என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
சினிமா
X
கிண்டலுக்கு பதிலடி - ரசிகர்களுக்கு சிம்பு புதிய கட்டளை
Byமாலை மலர்22 Jan 2019 6:09 AM GMT (Updated: 22 Jan 2019 6:55 AM GMT)
கேலி, கிண்டலுக்கு பதிலடி கொடுக்கும் விதமாக இதுவரை செய்யாத அளவில், ‘என் கட்அவுட் வைத்து, அண்டாவில் பால் ஊற்றுங்கள்’ என்று தனது ரசிகர்களுக்கு நடிகர் சிம்பு வீடியோ மூலம் பதிலளித்துள்ளார். #STR #Simbu
சுந்தர்.சி இயக்கத்தில் சிம்பு, மேகா ஆகாஷ், கேத்தரீன் தெரசா, ரம்யா கிருஷ்ணன், பிரபு, யோகி பாபு ஆகியோர் நடிப்பில் உருவாகியுள்ள படம் ‘வந்தா ராஜாவாதான் வருவேன்’.
இந்த படம் பற்றி சிம்பு கடந்த வாரம் ஒரு வீடியோவில் பேசியதாவது:-
பட வெளியீட்டின் போது கட்அவுட், பேனர் எல்லாம் வைக்காதீர்கள். அந்தப் பணத்தில் உங்களுடைய குடும்பத்தினருக்கு உடைகள், இனிப்புகள் வாங்கிக் கொடுங்கள். அதை வீடியோவாக எடுத்து வெளியிடுங்கள்’ என்று கூறி இருந்தார்.
இந்த வீடியோ பதிவைக் குறிப்பிட்டு இணையத்தில் பலரும் கிண்டல் செய்யத் தொடங்கினர். இருப்பதே ஒன்று, இரண்டு ரசிகர்கள் தான், இதற்கே இப்படியா என்று கேலி செய்தனர்.
இதற்கு பதிலடியாக சிம்பு தற்போது புதிதாக வீடியோ ஒன்றை வெளியிட்டுள்ளார். அதில் அவர் கூறியிருப்பதாவது:-
ஒரு வீடியோ வெளியிட்டேன். அதில் என் படத்துக்கு அதிக விலைக்கு டிக்கெட் வாங்கி பார்க்காதீர்கள். கட்அவுட், பேனர் எல்லாம் வைத்து பால் அபிஷேகம் எல்லாம் பண்ணாதீர்கள் என்றேன்.
சிம்பு பேசிய வீடியோ:
அதற்கு பதிலாக உங்களுடைய அம்மாவுக்கு ஒரு புடவை, அப்பாவுக்கு ஒரு சட்டை என எடுத்துக் கொடுத்தீர்கள் என்றால் சந்தோஷப்படுவேன் எனச் சொல்லியிருந்தேன். இவருக்கு எல்லாம் இவ்வளவு ரசிகர்கள் இருக்கிறார்களா? இவர் இதை விளம்பரத்துக்காகத் தான் சொல்கிறார்கள். எனக்கு இருக்கிறதே 2, 3 ரசிகர்கள் தான் என்கிறார்கள். நாம் ஒரு தப்பு செய்தால், அதை திருத்திக் கொள்ள வேண்டும்.
2, 3 ரசிகர்கள் தான் என்னும் போது ஏன் இதெல்லாம் பேச வேண்டும். எனவே அந்த 2, 3 ரசிகர்களுக்கு மட்டும் சொல்கிறேன். இது என்னோட அன்புக் கட்டளை. இதுவரைக்கும் நீங்கள் வைக்காத அளவுக்கு பிளெக்ஸ் வையுங்கள், பேனர் வையுங்கள். கட்அவுட் வையுங்கள். பால் எல்லாம் பாக்கெட்டாக ஊற்றாதீர்கள். அண்டாவில் ஊற்றுங்கள். வேற லெவலில் செய்யுங்கள்.
இதைத் தான் நான் உங்களிடம் இருந்து எதிர் பார்க்கிறேன். எனக்கு தான் 2, 3 ரசிகர்கள் தானே இருக்கிறார்கள். அதனால் இதை செய்வது தப்பு கிடையாது. அந்த அளவுக்கு எல்லாம் நான் பெரிய ஆளும் கிடையாது. யாரும் கேள்வியும் கேட்கப்போறது கிடையாது. ‘வந்தா ராஜாவாதான் வருவேன்’ பட ரிலீசுக்கு வேற லெவலில் செய்யுங்கள்.
இவ்வாறு சிம்பு தெரிவித்துள்ளார். #STR #Simbu #VanthaRajavathaanVaruven
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X