இந்தியாவில் அதிகம் விற்பனையாகும் கார் குறித்த விவரங்கள் வெளியாகியுள்ளது. அதன்படி ஆகஸ்டு 2018 மாதத்தில் அதிகம் விற்பனையான காராக மாரு ஆல்டோ இருக்கிறது.
அந்த வகையில் கடந்த ஆண்டு இந்தியாவில் அறிமுகமான மாருதி சுசுகி டிசையர் அதிகம் விற்பனையாகும் கார்களின் பட்டியலில் இரண்டாம் இடத்துக்கு தள்ளப்பட்டுள்ளது. இந்தியாவில் அறிமுகமானது முதல் அதிகம் விற்பனையாகும் கார்களில் முதலிடம் பிடித்து வந்தது குறிப்பிடத்தக்கது.
மாருதி டிசையர் நுகர்வோர் மற்றும் வணிக ரீதியில் கால் டாக்சி போன்றவற்றுக்கும் பயன்படுத்தப்படுகிறது. முதலிடத்தை இழந்து இருந்தாலும், அதிகம் விற்பனையாகும் காம்பேக்ட் செடான் மாடலாக இறுக்கிறது. இதுதவிர அறிமுகமானது முதல் ஆகஸ்டு மாதத்தில் மிக குறைந்த விற்பனையை பதிவு செய்திருக்கிறது.
விற்பனை சரிவுக்கு முக்கிய காரணமாக ஹோன்டா அமேஸ் இருப்பதாக கூறப்படுகிறது. புதிய மாடலின் உள்புறம் அதிகம் மேம்படுத்தப்பட்டு, அதிக சவுகரியமாக இருக்கிறது. இரண்டாம் தலைமுறை அமேஸ் மாடலில் 1.2 லிட்டர் பெட்ரோல், 1.5 லிட்டர் டீசல் இன்ஜின் ஆப்ஷன்களில் கிடைக்கிறது.
விலையை பொருத்த வரை மாருதி டிசையர் ரூ.5.45 லட்சம் (எக்ஸ்-ஷோரூம், டெல்லி) என நிர்ணயம் செய்யப்பட்டுள்ளது. ஹோன்டா அமேஸ் மாடலின் பேஸ் வேரியன்ட் விலை ரூ.5.60 லட்சம் (எக்ஸ்-ஷோரூம், டெல்லி) என நிர்ணயம் செய்யப்பட்டுள்ளது.
