ஹோன்டா மோட்டார்சைக்கிள்ஸ் நிறுவனம் இந்தியாவில் CB300R மோட்டார்சைக்கிளின் விநியோகம் செய்ய துவங்கியிருக்கிறது.
ஹோன்டா CB300R நியூ கஃபே ரேசர் மோட்டார்சைக்கிள் இந்தியாவில் சமீபத்தில் அறிமுகம் செய்யப்பட்டது. அந்த வகையில் மோட்டார்சைக்கிளின் முதற்கட்ட விநியோகம் சண்டிகர், டெல்லி, ஜெய்பூர் மற்றும் ஹரியானா உள்ளிட்ட பகுதிகளில் விநியோகம் செய்யப்படுகிறது.
இந்தியாவில் ஹோன்டா CB300R மோட்டார்சைக்கிள் விலை ரூ.2.41 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது. புதிய CB300R மோட்டார்சைக்கிள் இந்திய சந்தையில் ஹோன்டாவின் முதல் 300 சிசி மோட்டார்சைக்கிள் ஆகும். இந்தியாவில் அறிமுகமானது முதல் இதுவரை சுமார் 400க்கும் அதிகமானோர் இந்த மோட்டார்சைக்கிளை முன்பதிவு செய்திருக்கின்றனர்.
புதிய ஹோன்டா CB300R மோட்டார்சைக்கிளில் 286சிசி, லிக்விட்-கூல்டு, சிங்கிள் சிலிண்டர் என்ஜின் வழங்கப்படுகிறது. இந்த என்ஜின் 32 பி.எஸ். மற்றும் 27.5 என்.எம். செயல்திறன் வழங்குகிறது. இந்த என்ஜின் 6-ஸ்பீடு கியர்பாக்ஸ் உடன் வருகிறது. புதிய CB300R மோட்டார்சைக்கிள் இந்தியாவில் சி.கே.டி. முறையில் கொண்டு வரப்படுகிறது.
இந்தியாவில் புதிய CB300R மோட்டார்சைக்கிள் கே.டி.எம். 390 டியூக், கவாசகி நின்ஜா 400 மற்றும் யமஹா YZF-R3 உள்ளிட்ட மோட்டார்சைக்கிள்களுக்கு போட்டியாக அமைந்திருக்கிறது.
