கணினி

வியூசோனிக் நிறுவனம் இந்திய சந்தையில் புதிய VP-16 OLED, போர்டபில் டச் ஸ்கிரீன் மானிட்டரை அறிமுகம் செய்து இருக்கிறது. இந்த 15.6 இன்ச் கலர்ப்ரோ மானிட்டர் 1080 பிக்சல் ஃபுல் ஹெச்டி ரெசல்யூஷன், பான்டோன் வேலிடேஷன் வழங்கப்பட்டு இருக்கிறது.

இத்துடன் அட்ஜஸ்ட் செய்யக்கூடிய ஸ்டான்டு வழங்கப்படுகிறது. இது மானிட்டரை பல்வேறு கோணங்களில் வைத்து பயன்படுத்த வழி செய்கிறது. இதனுடன் வழங்கப்பட்டு இருக்கும் டிரைபாட் மவுன்ட் மூலம் மானிட்டரை ஐந்து கோணங்களில் வைத்துக் கொள்ள முடியும். இந்த மானிட்டரில் கேமராவை மவுன்ட் செய்து கொள்ளும் வசதியும் உள்ளது.

இதன் OLED டிஸ்ப்ளே, பரவலான கலர் கமுட், 100 சதவீதம் DCI-P3 கவரேஜ், அதிக காண்டிராஸ்ட் ரேஷியோ உள்ளது. இந்த மானிட்டர் உடன் கழற்றக்கூடிய பாதுகாப்பு கவர் வழங்கப்படுகிறது. இது ஆம்பியன்ட் பிரைட்னஸ் இருந்த போதிலும், ஷேடிங் ஹூட் போன்று செயல்படுகிறது.

கனெக்டிவிட்டியை பொருத்தவரை இந்த மானிட்டரில் யுஎஸ்பி டைப் சி கனெக்டிவிட்டி, 40 வாட் 2-வே பவர் சார்ஜிங் வழங்கப்பட்டு இருக்கிறது. இதை கொண்டு லேப்டாப் மூலம் பயன்படுத்தவோ அல்லது லேப்டாப், மொபைல் சாதனங்களுக்கு சார்ஜ் ஏற்றவோ முடியும். இத்துடன் மினி HDMI போர்ட், 3.5mm ஹெட்போன் ஜாக், டூயல் இன்டகிரேடெட் ஸ்பீக்கர்கள், எனர்ஜி ஸ்டார் சான்று உள்ளது.

புதிய வியூசோனிக் VP-16 OLED மானிட்டர், 15.6 இன்ச் டிஸ்ப்ளே விலை ரூ. 75 ஆயிரம் ஆகும். எனினும், இது ரூ. 49 ஆயிரத்து 999 (வரிகள் சேர்க்கப்படவில்லை) விலையில் விற்பனை செய்யப்படுகிறது. இதன் விற்பனை அமேசான் வலைதளம் மற்றும் இதர சில்லறை விற்பனை மையங்களில் நடைபெறுகிறது. 

சோனி இந்தியா நிறுவனம் BZ50L சீரிஸ் ஸ்மார்ட் டிவி மாடலை இந்திய சந்தையில் அறிமுகம் செய்து இருக்கிறது. பிரேவியா 4K HDR டிஸ்ப்ளே கொண்டிருக்கும் புதிய சோனி ஸ்மார்ட் டிவி வர்த்தக சூழலுக்கு ஏற்ற வகையில், அதிக உறுதியானதாகவும், தரமுள்ளதாகவும் உருவாக்கப்பட்டு இருக்கிறது.

புதிய BZ50L சீரிஸ் சீரான காட்சிகளை வெளிப்படுத்தும் நுட்பம், அகலமான வியூவிங் ஆங்கில், ஸ்மார்ட் சிஸ்டம் ஆன் சிப் பிளாட்ஃபார்ம் போன்ற வசதிகளை கொண்டிருக்கிறது. பிளாக்ஷிப் மாடலான BZ50L அதிகபட்சம் 780 நிட்ஸ் பிரைட்னஸ் மற்றும் சோனி XR பிராசஸிங் வசதி கொண்டுள்ளது. இவை சிறப்பான காட்சி அனுபவத்தை வழங்குகிறது.

இந்த டிஸ்ப்ளேவை சுவற்றில் எளிதில் மாட்டுவதற்கு ஏதுவாக சென்டர் அலைன்மென்ட் ரெயில் கிட் வழங்கப்படுகிறது. இதன் 98 இன்ச் BZ50L டிஸ்ப்ளே அதன் முந்தைய மாடல்களுடன் ஒப்பிடும் போது 22 சதவீதம் குறைந்த எடை, 28 சதவீதம் மெல்லிய பெசல்களை கொண்டிருக்கிறது.

சோனி BZ50L பிரேவியா டிஸ்ப்ளே அம்சங்கள்:

VESA ஹோல் பிட்ச்

98 இன்ச் ஸ்கிரீன்

HDR சப்போர்ட், HDR10, HLG, டால்பி விஷன்

போர்டிரெயிட் / டில்ட் வசதி

XR டிலைரலூமினஸ் ப்ரோ

காக்னிடிவ் பிராசஸர் XR

XR 4K அப்ஸ்கேலிங்

XR மோஷன் கிலேரிட்டி

டவுன் ஃபேரிங், சைடு பேக்

10 வாட் + 10 வாட் + 10 வாட் + 10 வாட்

ஆண்ட்ராய்டு ஒஎஸ்

32 ஜிபி மெமரி

க்ரோம்காஸ்ட் பில்ட்-இன், ஆப்பிள் ஏர்பிளே

விலை மற்றும் விற்பனை விவரங்கள்:

சோனி BZ50L ஸ்மார்ட் டிவி-யின் விலை ரூ. 2 லட்சம் என்று நிர்ணயம் செய்யப்பட்டு உள்ளது. இதன் விற்பனை சோனி அதிகாரப்பூர்வ விறப்னை மைங்களில் ஜூலை 28-ம் தேதி இந்தியாவில் விற்பனைக்கு வருகிறது.

ஆப்பிள் நிறுவனம் புதிதாக எக்ஸ்டர்னல் டிஸ்ப்ளே ஒன்றை உருவாக்கி வருவதாக தகவல் வெளியாகி உள்ளது. மேக் கம்ப்யுட்டர்களுக்காக உருவாக்கப்பட்டு வரும் புதிய டிஸ்ப்ளே, லோ-பவர் மோடில் ஸ்மார்ட் ஹோம் டிஸ்ப்ளே போன்றும் பயன்படுத்த முடியும் என்று ஆப்பிள் வல்லுனரான மார்க் குர்மேன் தெரிவித்து இருக்கிறார்.

ப்ரோ டிஸ்ப்ளே XDR மற்றும் ஆப்பிள் ஸ்டூடியோ டிஸ்ப்ளே மாடல்களின் மேம்பட்ட வெர்ஷன்களை உருவாக்கும் பணிகளிலும் ஆப்பிள் நிறுவனம் ஈடுபட்டு வருவதாக அவர் மேலும் தெரிவித்துள்ளார். ஸ்டூடியோ டிஸ்ப்ளே போன்றே புதிய ஸ்மார்ட் டிஸ்ப்ளே ஐஒஎஸ் சாதனத்திற்கான சிப் பயன்படுத்தும் என்று கூறப்படுகிறது.

மேலும் இது ஆப்பிள் ஏ13 சிப்-ஆக இருக்கும் என்று தெரிகிறது. ஸ்டூடியோ டிஸ்ப்ளேவின் மென்பொருள் திறன் கேமரா மற்றும் ஸ்பீக்கர் சிஸ்டம் சார்ந்த மேம்படுத்தல்களாகவே உள்ளன. புதிய டிஸ்ப்ளே லோ-பவர் மோடில் ஸ்மார்ட் ஹோம் சாதனமாக பயன்படும். சமீபத்திய ஐஒஎஸ் 17 வெர்ஷனில் ஸ்டான்ட்-பை எனும் அம்சம் அறிமுகம் செய்யப்பட்டது.

இது ஐபோனை கிடைமட்டமாக வைத்து சார்ஜ் செய்யும் போது ஃபுல் ஸ்கிரீன் மோடில் தகவல்களை ஒளிபரப்பும். இது ஸ்மார்ட் டிஸ்ப்ளே மென்பொருளுக்கான முன்னோட்டமாக இருக்கும். ஸ்டான்ட்-பை அம்சம் கொண்டு சற்று தொலைவில் இருந்தும் தகவல்களை படிக்க முடியும். இதனை நைட் ஸ்டான்டு, கவுன்ட்டர் மற்றும் மேசைகளில் வைத்து பயன்படுத்தலாம்.

இந்த மோடில் வைத்து, கடிகாரம், பிடித்தமான புகைப்படங்கள், விட்ஜெட்கள் உள்ளிட்டவைகளும், லைவ் ஆக்டிவிட்டி, சிரி, அழைப்புகள் மற்றும் பெரிய நோட்டிஃபிகேஷன் உள்ளிட்டவைகளுக்கான சப்போர்ட் வழங்கப்படுகிறது. ஐஒஎஸ் 17-இல் உள்ள ஸ்டான்ட்பை அம்சத்திற்காக தனியே ஒரு ஹார்டுவேர் சாதனம் உருவாக்கப்பட்டு இருக்கலம் என்றும் கூறப்படுகிறது. 

நுபியா நிறுவனம் ரெட் மேஜிக் பிரான்டில் புதிய கேமிங் டேப்லெட் மாடலை அறிமுகம் செய்ய இருக்கிறது. இதே நிகழ்வில் ரெட் மேஜிக் 8s ப்ரோ ஸ்மார்ட்போனும் அறிமுகம் செய்யப்பட இருக்கிறது. இரு சாதனங்களின் அறிமுக நிகழ்வு ஜூலை 5-ம் தேதி நடைபெற இருக்கிறது. வெளியீட்டுக்கு முன் புதிய கேமிங் டேப்லெட் பற்றிய விவரங்கள் லீக் ஆகி இருக்கிறது.

ரெட் மேஜிக் கேமிங் டேப்லெட் வெளியீட்டை ஒட்டி நுபியா நிறுவனம் இதுவரை இரண்டு போஸ்டர்களை சீன சமூக வலைதளமான வெய்போவில் வெளியிட்டுள்ளது. அதில் முதல் போஸ்டர் டேப்லெட் முன்புற தோற்றம் எப்படி இருக்கும் என்பதை அம்பலப்படுத்துகிறது. இதுதவிர வேறு எந்த தகவலும் முதல் போஸ்டரில் இடம்பெறவில்லை.

மற்றொரு போஸ்டரில் இந்த டேப்லெட் அதிகபட்சமாக 10000 எம்ஏஹெச் பேட்டரி மற்றும் 80 வாட் ஃபாஸ்ட் சார்ஜிங் வசதி கொண்டிருக்கும் என்று தெரிவிக்கப்பட்டு இருக்கிறது. சில நாட்களில் அறிமுகம் செய்யப்பட இருக்கும் நிலையில், ரெட்மி மேஜிக் டேப்லெட் பற்றிய விவரங்கள் இணையத்தில் லீக் ஆகி இருக்கிறது.

அதன்படி புதிய ரெட் மேஜிக் கேமிங் டேப்லெட் 12.1 இன்ச் ஸ்கிரீன், ஸ்னாப்டிராகன் 8 பிளஸ் ஜென் 1 பிராசஸர், 12 ஜிபி ரேம் கொண்டிருக்கும் என்று கூறப்படுகிறது. பேட்டரி மற்றும் சார்ஜிங் அம்சங்கள் ஏற்கனவே அறிவிக்கப்பட்டு விட்டது. இதில் வழங்கப்பட இருக்கும் கேமராக்கள் பற்றி இதுவரை எவ்வித தகவலும் இல்லை.

மேலும் இந்த டேப்லெட் 5ஜி வெர்ஷன் வடிவிலும் அறிமுகம் செய்யப்படும் என்று தகவல் வெளியாகி உள்ளது. ரெட் மேஜிக் கேமிங் டேப்லெட் மாடல் ZTE ஆக்சன் பேட் 5ஜி மாடலின் ரிபிரான்டு செய்யப்பட்ட வெர்ஷன் என்று கூறப்படுகிறது.

இந்த ஆண்டு ஏப்ரல் மாதம் அறிமுகம் செய்யப்பட்ட ஆக்சன் பேட் மாடலில் 12.1 இன்ச் LCD ஸ்கிரீன், ஸ்னாப்டிராகன் 8 பிளஸ் ஜென் 1 பிராசஸர், அதிகபட்சம் 12 ஜிபி ரேம், 512 ஜிபி மெமரி, 10000 எம்ஏஹெச் பேட்டரி, 80 வாட் சார்ஜிங், 13MP பிரைமரி கேமரா, 16MP செல்ஃபி கேமரா வழங்கப்படுகிறது.

சாம்சங் இந்தியா நிறுவனம் ஒடிசி OLED G9 கேமிங் மானிட்டரை இந்திய சந்தையில் அறிமுகம் செய்து இருக்கிறது. புதிய கேமிங் மானிட்டர் நியோ குவான்டம் பிராசஸர் ப்ரோ கொண்டிருக்கிறது. 49-இன்ச் ஸ்கிரீன் கொண்டிருக்கும் சாம்சங் ஒடிசி OLED G9 கேமிங் மானிட்டரில் 1080R கர்வேச்சர், டூயல் குவாட் ஹை டெஃபனிஷன் (DQHD) 5120x1440 பிக்சல் ரெசல்யூஷன் உள்ளது.

இரண்டு QHD ஸ்கிரீன்களை அருகில் வைத்துக் கொண்டு பயன்படுத்துவதை போன்ற அனுபவத்தை இந்த மானிட்டர் கொடுக்கும். கேமர்கள் இந்த மானிட்டரில் 0.03ms கிரே-டு-கிரே ரெஸ்பான்ஸ் டைம் மற்றும் 240Hz ரிப்ரெஷ் ரேட் பெறமுடியும். இந்த மெல்லிய மானிட்டர் அழகிய டிசைன் மற்றும் மெட்டல் ஃபிரேம் கொண்டிருக்கிறது.

இத்துடன் கோர்சின்க் மற்றும் கோர் லைட்னிங் பிளஸ் தொழில்நுட்பம் வழங்கப்படுகிறது. இவை கேமிங்கின் போது அதிக தரமுள்ள கிராஃபிக்ஸ்-ஐ வெளிப்படுத்துவதோடு தலைசிறந்த கேமிங் அனுபவத்தை வழங்குகிறது. இதில் பில்ட்-இன் ஸ்டீரியோ ஸ்பீக்கர்கள் வழங்கப்பட்டு இருப்பதால், காட்சிகளுக்கு ஏற்ற ஆடியோவையும் மானிட்டரிலேயே கேட்க முடியும்.

சாம்சங் ஒடிசி OLED G9 மானிட்டரில் மேம்பட்ட நியோ குவான்டம் பிராசஸர் ப்ரோ உள்ளது. இந்த சிப்செட் டீப் லெர்னிங் அல்காரிதம் கொண்டு புகைப்படங்களை சிறப்பாக மேம்படுத்தி, அசத்தலான காட்சிகளை காண்பிக்க செய்கிறது. இந்த மானிட்டர் ஸ்மார்ட் டிவி அனுபவத்தை வழங்கும் திறன் கொண்டிருக்கிறது. இத்துடன் வாய்ஸ் அசிஸ்ன்ட் மற்றும் தலைசிறந்த சினிமா தரத்தை வழங்குகிறது.

இதில் உள்ள AMD FreeSync பிரீமியம் ப்ரோ கேம்பிளேவை மேம்படுத்தி சீரான அனுபவத்தை வழங்குகிறது. இத்துடன் டிஸ்ப்ளே-HDR ட்ரூ பிளாக் 400 தொழில்நுட்பம் பிரகாசமான நிறங்களை, அதிக தெளிவாக பிரதிபலிக்கிறது. இத்துடன் ஆட்டோ சோர்ஸ் ஸ்விட்ச் பிளஸ் அம்சம் கேமிங் மற்றும் மல்டி டாஸ்கிங் பயன்பாடுகளுக்கு ஏற்ப தானாக செட்டிங்களை மாற்றிக் கொள்கிறது.

இந்திய சந்தையில் சாம்சங் ஒடிசி OLED G95SC மானிட்டர் பிளாக் நிறத்தில் கிடைக்கிறது. இதன் விலை ரூ. 1 லட்தத்து 99 ஆயிரத்து 999 என்று நிர்ணயம் செய்யப்பட்டு உள்ளது. இந்த கேமிங் மானிட்டர் விற்பனை சாம்சங் ஷாப், அமேசான் மற்றும் முன்னணி மின்சாதன விற்பனை மையங்களில் ஏற்கனவே துவங்கி நடைபெற்று வருகிறது.

சியோமி நிறுவன டேப்லெட் மாடல்கள் தொடர்ந்து விற்பனையில் நல்ல வரவேற்பை பெற்று வருகின்றன. சமீபத்தில் சியோமி அறிமுகம் செய்த பேட் 6 மாடல் கடந்த வாரம் இந்திய சந்தையில் விற்பனைக்கு வந்தது. சியோமி பேட் 6 மாடலில் அசத்தலான ஹார்டுவேர் உள்ளது. இதன் விலை கடும் போட்டியை ஏற்படுத்தும் வகையில் நிர்ணயம் செய்யப்பட்டு உள்ளது.

சீனா போன்று இல்லாமல், இந்தியாவில் பேட் 6 மாடலின் ஸ்டான்டர்டு வேரியண்ட் மட்டுமே அறிமுகம் செய்யப்பட்டது. இதன் டாப் எண்ட் சியோமி பேட் 6 ப்ரோ மாடல் இந்தியாவில் அறிமுகம் செய்யப்படவில்லை. எனினும், இந்த நிலை விரைவில் மாறும் என்று தகவல் வெளியாகி உள்ளது. எனினும், புதிய டேப்லெட் சியோமி பேட் 6 மேக்ஸ் எனும் பெயரில் அறிமுகம் செய்யப்படும் என்று தெரிகிறது.

மேலும் இந்த டேப்லெட் விவரங்கள் ப்ளூடூத் எஸ்ஐஜி வலைதளத்தில் இடம்பெற்று இருக்கிறது. அதன்படி இந்த மாடல் விரைவில் அறிமுகம் செய்யப்படும் என்ற எதிர்பார்ப்பு எழுந்துள்ளது. சியோமி நிறுவனத்தின் சர்வதேச சந்தை வெளியீடுகளில் புதிய டேப்லெட் ஆக சியோமி பேட் 6 மேக்ஸ் இணைய இருக்கிறது. ப்ளூடூத் எஸ்ஐஜி வலைதளத்தில் இந்த டேப்லெட் 230778KB5BC எனும் மாடல் நம்பருடன் பட்டியலிடப்பட்டு உள்ளது.

ப்ளூடூத் லிஸ்டிங்கில் சியோமி பேட் 6 மேக்ஸ் பற்றி எந்த தகவலும் இடம்பெறவில்லை. எனினும், இதன் வெளியீடு விரைவில் நடைபெறும் என்று மட்டும் எதிர்பார்க்க முடியும். சர்வதேச சந்தையில் சியோமி பேட் 6 மேக்ஸ் சியோமி பேட் 5 ப்ரோ 12.4 மாடலின் மேம்பட்ட வெர்ஷனாக அறிமுகமாகிறது. மேலும் இது சியோமி பேட் 6 ப்ரோ மாடலின் ரிபிரான்டு செய்யப்பட்ட வெர்ஷன் ஆகும்.

அம்சங்களை பொருத்தவரை சியோமி பேட் 6 மேக்ஸ் மாடலில் குவால்காம் ஸ்னாப்டிராகன் 8 பிளஸ் ஜென் 1 பிராசஸர், 8600 எம்ஏஹெச் பேட்டரி, 67 வாட் ஃபாஸ்ட் சார்ஜிங், 50MP பிரைமரி கேமரா, 2MP டெப்த் கேமரா போன்ற அம்சங்கள் வழங்கப்படுகிறது.

டிசிஎல் நிறுவனம் தொடர்ந்து புதிய சாதனங்களை அறிமுகப்படுத்திக் கொண்டே வருகிறது. இந்த வரிசையில், தற்போது டிசிஎல் டேப் 10 ஜென் 2 மாடல் விரைவில் இணைய இருக்கிறது. முன்னதாக டிசிஎல் அறிமுகம் செய்த நெக்ஸ்ட்பேப்பர் 11 மற்றும் டேப் 11 மாடல்கள், சந்தையில் நல்ல வரவேற்பை பெற்றுள்ள நிலையில், புதிய டேப்லெட் மீதான எதிர்பார்ப்பு அதிகரித்து இருக்கிறது.

புதிய டிசிஎல் டேப் 10 ஜென் 2 மாடலில் 10.36 இன்ச் டிஸ்ப்ளே, 8-கோர் பிராசஸர், 4 ஜிபி ரேம், 128 ஜிபி மெமரி, மைக்ரோ எஸ்டி கார்டு ஸ்லாட், 4ஜி எல்டிஇ வசதி, ஆக்டிவ் ஸ்டைலஸ் போன்ற அம்சங்கள் உள்ளன. இத்துடன் ஆண்ட்ராய்டு 13 ஒஎஸ் வழங்கப்படுகிறது. இந்த டேப்லெட் 2025 ஜூலை மாதம் வரை செக்யுரிட்டி அப்டேட்களை பெறும் என்று கூறப்படுகிறது.

6000 எம்ஏஹெச் பேட்டரி மூலம் சக்தியூட்டப்படும் டேப் 10 ஜென் 2 மாடல் 8MP பிரைமரி கேமரா, 5MP செல்ஃபி கேமரா கொண்டிருக்கிறது. இத்துடன் ஸ்டீரியோ ஸ்பீக்கர்கள், யுஎஸ்பி டைப் சி போர்ட் வழங்கப்படுகிறது. பட்ஜெட் விலையில் ஆன்ட்ராய்டு டேப்லெட் வாங்க நினைப்போருக்கு இந்த மாடல் பயனுள்ளதாக இருக்கும். வரும் வாரங்களில் இந்த மாடலின் வெளியீடு நடைபெறும் என்று எதிர்பார்க்கலாம். 

ஆப்பிள் பயனர்கள் கட்டாயம் பயன்படுத்த வேண்டிய சேவைகளில் ஒன்றாக ஐகிளவுட் உள்ளது. ஐகிளவுட் சேவையில் பயனர்கள் 5 ஜிபி வரையிலான டேட்டாவை இலவசமாக பயன்படுத்த முடியும். இதை கடந்து அதிக ஸ்டோரேஜ் வேண்டுமெனில் பயனர்கள் கட்டணம் செலுத்த வேண்டும்.

இந்த நிலையில், ஆப்பிள் நிறுவனம் தனது ஐகிளவுட் சேவைக்கான கட்டணத்தை உயர்த்தி இருக்கிறது. தற்போது ஐகிளவுட் சேவை கட்டணம் பிரிட்டனில் மற்றும் குறிப்பிட்ட சில நாடுகளி்ல் உயர்த்தப்பட்டு இருப்பதாக தகவல் வெளியாகி உள்ளது. சர்வதேச அளவில் நிலவும் பொருளாதார மந்த நிலையே, இந்த விலை உயர்வுக்கு காரணம் என்று கூறப்படுகிறது.

விலை உயர்வில் இந்திய பயனர்களுக்கு எந்த பாதிப்பும் ஏற்படவில்லை. இந்தியாவில் ஐகிளவுட் சேவைக்கான கட்டணத்தில் எந்த மாற்றமும் மேற்கொள்ளப்படவில்லை. இந்திய பயனர்கள் முன்பை போன்றே, 50 ஜிபி ஐகிளவுட் ஸ்டோரேஜுக்கு மாதம் ரூ. 75, 200 ஜிபி ஐகிளவுட் ஸ்டோரேஜூக்கு மாதம் ரூ. 219, 2 டிபி ஸ்டோரேஜூக்கு மாதம் ரூ. 749 கட்டணம் செலுத்தினால் போதும்.

இந்தியா போன்றே அமெரிக்காவிலும் ஐகிளவுட் கட்டணம் மாற்றப்படவில்லை என்று கூறப்படுகிறது. தற்போதைய விலை உயர்வு பிரிட்டன் மட்டுமின்றி போலாந்து, ரோமானியா, சவுதி அரேபியா, தென்னாப்ரிக்கா, ஸ்வீடன், டான்சானியா, துருக்கி மற்றும் ஐக்கிய அரபு எமிரேட்ஸ் போன்ற நாடுகளிலும் அமலுக்கு வந்துள்ளது.

சோனி இந்தியா நிறுவனம் இந்திய சந்தையில் தனது புதிய பிரேவியா XR X90L சீரிஸ் மாடல்களை அறிமுகம் செய்து இருக்கிறது. புதிய மாடல்களில் மேம்பட்ட காக்னிடிவ் பிராசஸர் XR வழங்கப்பட்டு இருக்கின்றன. பிரேவியா XR OLED A80L சீரிஸ் மாடல்களை தொடர்ந்து புதிய ஸ்மார்ட் டிவிக்கள் அறிமுகம் செய்யப்பட்டு உள்ளன.

புதிய ஸ்மார்ட் டிவி மாடல்கள் தலைசிறந்த காட்சி அனுபவத்தை வழங்குகிறது. இதில் உள்ள காக்னிடிவ் XR பிராசஸர் காட்சி மட்டுமின்றி, சிறப்பான ஆடியோ அனுபவத்தையும் வழங்குகிறது. முற்றிலும் புதிய சோனி பிரேவியா XR X90L மாடல் 55 இன்ச், 65 இன்ச் மற்றும் 75 இன்ச் அளவுகளில் கிடைக்கிறது. இந்த டிவி மாடல் தனித்துவம் மிக்க எல்இடி ஜோன்கள், சிறப்பான கான்டிராஸ்ட் வெளிப்படுத்துகிறது.

இத்துடன் XR 4K அப்ஸ்கேலிங் மற்றும் XR சவுன்ட் பொசிஷன், டிவி பார்க்கும் போது ஒட்டுமொத்த அனுபவத்தை மேம்படுத்துகிறது. இதில் உள்ள ஆம்பியனட் ஆப்டிமைசேஷன் பிரைட்னசை அட்ஜஸ்ட் செய்து, ஆட்டோ HDR டோன் மேப்பிங் செய்து பிளே ஸ்டேஷன் 5 கேமிங்கை ஆப்டிமைஸ் செய்கிறது.

இந்த டிவியில் கேம் மெனு வழங்கப்பட்டு உள்ளது. இதை கொண்டு பயனர்கள் VRR மற்றும் மோஷன் பிளர் ரிடக்ஷன் செட்டிங்களை கஸ்டமைஸ் செய்ய முடியும். கூகுள் டிவி இன்டர்ஃபேஸ் மூலம் அதிக செயலிகள், தனிப்பட்ட பரிந்துரைகளை வழங்குகிறது. இத்துடன் வாய்ஸ் சர்ச் அம்சமும் வழங்கப்பட்டு இருக்கிறது.

விலை மற்றும் விற்பனை விவரங்கள்:

சோனி XR 55X90L மாடலின் விலை ரூ. 1 லட்சத்து 39 ஆயிரத்து 990 என்றும் சோனி XR- 65X90L மாடலின் விலை ரூ. 1 லட்சத்து 79 ஆயிரத்து 990 என்றும் நிர்ணயம் செய்யப்பட்டு உள்ளது. இரு மாடல்களின் விற்பனை ஏற்கனவே துவங்கி நடைபெற்று வருகிறது.

சோனி XR-75X90L மாடலின் விலை மற்றும் விற்பனை விவரங்கள் பின்னர் அறிவிக்கப்படும் என்று சோனி தெரிவித்து உள்ளது. புதிய சோனி ஸ்மார்ட் டிவி மாடல்களின் விற்பனை சோனி சென்டர்கள், முன்னணி மின்சாதன விற்பனை மையங்கள், ஆன்லைன் வலைதளங்களில் நடைபெறுகிறது. 

ஆப்பிள் நிறுவனம் சமீபத்தில் நடைபெற்று முடிந்த ஆப்பிள் சர்வதேச வருடாந்தர டெவலப்பர்கள் மாநாட்டில் (WWDC) தனது அதிகம் எதிர்பார்க்கப்பட்டு வந்த மிக்சட் ரியாலிட்டி ஹெட்செட்-ஐ ஆப்பிள் விஷன் ப்ரோ பெயரில் அறிமுகம் செய்தது. புதிய சாதனம் பற்றி அந்நிறுவனம் ஏாளமான தகவல்களை விளக்கியது. அடுத்த ஆண்டு விஷன் ப்ரோ மாடல் விற்பனைக்கு வரும் என்று அறிவிக்கப்பட்டு இருக்கிறது.

புதிய சாதனம் உலகளவில் பேசு பொருளாகி இருக்கிறது. ஆப்பிள் விஷன் ப்ரோ அம்சங்களில் ஆப்பிள் அறிவித்தவை மற்றும் அறிவிக்காமல் வழங்கப்பட இருப்பவை என்று, புதிய மிக்சட் ரியாலிட்டி ஹெட்செட் பற்றி தினந்தோரும் புதிய தகவல்கள் வெளியாகி வருகின்றன. இந்த சாதனத்தில் 3D நிட் செய்யபப்ட்ட ஃபேப்ரிக் கொண்ட ஹெட்பேன்ட் வழங்கப்படுகிறது.

இத்துடன் ஆப்பிள் அதிகம் பேசாமல் விட்ட மற்றொரு ஹெட்பேன்ட் ஸ்டிராப் பற்றிய விவரங்கள் வெளியாகி உள்ளது. இந்த ஸ்டிராப் ஹெட்செட் தலையை சுற்றி, சீரான பேலன்ஸ் வழங்குவதை உறுதிப்படுத்தும் என்று கூறப்படுகிறது. இதுபற்றியும் ஆப்பிள் சில தகவல்களை WWDC நிகழ்விலேயே வழங்கி இருந்தது. எனினும், அதிக விவரங்கள் அறிவிக்கப்படவில்லை.

புதிய விஷன் ப்ரோ ஹெட்செட் எடை பற்றி ஆப்பிள் இதுவரை எந்த தகவலும் வழங்கவில்லை. எனினும், இதன் எடை சற்று அதிகமாகவே நிர்ணயம் செய்யப்பட்டு இருக்கும் என்று தெரிகிறது. இதன் காரணமாக கூடுதலாக மற்றொரு ஸ்டிராப், ஹெட்செட் எடையை தாங்கி பிடித்துக் கொள்ள ஏதுவாக இருக்கும்.

இந்த ஸ்டிராப் பற்றி ஆப்பிள் நிறுவனம் அதிக தகவல்களை வழங்காதது, இதற்கான விளம்பரங்களிலும் தகவல்கள் இடம்பெறாதது போன்ற நடவடிக்கைகளை பார்க்கும் போது, இது கூடுதல் அக்சஸரீயாக இருக்குமோ என்ற எதிர்பார்ப்பை ஏற்படுத்தி இருக்கிறது. எனினும், இதுபற்றி ஆப்பள் சார்பில் இதுவரை எந்த தகவல்களும் வழங்கப்படவில்லை.

அமெரிக்க சந்தையில் ஆப்பிள் விஷன் ப்ரோ மிக்சட் ரியாலிட்டி ஹெட்செட் விலை  3 ஆயிரத்து 499 டாலர்கள், இந்திய மதிப்பில் ரூ. 2 லட்சத்து 90 ஆயிரம் என்று நிர்ணயம் செய்யப்பட்டுள்ளது. ஹெடிஸ்ட் விலை ஏற்கனவே அதிகமாக நிர்ணயம் செய்யப்பட்டுள்ள நிலையில், இதற்கான ஸ்டிராப் தனி அக்சஸரீயாக விற்பனை செய்யப்படும் என்று தகவல், இதனை வாங்க திட்டமிட்டவர்களுக்கு கவலையை ஏற்படுத்தும் என்றே தெரிகிறது.

கூகுள் நிறுவனத்தின் பிக்சல் டேப்லெட் மாடலுக்கான அக்சஸரீக்கள் பற்றிய தகவல் தெரியவந்துள்ளது. அதன்படி பிக்சல் டேப்லெட்-க்காக கீபோர்டு மற்றும் ஸ்டைலஸ் உருவாக்கப்படுவது கூகுள் கோட்-களில் அம்பலமாகி இருக்கிறது. 2023 கூகுள் IO நிகழ்வில் பிக்சல் டேப்லெட் மாடல் அறிவிக்கப்பட்டது. அறிவிக்கப்பட்டதில் இருந்தே பிக்சல் டேப்லெட் பற்றிய விவரங்கள் வெளியாகி வருகிறது.

இந்த நிலையில், தான் பிக்சல் டேப்லெட் மாடலுடன் கீபோர்டு மற்றும் ஸ்டைலஸ் போன்ற அக்சஸரீக்கள் வழங்கப்படும் என்று தெரியவந்துள்ளது. இத்துடன் சார்ஜிங் டாக் ஒன்றும் வழங்கப்படுகிறது. இது டேப்லெட்-ஐ ஸ்மார்ட் ஸ்பீக்கராக மாற்றுகிறது. ஆண்ட்ராய்டு 14 ஒஎஸ் உடன் வரும் பிக்சல் டேப்லெட், வெளியீட்டுக்கு பிறகு அதிக அக்சஸரீக்கள் அறிமுகம் செய்யப்படும் என்று தெரிகிறது.

புதிய கீபோர்டு மற்றும் ஸ்டைலஸ் அக்சஸீர்கள், கீபோர்டு ஃபார் பிக்சல் டேப்லெட் மற்றும் ஸ்டைலஸ் ஃபார் பிக்சல் டேப்லெட் எனும் பெயர்களில் அறிமுகம் செய்யப்படும் என்று கூறப்படுகிறது. ஏற்கனவே பிக்சல் அக்சஸரீக்கள் பற்றிய தகவல்கள் வெளியாகி இருந்தது. தற்போதைய தகவல் பிக்சல் ரிடெயில் டெமோ செயலி மூலம் தெரியவந்துள்ளது.

கூகுள் நிறுவனம் புதிய சாதனங்களை அக்டோபர் மாதம் நடைபெற இருக்கும் ஹார்டுவேர் நிகழ்வில் அறிமுகம் செய்ய இருக்கிறது. பிக்சல் 8, பிக்சல் 8 ப்ரோ மற்றும் பிக்சல் வாட்ச் 2 மாடல்கள் இந்த நிகழ்வில் அறிமுகம் செய்யப்பட இருக்கிறது. இதே நிகழ்வில் பிக்சல் டேப்லெட் மாடல் அறிமுகம் செய்யப்படுமா என்பது கேள்விக்குறியாகவே உள்ளது.

ஆப்பிள் நிறுவனம் தனது முதல் ஸ்பேஷியல் கம்ப்யூட்டர் - ஆப்பிள் விஷன் ப்ரோ - கடந்த மாதம் நடைபெற்று முடிந்த சர்வதேச டெவலப்பர்கள் மாநாடு - WWDC 2023-இல் அறிமுகம் செய்தது. இந்த ஹெட்செட் விர்ச்சுவல் ரியாலிட்டி மற்றும் ஆக்மென்ட்டெட் ரியாலிட்டி தரவுகளை சப்போர்ட் செய்யும் திறன் கொண்டிருக்கிறது.

புதிய மிக்சட் ரியாலிட்டி ஹெட்செட் குறித்து ஆப்பிள் நிறுவனம் பல்வேறு அம்சங்களை விளக்கி இருந்தது. இது பற்றிய அறிவிப்பு வெளியானதில் இருந்தே, இந்த ஹெட்செட்-க்கான வரவேற்பு அதிகரிக்க துவங்கி விட்டது. பலரும் இது எப்போது விற்பனைக்கு வரும் என்று காத்திருக்கின்றனர். இந்த நிலையில், ஆப்பிள் விஷன் ப்ரோ ஹெட்செட்டில் உள்ள யாரும் அறிந்திராத அம்சம் பற்றிய தகவல் வெளியாகி உள்ளது.

இந்த அம்சத்தை தனியார் செய்தி நிறுவனமான 9டு5மேக் விஷன்ஒஎஸ் SDK-வில் இருந்து கண்டறிந்து இருக்கிறது. அதன்படி கெஸ்ட் மோட் எனும் அம்சம், ஆப்பிள் விஷன் ப்ரோ ஹெட்செட், மற்றொரு பயனர் பெயரில் பதிவு செய்யப்பட்டு இருந்தாலும், அதனை பயன்படுத்த வழி செய்கிறது. விஷன் ப்ரோ ஹெட்செட் உரிமையாளர்கள் தங்களின் ஹெட்செட்-ஐ மற்றவர்கள் பயன்படுத்த அனுமதிக்கவும், அனுமதியை நிராகரிக்கவும் முடியும்.

இந்த ஹெட்செட்-ஐ பயனர்கள் தாங்கள் மட்டும் பயன்படுத்தும் வகையில் பாதுகாப்பாகவும் வைத்துக் கொள்ள முடியும். இவ்வாறு செய்யும் போது, வேறு யாரும் இந்த ஹெட்செட்-ஐ பயன்படுத்த முடியாது. கெஸ்ட் பயனர்கள் குறிப்பிட்ட செயலிகள் அல்லது செட்டிங்களை ஆப்டிக் ஐடி இல்லாமல், பயன்படுத்த முடியாமல் செய்யும் வசதியும் விஷன் ப்ரோவில் வழங்கப்படுகிறது.

இது கெஸ்ட் பயனர்கள் தடுக்கப்பட்ட செயலிகளை, விஷன் ப்ரோ உரிமையாளரின் பயோமெட்ரிக் விவரங்கள் இன்றி பயன்படுத்த முடியாமல் செய்து விடும். ஆப்பிள் விஷன் ப்ரோ ஹெட்செட் விலை 3 ஆயிரத்து 499 டாலர்கள், இந்திய மதிப்பில் ரூ. 2 லட்சத்து 88 ஆயிரத்து 700 என்று நிர்ணயம் செய்யப்பட்டு உள்ளது. அமெரிக்காவில் இதன் விற்பனை அடுத்த ஆண்டு துவங்கும் என்று தெரிகிறது.