விஜய்யை இயக்க தயாராகும் அட்லீ, மோகன் ராஜா

விஜய் தற்போது ஏ.ஆர்.முருகதாஸ் இயக்கத்தில் `சர்கார்' படத்தில் நடித்து வருகிறார். இந்த படம் தீபாவளிக்கு வெளியாக இருக்கிறது. எப்போதுமே ஒரு படத்தின் படப்பிடிப்பில் இருக்கும்போதே தனது அடுத்த படத்தை முடிவு செய்துவிடுவார் விஜய்.

அப்படி அடுத்து அவர் 3 வது முறையாக அட்லீயுடன் இணைய இருக்கிறார் என செய்தி வருகிறது. விஜய்- அட்லீ கூட்டணியில் தெறி, மெர்சல் என 2 படங்கள் வெளியாகின. இரண்டு படங்களுமே காப்பி அடிக்கப்பட்டதாக சர்ச்சை ஏற்பட்டாலும் விஜய்க்கு வெற்றி படங்களாக அமைந்தன.

எனவே விஜய் 3 வது முறையாக அட்லீயுடன் இணைய சம்மதித்திருக்கிறார். அதற்கு அடுத்து மோகன்ராஜா இயக்கும் படத்தில் நடிப்பார் என கூறப்படுகிறது. இதுகுறித்த அறிவிப்பு செப்டம்பரில் வெளியாகும் என்று எதிர்பார்க்கப்படுகிறது. #Vijay63 #Atlee #MohanRaja