புதுடெல்லி:
பஜாஜ் ஆட்டோ நிறுவனம் தனது ஃபிளாக்ஷிப் மோட்டார்சைக்கிளான டாமினர் 400 மாடலை விரைவில் வெளியிட இருப்பது கிட்டத்தட்ட உறுதியாகியுள்ள நிலையில், 2018 டாமினர் சார்ந்த தகவல்கள் இணையத்தில் தொடர்ந்து வெளியாகி வருகிறது.
பல்வேறு காஸ்மெடிக் மாற்றங்களுடன் வெளியாக இருக்கும் டாமினர் 400 கிளாசி ரெட் மற்றும் எலெக்ட்ரிக் புளூ நிற புகைப்படங்கள் ஏற்கனவே வெளியாகியிருந்தது.
முன்னதாக மேட் பிளாக் நிற டாமினர் ஏற்கனவே விற்பனை செய்யப்படும் நிலையில், தங்க நிற அலாய் வீல் புதிய மாடலில் வழங்கப்படுகிறது. புதிய 2018 பஜாஜ் டாமினர் மாடல்களிலும் தங்க நிற அலாய் வீல் வழங்கப்படும் என எதிர்பார்க்ப்படுகிறது. தற்போதைய டாமினர் மாடல் மிட்நைட் புளூ, டுவிலைட் பிளம், மூன் வைட் மற்றும் மேட் பிளாக் என நான்கு நிறங்களில் கிடைக்கிறது.
2018 டாமினர் 400 மாடலின் ஹேன்டிள்பேர், பெரிமீட்டர் ஃபிரேம், ஃபூட்பெக் அசெம்ப்ளி மற்றும் ஸ்ப்லிட் கிராப் ரெயில்களில் சில்வர் ஷேட் செய்யப்பட்டுள்ளது. புதிய சில்வர் அக்சென்ட் முந்தைய மோட்டார்சைக்கிளுடன் ஒப்பிடும் போது புதிய மோட்டார்சைக்கிளிற்கு புதிய தோற்றம் வழங்குகிறது. இதைதவிர மற்ற அம்சங்களில் எவ்வித மாற்றங்களும் மேற்கொள்ளப்படவில்லை.
புதிய 2018 பஜாஜ் டாமினர் 400 மாடலில் 373 சிசி ஃபியூயல் இன்ஜெக்டெட், லிக்விட் கூல்டு இன்ஜின் வழங்கப்பட்டுள்ளது. இந்த இன்ஜின் 34.5 பி.எச்.பி. பவர், 35 என்.எம். பீக் டார்கியூ செயல்திறன் கொண்டிருக்கும் என்றும், 6-ஸ்பீடு கியர்பாக்ஸ் மற்றும் ஸ்லிப்பர் கிளட்ச் கொண்டிருக்கும் என கூறப்படுகிறது.
தற்போதைய டாமினர் 400 ABS இல்லாத மாடல் விலை ரூ.1.42 லட்சம் என நிர்ணயம் செய்யப்பட்டுள்ளது. ABS வசதி கொண்ட பஜாஜ் டாமினர் 400 விலை ரூ.1.56 லட்சம் என நிர்ணயம் செய்யப்பட்டுள்ளது.
ராயல் என்ஃபீல்டு ஹிமாலயன் ஸ்லீட் இந்திய விற்பனை துவங்கியது
