கமல் வழியை பின்பற்றும் ஸ்ருதிஹாசன்

சினிமாவில் பிசியாக இருப்பவர்கள் எல்லாம் டிவி பக்கம் வரும் காலம் இது. பிக்பாஸ் மூலம் டிவிக்கு வந்தார் கமல்ஹாசன். அவர் தொகுத்து வழங்கும் பிக்பாஸ் 2 வது சீசன் முடியும் தருவாயில் உள்ளது. அடுத்து விஷால் தனியார் டிவி ஒன்றில் நிகழ்ச்சி தொகுப்பாளராக களம் இறங்க இருக்கிறார்.

இவர்கள் வரிசையில் ஸ்ருதிஹாசனும் விரைவில் ஒரு டிவியில் விவாத நிகழ்ச்சி ஒன்றை தொகுத்து வழங்க இருக்கிறார். சமூக பிரச்சினைகள் குறிப்பாக பெண்கள் தொடர்பான பிரச்சினைகளை பேசும் நிகழ்ச்சியாக இருக்கும் என்கிறார்கள்.

சமீபத்தில் லண்டனில் தனது முதல் இசை நிகழ்ச்சியை வெற்றிகரமாக முடித்துவிட்டு திரும்பியிருக்கும் ஸ்ருதி அதே உற்சாகத்தோடு இந்த நிகழ்ச்சிக்கு தயாராகி விட்டார்.