search icon
என் மலர்tooltip icon

    சினிமா

    வெண்ணிலா கபடி குழு 2
    X

    வெண்ணிலா கபடி குழு 2

    செல்வசேகரன் இயக்கத்தில் விக்ராந்த் - அர்த்தனா பினு நடிப்பில் உருவாகி இருக்கும் `வெண்ணிலா கபடி குழு 2' படத்தின் முன்னோட்டம்.
    சாய் அற்புதம் சினிமாஸ் சார்பில் பூங்காவனம், ஆனந்த் இணைந்து தயாரித்துள்ள படம் `வெண்ணிலா கபடி குழு 2'.

    2009-ஆம் ஆண்டு கபடி போட்டியை பிரதானப்படுத்தி சுசீந்திரன் இயக்கத்தில் வெளிவந்து எல்லாதரப்பு மக்களையும் கவர்ந்து பெரும் வெற்றி பெற்ற படம் “வெண்ணிலா கபடி குழு”. இப்படத்தின் மூலம் நடிகர்கள் விஷ்ணு விஷால், பரோட்டா சூரி, இயக்குனர் சுசீந்திரன் ஆகியோருக்கு தமிழ் சினிமா உலகில் அங்கீகாரம் கிடைத்தது.

    மீண்டும் இயக்குனர் சுசீந்திரனின் முலக்கதையில், இயக்குனர் செல்வசேகரன் இயக்கத்தில் புதுப்பொலிவுடன் “வெண்ணிலா கபடி குழு 2” திரைப்படம் உருவாகி இருக்கிறது. இப்படத்தின் கதாநாயகனாக விக்ராந்த் நடிக்க, கதாநாயகியாக அர்த்தனா பினு நடித்துள்ளனர். சந்தோஷ், பசுபதி, பரோட்டா சூரி, கிஷோர், கஞ்சா கருப்பு, அப்புகுட்டி, ரவிமரியா உள்ளிட்ட பலர் நடித்துள்ளனர்.

    இசை - செல்வகணேஷ், ஒளிப்பதிவு - இ.கிருஷ்ண்சாமி, படத்தொகுப்பு - அஜய், கலை - சக்தி வெங்கட்ராஜ், சண்டைப்பயிற்சி - சூப்பர் சுப்பராயன், பாடல்கள் - கபிலன், விஜயசாகர், நடனம் - தினேஷ், தயாரிப்பு - பூங்காவனம், ஆனந்த், எழுத்து - சுசீந்திரன், இயக்கம் - செல்வ சேகரன்.



    படம் குறித்து இயக்குனர் செல்வ சேகரன் கூறுகையில்,

    1987-ஆம் ஆண்டில் கிரமங்களில் உள்ள மக்கள் அனைவரும் ஒன்றுகூடி மிக விமர்சையாக திருவிழா போல் கபடி விளையாட்டு போட்டியை கொண்டாடும் நிகழ்வை அப்படியே நம் கண்முண்னே கொண்டு வந்துள்ளோம்.

    நிஜ கபடி வீரர்கள் மற்றும் ஊர் பொதுமக்கள் கலந்து கொண்ட இந்த படத்தின் படப்பிடிப்பை தத்ருபமாக படமாக்கியுள்ளோம். அனைத்து தரப்பு ரசிகர்களுக்கும் நல்ல விருந்தாக "வெண்ணிலா கபடி குழு 2" படம் அமையும் என்றார்.

    வெண்ணிலா கபடி குழு 2 டீசர்:

    Next Story
    ×