search icon
என் மலர்tooltip icon

    இது புதுசு

    • பி.ஒய்.டி. சீல் மூன்றாவது மாடல் ஆகும்.
    • பி.ஒய்.டி. சீல் மாடல் நான்கு நிறங்களில் கிடைக்கிறது.

    பி.ஒய்.டி. இந்தியா நிறுவனத்தின் அதிகம் எதிர்பார்க்கப்பட்ட சீல் மாடல் இந்திய சந்தையில் அறிமுகம் செய்யப்பட்டது. புதிய பி.ஒய்.டி. சீல் மாடலின் விலை ரூ. 41 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்திய சந்தையில் பி.ஒய்.டி. இ6 மற்றும் அட்டோ 3 மாடல்களின் வரிசையில் பி.ஒய்.டி. சீல் மூன்றாவது மாடல் ஆகும்.

    புதிய பி.ஒய்.டி. சீல் மாடல் டைனமிக், பிரீமியம் மற்றும் பெர்ஃபார்மன்ஸ் என மூன்று வேரியண்ட்களில் கிடைக்கிறது. இத்துடன் ஆர்க்டிக் புளூ, அரோரா வைட், அட்லான்டிஸ் கிரே மற்றும் காஸ்மோஸ் பிளாக் என நான்கு நிறங்களில் கிடைக்கிறது.

     


    தோற்றத்தில் இந்த கார் டெஸ்லா மாடல் 3 போன்றே காட்சியளிக்கிறது. முன்புறம் எல்.இ.டி. ஹெட்லேம்ப்கள், முன்புற பம்ப்பரில் ஏரோ வடிவம் கொண்ட இன்சர்ட்கள் உள்ளன. இத்துடன் ஸ்லோபிங் ரூஃப்லைன், ஃபிளஷ் டோர் ஹேண்டில்கள், பின்புறம் எல்.இ.டி. பார், எல்.இ.டி. டெயில் லேம்ப்கள், பிளாக் டிஃப்யுசர் உள்ளது.

    அம்சங்களை பொருத்தவரை பி.ஒய்.டி. சீல் மாடலில் அதிநவீன இன்டெலிஜன்ட் காக்பிட், 15.6 இன்ச் தொடுதிரை வசதி கொண்ட இன்ஃபோடெயின்மென்ட் ஸ்கிரீன், 10.2 இன்ச் எல்.சி.டி. டிரைவர் டிஸ்ப்ளே, எலெக்ட்ரிக் அட்ஜஸ்ட் வசதி கொண்ட ஏ.சி. வென்ட்கள், எலெக்ட்ரிக் டெயில்கேட், ரெயின் சென்சிங் வைப்பர்கள் உள்ளன.

     


    இத்துடன் 360 டிகிரி கேமரா, இரு வயர்லெஸ் போன் சார்ஜர்கள், முன்புறம் பவர்டு மற்றும் வென்டிலேட் செய்யப்பட்ட இருக்கைகள், பானரோமிக் சன்ரூஃப், ADAS பாதுகாப்பு வசதிகள் வழங்கப்பட்டு இருக்கின்றன. இந்த மாடல் 61.44 கிலோவாட் ஹவர் மற்றும் 72.56 கிலோவாட் ஹவர் என இருவித பேட்டரி பேக் ஆப்ஷன்களில் கிடைக்கிறது.

    இவை முறையே 510 கிலோமீட்டர்கள் மற்றும் 650 கிலோமீட்டர்கள் வரையிலான ரேன்ஜ் வழங்குகிறது. இதன் பேஸ் மாடலில் உள்ள எலெக்ட்ரிக் மோட்டார் 201 ஹெச்.பி. பவர், 310 நியூட்டன் மீட்டர் டார்க் இழுவிசையை வெளிப்படுத்துகிறது. இதன் டாப் என்ட் மாடலில் உள்ள பேட்டரி 308 ஹெச்.பி. பவர், 360 நியூட்டன் மீட்டர் டார்க் இழுவிசையை வெளிப்படுத்துகிறது. இதன் பெர்ஃபார்மன்ஸ் வேரியண்ட் 523 ஹெச்.பி. பவர், 670 நியூட்டன் மீட்டர் டார்க் இழுவிசையை வெளிப்படுத்துகிறது.

    விலை விவரங்கள்:

    பி.ஒய்.டி. சீல் டைனமிக் ரூ. 41 லட்சம்

    பி.ஒய்.டி. சீல் பிரீமியம் ரூ. 45 லட்சத்து 55 ஆயிரம்

    பி.ஒய்.டி. சீல் பெர்ஃபார்மன்ஸ் ரூ. 53 லட்சம்

    அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. 

    • டார்க் எடிஷன் மாடல்களில் முழுமையான கருப்பு நிறம் பூசப்பட்டுள்ளது.
    • நெக்சான் EV டார்க் எடிஷன் லாங் ரேன்ஜ் வேரியண்டில் மட்டுமே கிடைக்கிறது.

    டாடா மோட்டார்ஸ் நிறுவனம் தனது நெக்சான் டார்க் எடிஷன் மாடல்களை இந்திய சந்தையில் அறிமுகம் செய்தது. டார்க் எடிஷன் மாடல்கள் ஃபேஸ்லிஃப்ட்-க்கு முந்தைய வெர்ஷன்களிலும் கிடைத்தது. புதிய ஸ்பெஷல் எடிஷன் வேரியண்ட்களில் ஏராளமான காஸ்மடிக் மாற்றங்கள் மேற்கொள்ளப்பட்டுள்ளன.

    புதிய டாடா நெக்சான் டார்க் எடிஷன் விலை ரூ. 11 லட்சத்து 45 ஆயிரம் என துவங்குகிறது. டாடா நெக்சான் EV டார்க் எடிஷன் விலை ரூ. 19 லட்சத்து 49 ஆயிரம் என நிரணயம் செய்யப்பட்டு உள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.

     


    தோற்றத்தில் நெக்சான் மற்றும் நெக்சான் EV டார்க் எடிஷன் மாடல்களில் முழுமையான கருப்பு நிறம் பூசப்பட்டு, பிளாக் அலாய் வீல்கள், ரூஃப் ரெயில்கள், டாடா லோகோ வழங்கப்பட்டு இருக்கிறது. இன்டீரியரிலும் பிளாக் தீம் செய்யப்பட்டுள்ளது. பிளாக் நிற லெதர் இருக்கைகள், டேஷ்போர்டு மற்றும் சென்டர் கன்சோல் என அனைத்தும் கருப்பு நிறத்தில் காட்சியளிக்கிறது.

    தோற்றத்தில் மட்டும் மாற்றங்கள் மேற்கொள்ளப்பட்டு இருக்கும் நிலையில், பவர்டிரெயின் ஆப்ஷன்களில் எந்த மாற்றமும் மேற்கொள்ளப்படவில்லை. அந்த வகையில், புதிய டார்க் எடிஷனிலும் 1.2 லிட்டர் டர்போ பெட்ரோல் மற்றும் 1.5 லிட்டர் டீசல் என்ஜின்கள் வழங்கப்படுகின்றன. இவை முறையே 87 ஹெச்.பி. பவர், 170 நியூட்டன் மீட்டர் டார்க் மற்றும் 84.5 ஹெச்.பி. பவர், 260 நியூட்டன் மீட்டர் டார்க் இழுவிசையை வெளிப்படுத்துகின்றன.

    இதன் பெட்ரோல் என்ஜினுடன் 6 ஸ்பீடு மேனுவல், AMT, DCT கியர்பாக்ஸ், டீசல் என்ஜினுடன் 6 ஸ்பீடு மேனுவல் அல்லது AMT கியர்பாக்ஸ் ஆப்ஷன்கள் வழங்கப்படுகின்றன. டாடா நெக்சான் EV டார்க் எடிஷன் லாங் ரேன்ஜ் வேரியண்டில் மட்டுமே கிடைக்கிறது. இதில் எலெக்ட்ரிக் மோட்டார் 143 ஹெச்.பி. பவர், 215 நியூட்டன் மீட்டர் டார்க் இழுவிசையை வெளிப்படுத்துகிறது. இந்த கார் முழு சார்ஜ் செய்தால் 465 கிலோமீட்டர் ரேன்ஜ் வழங்குகிறது.

    • ஹூண்டாய் பிரான்டிங்கில் மூன்றாவது N சீரிஸ் மாடல் இது.
    • கிரெட்டா N லைன் மாடலின் புகைப்படங்கள் வெளியானது.

    ஹூண்டாய் நிறுவனம் தனது கிரெட்டா N லைன் மாடலுக்கான முன்பதிவை துவங்கியது. புதிய காருக்கான முன்பதிவு கட்டணம் ரூ. 25 ஆயிரம் ஆகும். இந்திய சந்தையில் மார்ச் 11-ம் தேதி புதிய கிரெட்டா N லைன் மாடல் அறிமுகம் செய்யப்பட இருக்கிறது. ஹூண்டாய் பிரான்டிங்கில் மூன்றாவது N சீரிஸ் மாடலாக கிரெட்டா அறிமுகமாக உள்ளது.

    புதிய கிரெட்டா N லைன் மாடலின் வெளிப்புறம் மற்றும் உள்புறங்களில் ஸ்போர்ட் அம்சங்கள் வழங்கப்படுகிறது. முன்னதாக ஹூண்டாய் நிறுவனம் தனது கிரெட்டா N லைன் மாடலின் புகைப்படங்களை வெளியிட்டது. இதன் முன்புறம் ஸ்போர்ட் தோற்றம் கொண்டிருக்கிறது. இத்துடன் புதிய கிரில் மற்றும் பம்ப்பர் வழங்கப்பட்டு இருக்கிறது.

     


    ஹெட்லேம்ப் மற்றும் எல்.இ.டி. லைட்களில் எவ்வித மாற்றமும் மேற்கொள்ளப்படவில்லை. இந்த காரின் பிரேக் கேலிப்பர்கள் சிவப்பு நிறம் கொண்டிருக்கின்றன. பின்புறம் ரூஃப்-இல் ஸ்பாயிலர் உள்ளது. இத்துடன் ஸ்போர்ட் பம்ப்பர், டிஃப்யூசர் உள்ளது. கிரெட்டா N லைன் மாடல் தண்டர் புளூ மற்றும் பிளாக் ரூஃப் எனும் புதிய ஆப்ஷனில் கிடைக்கிறது.

    புதிய கிரெட்டா N லைன் மாடலில் 1.5 லிட்டர், 4 சிலிண்டர் டர்போ பெட்ரோல் என்ஜின் வழங்கப்பட்டு உள்ளது. இந்த என்ஜின் 160 ஹெச்.பி. பவர், 253 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 7 ஸ்பீடு டூயல் கிளட்ச் ஆட்டோமேடிக் கியர்பாக்ஸ் வழங்கப்படுகிறது. இத்துடன் 6 ஸ்பீடு மேனுவல் கியர்பாக்ஸ் வழங்கப்படும் என்று தெரிகிறது.

    • எலெக்ட்ரிக் எஸ்.யு.வி.-க்கான காப்புரிமை கோரி விண்ணப்பித்தது.
    • இந்த கார் 200 கி.மீ. ரேன்ஜ் வழங்கும் என தகவல்.

    வியட்நாமை சேர்ந்த வின்பாஸ்ட் நிறுவனம் சமீபத்தில் இந்திய சந்தையில் களமிறங்கியது. மேலும் தமிழ்நாட்டில் தனது வாகனங்களை உற்பத்தி செய்வதற்கான ஆலையை கட்டமைத்து வருகிறது. இந்த வரிசையில் வின்பால்ட் நிறுவனம் தனது முதல் எலெக்ட்ரிக் வாகனம், VF3 காம்பேக்ட் எலெக்ட்ரிக் எஸ்.யு.வி.-க்கான காப்புரிமை கோரி விண்ணப்பித்து இருக்கிறது.

    புதிய வின்பாஸ்ட் VF3 மாடல் இந்திய சந்தையில் எம்.ஜி. கொமெட் EV மாடலுக்கு போட்டியாக அமைகிறது. தற்போது காப்புரிமை கோரி விண்ணப்பிக்கப்பட்டு இருக்கும் நிலையில், வின்பாஸ்ட் VF3 மாடல் எப்போது அறிமுகம் செய்யப்படும் என்பது பற்றி இதுவரை எந்த தகவலும் இல்லை.

     


    அளவீடுகளை பொருத்தவரை வின்பாஸ்ட் VF3 மாடல் 3190mm நீளம், 1678mm அகலம், 1620mm உயரமாக இருக்கிறது. இந்த காரின் பூட் ஸ்பேஸ் (இருக்கையின் பின்புறம் பொருட்களை வைத்துக் கொள்வதற்கான பகுதி) மட்டும் 550 லிட்டர்கள் ஆகும். இந்த காரில் வழங்கப்பட இருக்கும் பேட்டரி பேக் பற்றிய விவரங்கள் மர்மமாகவே உள்ளன.

    எனினும், வின்பாஸ்ட் VF3 எலெக்ட்ரிக் மின் எஸ்.யு.வி. மாடல் முழு சார்ஜ் செய்தால் 200 கிலோமீட்டர்கள் வரையிலான ரேன்ஜ் வழங்கும் என்று கூறப்படுகிறது. சர்வதேச சந்தையில் வின்பாஸ்ட் VF3 மாடல்- இகோ மற்றும் பிளஸ் என இரண்டு வேரியண்ட்களில் கிடைக்கிறது. இந்த கார் ஒற்றை மோட்டார் வடிவில் மட்டுமே விற்பனை செய்யப்படும் என தெரிகிறது.

    இந்த காரில் 10 இன்ச் அளவில் தொடுதிரை வசதி கொண்ட இன்போடெயின்மென்ட் சிஸ்டம், ஆண்ட்ராய்டு ஆட்டோ மற்றும் ஆப்பிள் கார் பிளே கனெக்டிவிட்டி வழங்கப்படுகிறது. இத்துடன் டிஜிட்டல் கிளஸ்டர், மல்டி ஃபன்ஷன் ஸ்டீரிங் வீல், 2-ஸ்போக் வீல் டிசைன் வழங்கப்படுகிறது. மேலும் ஆட்டோமேடிக் கிளைமேட் கண்ட்ரோல், டூயல் ஏர்பேக், குரூயிஸ் கண்ட்ரோல் போன்ற வசதிகள் வழங்கப்படுகிறது.

    • இந்த காரில் எர்த் எடிஷன் பேட்ஜ்கள் உள்ளன.
    • அலங்கரிக்கப்பட்ட VIN பிளேட் வழங்கப்படுகிறது.

    மஹிந்திரா நிறுவனம் தனது தார் சீரிசில் புதிய எடிஷனை அறிமுகம் செய்தது. தார் எர்த் எடிஷன் என அழைக்கப்படும் புதிய வெர்ஷன் தார் டெசர்ட்-ஐ தழுவி உருவாக்கப்பட்டு இருப்பதாக மஹிந்திரா தெரிவித்துள்ளது.

    புதிய மஹிந்திரா தார் எர்த் எடிஷன் மாடல் LX ஹார்டு டாப் 4x4 வடிவில் நான்கு வேரியண்ட்களில் கிடைக்கிறது. இதன் விலை ரூ. 15 லட்சத்து 40 ஆயிரம், எக்ஸ்-ஷோரூம் என துவங்குகிறது. இந்த காரின் வெளிப்புறம் டெசர்ட் ஃபியூரி சாடின் பெயின்ட் வழங்கப்பட்டு இருக்கிறது. இந்த காரில் எர்த் எடிஷன் பேட்ஜ்கள், மேட் பிளாக் பேட்ஜ்கள் மற்றும் சில்வர் நிற அலாய் வீல்கள் உள்ளன.

     


    இந்த காரின் உள்புறம் டூயல் டோன் பிளாக் மற்றும் லைட் பெய்க் நிற தீம் வழங்கப்பட்டுள்ளது. இதன் ஹெட்ரெஸ்ட்களில் டியூன் டிசைன்கள் உள்ளன. கதவுகளில் தார் பிரான்டிங் மற்றும் க்ரோம் சரவுன்ட்கள் வழங்கப்படுகின்றன. ஸ்பெஷல் எடிஷன் என்ற வகையில், இந்த மாடலில் அலங்கரிக்கப்பட்ட VIN பிளேட் வழங்கப்படுகிறது.

    மஹிந்திரா தார் எர்த் எடிஷன் மாடலில் 2.0 லிட்டர் பெட்ரோல் மற்றும் 2.2 லிட்டர் டீசல் என்ஜின்கள் வழங்கப்படுகின்றன. இவற்றுடன் 6 ஸ்பீடு மேனுவல் மற்றும் டார்க் கன்வெர்ட்டர் ஆட்டோமேடிக் டிரான்ஸ்மிஷன்கள் வழங்கப்படுகின்றன. இத்துடன் விசேஷ அக்சஸரீக்கள் வழங்கப்படுகின்றன.

     


    புதிய மஹிந்திரா தார் எர்த் எடிஷன் விலை விவரங்கள்:

    தார் எர்த் எடிஷன் பெட்ரோல் மேனுவல் ரூ. 15 லட்சத்து 40 ஆயிரம்

    தார் எர்த் எடிஷன் பெட்ரோல் ஆட்டோமேடிக் ரூ. 16 லட்சத்து 99 ஆயிரம்

    தார் எர்த் எடிஷன் டீசல் மேனுவல் ரூ. 16 லட்சத்து 15 ஆயிரம்

    தார் எர்த் எடிஷன் டீசல் ஆட்டோமேடிக் ரூ. 17 லட்சத்து 60 ஆயிரம்

    அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

    • காம்பேக்ட் எஸ்.யு.வி., எலெக்ட்ரிக் மாடல்களின் இந்திய வெளியீடு உறுதியானது.
    • ஸ்கோடா நிறுவனம் புதிய மாடல்களை அறிமுகம் செய்ய இருக்கிறது.

    ஸ்கோடா இந்தியா நிறுவனம் உள்நாட்டில் தனது எதிர்கால திட்டம் குறித்த விவரங்களை வெளியிட்டுள்ளது. அதனப்டி ஸ்கோடாவின் முற்றிலும் புதிய காம்பேக்ட் எஸ்.யு.வி. மற்றும் எலெக்ட்ரிக் மாடல்களின் இந்திய வெளியீடு உறுதியாகி இருக்கிறது.

    முன்னதாக இந்தியா 2.0 எனும் திட்டத்தின் கீழ் ஸ்கோடா மற்றும் வோக்ஸ்வேகன் இரண்டு புதிய வாகனங்களை அறிமுகம் செய்தன. இவை வாடிக்கையாளர்கள் மத்தியில் நல்ல வரவேற்பை பெற்றன. அந்த வகையில் தற்போது எதிர்கால திட்டத்தின் கீழ் ஸ்கோடா நிறுவனம் புதிய மாடல்களை அறிமுகம் செய்ய இருப்பதாக தெரிவித்துள்ளது.

     

    புதிய காம்பேக்ட் எஸ்.யு.வி. மாடல்- க்விக், கிமக், கிளக், கரிக் அல்லது கிரோக் பெயர்களில் ஒன்றுடன் விற்பனைக்கு அறிமுகம் செய்யப்படும் என தெரிகிறது. புதிய ஸ்கோடா எஸ்.யு.வி. மாடலில் 1.0 லிட்டர் TSI பெட்ரோல் என்ஜின் மற்றும் மேனுவல், ஆட்டோமேடிக் கியர்பாக்ஸ் ஆப்ஷன்கள் வழங்கப்படும் என தெரிகிறது.

    எஸ்.யு.வி. எப்படி காட்சியளிக்கும் என்பது தொடர்பாக ஸ்கோடா வெளியிட்ட டீசர்களில், புதிய காரின் முன்புறம் ஸ்ப்லிட் எல்.இ.டி. ஹெட்லேம்ப் டிசைன், எல்.இ.டி. டி.ஆர்.எல்.-கள், உயரமான பொனெட் மற்றும் ரிட்ஜ்கள், ரூஃப் ரெயில்கள், சற்றே தடிமனான வீல் ஆர்ச்கள் வழங்கப்படுவது உறுதியாகி இருக்கிறது.

    புதிய ஸ்கோடா எஸ்.யு.வி. மாடல் அந்நிறுவனத்தின் குஷக் மாடலின் கீழ் நிலை நிறுத்தப்படும். புதிய எஸ்.யு.வி. டாடா நெக்சான், ஹூண்டாய் வென்யூ, கியா சொனெட், மஹிந்திரா XUV300 மற்றும் இதர சப்-4 மீட்டர் எஸ்.யு.வி. மாடல்களுக்கு போட்டியாக அமையும்.

    • இதில் 60-க்கும் அதிக கனெக்டெட் கார் அம்சங்கள் உள்ளன.
    • புதிய ஸ்கார்பியோ கார் இருவித என்ஜின் ஆப்ஷன்களை கொண்டுள்ளது.

    மஹிந்திரா நிறுவனம் இந்திய சந்தையில் ஸ்கார்பியோ N Z8 செலக்ட் வேரியண்டை அறிமுகம் செய்தது. புதிய வேரியண்ட் விலை ரூ. 16 லட்சத்து 99 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. மூன்றடுக்கு இருக்கை கொண்ட இந்த எஸ்யு.வி. மாடல் பெட்ரோல் மற்றும் டீசல் என இருவித பவர்டிரெயின் மற்றும் மேனுவல், ஆட்டோமேடிக் கியர்பாக்ஸ் ஆப்ஷன்களில் கிடைக்கிறது.

    இந்த கார் பிரத்யேகமாக மிட்நைட் பிளாக் நிறத்தில் கிடைக்கிறது. Z8 செலக்ட் வேரியண்டில் டபுல் பேரல் எல்.இ.டி. ஹெட்லேம்ப், எல்.இ.டி. டி.ஆர்.எல்.கள், எல்.இ.டி. ஃபாக் லேம்ப்கள், 17 இன்ச் டைமண்ட் கட் அலாய் வீல்கள், எல்.இ.டி. இன்டிகேட்டர்கள் வழங்கப்பட்டுள்ளன.

     


    புதிய காரின் கேபின் பகுதியில் காஃபி பிளாக் லெதர் தீம் கொண்டிருக்கிறது. இத்துடன் 8 இன்ச் அளவில் டச் ஸ்கிரீன் மற்றும் வயர்லெஸ் மொபைல் கனெக்டிவிட்டி, 7 இன்ச் அளவில் கலர் டி.எஃப்.டி. டிஸ்ப்ளே, பில்ட்-இன் அலெக்சா, சன்ரூஃப், அட்ரினாக்ஸ் கனெக்ட், 60-க்கும் அதிக கனெக்டெட் கார் அம்சங்கள் உள்ளன.

    மஹிந்திரா ஸ்கார்பியோ N Z8 செலக்ட் மாடலில்- 2.0 லிட்டர் டர்போ பெட்ரோல் என்ஜின் மற்றும் 2.2 லிட்டர் டீசல் என்ஜின் ஆப்ஷன்கள் வழங்கப்படுகின்றன. இவை முறையே 200 ஹெச்.பி. பவர், 380 நியூட்டன் மீட்டர் டார்க் மற்றும் 172 ஹெச்.பி. பவர், 400 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கின்றன. இவற்றுடன் 6 ஸ்பீடு மேனுவல் கியர்பாக்ஸ் மற்றும் 6 ஸ்பீடு டார்க் கன்வெர்ட்டர் யூனிட் வழங்கப்படுகிறது.

    இந்திய சந்தையில் ஸ்கார்பியோ N Z8 செலக்ட் மாடலின் பெட்ரோல் மேனுவல் வெர்ஷன் விலை ரூ. 16 லட்சத்து 99 ஆயிரம் என்றும் Z8 செலக்ட் பெட்ரோல் ஆட்டோமேடிக் விலை ரூ. 18 லட்சத்து 49 ஆயிரம் என்றும் Z8 செலக்ட் டீசல் மேனுவல் வேரியண்ட் விலை ரூ. 17 லட்சத்து 99 ஆயிரம் என்றும் Z8 டீசல் ஆட்டோமேடிக் விலை ரூ. 18 லட்சத்து 99 ஆயிரம் என்றும் நிர்ணயம் செய்யப்பட்டு உள்ளது.

    • ஸ்கார்பியோ பிரான்டு விரிவுப்படுத்தப்படும் என மஹிந்திரா அறிவித்தது.
    • தென் ஆப்பிரிக்காவில் ஸ்கார்பியோ பிக்-அப் கான்செப்ட் காட்சிப்படுத்தப்பட்டது.

    மஹிந்திரா நிறுவனம் ஸ்கார்பியோ எக்ஸ் (Scorpio X) என்ற பெயரை தனது புதிய மாடலில் பயன்படுத்துவதற்காக டிரேட்மார்க் பெற்றுள்ளது. எதிர்காலத்தில் ஸ்கார்பியோ பிரான்டு விரிவுப்படுத்தப்படும் என மஹிந்திரா நிறுவனம் ஏற்கனவே அறிவித்து இருந்தது.

    மேலும் கடந்த ஆண்டு நடைபெற்ற ஆட்டோ நிகழ்வில் குளோபல் பிக்-அப் கான்செப்ட் மாடலையும் காட்சிப்படுத்தியது. அந்த வரிசையில், பிக்-அப் கான்செப்ட் மாடலுக்கு ஸ்கார்பியோ எக்ஸ் பெயர் சூட்டப்படலாம் என கூறப்படுகிறது. தென் ஆப்பிரிக்காவில் ஸ்கார்பியோ பிக்-அப் கான்செப்ட் காட்சிப்படுத்தப்பட்டது.

     


    இந்த மாடல் தென் ஆப்பிரிக்கா, மத்திய கிழக்கு போன்ற சந்தைகளில் அறிமுகம் செய்யப்படும் என கூறப்பட்டது. இந்த நிலையில், தற்போது வெளியாகி இருக்கும் தகவல்களில் புதிய பிக்-அப் ஸ்கார்பியோ எக்ஸ் பெயரில் அறிமுகம் செய்யப்படும் என்றும் இந்த மாடல் அடுத்த தலைமுறை லேடர் ஃபிரேமில் உருவாக்கப்படுவதும் உறுதியாகி இருக்கிறது.

    புதிய ஸ்கார்பியோ எக்ஸ் மாடலில் ஜென் 2 ஆல்-அலுமினியம் எம்ஹாக் டீசல் என்ஜின் வழங்கப்படும் என தெரிகிறது. இத்துடன் 6 ஸ்பீடு மேனுவல் அல்லது 6 ஸ்பீடு ஆட்டோமேடிக் கியர்பாக்ஸ் வழங்கப்படலாம். இத்துடன் 4-வீல் டிரைவ், நான்கு டிரைவ் மோட்கள் வழங்கப்படும் என தெரிகிறது. சந்தையை பொருத்து இந்த மாடல் பெட்ரோல் என்ஜின் ஆப்ஷனிலும் கிடைக்கும் என கூறப்படுகிறது.

    • சுசுகி எர்டிகா குரூயிஸ் மாடலில் காஸ்மடிக் மாற்றங்கள் செய்யப்பட்டுள்ளன.
    • இந்த காரில் மைல்டு ஹைப்ரிட் என்ஜின் வழங்கப்பட்டு இருக்கிறது.

    இந்தோனேசிய சர்வதேச மோட்டார் விழா 2024-இல் சுசுகி நிறுவனம் தனது எர்டிகா குரூயிஸ் மாடலை அறிமுகம் செய்துள்ளது. இந்த மாடல் மூலம் சுசுகி நிறுவனம் எர்டிகாவுக்கு காஸ்மடிக் அப்கிரேடுகளை செய்துள்ளது. புதிய எர்டிகா குரூயிஸ் மாடலின் பேஸ் வேரியன்ட் விலை IDR 288 மில்லியன், இந்திய மதிப்பில் ரூ. 15.3 லட்சம் என நிர்ணயம் செய்யப்பட்டு உள்ளது.

    இதன் ஆட்டோமேடிக் வெர்ஷனின் விலை IDR 301 மில்லியன், இந்திய மதிப்பில் ரூ. 16 லட்சம் என நிர்ணயம் செய்யப்பட்டு உள்ளது. இந்த காரின் முகப்பு பகுதியில் இன்வெர்ட் செய்யப்பட்ட L வடிவ டேடைம் ரன்னிங் லைட்கள் வழங்கப்பட்டுள்ளன. இவை மேம்பட்ட பம்ப்பரில் பொருத்தப்பட்டுள்ளன. இதனை சுற்றி ஃபாக் லேம்ப்கள் உள்ளன. இவை காருக்கு ஸ்போர்ட் தோற்றத்தை வழங்குகின்றன.

     


    இதில் உள்ள கருப்பு நிற கிரில் பகுதியை சுற்றி க்ரோம் ட்ரிம் உள்ளது. இவை ஹெட்லேம்ப்களை சுற்றியும் வழங்கப்பட்டுள்ளது. இத்துடன் பிளாக் டீகல்கள் வழங்கப்பட்டுள்ளன. இந்த கார் கூல் பிளாக் மற்றும் பியல் வைட்/கூல் பிளாக் டூ-டோன் நிற ஆப்ஷன்களில் கிடைக்கிறது. எர்டிகா ஸ்டான்டர்டு மாடல் ஏழு நிறங்களில் கிடைக்கிறது.

    2024 சுசுகி எர்டிகா குரூயிஸ் மாடலில் பெரிய பேட்டரி பேக் கொண்ட மைல்டு ஹைப்ரிட் சிஸ்டம் வழங்கப்பட்டு இருக்கிறது. இதில் 1.5 லிட்டர் நான்கு சிலிண்டர்கள் கொண்ட பெட்ரோல் என்ஜின் வழங்கப்பட்டுள்ளது. இந்த என்ஜின் 104 பி.எஸ். பவர், 138 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

    முற்றிலும் புதிய சுசுகி எர்டிகா குரூயிஸ் மாடல் இந்தியாவில் அறிமுகம் செய்யப்படுமா என்பது கேள்விக்குறியாகவே உள்ளது. இந்திய சந்தையில் தற்போது விற்பனை செய்யப்படும் மாருதி சுசுகி எர்டிகா மாடலின் விலை ரூ. 8 லட்சத்து 69 ஆயிரம் என துவங்கி அதிகபட்சம் ரூ. 13 லட்சத்து 03 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. 

    • இந்த கான்செப்ட் மாடல் மே மாதம் வரை காட்சிக்கு வைக்கப்படும்.
    • பாரத் மொபிலிட்டி கண்காட்சியில் மெர்சிடிஸ் EQG கான்செப்ட் காட்சிப்படுத்தப்பட்டது.

    மெர்சிடிஸ் பென்ஸ் நிறுவனம் தனது AMG GT6 கான்செப்ட் மாடலை நீட்டா முகேஷ் அம்பானி கலாசார மையத்தில் காட்சிக்கு வைத்துள்ளது. இந்த கான்செப்ட் கார் இந்த ஆண்டு மே மாதம் வரை காட்சிக்கு வைக்கப்படும் என்று அறிவிக்கப்பட்டுள்ளது.

    முன்னதாக மெர்சிடிஸ் நிறுவனம் தனது விஷன் மெர்சிடிஸ் மேபேக் 6 எலெக்ட்ரிக் கான்செப்ட் மாடலை காட்சிக்கு வைத்தது. சமீபத்தில் நடைபெற்று முடிந்த பாரத் மொபிலிட்டி கண்காட்சியில் மெர்சிடிஸ் EQG கான்செப்ட் காட்சிப்படுத்தப்பட்டது. 2013-இல் வெளியான கிரான் டூரிஸ்மோ வீடியோ கேமில் இந்த கார் இடம்பெற்று இருந்தது.

     


    இதைத் தொடர்ந்து சர்வதேச அளவில் பல்வேறு கண்காட்சிகளில் இந்த கான்செப்ட் கார் காட்சிக்கு வைக்கப்பட்டுள்ளது. இந்த வரிசையில், தான் தற்போது மெர்சிடிஸ் AMG GT6 கான்செப்ட் மாடல் இந்தியாவில் காட்சிப்படுத்தப்பட்டு இருக்கிறது. இந்த கான்செப்ட் மாடல் பாரம்பரியம் மிக்க 300 SL ரேஸ் கார் நினைவாக அமைகிறது.

    இந்த காரின் கிரில் பகுதியில் எல்.இ.டி.-க்கள் பொருத்தப்பட்டுள்ளன. இத்துடன் முன்புற ஹின்ஜ் கொண்ட பொனெட் மற்றும் எல்.இ.டி. ஹெட்லேம்ப் செட்டப் வழங்கப்பட்டுள்ளது. டிசைனை பொருத்தவரை இந்த கார் லோ-ஸ்லங் பாடி, கல்-விங் ரக கதவுகள், இன்டகிரேட் செய்யப்பட்ட டிஃப்யூசர் மற்றும் ஸ்பாயிலர் உள்ளிட்டவை வழங்கப்பட்டுள்ளன.

    மெர்சிடிஸ் AMG GT6 கான்செப்ட் மாடல் 2017-இல் வெளியான ஜஸ்டிஸ் லீக் திரைப்படத்தில் புரூஸ் வேன் பயன்படுத்துவது போன்ற காட்சிகள் இடம்பெற்றுள்ளன. AMG GT6 கான்செப்ட் மாடலில் 585 ஹெச்.பி. பவர், 800 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்ட V8 என்ஜின் வழங்கப்பட்டு இருக்கிறது. இதே என்ஜின் AMG E 63 S மாடலிலும் உள்ளது.

    • அதிக அம்சங்கள் நிறைந்த கேபின் உள்ளது.
    • புதிய பவர்டிரெயின் ஆப்ஷன்களை கொண்டிருக்கிறது.

    ரெனால்ட் நிறுவனம் முற்றிலும் புதிய டஸ்டர் மாடலை சர்வதேச சந்தையில் அறிமுகம் செய்தது. புதிய மிட் சைஸ் எஸ்.யு.வி. மாடல் இந்திய சந்தையில் அடுத்த ஆண்டு அறிமுகம் செய்யப்படும் என தகவல்கள் வெளியாகி வருகிறது. புதிய தலைமுறை ரெனால்ட் டஸ்டர் மாடல் அதிநவீன ஸ்டைலிங், அதிக அம்சங்கள் நிறைந்த கேபின் மற்றும் புதிய பவர்டிரெயின் ஆப்ஷன்களை கொண்டிருக்கிறது.

    புதிய காரின் வெளிப்புறம் ரக்கட் எஸ்.யு.வி. போன்ற தோற்றத்தை வழங்கும் வகையில் டிசைன் செய்யப்பட்டு உள்ளது. இத்துடன் Y வடிவ எல்.இ.டி. டி.ஆர்.எல்.கள், முன்புறம் மற்றும் பின்புறம் ரிவைஸ் செய்யப்பட்டு உள்ளது. இத்துடன் பின்புறத்தில் Y வடிவம் கொண்ட ராப்-அரவுண்ட் எல்.இ.டி. டெயில் லைட்கள் வழங்கப்பட்டுள்ளன.

     


    இத்துடன் பருத்த வீல் ஆர்ச்கள், பாடி கிளாடிங், ரூஃப் ரெயில்கள், பில்லரில் மவுன்ட் செய்யப்பட்ட கைப்பிடிகள், எக்ஸ்டென்ட் செய்யப்பட்ட ரூஃப் ஸ்பாயிலர் மற்றும் முரட்டுத்தனமான பம்ப்பர்கள் வழங்கப்பட்டு இருக்கின்றன.

    காரின் உள்புறத்தில் 10.1 இன்ச் அளவில் டச் ஸ்கிரீன் வசதி கொண்ட இன்ஃபோடெயின்மென்ட் சிஸ்டம், 360 டிகிரி சரவுன்ட் கேமரா, ADAS சூட், Y வடிவம் கொண்ட ஏ.சி. வென்ட்கள், டிஜிட்டல் இன்ஸ்ட்ரூமென்ட் கிளஸ்டர், ஸ்டீரிங் மவுன்ட் செய்யப்பட்ட கன்ட்ரோல்கள், புதிய ஸ்டீரிங் வீல், ரிடிசைன் செய்யப்பட்ட சென்டர் கன்சோல், புதிய கியர் செலக்டர் டயல் உள்ளன.

    பவர்டிரெயினை பொருத்தவரை சர்வதேச சந்தையில் புதிய தலைமுறை ரெனால்ட் டஸ்டர் மாடல் 1.6 லிட்டர் பெட்ரோல் ஹைப்ரிட், 1.2 லிட்டர் பெட்ரோல் ஹைப்ரிட் மற்றும் 1.0 லிட்டர் டர்போ பெட்ரோல் மோட்டார் மற்றும் எல்.பி.ஜி. வசதி வழங்கப்படுகிறது. இவற்றில் இரு ஆப்ஷன்கள் இந்திய சந்தையில் கிடைக்கும் என தெரிகிறது.

    இந்திய சந்தையில் அறிமுகம் செய்யப்படும் பட்சத்தில் புதிய தலைமுறை ரெனால்ட் டஸ்டர் மாடல் ஹூண்டாய் கிரெட்டா, கியா செல்டோஸ், ஹோண்டா எலிவேட், மாருதி சுசுகி கிரான்ட் விட்டாரா, டொயோட்டா அர்பன் குரூயிசர் ஹைரைடர், சிட்ரோயன் C3 ஏர்கிராஸ் மற்றும் எம்.ஜி. ஆஸ்டர் போன்ற மாடல்களுக்கு போட்டியாக அமையும்.

    • மிட்-சைஸ் எஸ்.யு.வி. பிரிவில் நிலைநிறுத்தப்படுகிறது.
    • உற்பத்திக்கு தயார் நிலையில் காட்சியளித்தது.

    டாடா மோட்டார்ஸ் நிறுவனத்தின் அதிகம் எதிர்பார்க்கப்படும் மாடல்களில் ஒன்றாக டாடா கர்வ் இருந்து வருகிறது. விரைவில் அறிமுகம் செய்யப்பட இருக்கும் டாடா கர்வ் மாடல் இந்திய சந்தையில் அதிக போட்டியை ஏற்படுத்தும் மிட்-சைஸ் எஸ்.யு.வி. பிரிவில் நிலைநிறுத்தப்படுகிறது.

    சமீபத்தில் நடைபெற்று முடிந்த பாரத் மொபிலிட்டி கண்காட்சியில் காட்சிக்கு வைக்கப்பட்ட டாடா கர்வ் டீசல் மாடல் உற்பத்திக்கு தயார் நிலையில் காட்சியளித்தது. இந்த மாடலின் புகைப்படங்களை உற்று நோக்கும் போது, அதன் இன்டீரியர் நெக்சான் மாடலில் இருப்பதை போன்றே வழங்கப்பட்டு இருப்பது அம்பலமாகி இருக்கிறது.

     


    அதன்படி டாடா கர்வ் இன்டீரியரில், மல்டி-லேயர் டேஷ்போர்டு, 2 ஸ்போக் ஸ்டீரிங் வீல் வழங்கப்பட்டு இருக்கிறது. இதில் உள்ள இன்ஃபோடெயின்மென்ட் மற்றும் டிரைவர் டிஸ்ப்ளேவுக்கான 10.25 இன்ச் ஸ்கிரீன்கள் நெக்சான் மாடலில் உள்ளதை போன்ற தோற்றம் கொண்டுள்ளன. இத்துடன் ஸ்விட்ச் கியர் மற்றும் பட்டன்களும் ஒரே மாதிரியே காட்சியளிக்கின்றன.

    பாதுகாப்பிற்கு டாடா கர்வ் மாடலில் பின்புறம் டிஸ்க் பிரேக், பார்க்கிங் சென்சார்கள், 360 டிகிரி கேமரா, பிலைன்ட் ஸ்பாட் மானிட்டர், ரியர் வைப்பர் வழங்கப்படுகிறது. இத்துடன் ஆறு ஏர்பேக், ESC, ஹீல் ஹோல்டு அசிஸ்ட், டயர் பிரஷர் மானிட்டர், ஏர் பியூரிஃபயர் உள்ளிட்டவை வழங்கப்படுகிறது. 

    ×