானாதி பதியாக குரு சஞ்சரிப்பதால், சில எதிர்பார்ப்புகள் நிறைவேறுவதில் தாமதங்கள் ஏற்படும். உத்தியோகத்தில் சக ஊழியர்களால் பிரச்சினைகள் ஏற்படும். வெளிநாட்டில் இருந்து சொந்த ஊருக்கு திரும்ப வழிபிறக்கும். புதிய ஒப்பந்தங்கள் வந்து சேரும். ஆற்றல்மிக்கவர்களும், அரசியல்வாதிகளும் உங்களுக்குப் பின்னணியாக இருந்து கேட்ட உதவிகளை செய்து கொடுப்பர். பயணங்கள் அதிகரிக்கும். ஓய்வின்றி உழைக்கும் நேரம் இது.

சனிப்பெயர்ச்சி

26.12.2020 அன்று வாக்கிய பஞ்சாங்க ரீதியாக சனி பகவான், மகர ராசிக்கு பெயர்ச்சியாகிறார். இந்த பெயர்ச்சியும், அர்த்தாஷ்டமச் சனியாக அமைகிறது. சுக ஸ்தானத்தில் சனி சஞ்சரிக்கும்போது சுகக்கேடுகளையும், குடும்பப் பிரச்சினைகளையும் கொடுக்கத்தான் செய்யும். அர்த்தாஷ்டமச் சனியின் ஆதிக்க காலத்தில் பிறருக்கு பணப்பொறுப்பு சொல்லிக் கொடுக்கும் தொகையால் பிரச்சினைகள் ஏற்படும். நீடித்த நட்புக் கூட பகையாகலாம். புதுமுகங்களை நம்பிச் செயல்படுவதாலும் விரயங்கள் ஏற்படலாம்.

குரு வக்ரமும், அதிசாரமும்

13.5.2020 முதல் 7.7.2020 வரை மகர ராசியில் குருபகவான் அதிசாரமாகி வக்ரம் பெறுகிறார். 8.7.2020 முதல் 9.9.2020 வரை தனுசு ராசியில் குரு வக்ர கதியில் இருக்கிறார். இக்காலத்தில் சனிபகவான் குருவோடு இணைந்து வக்ர கதியிலேயே தனுசு ராசிக்குள் உலா வருகிறார். மீண்டும் குருபகவான் 6.4.2021-ல் கும்ப ராசிக்கு குரு அதிசாரமாக செல்கிறார். இந்த குருவின் வக்ர காலத்தில் நல்ல வாய்ப்புகள் வந்து கதவைத் தட்டும். வளர்ச்சியில் இருந்த தளர்ச்சி அகலும்.

வழிபாடு

பஞ்சமி திதியன்று விரதமிருந்து வராகி அம்மனை வழிபட்டு வந்தால் எதிர்காலம் இனிமையானதாக அமையும்.

சனிப்பெயர்ச்சி பலன்கள்

ஜனவரி 24-ம் தேதி 2020 முதல் 2022 ஆண்டு வரை

(சித்திரை 3, 4ம் பாதங்கள், சுவாதி, விசாகம், 1, 2, 3ம் பாதங்கள் மற்றும் ர, ரா, ரி, ரு, ரே, ரோ, த, தா, தி, து, ஆகிய எழுத்துக்களை பெயரின் முதல் எழுத்தாக கொண்டவர்களுக்கும்.)

துலாம் ராசிக்கு இதுவரை மூன்றாமிடத்தில் இருந்த சனிபகவான் இம்முறை நான்காம் இடத்திற்கு மாறுகிறார். சனியின் நான்காமிட மாற்றம் அர்த்தாஷ்டமச் சனி என்று சொல்லப்பட்டு நன்மைகளை தராத ஒரு நிலை என்று நம்முடைய கிரந்தங்களில் சொல்லப்படுகிறது. ஆயினும் துலாமுக்கு சனிபகவான் நான்கு, ஐந்துக்குடைய ராஜ யோகாதிபதி என்கிற நிலையில் தற்போது அவர் மாற இருக்கும் நான்காம் வீட்டில் ஆட்சி எனப்படும் நிலையை அடைவார் என்பதால் கெடுபலன்கள் எதுவும் துலாம் ராசிக்கு இருக்காது என்பதே உண்மையான நிலையாகும்..

கோட்சார பலன்கள் என்பது வருடக் கிரகங்களான சனி, குரு, ராகு-கேதுக்கள் ஆகியவற்றின் ஒட்டுமொத்த நிலையையும் கணித்து அதன்பிறகு சொல்லப்படக் கூடியது என்பதால், மற்ற வருட கிரகங்களான குரு, கேது ஆகியவற்றின் மாற்றங்கள் துலாம் ராசிக்கு சாதகமான அமைப்பில் இருக்கும்போது சனியால் மட்டும் கெடுபலன்கள் எதுவும் உங்களுக்கு வரப்போவது இல்லை.

உதாரணமாக தற்போது ராகு கேதுக்கள் மூன்று, ஒன்பதாமிடங்களில் அமர்ந்து துலாமுக்கு நன்மை தரும் நிலையில் இருக்கிறார்கள். அதிலும் கேது 18 ஆண்டுகளுக்கு ஒருமுறை மிக உன்னதமான பலன்களை தர இருக்கின்ற மூன்றாமிடத்தில் கேள யோகம் எனப்படும் நல்ல அமைப்பில் குருவுடன் இணைந்து இன்னும் சுமார் ஒரு ஆண்டு காலத்திற்கு நல்ல பலன்களை தரக்கூடிய அமைப்பில் இருக்கிறார்.

கடந்த சில வாரங்களுக்கு முன் நடந்த குருப்பெயர்ச்சியால் குருவும் ஒன்பதாமிடத்தில் இருக்கும் ராகுவைப் பார்க்கும் நிலையில் அமர்ந்து, கேதுவோடு இணைந்து உங்களுக்கு பணவரவைத் தரக்கூடிய நிலையில் இருக்கிறார். இந்த சனிப் பெயர்ச்சியின் காலம் என்று சொல்லக் கூடிய இரண்டரை ஆண்டு காலத்தின் முதல் ஒன்றரை வருட காலத்திற்கு மற்ற கிரகங்களான குரு, கேது ஆகியவற்றின் இணைவு நிலைகள் நல்ல அமைப்பில் அமைந்திருப்பதால் தற்போது மாற இருக்கின்ற அர்த்தாஷ்டம சனி அமைப்பு துலாமுக்கு பெரிய பாதிப்புகளை தரப் போவது இல்லை. இன்னும் சொல்லப்போனால் உங்களின் ராஜ யோகாதிபதியான சனி சுபத்துவ நிலையில் ஆட்சி பெறுவதால் உங்களுக்கு சில நன்மைகளைத் தருவார் என்பதே உண்மை.

கோட்சாரத்தில் வரும் நான்காமிடத்து சனி தன்னுடைய பார்வையால் ஜீவன அமைப்புகளான வேலை, தொழில், வியாபாரம் போன்றவைகளை பார்த்துக் கெடுப்பார் என்றுதான் நம்முடைய மூல நூல்களில் சொல்லப்பட்டிருக்கிறது. அதேநேரத்தில் சனிபகவானே வேறுவகையில் சுபத்துவம் அடையும் நிலையில், சனியின் பார்வை நன்மைகளையே செய்யும் என்பது உண்மை. இந்த சனிப் பெயர்ச்சியின் நடுப்பகுதியில் குருபகவான் சனியுடன் இணையப் போவதால் சனி சுபத்துவம் பெறுவார். அப்போது அர்த்தாஷ்டமச் சனியின் தொழில், வேலை சம்பந்தமான இடையூறுகள், உங்களுக்கு இருக்கப் போவது இல்லை.

கோட்சார பலன்களில் ஒரு கிரகம் அங்கே இருந்தால் இந்தக் கெடுபலன் என்று உறுதியாகச் சொல்ல முடியாது. அதற்கு மாற்றாக வேறு விதமான சுபத்துவ வலிமைகள் அந்த கிரகத்திற்கோ, அல்லது அந்த பாவகத்திற்கோ அமையுமாயின், ஒரு மனிதனுக்கு நிச்சயமாக கெடுபலன்கள் நடைபெற போவது இல்லை.
அதுபோன்ற ஒரு நல்ல நிலைமை தற்போது துலாம் ராசிக்கு இருக்கிறது. சனியின் தற்போதைய ஆட்சி நிலையும், அடுத்த வருடம் நடக்க இருக்கும் குருவின் சேர்க்கையும் அர்த்தாஷ்டமச் சனியின் முக்கிய பலனான வேலை, தொழில், வியாபாரம் போன்றவைகளை கெடுப்பதில் இருந்து தடுத்து துலாமுக்கு நல்ல ஒரு நிலையைத் தரும்.

எனவே கெடுபலன்கள் ஏதேனும் வந்துவிடுமோ என்கிற தயக்கத்தை உதறித் தள்ளி, சனியைத் தவிர்த்து மற்ற கிரகங்கள் வலுவாக இருக்கின்றபடியால் வரப் போகின்ற காலங்கள் துலாமுக்கு நல்லவிதமாகவே அமையும் என்பதை உணர்ந்து செயல்பட்டால் வாழ்க்கையில் சிறப்பான நிலைமைக்கு வருவீர்கள் என்பது உறுதி.

அதேநேரத்தில் இந்த வருடம் முழுமைக்கும் குருவின் இணைவின்றி தனித்திருக்கும் சனி, தனது பார்வையால் பத்தாமிடத்தையும் உங்கள் ராசியையும் பார்ப்பார் என்பதால் பணிபுரியும் இடங்களில் மாற்றங்களும், ஏமாற்றங்களும் இருக்கும். அலுவலகத்தில் எவரையும் பகைத்துக் கொள்ளாதீர்கள். வீண் வாக்குவாதங்கள், தேவையற்ற விவாதங்கள், அரசியல்பேச்சுக்கள், அரட்டைகள் போன்றவைகள் வேண்டவே வேண்டாம். இதன் மூலம் வேலை செய்யும் இடங்களில் உங்களின் மதிப்பையும், மரியாதையும் கீழிறங்கச் செய்வார் சனி.

சிலருக்கு வேலைமாற்றம் அல்லது டிபார்மெண்ட் மாற்றம் அல்லது வேறு ஊருக்கு டிரான்ஸ்பர் போன்ற பலன்கள் நடக்கும். அவைகள் உங்களின் எதிர்காலத்துக்கு நல்லது என்பதால் வரும் மாற்றத்தை முழுமனதுடன் ஏற்றுக் கொள்ளுங்கள். மேலிடத்திற்கும் உங்களுக்கும் சிண்டு முடிந்து விட சகுனிகள் தோன்றுவார்கள் என்பதால் கவனம் தேவை.

அரசுப் பணியாளர்கள் முறைகேடான வழிகளில் பணம் வரும் நேரங்களில் எச்சரிக்கையாக இருக்க வேண்டும். நான்கு சுவருக்குள் நீங்கள் இருப்பதாக நினைத்துக் கொண்டிருந்தாலும் அந்த சுவருக்கும் கண்களும், காதுகளும் இருக்கின்றன என்பதை கவனத்தில் கொள்ளுங்கள். சுய தொழில் செய்பவர்களும், வியாபாரிகளும் தொழிலை விரிவாக்கம் செய்யவோ, புதிய கிளைகள் தொடங்கவோ, புது முயற்சிகள் எடுக்கவோ யோசித்து செய்ய வேண்டும். ஆயிரம்தான் இருந்தாலும் கேதுவின் தயவினால் பணவரவு சிறப்பாக இருக்கும் என்பதால் எத்தகைய சிக்கலையும் சுலபமாக சமாளிக்க முடியும்.

சுபத்துவமற்ற சனி இப்போது ராசியைப் பார்ப்பதால் உங்களுடைய குணங்கள் சற்று மாறுபடும். இந்த சனிப்பெயர்ச்சிக் காலத்தில் சற்று முரண்பாடானவராக, பிடிவாதக்காரராக மாறுவீர்கள். எவருக்கும் வளைந்து கொடுக்க மாட்டீர்கள். மனதில் குழப்பமான எண்ணங்கள் வரும். தேவையற்ற மனக் கலக்கம் இருக்கும். எதிலும் நல்லவைகளையே பார்க்கும் உங்களை முடக்கிப் போட்டு சனி சற்று அசைத்துப் பார்ப்பார் என்றாலும் யாராலும் உங்களை ஜெயிக்க முடியாது என்பது நிச்சயம்.
சில தேவையற்ற விஷயங்களில் மாட்டிக் கொண்டு சிக்கல்கள் உண்டாகும் என்பதால் அவசியமில்லாதவர்களுக்கு ஜாமீன் போடுவது மற்றும் எவருக்காகவும் கியாரண்டி தருவது இப்போது கூடாது. பல நாள் சேர்த்து வைத்த நற்பெயர் ஒரு சில நிமிட செயல்களால் கெடக்கூடும் என்பதால் கவனமாக இருங்கள்.
வயதான தாயாரை நன்கு கவனியுங்கள். அவரின் தேவைகளை பூர்த்தி செய்யுங்கள். தாயாரை விட்டு விலகி தூர இடங்களில் வசிப்பவர்கள் மாதம் ஒரு முறையாவது அவரைப் போய் பார்த்து அவரின் ஆசீர்வாதங்களை பெற்று வருவது நல்லது. நான்காமிடத்து சனியால் அம்மாவிற்கு ஆரோக்கியக் குறைபாடுகள் தோன்றும். தாயின் உடல்நலத்தில் அக்கறை காட்டுவது நல்லது.

எந்தக் காரணம் கொண்டும் எவ்வளவு நெருக்கடியிலும் வீட்டுப் பத்திரத்தை அடமானம் வைத்து கடன் வாங்குவது மற்றும் தொழில் செய்வது இப்போது செய்யாதீர்கள். அது சரியாக வராது. அதுபோலவே இருக்கும் வீட்டை விற்று புது வீடு வாங்குவது போன்றவைகளும் இப்போது வேண்டாம். சொந்த வீட்டை விற்று அந்தப் பணம் வேறுவகையில் செலவாகி வாடகை வீட்டில் இருக்கச் செய்வார் நான்காமிட சனி . வாகனம் அடிக்கடி செலவு வைக்கும். இந்தச் செலவுக்கு புது வண்டியே வாங்கிவிடலாம் என்றால் அதற்கும் தடை வரும். மாணவர்களுக்கு படிப்பில் தடை வரக்கூடும் என்பதால் காலேஜிற்கு கட் அடிக்காதீர்கள். காலேஜ் உங்களை கட் அடித்து விடலாம்.

சனிபகவான் நான்காமிடத்தில் இருக்கும் பொழுது குடும்பச் சொத்துக்களை விற்கக் கூடாது. பூர்வீகச் சொத்துகளையோ வீடு, நிலம் போன்றவைகளையோ விற்பதற்கான தேவை உள்ளவர்கள் விற்பனையைத் தள்ளி வைப்பது நல்லது. வீடோ, நிலமோ விற்ற பணம் விற்ற நோக்கத்திற்காக செலவாகாமல் வேறு வகையில் விரயம் ஆவதற்கு வாய்ப்பு இருக்கிறது. இந்த காலகட்டத்தில் வீண் விரயங்கள் இருக்கும் என்பதால் பாக்கெட்டில் இருந்து பணத்தை எடுக்குமுன் ஒரு முறைக்கு இரண்டு முறை யோசித்து செலவு செய்யுங்கள்.

இளைஞர்களுக்கு வேலை மாற்றங்கள், மாணவர்களுக்கு படிப்பில் கவனக் குறைவு, மனத் தடுமாற்றம், விரக்தி, எதிலும் விட்டேத்தியான மனப்பான்மை போன்றவைகள் இருக்கும். குடும்பத்தில் கடும் முயற்சிக்கு பிறகே சுபகாரியங்கள் நடக்கும். பிள்ளைகள் விஷயத்தில் சங்கடங்கள் வரும் என்பதால் அவர்களைக் கண்காணிப்பது அவசியம்.

வியாபாரிகளுக்கு வருமானத்தில் எந்தவித குறைவும் இருக்காது. சொந்தத் தொழில் செய்பவர்கள் வேலைக்காரர்களை நம்ப வேண்டாம். வேலைக்காரர்கள் திருடுவது போன்ற சம்பவங்கள் நடைபெறுவதற்கு வாய்ப்பு உள்ளது. விவசாயிகளுக்கும், கிராமப்புறத்தில் உள்ள சிறுதொழில் புரிபவருக்கும் நல்ல பலன்கள் நடக்கும்.

இந்தியாவை விட்டு வெளிநாட்டில் பணிபுரியும் துலாம் ராசிக்காரக்ளுக்கு சிக்கல்கள் எதுவும் இருக்காது. பொதுவாக ஏழரை, அஷ்டமச் சனி காலங்களில் வெளிநாட்டில் இருப்பது சனியின் கடுமைகளைக் குறைக்கும். இது அர்த்தாஷ்டமச் சனிக்கும் பொருந்தும். இதுவரை வெளிநாட்டு வேலைக்கு விண்ணப்பித்திருந்தவர்களுக்கு அந்த வாய்ப்பு இப்போது கிடக்கும். சிலருக்கு இப்போது நிரந்தரக் குடியுரிமையும் உண்டு.

பொதுவாக துலாம் ராசிக்காரர்கள் பரம்பொருளின் அருளினால் எதையும் சமாளிக்கும் திறன் கொண்டவர்களாக இருப்பீர்கள். மேலும் பிறந்த ஜாதகத்தில் நன்மையான தசாபுக்திகள் நடப்பவர்களுக்கு இந்த கோட்சாரக் கிரகக் குறைகள் பெரிதாக ஒன்றும் பாதிக்காது என்பதால் கவலைப் படுவதற்கு எதுவும் இல்லை.

பரிகாரங்கள்:

அர்த்தாஷ்டமச்சனி நடைபெறுவதால் சனிக்கிழமைதோறும் அருகிலுள்ள பழமையான சிவன் கோவிலில் அருள்புரியும் காலபைரவருக்கு நல்லெண்ணெய் தீபம் ஏற்றுவதும், வியாழக்கிழமையன்று தக்ஷிணாமூர்த்தி வழிபாடு செய்வதும் நல்லது. சென்னையில் இருப்பவர்கள் நங்கநல்லூர் மற்றும் ஆழ்வார்ப்பேட்டை ஆஞ்சநேயர் ஆலயங்களுக்கு சென்று அவரின் அருள் பெறுவதும் நன்மைகளைத் தரும்.

ஜோதிடக்கலை அரசு ஆதித்யகுருஜி
(செல்: 8870 99 8888)

குருப்பெயர்ச்சி பலன்கள்

துலாம் ராசிக்கு இதுவரை இரண்டாம் இடத்திலிருந்த குரு தற்போது மூன்றாமிடத்திற்கு மாறுகிறார். உங்கள் வாழ்க்கைக்கு தேவையான அடிப்படை அத்தியாவசிய மாற்றங்கள் நடைபெறும் காலமாக இது இருக்கும். பொதுவாக மூன்றாம் இடத்திற்கு குரு பெயர்ச்சியாவது நல்லநிலை அல்ல என்று நமது கிரந்தங்கள் கூறினாலும் குரு தனது சுபப் பார்வைகளால் கணவன், மனைவி ஸ்தானமான ஏழு, பாக்கிய ஸ்தானமான ஒன்பது, லாபங்கள் தரும் பதினொன்றைப் பார்வையிடுவார் என்பதால் மேற்கண்ட இனங்கள் மூலமாக இனி நல்ல பலன்கள் உங்களுக்கு நடைபெறும்.

மேலும் பிறந்த ஜாதகத்தில் நன்மையான தசா, புக்திகள் நடக்கும் துலாம் ராசிக்காரர்களுக்கு இந்த கோட்சாரக் குறைகள் பெரிதாக ஒன்றும் பாதிக்காது என்பதால் கவலைப்படுவதற்கு எதுவும் இல்லை. இந்தக் குருப்பெயர்ச்சியின் மூலமாக உங்களுக்கு நல்ல பணவரவும், வருமானங்களும் இருக்கும், பணத்தைப் பார்த்துக் கொண்டிருந்தாலே பாதிப் பிரச்னைகள் தீர்ந்து விடும் என்று சொல்லுவது இம்முறை உங்களுக்கு பொருத்தமாக இருக்கும்.

செய்கின்ற தொழில், வேலை, வியாபாரம் போன்றவைகள் அனைத்தும் அதன் உச்சபட்ச லாப நிலையில் நடக்கும் என்பதால் தொழில் அமைப்புகளில் முன்னேற்றத்தைப் பற்றிய கவலை உங்களுக்கு இருக்காது. குறிப்பாக இந்தப் பெயர்ச்சியால் துலாம் ராசிக்காரர்களுக்கு வேலை, தொழில் பாதிக்காது. அதேநேரத்தில் இப்போது இருப்பதை விட முன்னேற்றமான மாற்றங்கள் உண்டு.

வேலையில் இருந்து இடைநீக்கம் செய்யப்பட்டவர்கள் மீண்டும் பணியில் சேருவார்கள். வேலையை விட்டு விடலாமா என்று யோசனையில் இருந்தவர்களுக்கு சூழ்நிலைகள் நல்ல விதமாக அமைந்து வேலையை விட வேண்டிய நிலை நீங்கும். தற்காலிகப் பணியாளர்களுக்கு வேலை நிரந்தரமாகும்.

வேலை தேடிக் கொண்டிருப்பவர்களுக்கு அவர்கள் தகுதிக்கும் திறமைக்கும் ஏற்றபடி நல்ல சம்பளத்தில் வேலை கிடைக்கும். அலுவலகங்களில் ஏதோ ஒரு சின்ன பிரச்னையால் நிறுத்தி வைக்கப்பட்டிருந்த பதவி உயர்வும், சம்பள உயர்வும் இனிமேல் கிடைக்கும். அரசு ஊழியர்களுக்கு மேலதிகாரிகளால் இருந்து வந்த மன உளைச்சல்களும் வேலைப் பளுவும் நீங்கி உங்களை புரிந்து கொள்ளாமல் உங்களிடம் ‘கடுகடு’ வென இருந்த மேலதிகாரி மாறுதல் பெற்று அந்த இடத்திற்கு உங்களுக்கு அனுசரணையானவர் வருவார்.

இதுவரை சிக்கலில் இருந்த தொழில், வியாபாரம் போன்ற அமைப்புகள் மீண்டும் எழுச்சியுடன் நடைபெறப் போகும் காலம் வந்து விட்டதால் வியாபாரிகளுக்கும், தொழில் அதிபர்களுக்கும், சுய தொழில் செய்பவர்களுக்கும் இந்த குருப்பெயர்ச்சி மிகவும் கை கொடுக்கும் என்பதில் சந்தேகமே இல்லை.

இளைய பருவத்தினர் ஏமாற்றத்திலும் மன அழுத்தத்திலும் இருந்து விடுபடுவார்கள். இளைய தலைமுறைக்கு இந்த குருப் பெயர்ச்சி யோகத்தை தரப் போவதோடு இதுவரை இருந்து வந்த மனக் குழப்பங்களையும் காரியத் தடைகளையும் துரதிர்ஷ்டங்களையும் விரட்டி அடிக்கும் விதமாகவும் அமையப் போகிறது.
வியாபாரிகளுக்கு லாபம் அதிகம் இருக்கும் என்பதால் குறை சொல்ல எதுவும் இல்லை. குருவின் பார்வை லாப ஸ்தானத்தில் விழுவதாலும், அவரே உங்கள் ராசிக்கு வேலைசெய்யும் அமைப்பிற்குரிய ஆறுக்குடையவனாகி பார்ப்பதாலும் வருமானத்தில் எந்தவித குறைவும் இருக்காது.

செய்யும் தொழில் திருப்திகரமாக இருக்கும். இதுநாள்வரை இருந்து வந்த பொருளாதார நெருக்கடிகள் இருக்காது. கடையை மூடி வீட்டுக்கு திரும்பும் பொழுது மனநிறைவுடன் செல்ல முடியும்.

குருவின் ஏழாமிடப் பார்வையால் குடும்பத்தில் இருந்து வந்த பிரச்சனைகள் தீரும். பிரிந்து வாழும் தம்பதியர் சேரக் கூடிய சூழல்கள் உருவாகும். தொழிலில் பங்குதாரர்களிடம் இருந்து வந்த சண்டை சச்சரவுகள் விலகி ஒருவருக்கொருவர் உதவிகரமாக இருப்பார்கள். பிரிந்த நண்பர்கள் ஒன்று சேருவார்கள்.

வேலை விஷயமாக வேறு வேறு ஊர்களில் பிரிந்து வேலை செய்யும் கணவன் மனைவிக்கு இந்தக் குருப் பெயர்ச்சியால் ஒரே ஊருக்கு டிரான்ஸ்பர் கிடைக்கும். வார இறுதி நாட்களில் மட்டும் குடும்பத்தோடு இருந்த நிலை மாறி குடும்பம் ஒன்று சேரும்.

திருமணமாகாத இளைய பருவத்தினத்தினருக்கு திருமணம் நடக்கும். துலாம் ராசிக்காரர்கள் வீட்டில் இந்த குருப் பெயர்ச்சியால் ஏதேனும் ஒரு சுப காரியம் உண்டு. குரு புத்திர காரகன் என்பதால் அவரது பாக்கிய ஸ்தானப் பார்வையால் குழந்தை இல்லாத தம்பதிகளுக்கு குழந்தை பாக்கியத்தை அருளுவார். ஆண் குழந்தைக்கு ஏங்கும் தம்பதிகளுக்கு ஆண் வாரிசு கிடைக்கும்.

முதல் திருமணத்தில் தடுக்கி விழுந்து, வாழ்க்கை கோணலாகி, துன்பத்தில் இருப்பவர்களுக்கு குரு இரண்டாவது வாழ்க்கையை நல்லவிதமாக அமைத்து தருவார். இந்த வாழ்க்கை நிலையாகவும் நீடித்தும் மனதிற்கு பிடித்த வகையிலும் இருக்கும். சில துலாம் ராசிக்காரர்கள் எதிர்கால வாழ்க்கைத் துணையை இப்போது சந்திப்பீர்கள். காதல் வரும் நேரம் இது. சிலருக்கு மனம் விரும்பிய வாழ்க்கை கிடைக்கும். காதலர்களுக்கு பெற்றோர்களின் சம்மதம் கிடைக்கும்.
குருவின் ஒன்பதாமிடப் பார்வையால் தந்தை வழி உறவினர்களிடம் நெருக்கம் உண்டாகும். இதுவரை இருந்து வந்த பங்காளிப் பிரச்னை தீரும்.

பூர்வீக சொத்துக்களில் உங்கள் பாகம் சேதமில்லாமல் உங்களுக்கு கிடைக்கும். பெரியப்பா சித்தப்பாக்கள் மற்றும் தந்தையுடன் பிறந்த அத்தைகளால் லாபம் இருக்கும்.

குறிப்பிட்ட சிலருக்கு ஆலயப் பணி செய்யும் பாக்கியம் கிடைக்கும். நீண்ட நாட்களாக போக முடியாமல் தள்ளிப் போயிருந்த தீர்த்த யாத்திரை இப்போது போக முடியும். காசி, கயா, பத்ரிநாத், கேதார்நாத் போன்ற வட மாநில புண்ணியத் தலங்களை தரிசிக்கும் வாய்ப்பு இப்போது கிடைக்கும். ஞானிகளின் தரிசனம் கிடைக்கும். மகாபெரியவரின் அதிஷ்டானம் போன்ற புனித இடங்களை வழிபடும் பாக்கியம் உண்டாகும்.

தள்ளிப் போயிருந்த நேர்த்திக் கடன்களை இப்போது நிறைவேற்ற முடியும். குடும்பத்துடன் குல தெய்வ வழிபாடு செய்வீர்கள். தந்தையிடமிருந்து ஏதேனும் ஆதாயம் இருக்கும். இளைஞர்களுக்கு நீங்கள் விரும்பிக் கேட்கும் ஒரு பொருளை உங்கள் அப்பா வாங்கித் தருவார்.

மூத்த சகோதரர், சகோதரிகளின் உறவு மேம்படும். அவர்களால் உதவிகள் இருக்கும். அண்ணன், தம்பி, அக்கா, தங்கை உறவுகள் பலப்படும். வயதில் மூத்தவர்களுக்கு மங்களகரமான நிகழ்ச்சிகள் வீட்டில் நடைபெறும். இதுவரை திருமணம் தாமதமான அக்கா, அண்ணன் போன்றவர்களுக்கு நல்ல இடத்தில் திருமணமாகும்.

அதிகம் பெண்களுடன் பிறந்தவர்கள் தங்கள் சகோதரிகளின் வீட்டு சுப காரியங்களுக்கு செலவு செய்ய வேண்டியிருக்கும். துலாம் ராசிப் பெண்களுக்கு இந்தக் குருப்பெயர்ச்சி நல்ல பலன்களைத்தான் அதிகம் தரும். இதுவரை உங்களை புரிந்துக் கொள்ளாத கணவர் இனிமேல் உங்களை புரிந்து கொண்டு, உங்கள் மனம் போல் நடந்து கொள்ள ஆரம்பிப்பார். பிள்ளைகள் உங்களின் கஷ்டங்களைப் புரிந்து கொள்வார்கள். வேலை செய்யும் இடங்களில் மதிப்பும், மரியாதையும் கிடைக்கும். உங்களின் அந்தஸ்து உயரும். கூட்டுக் குடும்பத்தில் மருமகளின் பேச்சு மாமியாரால் ஏற்கப்படும்.

உடல்நலம் விஷயத்தில் கவனமாக இருங்கள். சிறு சிறு உடல் கோளாறுகள் வரலாம். நீடித்த குறைபாடுகளான சர்க்கரை, ரத்தஅழுத்தம் போன்றவைகளால் பாதிக்கப் பட்டவர்கள் அடிக்கடி பரிசோதனை செய்து கொள்வது நல்லது. சிறிய பிரச்னை என்றாலும் ஆரம்பத்திலேயே மருத்துவரிடம் செல்லுங்கள். வெளிநாட்டு விஷயங்கள் நல்ல பலன் அளிக்கும் என்பதால் இப்போது வெளிநாட்டு வேலைக்கோ அல்லது வெளி தேசத்தில் மேற்படிப்பு படிக்கவோ செல்ல முடியும். அதனால் நன்மைகளும் இருக்கும்.

பள்ளி, கல்லூரி செல்லும் வயதில் பிள்ளைகளை வைத்திருக்கும் துலாம் ராசிக்காரர்கள் மக்களின் மேல் சற்றுக் கவனம் செலுத்த வேண்டிய காலம் இது. பிள்ளைகளின் கவனம் படிப்பிலிருந்து விலகி காதல், கத்திரிக்காய் என்று வேறு பக்கம் திரும்புவதற்கு வாய்ப்பிருக்கிறது. வேறு ஏதாவது வம்புகளில் சிக்கி உங்களை மனக்கஷ்டத்திற்கு ஆளாக்குவார்கள் என்பதால் அவர்களை கண்காணிப்பது நல்லது.

பிள்ளைகள் உங்கள் பேச்சைக் கேட்கவில்லை என்றால் கோபப்பட வேண்டம். நொந்து கொள்ள வேண்டம். இது உங்கள் தகப்பனாரிடம் நீங்கள் கட்டுப் பெட்டியாக வாழ்ந்த காலம் போல இல்லை. இது இளைஞர்களின் காலம். செல்போன் யுகம்.

நீங்கள் பிறந்த போது தொலைபேசி, டிவி, வீடியோ, இன்டர்நெட் என்று எதுவுமே கிடையாது. ஆனால் இப்போது உங்களின் குழந்தைகள் பிறக்கும் போதே கர்ணனின் கவச குண்டலம் போல அவற்றோடுதான் இருக்கிறார்கள் என்பதைப் புரிந்து கொள்ளுங்கள்.

சிலருக்கு மூத்த சகோதரம் எண்ணப்படும் அண்ணன், அக்காள்களால் நன்மைகள் இருக்கும். இதுவரை திருமணம் ஆகாமல் தள்ளிப் போயிருக்கும் மூத்தவர்களின் திருமணம் நல்லபடியாக நடக்கும். அண்ணன், அக்காக்களுக்கு திருமணம் ஆவதன் மூலம் உங்கள் திருமணத்திற்கு இருந்து வந்த தடை விலகும்.

பொதுவாக துலாம் ராசிக்கு இது எதிர்கால முன்னேற்றத்திற்கு அடித்தளம் போடும் காலகட்டமாக அமையும். இப்போது ஏற்படும் அனுபவங்களால் உங்கள் எதிர்காலத்தை சிறப்பாக அமைத்துக் கொள்வீர்கள் என்பதால் இந்தக் குருப்பெயர்ச்சியில் கவலைப்படுவதற்கு ஒன்றும் இல்லை.

பரிகாரங்கள்:

வேலூர் வாலாஜாபேட்டையில் அமைந்திருக்கும் ஸ்ரீ தன்வந்திரி பீடத்தில் நடைபெறும் குருப் பெயர்ச்சி யாகத்தில் கலந்து கொள்ளுங்கள். சென்னையில் இருப்பவர்கள் வியாழக்கிழமை தோறும் சேக்கிழார் பெருமான் நிறுவிய வட ஆலங்குடி எனப்படும் போரூர் ஈஸ்வரன் கோவிலுக்கோ அல்லது குறுமுனி அகத்தியர் வந்து வழிபட்ட குரு ஸ்தலமான பாடி எனப்படும் திருவலிதாயம் கோவிலுக்கோ சென்று வழிபடுவது நல்லது. வெளிமாவட்டத்தவர்கள் அருகிலுள்ள பழமையான ஈஸ்வரன் கோவில் ஸ்ரீதட்ஷிணாமூர்த்திப் பெருமானை ஆராதியுங்கள்.

ஆதித்ய குருஜி செல்: 8870 99 8888

ராகுகேது பெயர்ச்சி பலன்கள்

திருக்கணிதப் பஞ்சாங்கப்படி வரும் மார்ச் மாதம் (7-3-2019) முதல் ஏறத்தாழ ஒன்றரை ஆண்டு காலம்

துலாம் ராசிக்கு தற்போது நிலை கொண்டிருக்கும் பத்தாமிடத்தில் இருந்து ஒன்பதாமிடத்திற்கு ராகுவும், நான்காமிடத்தில் இருந்து மூன்றாமிடத்திற்கு கேதுவும் மாற இருக்கிறார்கள்.

இம்முறை ராகுவைவிட கேது நன்மைகளைத் தரும் இடத்திற்கு மாற இருப்பதால் துலாம் ராசியைப் பொறுத்தவரையில் இந்த ராகு-கேதுப் பெயர்ச்சி நன்மைகளைத்தான் அதிகம் தரும் என்பது நிச்சயம்.

இன்னும் ஒரு கூடுதல் பலனாக ஒன்பதாமிடத்திற்கு மாறும் போது பெயர்ச்சியின் மத்தியில் வரும் நவம்பர் மாதம் முதல் ராகு குருவின் பார்வையைப் பெறுவார். பார்க்கும் கிரகத்தின் பலனை ராகு எடுத்துச் செய்வார் எனும் விதிப்படி ராகு குருவுக்கு இணையான பலம் கொண்ட கிரகமாக மாறி உங்களுக்கு நல்ல பலன்களைச் செய்வார்.

மேலும் கேது என்பவர் அதிரடியான பலன்களை தரும் ஒரு நிழல்கிரகம். அவர் நல்ல பலன்களைச் செய்ய வேண்டுமெனில் ஒரு சுபக் கிரகத்தோடு தொடர்பு கொள்ள வேண்டும் என்பது ஜோதிடவிதி. இந்தப் பெயர்ச்சியின் மூலம் நவம்பர் முதல் கேது இயற்கைச் சுபரான குருவுடன் அவர் இணைவதால் 2019-ம் வருடம் நவம்பருக்குப் பிறகு ராகு கேதுக்களினால் உங்களுக்கு மிகவும் நல்ல பலன்கள் இருக்கும். மொத்தத்தில் இந்த ராகு-கேதுப் பெயர்ச்சி நல்லவைகளைத் தவிர்த்து அல்லவைகளைச் செய்யாது என்பது உறுதி.

ராகு ஒன்பதாமிடத்திற்கு வர இருப்பதால் துலாம் ராசிக்காரர்களுக்கு அன்னியமத, இன, மொழிக்காரர்களால் மிகுந்த நன்மைகளும், பொருளாதார மேன்மைகளும் இருக்கும். குறிப்பாக ராகுதசை, ராகுபுக்தி, குருதசை குருபுக்தி நடந்து கொண்டிருக்கும் துலாம் ராசிக்காரர்களுக்கு நன்மைகள் சற்றுக் கூடுதலாகவே இருக்கும்.
கடந்த காலத்தில் பத்தாமிடத்து ராகுவால் வேலை, தொழில், வியாபாரம் போன்ற ஜீவன அமைப்புகளில் முடக்கங்களையும், தடைகளையும், கெடுபலன்களையும் சந்தித்தவர்கள் இப்போது அவை நீங்கி எந்த விஷயங்களில் தடைகள் இருந்தனவோ அதே அமைப்புகள் நல்லபடியாகக் கை கொடுப்பதை உணரமுடியும்.

கேது மிகவும் நல்ல பலன்களைத் தரும் மூன்றாமிடத்திற்கு தற்போது மாறி இருப்பது மிகவும் சிறப்பு. இதனால் ஏற்கனவே அவர் பாதித்துக் கொண்டிருந்த நான்காமிடத்தின் சிறப்பு நிலைகளான வீடு, வாகனம், தாயார், உயர்கல்வி போன்றவைகளில் இனிமேல் துலாம் ராசிக்கு நல்ல பலன்கள் நடக்கும்.

மேலும் மூன்றாமிடத்துக் கேதுவின் பலனாக துலாம் ராசிக்காரர்களுக்கு இதுவரை இல்லாத வகையில் மன தைரியம் அதிகரிக்கும். எதையும் சமாளிக்கும் ஆற்றல் பெருகும். மிகுந்த தன்னம்பிக்கையுடன் செயல்படுவீர்கள். உங்களுடைய முழு வீரியமும் உங்களுக்கே தெரியவரும் காலகட்டம் இது.

சகாய ஸ்தானம் வலுப்பெறுவதால் அடுத்தவர்களிடமிருந்தும், தொழில் நிறுவனங்கள், அரசாங்க அமைப்புகள் போன்றவற்றில் இருந்தும் நீங்கள் எதிர்பார்க்கும் உதவிகள் தாராளமாக கிடைக்கும். இந்த காலகட்டத்தில் உங்களைப் பிடிக்காத எதிரிகள் கூட தன்னை அறியாமல் ஒருவகையில் உங்களுக்கு உதவி செய்வார்கள். மூன்றாமிடம் கீர்த்தி, புகழ் எனப்படும் ஒரு மனிதனின் செயலுக்காக அடுத்தவரிடம் பாராட்டுகளைப் பெறும் இடம் என்பதால் சிலருக்கு தனி மனிதரிடமிருந்தும் சிலருக்கு சமுதாயத்திடமிருந்தும் பெரிய அளவில் பாராட்டுக்கள் கிடைக்கும். 2020-ம் வருடத்தில் உங்களில் சிலர் சாதனைகளைச் செய்வீர்கள். அந்த சாதனைகளுக்காக என்றென்றும் நினைவு கூறப்படுவீர்கள்.

இந்தப் பெயர்ச்சிக் காலம் முழுவதும் உங்களின் பொருளாதார நிலை மிகவும் மேம்பாடானதாகவும் சரளமான பணவரவு இருந்து கொண்டே இருப்பதாகவும் அமையும். தொட்டது துலங்கும். இதுவரை வருமானம் இன்றி பணப்பற்றாக்குறையால் அவதிப்பட்டுக் கொண்டிருந்தவர்களுக்கு பணப்பிரச்னை இல்லாத அளவுக்கு நல்ல வருமானம் இருக்கும்.

மூன்றாமிடத்தில் குரு,சனி,கேது இணையப் போவதால் சிலருக்கு கோவில் திருப்பணிகள் செய்யும் வாய்ப்பு கிடைக்கும். சிதிலமடைந்து ஊருக்கு வெளியே கவனிப்பாரின்றி கிடக்கும் சிவன் கோவிலை புனருத்தானம் செய்யும் பாக்கியமும் அதன் மூலம் புண்ணியமும் கிடைக்கும். துலாம் ராசிக்காரர்கள் இம்முறை சிவன் அருள்கிடைக்கப் பெறுவீர்கள்.

பொதுமக்கள் சம்பந்தப் பட்ட பணியில் இருக்கும் சில துலாம் ராசிக்காரர்கள், அரசியல்வாதிகள் போன்றவர்களுக்கு மதிப்பு வாய்ந்த பதவி, அல்லது அதிகாரம் தரும் பதவி மற்றும் அந்தஸ்து உண்டாகும் செயல்கள் கௌரவமான நிகழ்வுகள் நடந்து நீங்கள் புகழ் பெறுவதற்கான அமைப்பு இப்போது இருக்கிறது.

அதிக முனைப்பு இல்லாமலேயே தொழில் முயற்சிகளில் பெரிய லாபங்கள் கிடைக்கும். கமிஷன் தரகு போன்றவைகளின் மூலமாக நல்ல பெரிய தொகை ஒரே நேரத்தில் ‘லம்ப்’பாக கிடைக்கும். பங்குச் சந்தை லாட்டரி போட்டி பந்தயங்கள் போன்றவைகள் இப்போது கை கொடுக்கும். வருகின்ற வருமானத்தை முதலீடாக்குவது நல்லது. வீட்டுமனை, நிலம் போன்றவைகள் இப்போது வாங்கிப் போடுவீர்கள். குழந்தைகளின் பேரில் டெபொசிட் செய்வீர்கள்.

வியாபாரிகளுக்கு வியாபாரம் திருப்திகரமாக இருக்கும். நல்ல வேலைக்காரர்கள் அமைவார்கள். எந்த ஒரு விஷயமும் வெற்றி தரும். ஆரம்பிக்கும் காரியத்தை சுபமாக முடிக்க முடியும். கூட்டுத் தொழிலில் இதுவரை இருந்த வந்த கருத்து வேறுபாடுகளும், மந்தமான நிலைமையும் மாறி தொழில் நல்லபடியாக நடக்கும். நண்பர்களும், பங்குதாரர்களும் உதவிகரமாக இருப்பார்கள்.

சில தொழில்முனைவோர்களுக்கு நல்ல சந்தர்ப்பங்கள் கிடைத்து அமோகமான தொழில் வெற்றியைப் பெற்று பெரும்பணக்காரர்கள் ஆவதற்கு தற்போது வாய்ப்பு இருக்கிறது. விடா முயற்சியுடன் எதையும் செய்வதன் மூலம் கடவுள்அருள் உங்கள் பக்கம் இருக்கும் என்பது நிச்சயம்.

இளைய பருவத்தினர் எதிர்கால வாழ்க்கைத் துணைவரை இப்போது சந்திப்பீர்கள். உங்கள் பிற்பகுதி வாழ்க்கையை நிர்ணயிக்கும் பெயர்ச்சியாக இது இருக்கும். உங்களின் புத்திசாலித்தனத்திற்கும், செயல் திறமைக்கும் சவால்கள் இருக்கும். மனதிற்குள் நீங்கள் போட்டு வைத்திருக்கும் திட்டங்களை இப்போது செயல்படுத்தி சோதனை செய்வீர்கள். சகோதர சகோதரிகளுக்கு சுபகாரியங்கள் நடக்கும். நீண்ட நாட்களாக திருமணமாகாமல் தடங்கலாகி இருக்கும் தங்கை தம்பியின் திருமணத்தை நல்லபடியாக நடத்துவீர்கள்.

பெண்களுக்கு குடும்பத்தில் நற்பெயரும் கௌரவமும் கிடைக்கும். பெண்களின் ஆலோசனை குடும்பத்தில் ஏற்கப்படும். வேலைக்குச் செல்லும் மகளிருக்கு பதவிஉயர்வு கூடுதல்சம்பளம் போன்ற பலன்கள் இருக்கும். அதிகாரிகளால் பாராட்டப் படுவீர்கள். உடன் பணிபுரியும் ஆண்களின் ஒத்துழைப் பும் உங்களுக்கு கிடைக்கும். வீட்டிற்கு தேவையான பொருட்களை வாங்க முடியும். மனதில் உற்சாகமும் புத்துணர்ச்சியும் இருக்கும். குடும்பத்தில் குதூகலம் நிலவும்.

இன்பச் சுற்றுலா சென்று வருவீர்கள். குடும்பத்தில் சொத்துச்சேர்க்கை, நகைகள் வாங்குதல், சேமிப்புகளில் முதலீடு செய்தல், குழந்தைகளின் எதிர்காலத்திற்கான திட்டங்கள் போன்றவைகளை இப்போது செய்ய முடியும். இதுவரை சொந்த வீடு இல்லாதவர்களுக்கு வீடு கட்டும் வாய்ப்போ அல்லது கட்டிய பழைய வீடோ வாங்கும் யோகம் வருகிறது. சிலருக்கு இருக்கும் வாடகை வீட்டை மாற்றி புதிதாக ஒத்திக்கு எடுத்தல் போன்றவைகள் நடக்கும்.

வெளிநாட்டில் இருப்பவர்களுக்கு நல்ல பலன்கள் உண்டு. வெகுநாட்களாக எதிர் பார்க்கும் குடியு ரிமை கிடைக்கும். தாய்தந்தையைப் பார்க்க தாய்நாடு வந்து திரும்புவீர்கள். இருக்கும் நாட்டில் சுமுகநிலை இருக்கும். சொந்தத்தொழில் செய்பவர்கள், வியாபாரிகள், தனது அறிவையும் புத்திசாலித்தனத்தையும் முதலீடாக வைத்து சுயதொழில் செய்பவர்கள் அனைவருக்கும் இது முன்னேற்றமான காலம்தான். சுயதொழிலர்களுக்கு உற்பத்தி ஆர்டர்கள் சீராகக் கிடைக்கும். பங்குதாரர்கள் ஒத்துழைப்பார்கள்.

புனித யாத்திரை செல்வீர்கள். மகான்களின் திருப்பாதம் பதிந்த இடங்களுக்கு சென்று தரிசித்து உங்களை புனிதப்படுத்திக் கொள்வீர்கள். சிலருக்கு காசி கயா ரிஷிகேஷ் போன்ற வடமாநில தீர்த்த யாத்திரைகளும் ஆன்மிக சுற்றுலாக்களும் உண்டாகும். தெய்வ தரிசனங்களும் கிடைக்கும். ஆன்மீக விஷயங்களில் ஈடுபாடு அதிகமாகும். மகான்களின் கருணைப் பார்வை உங்கள் மீது விழும்.

மகன் மகள்களால் இதுவரை இருந்து வந்த மனச்சங்கடங்கள் விலகி அவர்களால் இனிமேல் சந்தோஷம் இருக்கும். அவர்களுக்குத் தேவையான விஷயங்களை தாமதமின்றி செய்து கொடுக்க முடியும். எதிர்பாராத தனலாபங்கள் இருக்கும்.

இந்தப் பெயர்ச்சியினால் ஆரம்பத்தில் இருந்தே. ஏதேனும் ஒரு வகையில் பணம் வந்து போய்க் கொண்டிருக் கும் என்பதோடு வருமானக் குறைவு என்பது இருக்கவே இருக்காது என்பதால் இந்த ராகு, கேது பெயர்ச்சியை நீங்கள் வரவேற்கவே செய்வீர்கள்.

பரிகாரங்கள்

கேதுபகவானால் கிடைக்கும் நன்மைகளைக் கூட்டிக் கொள்ள காஞ்சிபுரம் சித்திரகுப்தன் ஆலயத்தில் உங்களின் ஜென்ம நட்சத்திரம் அன்றோ அல்லது ஏதேனும் ஒரு செவ்வாய்க் கிழமையன்றோ அபிஷேகம் செய்யுங்கள். இயலாதவர்கள் செவ்வாய்தோறும் விநாயகப் பெருமானுக்கு விளக்கேற்றுங்கள்.

கணித்தவர் ஜோதிடக்கலை அரசு
ஆதித்யகுருஜி
88709 98888

What’s in store for you?

Maalaimalar brings you: The Latest Tamil News | Tamil Cinema News and | Reviews | Kollywood gossips | astrology in Tamil.


Maalaimalar Tamil brings you the latest Tamil news from India and rest of the World.

You Also Get Top Breaking News | Political News from Tamil Nadu and India.

Get In-depth Coverage of National and International Politics | Business | Sports | Cricket News and Score Update of IPL & TNPL, if you are a Chennai Super Kings- CSK or Chepauk Super Gillies-CSG fan, look no further as we have year round updates about these.

We also focus on Tamil Spiritual News | Astrology | Technology | Traditional Tamil Food Recipes | Tamil Cinema Entertainment i.e. Tamil Cinema News | About Tamil Top Actors such as | Rajinikanth | Kamalhasan | Vijay | Ajith etc.

Further Latest Tamil movie reviews with ranking of Top Tamil Movies | Top Tamil Actor and Actress | Photo Gallery | History of Tamil Cinema | Tamil Movie Video Reviews. Catch the Start Interviews and latest events on our site as and when it happens


If you are looking for news from your home town, trust Maalaimalar.com Tamil to get you all the latest happenings not only from districts of Tamil Nadu

Ariyalur News in Tamil | Chennai News in Tamil | Coimbatore News in Tamil | Cuddalore News in Tamil | Dharmapuri News in Tamil | Dindigul News in Tamil | Erode News in Tamil | Kanchipuram News in Tamil | Kanyakumari News in Tamil | Karur News in Tamil | Krishnagiri News in Tamil | Madurai News in Tamil | Nagapattinam News in Tamil | Namakkal News in Tamil | Nilgiris (Ooty) News in Tamil | Perambalur News in Tamil | Pudukkottai News in Tamil | Ramanathapuram News in Tamil | Salem News in Tamil | Sivagangai News in Tamil | Thanjavur (Tanjore) News in Tamil | Theni News in Tamil | Thoothukudi (Tuticorin) News in Tamil | Tiruchirappalli (Trichy) News in Tamil | Tirunelveli (Nellai) News in Tamil | Tirupur News in Tamil | Tiruvallur News in Tamil | Tiruvannamalai News in Tamil | Tiruvarur News in Tamil | Vellore News in Tamil | Viluppuram News in Tamil | Virudhunagar News in Tamil | But also from Puducherry (Pondycherry) News in Tamil.

Others

Other than News and Entertainment in Tamil we also provide Astrology predictions | Daily Tamil Rasi palan for your star Mesham rasi palan | Rishabam rasi palan | Midhunam rasi palan | Kadagam rasi palan | Simmam rasi palan | Kanni rasi palan | Thulam rasi palan | Viruchagam rasi palan | Dhanusu rasi palan | Magaram rasi palan | Kumbam rasi palan | Meenam rasi palan everyday also we publish Tamil New year palan, Guru Peyarchi palan and Sani Peyarchi Palangal etc.

We do care about your wellbeing. We provide health tips such as simple | exercise | Yoga | Home Medicine | Health food recipe rasi palan | Child care | Natural beauty tips | Medicine for Woman | Safety tips for Woman

Technology and Automobile is part of our busy life, we provide tech news in Tamil about latest mobile phone | computers and gadgets. Cars | Bikes and automobile news in Tamil are well appreciated by our readers.

If you are looking for Tamil News and entertainment in video format then Maalaimalar video [video.maalaimalar.com] is the right choice. We bring the latest Tamil movie trailers | Tamil Cinema events | Cinema gossips. | Special star interviews and | Tamil news in video format.



To stay updated, all you need to do is just one thing - get the latest Tamil News on the go.. just download Maalaimalar Tamil News APP from Apple App store or Google Play Store


Download Our Apps

Apple Store Google Play Store