iFLICKS தொடர்புக்கு: 8754422764
இன்றைய ராசி சிம்மம்
சிம்மம்

இன்றைய ராசி பலன்கள்

மனக்குழப்பம் அகலும் நாள். வாக்குவாதங்களைத் தவிர்ப்பது நல்லது.  பக்குவமாகப் பேசிக் காரியங்களைச் சாதித்துக் கொள்வது நல்லது. தொழிலில் புதிய கூட்டாளிகளைச் சேர்க்கும் எண்ணம் மேலோங்கும்.

வார பலன்கள்

மே மாதம் 22-ம் தேதி முதல் மே மாதம் 28-ம் தேதி வரை

சில காரியங்களில் மட்டுமே முன்னேற்றமான பலன்களைப் பெறுவீர்கள். உத்தியோகத்தில் உள்ளவர்கள் அதிகப் பொறுப்புகளால் அவதிப்படுவீர்கள். உத்தியோகத்தில் கவனம் செலுத்தாவிட்டால், அதிகாரிகளின் கோபத்திற்கு ஆளாக நேரிடும். தொழிலில் சிறுசிறு தவறுகள் ஏற்படுவதை தவிர்க்க முடியாது. குடும்பத்தில் சிறு சிறு பிரச்சினைகள் தலைகாட்டும். வெள்ளிக்கிழமை லட்சுமியை வழிபடுங்கள்.

தமிழ் மாத ஜோதிடம்

14.5.2020 முதல் 14.6.2020 வரை

சார்வரி வருடம் வைகாசி மாதக் கிரக நிலைகளை ஆராய்ந்து பார்க்கும் பொழுது மாதத் தொடக்கத்தில் உங்கள் ராசிநாதன் சூரியன் தனலாபாதிபதி புதனோடு இணைந்து 10-ம் இடத்தில் சஞ்சரிக்கின்றார். எனவே புத ஆதித்ய யோகம் உருவாகின்றது. உங்களுக்கு இம்மாதம் படிப் படியாக நல்ல தகவல்கள் வரலாம். குடும்ப உறுப்பினர்கள் உங்கள் குணமறிந்து நடந்து கொள்வர். பிள்ளை களின் கல்யாணக் கனவுகளை நனவாக்க எடுத்த முயற்சி வெற்றி தரும். பொதுநலத்தில் இருப்பவர் களுக்கு வீண்பழிகள் அகலும்.

இம்மாதம் இல்லத்து பூஜையறையில் சூரியன் படம் வைத்து சூரியனுக்குரிய பாடல்கள் அல்லது சூரிய காயத்ரியைச் சொல்லி அதிகாலை நேரத்தில் வழிபடுவது நல்லது.

மிதுன புதனின் சஞ்சாரம்!

மே 24-ம் தேதி மிதுன ராசிக்கு புதன் செல்கின்றார். உங்கள் ராசிக்கு தனலாபாதிபதியாக விளங்கும் புதன் லாப ஸ்தானத்தில் சஞ்சரிக்கும் இந்த நேரத்தில் பொருளாதாரப் பற்றாக்குறை அகலும். புதிய யுக்திகளைக் கையாண்டு மதி நுட்பத்தால் வாழ்க்கைப் பாதையை சீராக்கிக் கொள்வீர்கள். சிநேகிதர்கள் உங்கள் சிக்கல் களைத் தீர்க்க முன்வருவர். பணிபுரியும் இடத்தில் உங்கள் திறமைக்கு மதிப்பு கூடும். சம்பள உயர்வு மட்டுமல்ல, வராத சம்பளப் பாக்கிகளும் வரலாம்.

ரிஷப சுக்ரனின் சஞ்சாரம்!

இதுவரை உங்கள் ராசிக்கு 11-ம் இடத்தில் சஞ்சரித்து வந்த சுக்ரன் ஜூன் 3-ந் தேதி பின்னோக்கிச் சென்று ரிஷப ராசியில் சஞ்சரிக்கப் போகின்றார். உங்கள் ராசிப்படி பார்க்கும் பொழுது 3, 10 ஆகிய இடங்களுக்கு அதி பதியான சுக்ரன் அதாவது தொழில் மற்றும் சகாய ஸ்தானத்திற்கு அதிபதியான சுக்ரன் இப்பொழுது தொழில் ஸ்தானத்தில் பலம்பெறுவதால் புதிய ஒப்பந்தங்கள் வரலாம். நடக்கும் தொழிலை மாற்றலாமா இல்லை அதையே தொடரலாமா என்று சிந்திக்க நேரிடும். உத்தியோகத்தில் உள்ளவர்கள் பணிநீக்கம் செய்பவர்களாக இருந்தால் மீண்டும் பணியில் சேரும் வாய்ப்பு கிடைக்கும். புதிய வேலை தேடுபவர்களாக இருந்தால் எதிர்பார்த்த வேலை கிடைக்கும்.

மாற்றுக் கருத்துடையோர் மனம் மாறுவர். உடன்பிறப்புகள் உங்கள் செயலுக்கு உறுதுணையாக இருப்பர். மாதக் கடைசியில் மகிழ்ச்சி கூடுதலாகக் கிடைக்கும்.

இம்மாதம் புதன்கிழமை தோறும் இல்லத்து பூஜை அறையில் பட்டாபிஷேக ராமர் படத்தை வைத்து விஷ்ணு கவச பாராயணம் படிப்பது நல்லது.

பணத்தேவையைப் பூர்த்தி செய்யும் நாட்கள்: மே: 20, 21, 26, 27, 31, ஜூன்: 1, 3, 5, 6

மகிழ்ச்சி தரும் வண்ணம்: பிரவுன்.

பெண்களுக்கு...

இம்மாதம் சந்தர்ப்பங்கள் சாதகமாக அமையும் மாதமாகும். கணவன்-மனைவிக்குள் இதுவரை இருந்த பிணக்குகள் அகன்று இணக்கம் ஏற்படும். உங்களுக்கு ஆரோக்கியம் சீராக இருந்தாலும் உங்கள் குழந்தைகளின் ஆரோக்கியத்தில் அக்கறை காட்ட வேண்டிய நிர்ப்பந்தம் உருவாகும். உத்தியோகத்தில் உள்ளவர்களுக்கு மேலதி காரிகளின் ஆதரவு கிடைக்கும். பொருளாதாரம் திருப்தி தரும்.

ஆண்டு பலன் - 2020

1-1-2020 முதல் 31-12-2020 வரை

மகம், பூரம், உத்ரம் 1-ம் பாதம் வரை

(பெயரின் முதல் எழுத்துக்கள்: ம, மி, மு, மெ, மோ, ட, டி, டு, டே உள்ளவர்களுக்கும்)
வளர்ச்சி அதிகரிக்கும் நேரம்!

ஆண்டின் தொடக்கமே உங்களுக்கு அற்புதமாக அமைகிறது. குருவின் பார்வை உங்களுக்கு குதூகலமான வாழ்க்கையை அமைத்துக்கொடுக்கப் போகிறது. பஞ்சம ஸ்தானத்தில் ஐந்து கிரகங்களின் சேர்க்கை நிலவுகிறது. அந்த ஐந்து கிரகங்களில் சூரியனும், புதனும் இருப்பதால், பொருளாதாரத்தில் உச்சநிலையை அடைவீர்கள். அருளாளர்களின் ஆலோசனையும், ஆலய வழிபாடும் இந்த ஆண்டை திரண்ட செல்வம் தரும் ஆண்டாக மாற்றிக் காட்டப்போகிறது.

நினைத்தது நிறைவேறி நிகழ்காலத் தேவைகளைப் பூர்த்தி செய்யும். சென்ற ஆண்டில் தேங்கிய காரியங்கள் இப்பொழுது சுறுசுறுப்பாக நடைபெறும். திருமணம் போன்ற சுபகாரியங்கள் தடையின்றி நடந்தேறும். இடம், பூமி வாங்கி மகிழும் வாய்ப்பு உண்டு. இல்லம் கட்டிக் குடியேறும் வாய்ப்பும் ஒருசிலருக்கு அமையும். கடன் தொல்லையில் இருந்து விடுபட்டு, முன்னேற்றப் பாதையை நோக்கி பயணிப்பீர்கள். செய்யும் தொழில் சிறப்பாக இருககும். செல்வாக்கு உயரும். சென்ற ஆண்டைக் காட்டிலும் கூடுதல் லாபம் பெறுவீர்கள். தொய்வு நிலை மாறும். தொல்லை தந்தவர்கள் விலகுவர்.

பார்க்கும் குருவால் பலன் கிடைக்கும்

ஆண்டு தொடக்கத்தில் குரு உங்கள் ராசியைப் பார்ப்பதோடு, உங்கள் ராசிக்கு 9, 11 ஆகிய இடங்களையும் பார்க்கிறார். இந்த பார்வை பலன் உங்களுக்கு பக்கபலமாக இருக்கும். யாரும் குறை சொல்லாத வகையில் உங்கள் பணி சிறப்பாக இருக்கும். ஆரோக்கியத் தொல்லை அகலும். உற்சாகத்தோடு பணிபுரிந்து உன்னத நிலையை அடைவீர்கள்.

உங்கள் ராசிக்கு 5, 8 ஆகிய இடங்களுக்கு அதிபதியானவர், குரு. அவர் பஞ்சம ஸ்தானத்திலேயே சஞ்சரிக்கிறார். அதனால் சகல பாக்கியங்களும் உங்களுக்கும், உங்களைச் சார்ந்தவர்களுக்கும் கிடைக்கலாம். தொழில் வெற்றி நடைபோடும். புதிய தொழில் தொடங்கும் திட்டங்கள் நிறைவேறும். பிள்ளைகளின் கல்யாண வாய்ப்புகள் கைகூடும். தன்னம்பிக்கையோடு செயல்பட்டுச் சாதனை புரியப் போகிறீர்கள்.

ராகுவின் பார்வை உங்கள் ராசியில் பதிவதால் அதற்குரிய சர்ப்ப சாந்தி பரிகாரத்தைச் செய்து கொள்வது நல்லது. மேலும் பஞ்சம ஸ்தானத்தில் கேது இருப்பதால் பிள்ளைகளால் ஒரு சிலருக்குப் பிரச்சினைகள் உருவாகலாம். அவர்களின் கல்விநலன் கருதியும், கல்யாண வாய்ப்புக் கருதியும் கடல்தாண்டிச் செல்லும் சூழ்நிலைகளுக்காகவும் நிறையச் செலவிட வேண்டிய நிலை உருவாகும்.

மகர குருவின் சஞ்சாரம்

8.7.2020 முதல் 9.9.2020 வரை தனுசு ராசிக்குள்ளேயே குரு வக்ரம் பெறுகிறார். சனியும் அதே ராசியில் வக்ரத்தில் இருக்கிறார். உங்கள் ராசிக்கு 6, 7 ஆகிய இடங்களுக்கு அதிபதியானவர் சனி பகவான். எனவே அவர் வக்ர கதியில் இருக்கும்போது, குடும்பத்தில் மனஸ்தாபங்கள் அதிகரிக்கும். குதூகலம் குறையாமல் இருக்க அருகில் இருப்பவர்களை அனுசரித்துச் செல்லுங்கள். எந்த முடிவெடுத்தாலும் குடும்பத்தினரிடம் ஆலோசனைகளைக் கேட்டுச் செய்யுங்கள். பணிபுரியும் இடத்தில் சில பிரச்சினைகள் உருவாகலாம். பக்கபலமாக இருக்கும் நண்பர்களிடம் பகை பாராட்டாமல் நடந்து கொள்ளுங்கள். தொழிலில் மற்றவர்களை நம்பி பொறுப்புகளை ஒப்படைக்கவேண்டாம். சேமிப்பு கரையும்.

15.11.2020-ல் மகர ராசிக்கு குருபகவான் பெயர்ச்சியாக செல்கிறார். மகரம், குருவிற்கு நீச்ச வீடு. அங்கு குரு பகவான் நீச்சம் அடைந்தாலும், அவரது பார்வை பலன் தரும். மேலும் அஷ்டமாதிபதியாக இருந்து நீச்சம்பெறுவதால் ‘கெட்டவன் கெட்டிடில் கிட்டிடும் ராஜயோகம்’ என்பதற்கேற்ப இந்தக் குருப்பெயர்ச்சி உங்களுக்கு திட்டமிடாது செய்யும் காரியங்களில் வெற்றியைக் கொடுக்கும். திடீர் மாற்றங்களும் வந்து சேரும்.

ராகு-கேது பெயர்ச்சிக் காலம்

ஆண்டின் தொடக்கத்தில் உங்கள் ராசிக்கு 11-ம் இடத்தில் ராகுவும் 5-ம் இடத்தில் கேதுவும் சஞ்சரிக்கிறார்கள். புத்திர ஸ்தானத்தில் சஞ்சரிக்கும் கேதுவால் பிள்ளைகள் வழியில் விரயங்கள் ஏற்படலாம். மங்கல நிகழ்ச்சிகள் நடைபெறுவதை முன்னிட்டு அவற்றை சுப விரயமாக மாற்றிக் கொள்வது நல்லது. ஒருசில பிள்ளைகள் வெளிநாடு சென்று படிக்க வேண்டுமென்று விரும்பலாம். அவர்களின் எண்ணத்தைப் பூர்த்தி செய்யும் பொருட்டு பெற்றோர்கள் ஒரு பெரும் தொகையைச் செலவழிக்க நேரிடும்.

கேது இருக்கும் இடம் பூர்வ புண்ணிய ஸ்தானம் என்பதால் பூர்வ புண்ணியத்தின் பலனாக உங்கள் முன்னோர்கள் கட்டி வைத்த ஆலயத் திருப்பணிகளைத் தொடர்ந்து முறையாகச் செய்ய முன்வருவீர்கள். காசி, கயா போன்ற ஸ்தல யாத்திரைகளும், ஆன்மிகச் சுற்றுலாக்களும் ஏற்பட்டு உள்ளத்தை மகிழ்விக்கும்.

1.9.2020 அன்று ராகு- கேது பெயர்ச்சி நிகழ்கிறது. அதன்பிறகு உங்கள் ராசிக்கு 10-ம் இடத்தில் ராகுவும், 4-ம் இடத்தில் கேதுவும் சஞ்சரிக்கப்போகிறார்கள். எனவே பூர்வீக சொத்துத் தகராறுகள் நல்ல முடிவிற்கு வரும். வழக்குகளை வாபஸ் பெற்றுக் கொண்டு சமாதானமாகச் செல்ல முன்வருவீர்கள். ஒருசிலருக்கு பெற்றோர்களின் ஆதரவு குறையலாம். ஆனால் உடன்பிறப்புகள் உங்கள் குணமறிந்து நடந்து கொள்வார்கள். பஞ்சம ஸ்தானத்தில் குரு இருப்பதால் உங்களுக்கு சாதகமான நிலையே ஏற்படும்.

லாப ஸ்தானத்தில் ராகு சஞ்சரிக்கும் பொழுது, தொழில் வளர்ச்சி சூடுபிடிக்கும். வியாபாரத்தில் இதுவரை ஏற்பட்ட இழப்புகளை ஈடுகட்ட புதிய ஒப்பந்தங்கள் அடுக்கடுக்காக வந்து கொண்டேயிருக்கும். மருத்துவம், ரியல் எஸ்டேட், பூமி விற்பனை, ஏற்றுமதி - இறக்குமதி வணிகம் போன்றவற்றில் ஈடுபட்டிருப்பவர்களுக்கு உன்னதமான நேரம் இது. ‘ராகுவைப்போல கொடுப்பானுமில்லை’ என்பதால் கரைந்த சேமிப்பு களையும் ஈடுகட்டுவீர்கள். மேற்கொண்டும் லாபம் எதிர்பார்த்ததைக் காட்டிலும் கூடுதலாகக் கிடைக்கும். சமூகத்தில் உயர்ந்த அந்தஸ்து பெற்றவர்களின் பட்டியலில் நீங்களும் இடம்பிடிப்பீர்கள்.

சனிப்பெயர்ச்சிக் காலம்!

29.4.2020 முதல் 14.9.2020 வரை, தற்போதிருக்கும் 5-ம் இடமான தனுசு ராசியிலேயே சனி வக்ரம் பெறுகிறார். 6, 7 ஆகிய இடங்களுக்கு அதிபதி, பஞ்சம ஸ்தானத்தில் வக்ரம் பெறுவதால் கூட்டாளிகளை நம்பிச் செய்த சில காரியங்கள் நடைபெறாமல் போகலாம். உத்தியோகத்தில் மேலதிகாரிகள் உங்கள் குரலுக்கு செவிசாய்க்க மறுப்பர். உறவினர்கள் உங்கள் முன்னேற்றத்திற்கு தடையாக இருக்கலாம்.

13.2.2020 முதல் 22.3.2020 வரை தனுசு ராசிக்குள் செவ்வாய் - சனி சேர்க்கை ஏற்படுகிறது. 3.5.2020 முதல் 17.6.2020 வரை தனுசு ராசியில் உள்ள சனிபகவான் கும்பத்தில் உள்ள செவ்வாயைப் பார்க்கிறார். உங்களுக்கு யோகம் தரும் கிரகமான செவ்வாயை, சனி பார்ப்பதால் மிகுந்த கவனமுடன் செயல்பட வேண்டிய நேரம் இது. பிறருக்கு நன்மை செய்யப்போய் அது தீமையில் முடியலாம். உடன்பிறப்புகளில் ஒருசிலர் உங்களுக்கு பகையாக மாறலாம். விற்பனை செய்த சொத்துக்களில் வில்லங்கங்கள் வரலாம். வாங்கிய சொத்துக்களிலும் பிரச்சினைகள் ஏற்பட வாய்ப்புண்டு. இந்த காலகட்டத்தில் அங்காரகனையும், சனி பகவானையும் தொடர்ந்து வழிபட்டு வருவதோடு, தசாபுத்திக்கேற்ற தெய்வங்களையும் தேர்ந்தெடுத்து வழிபடுவது நல்லது.

26.12.2020-ல் உத்ராடம் 2-ம் பாதத்தில் மகர ராசிக்குச் சனிபகவான் பெயர்ச்சியாகிச் செல்கிறார். 6-க்கு அதிபதி சனி 6-ல் வரும்பொழுது எண்ணற்ற நற்பலன்கள் இல்லம் தேடி வரலாம். மண், மனை சேர்க்கைகளும், மகத்தான தொழில் முன்னேற்றங்களும், பெண் பிள்ளை களின் திருமணங்களும், பிரச்சினை மிகுந்த வாழ்க்கையில் அமைதியும் உருவாகும். கொடுத்த கடன்கள் வசூலாகும். ஒருவர் மாற்றி ஒருவருக்கு ஏற்பட்ட தொல்லைகள் அகலும். வளர்ச்சிக்கு மாற்றினத்தவர்கள் ஒத்துழைப்பு கிடைக்கும்.

செல்வ வளம் தரும் வழிபாடு

ஞாயிறுதோறும் சிவன் வழிபாட்டை மேற்கொள்ளுங்கள். சிவராத்திரி விரதமிருப்பதோடு வைத்தீஸ்வரன் கோவில் சென்று, வலம்புரி விநாயகர், செல்வமுத்துக்குமரன், வைத்தியநாதர், தையல்நாயகி, அங்காரகன் ஆகியோரை வழிபட்டு வாழ்வை வசந்தமாக மாற்றிக் கொள்ளுங்கள்.
குருவின் வக்ர காலமும், பரிவர்த்தனை யோகமும்

27.3.2020-ல் மகர ராசிக்குக் குரு வக்ர இயக்கத்தில் செல்கிறார். அங்கிருந்தபடி 2, 10, 12 ஆகிய இடங்களைப் பார்க்கிறார். 7.7.2020 வரை குரு பகவான் வக்ரமாக இருப்பதால் உரிய விதத்தில் பலன்பெற இயலாது. இந்த வக்ர காலத்தில் குரு, சனி இரண்டும் தங்கள் வீடுகளை மாற்றிக்கொண்டு பரிவர்த்தனை யோகம் பெறுகிறார்கள். யோகங்களில் சிறந்த யோகம் பரிவர்த்தனை யோகம். எனவே எதிரிகளின் தொல்லை குறையும். கடன் முழுமையாக குறையுமா? என்பது சந்தேகம்தான். ஒருகடனை அடைக்க மற்றொரு கடனை வாங்கும் சூழ்நிலை ஒரு சிலருக்கு உருவாகலாம். இக்காலத்தில் சூரியனும், சனியும் அடுத்தடுத்து இருந்து அருள்வழங்கும் ஆலயங்களுக்கு சென்று வழிபட்டு வாருங்கள்.
பெண்களுக்கான பலன்கள்

இந்தப் புத்தாண்டு இனிமை தரும் ஆண்டாகும். சுபகாரியப் பேச்சுக்கள் நல்ல முடிவிற்கு வரும். உறவினர்கள் ஆச்சரியப்படும் விதத்தில் உங்கள் முன்னேற்றம் அமையும். கணவன் - மனைவிக்குள் கனிவும், பாசமும் கூடும். ஒருவரை ஒருவர் புரிந்து கொண்டு செயல்படுங்கள். பொன், பொருள் வாங்கும் யோகம் உண்டு. புதிய தொழிலை உங்கள் பெயரிலேயே தொடங்க குடும்பத்தில் அனைவரும் சம்மதிப்பர். தாய் மற்றும் சகோதரத்தின் ஆதரவு எதிர்பார்த்ததைப் போலவே கிடைக்கும். பிள்ளைகளின் கல்யாணக் கனவுகளை நனவாக்குவீர்கள். புகுந்த வீட்டிற்கும் பெருமை சேர்ப்பீர்கள். ஆடை, ஆபரண சேர்க்கை அதிகரிக்கும். பழைய நகைகளைக் கொடுத்துவிட்டுப் புதிய நகைகளை வாங்கும் முயற்சியில் ஆர்வம் காட்டுவீர்கள். அக்கம் பக்கத்தினருடன் இருந்த பிரச்சினைகள் அகலும். உத்தியோகத்தில் உள்ளவர்களுக்கு ஊதிய உயர்வுடன் பொறுப்புகளும் கிடைக்கலாம். குலதெய்வ வழிபாடும், குருவழிபாடும், ஆஞ்சநேயர் வழிபாடும் குடும்ப முன்னேற்றத்திற்கு குறுக்கீடாக இருப்பதை அகற்றும்.

சார்வரி வருட பலன்

சார்வரி வருடத் தொடக்கத்தில், உங்கள் ராசிநாதன் சூரியன் உச்சம் பெற்றும், தனாதிபதி புதன் நீச்சம் பெற்றும் சஞ்சரிக்கிறார்கள். பஞ்சம ஸ்தானத்தில் விரயாதிபதி சந்திரனோடு சனியும் கேதுவும் கூடியிருக்கிறார்கள். 6-ல் செவ்வாய் வக்ரம் பெற்று குருவோடு இணைந்திருக்கிறார். குரு நீச்சம் பெற்றிருந்தாலும் சனி குரு வீட்டிலும், குரு சனி வீட்டிலும் பரிவர்த்தனை பெற்றிருக்கிறார்கள். குரு-மங்கள யோகமும், அமைந்துள்ளது. லாப ஸ்தானத்தில் ராகுவும், தொழில் ஸ்தானத்தில் தன் சொந்த வீட்டில் சுக்ரனும் இருந்து ஆண்டு தொடங்குவதால் இந்த ஆண்டு வளர்ச்சி அதிகரிக்கும். வசதிகள் பெருகும். வருமானம் உயரும்.

ராகு- கேது பெயர்ச்சி

1.9.2020 அன்று உங்கள் ராசிக்கு 10-ம் இடத்திற்கு ராகுவும், 4-ம் இடத்திற்கு கேதுவும் பெயர்ச்சியாகிறார்கள். இது உங்களுக்கு ஒரு பொற்காலமாக அமையும். தொழில் தொடங்கும் முயற்சியில் இருந்த தடைகள் அகலும். வங்கிகளின் ஒத்துழைப்பு உண்டு. மக்கள் செல்வாக்கு மேலோங்கும். அரசுவழி ஆதரவு கிடைக்கும். திசாபுத்தி பலம்பெற்றவர்கள் தனித்து இயங்கும் வாய்ப்பை வரவழைத்துக்கொள்வர். உத்தியோகத்தில் உள்ளவர்களுக்கு தாமதப்பட்ட பதவி உயர்வு தடையின்றி கிடைக்கும். பணி நிரந்தரம் ஆகாதவர்களுக்கு அது பற்றிய தகவல் வரலாம்.

குருப்பெயர்ச்சி

15.11.2020 அன்று மகர ராசிக்கு குரு பெயர்ச்சியாகி செல்கிறார். அது குருபகவானுக்கு நீச்ச வீடாகும். அது ஒரு வகைக்கு நன்மைதான். இக்காலத்தில் ராஜாங்க ஆதரவும், ராஜயோக வாழ்க்கையும், வெளிவட்டாரப் பழக்க வழக்கம் விரிவாகும். பிள்ளைகளால் பிரச்சினை ஏற்படும். குலதெய்வ பிரார்த்தனைகளை முறையாக நிறைவேற்றுவீர்கள். நிலையான வருமானம் வரும். பயணங்கள் அதிகரிக்கும். ஆடை, ஆபரண சேர்க்கை உண்டு. புதிய வாகனம் வாங்குவீர்கள்.

சனிப்பெயர்ச்சி

26.12.2020 அன்று வாக்கிய பஞ்சாங்க ரீதியாக சனி பகவான், மகர ராசிக்கு பெயர்ச்சியாகி செல்கிறார். திட்டமிடாது செய்த காரியங்களில் கூட வெற்றி கிடைக்கும். பணத் தட்டுப்பாடு அகலும். நேர்முகத் தேர்வில் வேலை கிடைக்கும். நண்பர்கள் நம்பிக்கைக்குரிய விதம் நடந்துகொள்வர். இதுவரை மனம் மாறாமல் இருந்த மேலதிகாரிகள், இப்பொழுது உங்கள் குரலுக்கு செவிசாய்ப்பர்.

குரு வக்ரமும், அதிசாரமும்

13.5.2020 முதல் 7.7.2020 வரை மகர ராசியில் குருபகவான் அதிசாரமாகி வக்ரம் பெறுகிறார். 8.7.2020 முதல் 9.9.2020 வரை தனுசு ராசியில் குரு வக்ர கதியில் இருக்கின்றார். இக்காலத்தில் சனிபகவானும் குருவோடு இணைந்து வக்ர கதியிலேயே தனுசு ராசிக்குள் உலாவருகிறார். மீண்டும் குருபகவான் 6.4.2021-ல் கும்ப ராசிக்கு குரு அதிசாரமாகச் செல்கிறார். இந்த வக்ர இயக்க காலத்தில் நன்மையும், தீமையும் கலந்தே பலன்கள் நடைபெறும். அஷ்டமாதிபதியாக மட்டுமல்லாமல் பஞ்சமாதிபதியாகவும் குரு விளங்குவதால் பிள்ளைகள் வழியில் பெரும் விரயம் ஏற்படலாம். பிறருக்கு பொறுப்பு சொல்லி வாங்கிக்கொடுத்த தொகையால் பிரச்சினைகள் வரலாம்.

வழிபாடு

தேய்பிறை அஷ்டமி திதியில் வைரவர் வழிபாட்டை மேற்கொண்டால், தொட்ட காரியங்களில் வெற்றி கிடைக்கும்.

சனிப்பெயர்ச்சி பலன்கள்

ஜனவரி 24-ம் தேதி 2020 முதல் 2022 ஆண்டு வரை

(மகம், பூரம், உத்திரம் 1ம் பாதம் மற்றும் மா, மி, மீ, மு, மே, மோ, டா, டூ, டே ஆகிய எழுத்துக்களை பெயரின் முதல் எழுத்தாக கொண்டவர்களுக்கும்.)
சிம்மத்திற்கு மிகப்பெரிய யோக காலம் கோட்சார ரீதியில் ஆரம்பிக்க இருக்கிறது. தொட்டது துலங்கும் காலம் இப்போது வந்திருக்கிறது. சிம்மத்திற்கு சிறப்புச் சேர்க்கும் பெயர்ச்சி இது.

கடந்த காலங்களில் சிம்ம ராசிக்கு ஐந்தாமிடத்தில் இருந்து அதிர்ஷ்டம் இல்லாத நிலைமைகளையும், மகன்-மகள் விஷயங்களில் சாதகமற்ற பலன்களையும் கொடுத்து கொண்டிருந்த சனி தற்போது நல்ல பலன்களை தரக்கூடிய ஆறாம் இடத்திற்கு மாறுகிறார். சனிபகவான் 12 ராசிகளையும் தலா இரண்டரை வருடங்கள் வீதம் சுற்றி வரக் கூடியவர். அதாவது ஒவ்வொரு ராசியிலும் அவர் இரண்டரை வருடம் காலம் இருப்பார். 30 வருடங்கள் கொண்ட அவரின் முழுச்சுற்றில் மூன்று, ஆறு, பதினொன்று ஆகிய மூன்று இடங்களில் வரும்போது மட்டுமே நன்மைகளைத் தருவார் என்று நம்முடைய கிரந்தங்களில் சொல்லப் பட்டிருக்கிறது.

30 ஆண்டுகளுக்கான தன்னுடைய முழுச்சுற்றில் வெறும் ஏழரை வருடங்கள் மட்டுமே சனி நன்மைகளைத் தர கடமைப்பட்டவர். இப்படி 30 ஆண்டுகளுக்கு ஒருமுறை மட்டுமே வர இருக்கும் நன்மைகளைத் தரக் கூடிய ஆறாமிடத்து சனி சிம்மத்திற்கு அமைய உள்ளதால் நடக்க இருக்கும் சனிபெயர்ச்சியால் பெரிய நன்மைகளை அடைய போகும் ராசிகளில் சிம்மமும் ஒன்று. எனவே வர இருக்கின்ற ஆறாமிட சனியின் நன்மைகளை எதிர்கொண்டு அனுபவிக்க சிம்மத்தினர் தயாராக இருங்கள்.

சனியோடு சேர்ந்து இன்னும் ஒரு சிறப்பாக சமீபத்திய குருப்பெயர்ச்சியால் உங்களின் யோகாதிபதியான குருபகவான் ஐந்தாமிடத்திற்கு மாறி உங்கள் ராசியைப் பார்த்துக் கொண்டிருக்கிறார். ஏற்கனவே ராகு பதினொன்றாமிடத்தில் இருக்கிறார். அவரையும் குரு பார்க்கிறார். இப்படி வருடக் கிரகங்கள் அனைத்தும் நல்ல நிலையில் அமர்வது எப்போதோ ஒருமுறை மட்டும் நடக்கும் ஒன்றாகும். அது இப்போது சிம்மத்திற்கு அமைந்திருக்கிறது. எனவே சிம்மத்தினர் எதிலும் வெற்றி பெறும் நேரம் இது.

இந்த சனி மாற்றத்தினால் கடந்த காலங்களில் உங்களுக்கு இருந்து வந்த குழப்பங்கள், ஏற்பட்டிருந்த பொருளாதார சிக்கல்கள் உள்ளிட்ட சங்கடங்களை கொடுத்து கொண்டிருந்த அனைத்து விஷயங்களும் நீங்கி ஒரு நிம்மதியான சூழ்நிலை உங்களுக்கு அமைய இருக்கிறது. அதேபோல கடந்த காலங்களில் மகன்-மகள் போன்றவர்களால் ஏற்பட்டு இருந்த மன வருத்தங்களும் நீங்கும். மகனுக்கோ, மகளுக்கோ நீண்ட காலமாக திருமணம் ஆகவில்லையே, வீட்டில் எந்தவித சுப காரியங்களும் நடக்கவில்லையே, படித்து முடித்தும் குழந்தைகளுக்கு வேலை கிடைக்கவில்லையே என்று வேதனைப் பட்டவர்களின் குறைகள் தீரும்.

மேலும் திருமணமான மகன், மகளுக்கு வாழ்க்கையில் சிக்கல் இருக்கிறதே என்று பிள்ளைகளைப் பற்றி கவலைப்பட்டுக் கொண்டிருந்தவர்கள் இந்த சனி மாற்றத்தினால் அவர்களின் பிரச்சினைகள் தீர்ந்து அவர்கள் நல்ல நிலைமையில் இருப்பதைக் காண முடியும். குறிப்பாக என்ன காரணம் என்றே தெரியாமல் இதுவரை தடையாகிக் கொண்டிருந்த மகன் மகளின் திருமணத்தை நல்லபடியாக நடத்தி ஊர் வாயை அடைப்பீர்கள்.

இந்த சனிப் பெயர்ச்சியின் மூலமாக சிம்ம ராசிக்காரர்கள் ஒரு புதிய உத்வேகம் தரும் சூழலில் அடி எடுத்து வைக்க இருக்கிறீர்கள். பிறந்த ஜாதகப்படி யோகமான தசாபுக்திகளும் உங்களுக்கு நடக்குமாயின், எதிர்காலத்தில் நீங்கள் மிக நன்றாக இருப்பதற்கான ஒரு சிறந்த அஸ்திவாரத்தை இப்போது சனி அமைத்துத் தருவார்.

ஆறாமிடத்து சனியால் கடனற்ற ஒரு நிலை உருவாகும் என்பதால் கடன் தொல்லையால் இதுவரை அவதிப்பட்டவர்கள் ஏதேனும் ஒரு வகையில் அந்த கடனை அடைத்து முழுமையான கடன் சிக்கலில் இருந்து விடுபடுவீர்கள். தொழிலில் எதிர்ப்புகளையும், போட்டிகளையும் சந்தித்து கொண்டிருந்தவர்களுக்கு அவை அனைத்தும் விலகி நானே ராஜா, நானே மந்திரி என்கிற ஒரு நிலை உருவாகும். ஆரோக்கியம் இல்லாதவர்களின் உடல்நலம் மேம்படும்.

ஆளே இல்லாத ஒரு களத்தில் தன்னந்தனியாக வெற்றி வாகை சூடும் ஒரு வீரனாக களத்தில் எதிர்க்க ஆளில்லாத நிலையை சிம்ம ராசிக்காரர்கள் அடைந்து அதன் மூலமாக நல்ல நன்மைகளை பெறுவீர்கள். எனவே முப்பது ஆண்டுகளுக்கு ஒருமுறை வருகின்ற இந்த சனிப் பெயர்ச்சியினை பயன்படுத்தி நன்மைகளை அடைய சிம்மத்தினர் தயாராக இருங்கள்.

பொதுவாக சிம்ம ராசிக்காரர்கள் எதிலும் முதன்மையாக இருக்க வேண்டும் என்று நினைக்கும் தலைமைப் பண்பு உள்ளவர்களாக இருப்பீர்கள். அடுத்தவர்களை வேலை வாங்கப் பிறந்தவர்கள் நீங்கள். நம்பியவர்களை காப்பாற்றுவதில் உங்களுக்கு நிகர் நீங்களே. உண்மையான உழைப்பாளிகள் என்றாலும் உங்களை வேலை செய்ய வைக்க இன்னொரு ஆள் தேவைப்படும். யாராவது ஒருவர் உங்களை ஊக்கப்படுத்திக் கொண்டிருப்பதை விரும்புவீர்கள். பிறந்த ஜாதகத்தில் யோகமான தசா புக்திகள் நடந்து கொண்டிருக்கும் சிம்மத்தினருக்கு இப்போது இரண்டு மடங்கு நல்ல பலன்கள் நடக்கும்.

இதுவரை வேலை, வியாபாரம், தொழில் போன்ற ஜீவன அமைப்புகளில் இருந்து வந்த போட்டிகளும், எதிர்ப்புகளும், பொறாமைகளும், தடைகளும் விலகி அனைத்தும் உங்களுக்கு நன்மை தரும் விஷயங்களாக மாறும். பணிபுரியும் இடங்களில் இதுவரை இருந்து வந்த நிம்மதியற்ற சூழல் இனிமேல் இருக்காது.
உங்களைப் புரிந்து கொள்ளாமல் உங்களுக்கு தொல்லை கொடுத்த மேல் அதிகாரிகள் மாறுதலாகி உங்களைப் புரிந்து கொண்டவர்கள் அங்கே வருவார்கள். தடைப்பட்ட பதவிஉயர்வு, சம்பளஉயர்வு போன்றவைகள் இப்போது கிடைக்கும்.

இளைய பருவத்தினருக்கு நல்லவேலை கிடைத்து திருமணமும் நடக்கும். காதலிப்பவர்கள் பெற்றோர்கள் சம்மதத்துடன் நினைத்தவரை மணமுடிப்பீர்கள். குழந்தை பாக்கியம் இல்லாதவர்களுக்கு குழந்தை பாக்கியம் உண்டு. மணவாழ்வில் பிரச்சினைகள் இருப்பவர்களுக்கு அது தீரும். சிலருக்கு வேலை மாற்றம் நடந்து வெளியூரில் வேலை அமையும்.

வெளிநாட்டு வேலைக்கு முயற்சி செய்தவர்களுக்கு அது கைகூடும். சொந்தத் தொழில் செய்பவர்கள் மிகுந்த நல்ல மாற்றங்களை உணர்வார்கள். தொழில் சீர்படும். லாபம் தரும். வரும் லாபத்தை சேமிக்க முடியும். செலவுகள் குறையும். விரையங்கள் இருக்காது.

வியாபாரிகளுக்கு வியாபாரம் திருப்திகரமாக இருக்கும். நல்ல வேலைக்காரர்கள் அமைவார்கள். எந்த ஒரு விஷயமும் வெற்றி தரும். ஆரம்பிக்கும் காரியத்தை சுபமாக முடிக்க முடியும். கூட்டுத் தொழிலில் இருந்த வந்த கருத்து வேறுபாடுகளும், மந்தமான நிலைமையும் மாறி தொழில் நல்லபடியாக நடக்கும். நண்பர்களும், பங்குதாரர்களும் உதவிகரமாக இருப்பார்கள்.

இந்த சனிப்பெயர்ச்சி காலம் முழுவதும் உங்களின் பொருளாதார நிலை மிகவும் மேம்பாடானதாகவும் சரளமான பணவரவு இருந்து கொண்டே இருப்பதாகவும் அமையும். தொட்டது துலங்கும். வருமானம் இன்றி பணப்பற்றாக்குறையால் அவதிப்பட்டுக் கொண்டிருந்தவர்களுக்கு பணப்பிரச்னை இல்லாத அளவுக்கு நல்ல வருமானம் இருக்கும்.

தந்தையின் ஆதரவு கிடைக்கும். தந்தை வழி உதவிகள் நன்றாக இருக்கும். இளைஞர்களுக்கு நீங்கள் விரும்பிக் கேட்கும் ஒரு பொருளை உங்கள் அப்பா வாங்கித் தருவார். அப்பா வழி சொத்துக்கள் மூலம் ஆதாயம் உண்டு. பங்காளிப் பிரச்னை தீரும். பூர்வீக சொத்துக்களில் உங்கள் பாகம் சேதமில்லாமல் கிடைக்கும். பெரியப்பா சித்தப்பாக்கள் மற்றும் தந்தையுடன் பிறந்த அத்தைகளால் லாபம் இருக்கும்.

தர்மகாரியங்கள் செய்ய முடியும். அறப்பணிகளில் ஈடுபட்டு நல்ல பெயர் வாங்குவீர்கள். குறிப்பிட்ட சிலருக்கு ஆலயப்பணி செய்யும் பாக்கியம் கிடைக்கும். நீண்ட நாட்களாக போக முடியாமல் தள்ளிப் போயிருந்த தீர்த்த யாத்திரை இப்போது போக முடியும். காசி கயா பத்ரிநாத் கேதார்நாத் போன்ற வடமாநில புண்ணியத்தலங்களை தரிசிக்கும் வாய்ப்பு இப்போது கிடைக்கும். குடும்பத்துடன் குலதெய்வ வழிபாடு செய்வீர்கள்.

மூத்த சகோதர, சகோதரிகளின் உறவு மேம்படும். அவர்களால் உதவிகள் இருக்கும். அண்ணன் தம்பி அக்கா தங்கை உறவுகள் பலப்படும். வயதில் மூத்தவர்களுக்கு மங்களகரமான நிகழ்ச்சிகள் வீட்டில் நடைபெறும். இதுவரை திருமணம் தாமதமான அக்கா அண்ணன் போன்றவர்களுக்கு நல்ல இடத்தில் திருமணமாகும். அதிகம் பெண்களுடன் பிறந்தவர்கள் தங்கள் சகோதரிகளின் வீட்டு சுபகாரியங்களுக்கு செலவு செய்ய வேண்டியிருக்கும்.

கணவன் மனைவி உறவில் இதுவரை இருந்து வந்த பிரச்னைகள் உடனடியாக தீரும். கணவன் ஓரிடம் மனைவி வேறிடம் என்று பிரிந்து இருந்தவர்கள், வேலை விஷயமாக வெளியூரில் பிரிந்து வேலை பார்த்தவர்கள் உடனடியாக ஒன்று சேருவீர்கள்.

சிம்ம ராசிப் பெண்களுக்கு இந்தக் சனிப்பெயர்ச்சி நல்ல பலன்களை அதிகம் தரும். இதுவரை உங்களை புரிந்துக் கொள்ளாத கணவர் இனிமேல் உங்களை புரிந்து கொள்ள ஆரம்பிப்பார். பிள்ளைகளும் உங்களின் கஷ்டங்களைப் புரிந்து கொள்வார்கள். வேலை செய்யும் இடங்களில் மதிப்பும், மரியாதையும் கிடைக்கும். உங்களின் அந்தஸ்து உயரும். கூட்டுக் குடும்பத்தில் உங்கள் சொல் ஏற்கப்படும். சிலருக்கு இருக்கும் வாகனத்தை விட நல்ல வாகனம் அமையும். வாகன மாற்றம் செய்வீர்கள். அருமையான புதிய வீடு கட்டுவீர்கள். பெருநகரங்களில் இருப்பவர்களுக்கு நல்ல இடத்தில் சொந்தமாக டீலக்ஸ் பிளாட் அமையும்.

பொதுவாழ்வில் உள்ள அரசியல்வாதிகளுக்கு அதிகாரப் பதவிகள் தேடி வரும். ஊடகம், பத்திரிக்கை போன்ற துறையில் இருப்பவர்கள், கலைஞர்கள் உள்ளிட்டவர்களுக்கு இது வசந்த காலமாகும். கலைத்துறையினர் இதுவரை இல்லாத நல்ல திருப்பங்களைக் காண்பீர்கள். வாய்ப்புகள் வந்து கதவைத் தட்டும். அரசு தனியார்துறை ஊழியர்களுக்கு ‘இதர வருமானங்கள்’ சிறப்பாக சொல்லிக் கொள்ளும்படி இருக்கும். தொழிற்சங்கங்களில் பதவியில் இருப்பவர்கள் பாராட்டுகளைப் பெறுவீர்கள்.

சுருக்கமாகச் சொல்லப் போனால் சிம்ம ராசிக்கு நன்மை செய்யும் அமைப்பில் வருடாந்திர கிரகங்கள் அனைத்தும் இருப்பதால் இந்த காலகட்டத்தை உபயோகப்படுத்திக் கொள்ளுங்கள். தயக்கங்களை விட்டொழித்து சுறுசுறுப்பாக செயலாற்றினால் சிம்மத்தினர் வெற்றிச் சிகரங்களைத் தொடுவீர்கள்.

பரிகாரங்கள்:

சனிபகவானால் கிடைக்கும் நன்மைகளைக் கூட்டிக்கொள்ள ஒரு சனிக்கிழமை இரவு எட்டு மணியிலிருந்து ஒன்பது மணிக்குள் அல்லது உங்களின் ஜென்ம நட்சத்திர நாளன்று இரவில் சனிஹோரையில் ஒரு கால் இழந்த மாற்றுத் திறனாளிக்கு ஊன்றுகோல் தானம் கொடுங்கள். வசதி உள்ளவர்கள் மூன்று சக்கர சைக்கிள் தானம் தரலாம். சனி சம்பந்தமான தானங்களை வீட்டில் தரக்கூடாது. பொது இடத்தில் அல்லது கோவிலில் கொடுங்கள்.

ஜோதிடக்கலை அரசு ஆதித்யகுருஜி
(செல்: 8870 99 8888)

குருப்பெயர்ச்சி பலன்கள்

சிம்ம ராசிக்கு ஒரு மேன்மையான ஒரு கால கட்டத்தை தரக் கூடிய குருபெயர்ச்சி ஆரம்பித் திருக்கிறது. கடந்த காலங்களில் சிம்மராசிக்கு கோசார அமைப்புகளில் எந்த நல்ல பலன்களும் நடக்கவில்லை. குருவும் கடந்த இரண்டு ஆண்டுகளாக சாதகமற்ற இடங்கள் என்று சொல்லப்படக்கூடிய மூன்று மற்றும் நான்காம் இடங்களில் அமர்ந்து நல்ல பலன்களை தர இயலாத நிலைமையில் இருந்தார்.

முக்கியமாக இன்னும் சில வாரங்களில் வரும் ஜனவரி மாதம் 24ம் தேதி கோட்சார ரீதியாக நல்லபலன்களை தரக்கூடிய ஆறாம் இடத்திற்கு சனி மாறுவது சிம்மத்திற்கு மிகுந்த நன்மையை கொடுக்கும் அமைப்பாகும். இதற்கு மேலும் கூடுதல் வலு சேர்க்கும் விதமாக இந்தப் பெயர்ச்சியின் மூலம் குரு 5-ஆம் இடத்துக்கு வருவது பெரிய நன்மைகளை தரக்கூடிய நிலையாகும்.

இந்த குருப் பெயர்ச்சியின் மூலம் இதுவரை சிம்ம ராசிக்காரர்களுக்கு எந்த விதமான பாக்கியங்கள் கிடைக்கவில்லையோ அந்த பாக்கியங்கள் அனைத்தும் தாராளமாக தடையின்றி கிடைக்கும். மேலும் பிறந்த ஜாதகப்படி தசாபுக்தி அமைப்புகளும் நல்லவிதமாக கைகொடுக்கும் நிலையில் இருந்தால் இது சிம்மத்திற்கு தொட்டது துலங்கும் காலமாகவும், புதிய உச்சத்தை தொடும் காலமாகவும் அமையும்.

ஐந்தில் குரு, ஆறில் சனி என்கிற நிலைமை மிகவும் அரிதாகவே வரும் ஓர் அமைப்பு என்பதால் இதுவரை எந்த விஷயத்தில் தடங்கல்கள் தடைகள் உங்களுக்கு இருந்து வந்ததோ அவை அனைத்தும் தீர்ந்து நல்லதொரு முன்னேற்றமான ஒரு காலத்தை சிம்ம ராசியினர் அடையப்போகிறீர்கள்.
குரு தன்னுடைய பார்வையால் ராசியைப் பார்க்கும் காலம் அனைத்து மனிதர்களுக்கும் யோகம் தரக்கூடிய ஒரு அமைப்பாக வேத ஜோதிடத்தில் வலியுறுத்தப்படுகிறது.

அதிலும் அவரது 9-ஆம் பார்வை மிகவும் விசேஷமானது என்கின்ற ஒரு நிலைமையில், சிம்மத்தின் யோகாதிபதியான குரு தனது ஆட்சி வீடான ஐந்தாம் இடத்தில் அமர்ந்து தன்னுடைய ஒன்பதாம் பார்வையாக உங்கள் ராசியை இன்னும் 13 மாத காலத்திற்கு பார்க்கப் போவதால் சிம்மத்தினருக்கு முயற்சி இன்றியே அனைத்து விஷயங்களும் கிடைக்கும் ஒரு காலகட்டம் இது.

ராசியை குரு பார்ப்பதால் உங்களின் மனம் மிகுந்த புத்துணர்ச்சியுடன் இருக்கும். முகம் பொலிவு பெறும். அனைத்து விஷயங்களையும் ஆக்கபூர்வமாகச் சிந்தித்து நன்கு செயல்படுவீர்கள். சிந்தனை செயல்திறன் நன்றாக இருக்கும் என்பதால் இம்முறை சிம்ம ராசிக்காரர்கள் அதிர்ஷ்டம் தங்களின் பக்கத்தில் இருப்பதைப் போல உணர்வீர்கள். எல்லா விதங்களிலும் நன்மைகளை மட்டுமே தரக்கூடிய ஒரு பெயர்ச்சி இது.

குருவின் இருப்பைவிட பார்வை பலமே மிகவும் நல்லதாக சொல்லப்படுகிறது. ஐந்தாம் இடத்தில் இருக்கும் குரு தனது 5ம் பார்வையால் தன்னுடைய சொந்த வீடான பாக்கியஸ்தானம் என்று சொல்லப்படக்கூடிய ஒன்பதாம் இடத்தைப் பார்ப்பார். பாக்கிய ஸ்தானம் என்பது அவரவருடைய வயதிற்கு ஏற்றார் போல திருமண பாக்கியம், புத்திர பாக்கியம், மற்றும் தொழில் அமைப்புகளை கொடுக்கக்கூடியது. எனவே இதுவரை அவரவர் தகுதிக்கேற்ப உங்களுக்கு என்னென்ன பாக்கியங்கள் கிடைக்கவில்லையோ அந்த பாக்கியங்கள் அனைத்தும் கிடைப்பதற்கு குரு துணையிருப்பார்.

இந்த அமைப்பின் மூலம் இதுவரை திருமணம் ஆகாதவர்களுக்கு திருமணம் நடக்கும். புத்திரபாக்கியம் கிடைக்காதவர்களுக்கு குழந்தை பிறக்கும். நல்ல வேலை இல்லாமல் அவதிப்பட்டுக் கொண்டிருந்தவர்களுக்கு மனதிற்கு பிடித்த நல்ல வேலை அமையும். 5ஆம் இடத்தில் இருந்து 11-ஆம் வீட்டைப் பார்க்கும் குருவால் லாப ஸ்தானம் வலுப்பெறுகிறது. இதுவரை வேலை தொழில் போன்ற அமைப்புகளில் அதிகமாக உழைத்தும் அதற்கேற்றார்போல கூலி கிடைக்காதவர்கள், சிரமத்திற்கு ஏற்ற பொருளாதார மேன்மை பெறாதவர்களுக்கு இம்முறை மிகச்சிறந்த நல்ல பலன்கள் இருக்கும்.

தொழில் இடங்களில் உங்களுடைய திறமைகள் மற்றவர்களால் அங்கீகரிக்கப்படும் காலகட்டம் இது. இதுவரை கடுமையான முயற்சி செய்தும் சம்பள உயர்வு பதவி உயர்வு போன்றவற்றை பெறாதவர்கள் இந்த குருப்பெயர்ச்சியின் மூலம் இவையிரண்டும் உங்களை தேடி வர பெறுவீர்கள்.

லாப ஸ்தானத்தைப் பார்க்கும் குருவால் தொழில் வியாபாரம் போன்றவைகளில் இலாபம் நிறைவாக வரும். குறைந்த முதலீட்டில் தொழில் செய்பவர்களுக்கு கூட இதுவரை கிடைக்காத மிகப் பெரிய லாபம் கிடைக்கும். எனவே இம்முறை சிம்ம ராசிக்காரர்களின் பொருளாதார நிலைமை சொல்லிக்கொள்ளும்படியாக இருக்கும் என்பது உறுதி. குரு தனது 9ம் பார்வையால் உங்கள் ராசியை பார்ப்பதால் உங்களுடைய எண்ணங்கள் அனைத்தும் பலிக்கும் காலகட்டம் இது. உடலிலும் மனதிலும் புதுத் தெம்பு பிறக்கும். எங்கும் எதிலும் உற்சாகமாக இருப்பீர்கள். நினைத்த காரியங்கள் நினைத்தபடியே நிறைவேறும். எந்த ஒரு செயலையும் உடனுக்கு உடன் நிறைவேற்ற முடியும். வாக்குப் பலிதம் ஏற்படும்.

இதுவரை நடக்காமல் இருந்த நல்ல விஷயங்கள், தாமதமாகிப் போனவைகள் உடனடியாக நடந்து உங்களுக்கு மகிழ்ச்சியையும், வருமானத்தையும், புகழையும் தரும். தன்னம்பிக்கை மனதில் குடி கொள்ளும். கௌரவம், அந்தஸ்து கூடும்படியான சம்பவங்கள் நடக்கும். கையில் பணப் புழக்கம் அதிகரித்து குடும்பத்தில் உங்களுடைய சொல்லை அனைவரும் கேட்கும் நிலை உருவாகும்.

சொந்தத் தொழில் செய்பவர்களுக்கு தொழிலில் இருந்த முட்டுக்கட்டைகளும் அதிருப்தியான நிலைமையும் மாறி தொழில் சூடு பிடிக்கும். வேலை செய்பவர்களும், பங்குதாரர்களும் உதவிகரமாக இருப்பார்கள். தொழில் முன்னேற்றம் மற்றும் விரிவாக்கத்திற்கான அனைத்தையும் தற்போது நல்ல விதமாகச் செய்ய முடியும். தடைகள் அனைத்தும் நீங்குவதால் ஊக்கத்துடன் செயல்படுவீர்கள்.

வியாபாரிகளுக்கு இது லாபங்கள் வரக்கூடிய காலகட்டமாக அமையும். எல்லா விதமான வியாபாரமும் இப்போது கை கொடுக்கும். கிளைகள் திறக்கலாம். புதிய டீலர்ஷிப் எடுக்கலாம். வருமானம் சிறப்பாக இருக்கும். தொழிலில் பங்குதாரர்களை சேர்த்துக் கொள்வதற்கு இது நல்ல நேரம். அவர்கள் மூலம் முன்னேற்றங்கள் இருக்கும்.

சில தொழில் முனைவோர்களுக்கு நல்ல சந்தர்ப்பங்கள் கிடைத்து அமோகமான தொழில் வெற்றியைப் பெற்று பெரும் பணக்காரர்கள் ஆவதற்கு தற்போது வாய்ப்பு இருக்கிறது. விடா முயற்சியுடன் எதையும் செய்வதன் மூலம் கடவுள் அருள் உங்கள் பக்கம் இருக்கும் என்பது நிச்சயம்.

புதிதாக வேலை தேடிக் கொண்டிருப்பவர்களுக்கு அவர்கள் படிப்புக்கும் தகுதிக்கும் ஏற்ற பொருத்தமான வேலை அமையும். உயர் கல்வி கற்பதற்கு இதுவரை இருந்து வந்த தடைகள் அனைத்தும் விலகும். அரியர்ஸ் வைத்திருப்பவர்கள் நல்லபடியாக அனைத்தையும் கிளியர் செய்வீர்கள்.

அரசு வேலை எதிர்பார்த்துக் காத்திருப்பவர்களுக்கு நல்ல செய்தி உண்டு. மத்திய மாநில அரசுகளின் முதன்மைத் தேர்வுகளான ஐ.ஏ.எஸ், குரூப்ஒன் போன்ற பதவிகளுக்கு நல்லமுறையில் தேர்வுகளை எழுத முடியும். ஏற்கனவே அரசு, வங்கி போன்ற தேர்வுகளை எழுதி முடிவுகளை எதிர்பார்த்துக் காத்துக் கொண்டிருப்பவர்களுக்கு நல்ல செய்திகள் கிடைக்கும்.

திருமணமாகாத இளைய பருவத்தினருக்கு திருமண காலம் கூடி வந்து விட்டது. தடைகள் நீங்கி வரன்கள் கூடிவந்து திருமணம் நடக்கும். காதலித்துக் கொண்டிருந்தவர்களுக்கு பெற்றோர் சம்மதம் கிடைக்கும். ஒரு சிலர் புதிதாக காதலிக்க ஆரம்பித்து தங்களின் வாழ்க்கைத் துணைவரை அடையாளம் காண்பீர்கள். முதல் வாழ்க்கையில் சிக்கல்கள் தோன்றி கோர்ட், போலீஸ் என்று அலைந்து விவாகரத்து பெற்றவர்களுக்கு இரண்டாவது வாழ்க்கை நல்லபடியாக அமையும்.

மகன் மகள் விஷயத்தில் இதுவரை இருந்து வந்த மனக்கவலைகள் இனிமேல் இருக்காது. பிள்ளைகள் விஷயத்தில் நல்ல செய்திகள் கிடைக்கும். கூட்டுக் குடும்பத்தில் பெரியவர்கள் குடும்ப உறுப்பினர்கள் அனைவருக்கும் செய்ய வேண்டிய கடமைகளை நல்லவிதமாக செய்ய முடியும். வயதானவர்கள் தாத்தா பாட்டியாக பதவி உயர்வு பெறுவீர்கள்.

சொந்த வீடு கட்டுவதற்கு இருந்து வந்த தடைகள் விலகும். வீடு கட்ட ஆரம்பித்து பாதியில் நிறுத்தி இருந்தவர்கள் நல்ல விதமாக வேலையை முடித்து கிரகப் பிரவேசம் செய்வீர்கள். சிலருக்கு கட்டிய வீடோ, காலிமனையோ வாங்குவதற்கு இப்போது நல்ல சந்தர்ப்பம் வரும். புதிதாக நல்ல வாகனம் வாங்குவீர்கள். இருக்கும் வாகனத்தை விட விலை உயர்ந்த வாகனம் வாங்க முடியும். குடும்பத்தில் சொத்து சேர்க்கை மற்றும் நகை சேர்க்கை இருக்கும்.


கணவன் மனைவி உறவு சந்தோஷமாக இருக்கும். குடும்பத்தில் மகிழ்ச்சியும், சுபிட்சமும் இருக்கும். மனைவிக்கு நகை வாங்கி கழுத்தில் போட்டு அழகு பார்க்க முடியும். குழந்தைகளின் எதிர் காலத்துக்கு முதலீடு செய்ய முடியும். பிள்ளைகள் விரும்பிய பள்ளி, கல்லூரிகளில் அவர்களை சேர்க்க முடியும்.
பொதுவில் சிம்ம ராசிக்கு மிகவும் நன்மை தருகின்ற ஒரு குருப்பெயர்ச்சி இது. இனிமேலும் தயங்காமல் முன்னேற்றத்திற்கான முயற்சிகளை எடுக்க வேண்டிய தருணம் இது.

பரிகாரங்கள்:

குருவின் திருவருளை முழுமையாகப் பெற உங்களின் ஜன்ம நட்சத்திர தினம் அல்லது ஒரு வியாழக்கிழமை அன்று குரு ஹோரையில் குருவின் வாகனமான யானைக்கு அதன் விருப்பமான உணவு என்ன என்று பாகனிடம் கேட்டுத் தெரிந்து கொண்டு அதற்குப் பிடித்த உணவினைத் தந்து அதன் ஆசிகளைப் பெறுங்கள்.

ஆதித்ய குருஜி செல்: 8870 99 8888

ராகுகேது பெயர்ச்சி பலன்கள்

திருக்கணிதப் பஞ்சாங்கப்படி வரும் மார்ச் மாதம் (7-3-2019) முதல் ஏறத்தாழ ஒன்றரை ஆண்டு காலம்

சிம்ம ராசிக்கு இதுவரை பனிரெண் டாமிடத்தில் அமர்ந்து அடிக்கடி பயணங் களையும் தேவையற்ற அலைச்சல்களையும் விரயங்களையும் கொடுத்துக் கொண்டிருந்த ராகு தற்போது மிகவும் யோகம் தரக்கூடிய நிலையான பதினொன்றாமிடத்திற்கு மாறுகிறார்.

ராகு பதினொன்றாமிடத்தில் இருப்பது பதினெட்டு வருடங்களுக்கு ஒருமுறை மட்டுமே அமையக்கூடிய ஒரு நிகழ்வு என்பதோடு, ராகு உள்ளிட்ட பாபக் கிரகங்களுக்கு பதினொன்றாம் இடம் மிகவும் நன்மை களைத் தரக்கூடிய இடமாக நம்முடைய மூலநூல்களில் சொல்லப்பட்டிருப்ப தால் இந்த ராகு-கேது பெயர்ச்சியில் நல்ல நன்மைகளை அனுபவிக்க இருக்கும் ராசி சிம்ம ராசியாகும்.

சரியான கோட்சார கிரக நிலைகள் அமையாமல் இதுவரை நீங்கள் பட்ட கஷ்டங்களுக்கு பம்பர் பரிசாக இந்த ராகு-கேதுப் பெயர்ச்சி அமையும் என்பதால் மிகுந்த நன்மைகளைத் தரக்கூடிய ஒரு அமைப்பாக இந்தப் பெயர்ச்சி உங்களுக்கு அமையும்.

பதினொன்றாமிடத்திற்கு மாறும் ராகுவால் செய்தொழில் விருத்தி, எதிலும் லாபம், யாவற்றிலும் வெற்றி, அரசலாபம், அன்னிய இன, மத, மொழிக் காரர்களால் நன்மை. வெளிநாடு, வெளிமாநில மேன்மை, தூரஇடங்களில் இருந்து பணம் கிடைத்தல், சிறிது முயற்சி, பெரியநன்மை. அதிர்ஷ்டம் ஆகிய பலன்கள் உங்களுக்கு நடக்கும். இதுவரை சிம்ம ராசிக் காரர்களுக்கு நடக்காமல் தட்டிப் போயிருந்த அத்தனை பாக்கியங்களும், கொடுப்பினைகளும் இப்போது தடையின்றிக் கிடைக்கும்.

ராகு சேரும்போது அல்லது சுபரால் பார்க்கப்படும் போது தானும் சுபராக மாறி அதிகமான நன்மைகளைச் செய்வார் என்பதால் இம்முறை சிம்மராசிக்கு இரட் டிப்பு நன்மையாக வரும் நவம்பர் மாதம் நடக்கும் குருப்பெயர்ச்சிக்குப் பிறகு ராகு குருவின் பார்வையில் இருப்பார் என்பதால் தாராள பணவரவு, குழந்தைகளால் பெருமை போன்ற பலன்களையும் சிம்ம ராசிக்குச் செய்வார். குறிப்பாக பிறந்த ஜாதகத்தில் ராகுதசை அல்லது ராகுபுக்தி நடந்து கொண்டிருப்பவர்களுக்கும், யோகமான தசாபுக்திகள் நடப்பவர்களுக்கும் இம்முறை ராகுவால் மேம்பட்ட நல்ல லாபங்கள் கிடைக்கும்.

அடுத்து ராகு ஒரு ராசிக்கு நல்ல பலன்களைத் தரும் நிலையில் இருக்கும் போது அவருக்கு எதிரில் சாதகமற்ற நிலைமையில் கேது இருப்பார் என்பது ஜோதிட விதி.

ஆயினும் இம்முறை கேது இதுவரை இருந்த நல்ல இடமான ஆறாமிடத்தில் இருந்து மாறி ஐந்தாம் இடத்திற்கு வந்து உங்களுக்கு சாதகமற்ற பலன்களை கொடுக்க இருந்தாலும், குருவின் வீட்டிற்கு மாறி, குருவோடு இணைய இருப்பதால் கேது இம்முறை கெடு தல்களைச் செய்யமாட்டார்.

மேலும் கேதுவிற்கு சுபரின் வீடுகள் நன்மை தரும் வீடுகளாக நமது மூல நூல்களில் சொல்லப்பட்டிருப்பதால் இம்முறை குருவின் தனுசு வீட்டிற்கு மாறும் கேது, சிம்ம ராசிக்கு கெடுதல்கள் எதுவும் செய்வதற்கு வாய்ப்பில்லை. எனவே ராகு-கேது இரண்டு முனைகளிலும் இம்முறை நல்ல பலன்களே சிம்ம ராசிக்கு நடக்கும் என்பதால் இந்தப்பெயர்ச்சியில் அதிகம் நன்மைகளை நீங்கள் பெறுவீர்கள் என்பது உறுதி.

இதுவரை நல்லவேலை கிடைக்காமல் சோர்ந்து போயி ருந்தவர்களுக்கு மனதுக்குப் பிடித்த வகை யில் நல்ல சம்பளத்துடன் வேலை கிடைக்கும். பொதுவாழ்க்கையில் இருப்பவர்கள், ஊடகம் பத்திரிக்கை போன்ற துறையில் இருப்பவர்கள், கலைஞர்கள் உள்ளிட்டவர்களுக்கு இது வசந்த காலமாகும். கலைத்துறையினர் இதுவரை இல்லாத நல்ல திருப்பங்களைக் காண்பீர்கள். வாய்ப்புகள் வந்து வாசல் கதவைத் தட்டும்.

பொருத்தமில்லாத வேலையில் இஷ்டமில்லாமல் இருந்த இளைஞர்களுக்கு உடனடியாக மாற்றங்கள் உருவாகி நினைத்த மாதிரியான வேலை கிடைக்கும். உங்களைப் பிடிக்காத மேலதிகாரி மாறுதலாகி உங்களுக்கு அனுசரணையானவர் அந்த இடத்திற்கு வருவார். அலுவலகத்தில் இருந்த பிரச்னைகள் மறையும். ஏற்கனவே தொழில் ஆரம்பித்து இன்னும் காலூன்ற முடியாமல் சிரமப்பட்டுக் கொண்டிருப்பவர்களுக்கு தொழில் நல்ல முன்னேற்றமாக நடக்கும்.

அரசு தனியார்துறை ஊழியர் களுக்கு ‘இதர வருமானங்கள்’ சிறப்பாக சொல்லிக் கொள்ளும்படி இருக்கும். தொழிலாளர்களுக்கு வேலைப்பளு குறைந்து சம்பள உயர்வு, பதவிஉயர்வு போன்றவைகள் கிடைக்கும். தொழிற் சங்கங்களில் பதவியில் இருப்பவர்கள் பாராட்டுகளைப் பெறுவீர்கள். வியாபாரிகள், சுயதொழில் செய்பவர்கள் உள்ளிட்டவர்கள் தொழில்மேன்மையும், புதிய தொழில் தொடங்குதலும் அடைவீர்கள்.

கூட்டுத் தொழிலில்இதுவரை இருந்த வந்த கருத்து வேறுபாடு களும், மந்தமான நிலைமையும் மாறி தொழில் நல்லபடியாக நடக்கும். நண்பர்களும், பங்குதாரர்களும் உதவிகரமாக இருப்பார்கள். தந்தையின் ஆதரவு கிடைக்கும். தந்தைவழி உதவிகள் நன்றாக இருக்கும். அப்பாவழி சொத்துக்கள் மூலம் ஆதாயம் உண்டு. தர்ம காரியங்கள் செய்ய முடியும். அறப்பணிகளில் ஈடுபட்டு நல்ல பெயர் வாங்குவீர்கள். விவசாயிகளுக்கு இந்தப் பெயர்ச்சி மிகுந்த நன்மையை அளிக்கும். விளைந்த பயிர் சிந்தாமல் சிதறாமல் வீட்டிற்கு பொன்னாக வரும். குடியானவனின் வீட்டில் குதூகலமும், சுபநிகழ்ச்சிகளும் இருக்கும். பணப்பயிர் விளைவிக்கும் விவசாயிகளுக்கு மேன்மை உண்டு.

தொழிலதிபர்களுக்கு இதுவரை இருந்து வந்த முட்டுக்கட்டைகள் விலகும். அரசாங்க ஆதரவு உண்டு. இடைத்தரகர்களை நீக்கி நேரடியாக அமைச்சர்களையோ அதிகாரிகளையோ பார்த்து காரியங்களை வெற்றியாக்க முடியும். எந்த ஒரு காரியத்திலும் எடுக்கும் முயற்சிகள் இப்போது பலிதமாகும். தொழிலை விரிவுபடுத்தலாம். புதிய முயற்சிகளை இப்போது செய்யலாம். இதுவரை கருத்து வேற்றுமைகளாலும், குடும்பச் சிக்கல்களினாலும் பிரிந்திருந்த கணவன் மனைவி ஒன்று சேர்வார்கள். ஏழரைச்சனியின் தாக்கத்தினால் திருமண வாழ்வில் பிரச்னைகள் ஏற்பட்டு விவாகரத்தானவர்களுக்கு இப்போது இரண்டாவது வாழ்க்கை நல்லபடியாக அமையும். இந்த வாழ்க்கை நீடித்தும் நிம்மதியாகவும் இருக்கும்.

குடும்பத்தில் இதுவரை தடைப்பட்டுக் கொண்டிருந்த மங்கள காரியங்கள் இனிமேல் சிறப்பாக நடைபெறும். காதலித்துத் கொண்டிருப்பவர்களுக்கு பெரியவர்களின் சம்மதத்துடன் திருமணம் நடக்கும். சிலர் புதிதாக காதலிக்க ஆரம்பிப்பீர்கள். குழந்தை பாக்கி யம் தாமதித்தவர்களுக்கு நல்ல முறையில் குழந்தை பிறக்கும்.

வழக்கு கோர்ட் காவல் துறை போன்றவற்றில் சிக்கித் திண்டாடிக் கொண் டிருந்தவர்களுக்கு அனைத்தும் நல்லபடியாக முடிவுக்கு வரும். அநியாய வட்டிக்கு கடன் வாங்கி அதில் இருந்து மீள முடியாமல் அவஸ்தைப்பட்டு விழி பிதுங்கி கொண்டிருந்தவர்களுக்கு கடனை அடைப்பதற்கு நல்ல வழி பிறக்கும்.
பெண்களுக்கு இந்த ராகுகேதுப் பெயர்ச்சி சிறப்பான நன்மைகளைத் தரும். உங்களின் மதிப்பு உயரும். வேலைக்கு செல்லும் பெண்களுக்கு அலுவலகத்தில் இதுவரை இருந்த வந்த மறைமுக எதிர்ப்புகள் விலகும். அலுவலகத்தில் ஆண்கள் உங்களுக்கு ஒத்துழைப்பார்கள். புகுந்த வீட்டில் அந்தஸ்து, கௌரவம் கூடும்.

நவம்பர் மாதத்தில் நடைபெறும் குருப்பெயர்ச்சியின் மூலம் குருவும் யோகம் தரும் ஐந்தாமிடத்திற்கு மாறுவதால் குடும்பத்தில் அனைத்து சுபகாரியங்களும் நிறைவேறி அதன் மூலம் சுப விரையங்களே இருக்கும். வீண் விரையங்கள் இருக்காது. செலவுகள் இருக்கும் என்பதால் செலவழிக்க பணவரவும் தாராளமாக இருக்கும்.

வீட்டில் பொன் பொருள் சேர்க்கை உண்டாகும். வீட்டிற்குத் தேவையான அத்தியாவசியப் பொருட்கள் அனைத்தும் வாங்க முடியும். புதிதாக வாகன யோகம் வந்து விட்டது. நீண்ட காலமாக வாங்க வேண்டும் என்று நினைத்திருந்த புதிய வாகனம் வாங்க முடியும். சொகுசு வாகனம் வாங்குவதற்கும் அமைப்பு இருக்கிறது.

இதுவரை வீடு வாங்க தடை இருந்தவர்களுக்கு இந்த தடை நீங்கி நல்ல வசதியான ஆடம்பர வீடு அமைய போகிறது. வாடகை வீட்டில் இருப்பவர்கள் இனிமேல் குத்தகை அடிப்படை வீட்டிற்காவது மாற முடியும். வீடு சம்பந்தப்பட்ட அனைத்துக் காரியங்களும் நினைத்தபடியே நிறைவேறும். வீடு கட்ட ஆரம்பித்து பாதியில் நிறுத்தியவர்கள் முழுதாக முடித்து கிரகப்பிரவேசம் செய்வீர்கள். கடன் பெற்று நல்ல பிளாட் வாங்க முடியும். எதிர்கால முதலீடாக குழந்தைகள் பெயரிலோ அல்லது உங்கள் பேரிலோ வீட்டுமனை வாங்குவீர்கள்.

செலவுகள் அதிகம் இருக்கும் எனபதால் வரும் வருமானத்தை முதலீடாக மாற்றி நல்ல விதமாக விரயம் செய்வது புத்திசாலித்தனம் என்பதால் வரப்போகும் வருமானத்தை முதலீடாக்குவது நல்லது. நல்ல நேரத்தில் வந்திருக்கும் இந்த வாய்ப்பினை பயன்படுத்தி சிம்ம ராசியினர் உங்கள் வாழ்வை வளப்படுத்திக் கொள்வீர்கள் என்பது நிச்சயம்.

பரிகாரங்கள்

ராகு பகவானால் கிடைக்கும் நன்மைகளைக் கூட்டிக் கொள்ள திருநாகேஸ்வரம் போன்ற திருத் தலங்களுக்கு ஜென்ம நட்சத்திரம் அன்று சென்று வழிபடுங்கள். தமிழ் நாட்டில் நாகநாத சுவாமி என்ற பெயருள்ள அத்தனை கோவில்களும் ராகுகேது திருத்தலங்கள்தான். உங்கள் அருகில் உள்ள கோவில்களில் வழிபடலாம்.

கணித்தவர் ஜோதிடக்கலை அரசு
ஆதித்யகுருஜி
88709 98888

What’s in store for you?

Maalaimalar brings you: The Latest Tamil News | Tamil Cinema News and | Reviews | Kollywood gossips | astrology in Tamil.


Maalaimalar Tamil brings you the latest Tamil news from India and rest of the World.

You Also Get Top Breaking News | Political News from Tamil Nadu and India.

Get In-depth Coverage of National and International Politics | Business | Sports | Cricket News and Score Update of IPL & TNPL, if you are a Chennai Super Kings- CSK or Chepauk Super Gillies-CSG fan, look no further as we have year round updates about these.

We also focus on Tamil Spiritual News | Astrology | Technology | Traditional Tamil Food Recipes | Tamil Cinema Entertainment i.e. Tamil Cinema News | About Tamil Top Actors such as | Rajinikanth | Kamalhasan | Vijay | Ajith etc.

Further Latest Tamil movie reviews with ranking of Top Tamil Movies | Top Tamil Actor and Actress | Photo Gallery | History of Tamil Cinema | Tamil Movie Video Reviews. Catch the Start Interviews and latest events on our site as and when it happens


If you are looking for news from your home town, trust Maalaimalar.com Tamil to get you all the latest happenings not only from districts of Tamil Nadu

Ariyalur News in Tamil | Chennai News in Tamil | Coimbatore News in Tamil | Cuddalore News in Tamil | Dharmapuri News in Tamil | Dindigul News in Tamil | Erode News in Tamil | Kanchipuram News in Tamil | Kanyakumari News in Tamil | Karur News in Tamil | Krishnagiri News in Tamil | Madurai News in Tamil | Nagapattinam News in Tamil | Namakkal News in Tamil | Nilgiris (Ooty) News in Tamil | Perambalur News in Tamil | Pudukkottai News in Tamil | Ramanathapuram News in Tamil | Salem News in Tamil | Sivagangai News in Tamil | Thanjavur (Tanjore) News in Tamil | Theni News in Tamil | Thoothukudi (Tuticorin) News in Tamil | Tiruchirappalli (Trichy) News in Tamil | Tirunelveli (Nellai) News in Tamil | Tirupur News in Tamil | Tiruvallur News in Tamil | Tiruvannamalai News in Tamil | Tiruvarur News in Tamil | Vellore News in Tamil | Viluppuram News in Tamil | Virudhunagar News in Tamil | But also from Puducherry (Pondycherry) News in Tamil.

Others

Other than News and Entertainment in Tamil we also provide Astrology predictions | Daily Tamil Rasi palan for your star Mesham rasi palan | Rishabam rasi palan | Midhunam rasi palan | Kadagam rasi palan | Simmam rasi palan | Kanni rasi palan | Thulam rasi palan | Viruchagam rasi palan | Dhanusu rasi palan | Magaram rasi palan | Kumbam rasi palan | Meenam rasi palan everyday also we publish Tamil New year palan, Guru Peyarchi palan and Sani Peyarchi Palangal etc.

We do care about your wellbeing. We provide health tips such as simple | exercise | Yoga | Home Medicine | Health food recipe rasi palan | Child care | Natural beauty tips | Medicine for Woman | Safety tips for Woman

Technology and Automobile is part of our busy life, we provide tech news in Tamil about latest mobile phone | computers and gadgets. Cars | Bikes and automobile news in Tamil are well appreciated by our readers.

If you are looking for Tamil News and entertainment in video format then Maalaimalar video [video.maalaimalar.com] is the right choice. We bring the latest Tamil movie trailers | Tamil Cinema events | Cinema gossips. | Special star interviews and | Tamil news in video format.



To stay updated, all you need to do is just one thing - get the latest Tamil News on the go.. just download Maalaimalar Tamil News APP from Apple App store or Google Play Store


Download Our Apps

Apple Store Google Play Store