படம் வெளியாகியும் வருத்தத்தில் இருக்கும் ஷாம்லி

அஜித் மனைவி ஷாலினியின் தங்கை ஷாம்லி. அஞ்சலி, ஆடி வெள்ளி, துர்கா என்று சிறு வயதிலேயே தமிழ் சினிமாவில் அறிமுகமாகி பிரபலம் ஆனவர். ஆனால் ஹீரோயின் ஆன பிறகு ஏனோ பெரிதாக ஜொலிக்கவில்லை.

தமிழில் வீரசிவாஜி படம் மூலம் விக்ரம் பிரபுவுக்கு ஜோடியாக அறிமுகமானார். அந்த படம் சரியாக போகவில்லை. அதன் பின் தெலுங்கு பக்கம் கவனம் செலுத்தினார். நாகசவுரியாவுடன் ஷாம்லி நடித்த அம்மம்மாகரிலு என்ற தெலுங்கு படம் தற்போது வெளியாகி இருக்கிறது.

கலவையான விமர்சனங்கள் வந்தாலும் படத்துக்கு வசூல் எதிர்பார்த்த அளவுக்கு இல்லை. இது ஷாம்லிக்கு வருத்தத்தை ஏற்படுத்தி இருக்கிறது.