சென்னை:
பி.எம்.டபுள்யூ. 6 சீரிஸ் முதல் கார் சென்னை தயாரிப்பு ஆலையில் இருந்து வெளியிடப்பட்டுள்ளது.
இந்தியாவின் முதல் பி.எம்.டபுள்யூ. 6 சீரிஸ் கிரான் டூரிஸ்மோ மாடலை வெளியிடுவதில் பி.எம்.டபுள்யூ. சென்னை தயாரிப்பு ஆலை பெருமிதம் கொள்கிறது என அந்நிறுவன நிர்வாக தலைவர் ஜோக்கென் ஸ்டால்கேம்ப் தெரிவித்துள்ளார்.
பி.எம்.டபுள்யூ. 6 சீரிஸ் கிரான் டூரிஸ்மோ வித்தியாச மாடல் மட்டுமின்றி மேம்படுத்தப்பட்ட தொழில்நுட்பம் மற்று்ம் பல்வேறு புதுமைகளை கொண்டிருப்பதாக அவர் மேலும் தெரிவித்துள்ளார்.
இந்தியாவிலேயே தயாரிக்கப்பட்டு இருப்பதால் இந்திய ஆடம்பர கார்களின் பிரிவில் இந்த மாடல் குறிப்பிடத்தக்க இடத்தை பிடிக்கும். பி.எம்.டபுள்யூ. சென்னை தயாரிப்பு ஆலை வாடிக்கையாளர்கள் விரும்பும் தலைச்சிறந்த பொருட்களை மிகவும் நுனுக்கமாக விநியோகம் செய்ய கடமைப்பட்டிருக்கிறது.
சென்னையில் இயங்கி வரும் பி.எம்.டபுள்யூ. தயாரிப்பு ஆலையில் பி.எம்.டபுள்யூ. 3 சீரிஸ், பி.எம்.டபுள்யூ. 3 சீரிஸ் கிரான் டூரிஸ்மோ, பி.எம்.டபுள்யூ. 5 சீரிஸ், பி.எம்.டபுள்யூ. 6 சீரிஸ் கிரான் டூரிஸ்மோ, பி.எம்.டபுள்யூ. 7 சீரிஸ், பி.எம்.டபுள்யூ. X3 மற்றும் பி.எம்.டபுள்யூ. X5 உள்ளிட்ட மாடல்கள் தயாரிக்கப்படுகின்றன.
ஆட்டோ எக்ஸ்போ 2018-இல் அறிமுகம் செய்யப்பட்ட பி.எம்.டபுள்யூ. 6 சீரிஸ் கிரான் டூரிஸ்மோ முதல் கார் பெட்ரோல் வேரியண்ட் வெளியிடப்பட்டிருக்கிறது. இதன் டீசல் வேரியண்ட் மாடல் இந்த ஆண்டின் பிற்பாதியில் வெளியிடப்பட இருக்கிறது. #BMW
