iFLICKS தொடர்புக்கு: 8754422764
Breaking News

முதல்வர் ஜெயலலிதாவிற்கு மாரடைப்பு ஏற்பட்டதாக அப்பல்லோ அறிக்கையி்ல் தகவல் | டிஜிட்டல் பண பரிவர்த்தனையை ஊக்குவிக்கும் கலெக்டர்களுக்கு ஊக்கத்தொகை

மீனம்

இன்றைய ராசி பலன்கள்

ச்சரவுகள் அகலும் நாள். சகோதர பாசம் கூடும். சான்றோர்களின் சந்திப்பு கிட்டும். நெடு நாளைய பிரச்சினையொன்று திடீரென நல்ல முடிவிற்கு வரலாம். பொது வாழ்வில் ஏற்பட்ட வீண் பழிகள் அகலும்.

வார பலன்கள்

நவம்பர் 28-11-2016 முதல் டிசம்பர் 04-12-2016 வரை:-

வார ஆரம்பமே சந்திராஷ்டம நாளாக அமைந்தாலும் ஒன்பதுக்குடையவன் உச்சமாகியிருப்பதும், ராசிநாதன் ராசியை பார்ப்பதும் மீனத்திற்கு நல்ல பலன்களை கொடுக்கும் அமைப்பு என்பதால் இந்த வாரம் உற்சாகமும், புத்துணர்ச்சியும் தரும் வாரமாக இருக்கும். வெகு நாட்களாக தீராமல் தொல்லை கொடுத்து வந்த பிரச்னைகளை இந்தவாரம் உங்களால் தீர்க்க முடியும். எதிர்காலத்தைப் பற்றிய பயம் இல்லாமல் உங்களுக்கு நம்பிக்கையூட்டும் வாரம் இது.

இதுவரை சிக்கலில் இருந்த தொழில், வேலை, வியாபாரம் போன்ற ஜீவன அமைப்புகள் தடைகள் விலகி நல்லபடியாக நடக்க ஆரம்பிக்கும். சுய தொழில் செய்வோருக்கு புதிய ஆர்டர்கள் கிடைக்கும். மஞ்சள் நிறம் சம்பந்தப்பட்ட தொழில் செய்பவர்களுக்கு மேன்மையான பலன்கள் இருக்கும். அரசியல்வாதிகளுக்கு மறைமுக எதிரிகள் பின்னால் குழி பறிப்பார்கள் என்பதால் பேசும்போது வார்த்தைகளில் கவனமாக இருங்கள்.

ராசியை குருபகவான் வலுப்பெற்றுப் பார்ப்பதால் பொது வாழ்க்கையில் உள்ள சிலருக்கு அதிகாரப் பதவிகள் தேடி வரும். கூடவே உங்கள் விரோதிகளும் உங்களை எதில் சிக்க வைக்கலாம் என்றும் அலைவார்கள். மீனராசிக்காரர்கள் புத்திசாலிகள் என்பதாலும் நுணுக்கமான வேலைகளை அர்ப்பணிப்பு உணர்வுடன் செய்யக் கூடியவர்கள் என்பதாலும், எதையுமே சட்டென கிரகித்துக்கொள்வீர்கள் என்பதாலும் இந்த வாரத்தின் சாதகமான கிரகநிலையை நல்லமுறையில் உபயோகப்படுத்திக் கொள்வீர்கள்.

தமிழ் மாத ஜோதிடம்

நவம்பர் 16-ம்தேதி முதல் டிசம்பர் 15-ம்தேதி வரை

விட்டுப் போயிருந்த சுறுசுறுப்பும், புத்துணர்ச்சியும், தைரியமும் இனிமேல் தேடிவந்து ஒட்டிக்கொள்ளும் மாதமிது. அதிக முயற்சி இல்லாமலே அதிர்ஷ்டத்தால் எல்லா வேலைகளையும் சுலபமாக முடிப்பீர்கள். குறிப்பிட்ட சிலர் விடாமுயற்சியுடன் எதையும் சாதிப்பீர்கள். ஆன்மிகத்துறையில் இருப்பவர்கள், கோவிலுக்கு அருகில் வசிப்பவர்கள், புனிதத்தலங்களில் இருப்பவர்கள் உள்ளிட்ட சிலர் லாபங்களை அடைவீர்கள்.

கடும் முயற்சி செய்தும் நடக்காத விஷயங்கள் இனிமேல் வெற்றி பெறும். அதிர்ஷ்டம் கை கொடுக்கும். உங்களைப் பிடிக்காதவர்களும் உங்களைத் தேடிவந்து நட்பு பாராட்டுவர். அதிர்ஷ்டம் இல்லாதவராக கருதப்பட்டவர்கள் இனிமேல் அதிர்ஷ்டசாலியாக புகழப்படுவீர்கள். எதிர்கால நல்வாழ்விற்கு நன்மைகளையும் செய்யும் மாதமிது. வழக்கு, எதிரிகள் தொந்தரவு அனைத்தையும் தூள்தூளாக்கும் நிலையில் குருபகவான் இருப்பது உங்களுக்கு சாதகமான நிலை.

குடும்பத்தில் சுபகாரியங்கள் நடக்கும். வியாபாரிகளுக்கு வருமானம் குறைவதற்கு வாய்ப்பில்லை. அரசுத் துறையினருக்கு வேலைப்பளு சற்று அதிகமாக இருக்கும். சிலருக்கு எதிர்பாராத தனலாபம் உண்டு. வெளிநாட்டு விஷயங்களில் லாபம் இருக்கும். ஏற்றுமதி இறக்குமதி தொழில் செய்பவர்கள் மேன்மையடைவார்கள். அடிக்கடி பிரயாணம் செய்வீர்கள். சிலர் அக்கா, தங்கைகளின் திருமணத்தை நடத்தி பார்ப்பீர்கள். வருமானத்திற்கு குறை இருக்காது.

ஆண்டு பலன்

2016-ம் வருடம் பிற்பகுதியிலிருந்து மீனராசிக்கு மிகச்சிறந்த நல்ல பலன்களும் கவுரவம், அந்தஸ்து உயரும் சம்பவங்களும் நடக்கும் என்பதும் இதுவரை பொருளாதார சிக்கலில் இருந்து வந்தவர்கள் அதிலிருந்து மீண்டு நல்ல பணவரவை அடைவீர்கள் என்பதும் உறுதி.

வருடத்தின் முதல்மாதத்தில் நடக்கும் மிக முக்கியமான ராகுகேதுப் பெயர்ச்சியும் உங்களுக்கு மிகவும் சாதகமான அமைப்பிற்கு மாறி யோகம் செய்யும் என்பதால் இந்தப் புத்தாண்டு எல்லாவகையிலும் உங்களுக்கு நன்மைகளை மட்டுமே தரும் என்பதும் நிச்சயமான ஒன்று. அஷ்டமச்சனி முடிந்தும் சில மீனராசிக்காரர்கள் இதுவரை நல்ல பலன்களை அடையவில்லை.

அவர்களின் பிரச்னைகள் இன்னும் தீரவில்லை. அத்தகையவர்களும் கண்டிப்பாக இந்த வருடத்தில் அனைத்திலும் வெற்றி கண்டு வாழ்க்கையில் செட்டில் ஆவீர்கள். தெய்வத்தின் அருளும், கிரகங்களின் ஆசியும் இந்த வருடம் பரிபூரணமாக உங்களுக்கு கிடைப்பதால் இந்த வருடம் நீங்கள் எடுத்த காரியம் அனைத்தும் வெற்றி பெற்று உங்கள் வாழ்வில் மறக்க முடியாத ஒரு வருடமாக இது அமையும்.

குறிப்பாக முப்பது வயதுக்களில் இருக்கும் இளைய பருவத்தினருக்கு இனிமேல் வேலை, தொழில் போன்ற ஜீவன அமைப்புகள் நல்லபடியாக அமைந்து இந்த வருடத்திலிருந்து ஒரு நிரந்தர வருமானம் வரத்தொடங்கும். இனிமேல் பணத்தட்டுப்பாடு என்பது உங்களுக்கு இருக்காது. இதுவரை திருமணமாகாமல் இருப்பவர்களுக்கு இந்த வருடம் நல்லபடியாக திருமணம் கூடி வரும். குறிப்பிட்ட சிலர் விரும்பிய வாழ்க்கைத்துணையை அடைவீர்கள்.

வீட்டிற்குப் பயந்து காதலை மனதிற்குள் பூட்டி ஒளித்து வைத்திருந்தவர்கள் தைரியம் வந்து பெற்றோரிடம் சொல்லி அவர்களின் சம்மதத்தையும் பெறுவீர்கள். பொதுவாக சொல்லப் போனால் மீனராசி இளையபருவத்தினருக்கு இந்த வருடத்தில் இருந்து வாழ்க்கையின் அனைத்து பாக்கியங்களும் கிடைக்கப் பெற்று நிம்மதியாக வாழ்க்கையில் செட்டில் ஆவீர்கள். நடுத்தர வயதுக்காரர்களுக்கு கடந்த சில வருடங்களாக வேலை, தொழில், வியாபாரம் போன்ற ஜீவன அமைப்புகளில் இருந்து வந்த தடங்கல்களும் எதிர்மறை அனுபவங்களும் இனிமேல் இருக்காது.

தொழில் நல்லபடியாக நடக்கும். வியாபாரம் மேன்மேலும் பெருகும். புதிதாக தொழில் தொடங்குவதற்கு இதுவரை இருந்து வந்த தடைகள் நீங்கும் என்பதால் உடனே தொழில் தொடங்கலாம். ஏற்கனவே தொழில் சரியின்றி இருந்தவர்களுக்கு இனி நல்ல முன்னேற்றம் இருக்கும். தொழிலை விரிவு படுத்தலாம். வியாபாரிகள் தங்களின் வியாபாரத்தை விரிவு படுத்தவும், புதிய முயற்சிகள் எடுக்கவும் நல்லநேரம் இது. துணிந்து எதிலும் இறங்கி செயல்படலாம்.

ரிஸ்க் எடுத்தால்தான் வாழ்க்கையின் உயரத்திற்குச் செல்ல முடியும். குலதெய்வத்தின் அருள் உங்கள் குடும்பத்திற்கு பூரணமாக கிடைக்கும் வருடம் இது. நவகிரக சுற்றுலா போவீர்கள். நீண்ட நாட்களாக நிலுவையில் இருக்கும் நேர்த்திக் கடன்களை செலுத்தலாம். மகான்களின் தரிசனமும் அருளும் கிடைக்கும். குடும்பத்தில் உற்சாகமும், செல்வச் செழிப்பும் இருக்கும். குடும்பத்திற்கு தேவையான அனைத்துப் பொருட்களும் வாங்கலாம். நகைகள் சேரும்.

வீட்டை அழகுபடுத்துவீர்கள். வீட்டை விரிவுபடுத்தி இன்னும் கட்டுவீர்கள். அரசு, தனியார்துறைகளின் ஊழியர்கள், கலைஞர்கள், உழைப்பாளிகள், வியாபாரிகள், விவசாயிகள், மீனவர்கள், பொதுவாழ்வில் இருப்போர் உள்ளிட்ட எல்லாத்தரப்பு மீனராசிக்காரர்களுக்கும் மிகவும் அதிர்ஷ்டத்தை தரப்போகும் வருடம் இது. எனவே இந்தவருடத்தை நன்கு பயன்படுத்திக் கொண்டு முன்னேறுங்கள். கலைத்துறை யினர், தொழிலதிபர்கள், அரசியல்வாதிகள் மிகவும் நல்ல சந்தர்ப்பங்களை அடைவீர்கள்.

அதிர்ஷ்டம் இந்த வருடம் மிகவும் நன்றாக உங்களுக்கு கை கொடுக்கும். இதுவரை எந்த விஷயத்திலும் தடைகளைச் சந்தித்து, முட்டுச்சந்தில் போய் முட்டி நிற்பதைப் போல் உணர்ந்தவர்கள் நிலைமை மாறி அனைத்தும் சாதகமாக நடப்பதை உணருவீர்கள். இதுவரை உடல்நலமில்லாமல் இருந்தவர்கள் மருத்துவர்களே ஆச்சரியப்படும் அளவிற்கு உடல்நலத்தில் முன்னேற்றம் பெறுவீர்கள். குடும்பத்தில் சுப நிகழ்ச்சிகள் நடைபெறும்.

மகன், மகள்களின் திருமணத்தை மிகவும் விமரிசையாக நடத்தலாம். பேரன், பேத்திகளைப் பற்றிய நல்ல செய்திகளும் கிடைக்கும். வருமானம் மிகவும் சிறப்பாக இருக்கும். பணத்தை சேமித்து எதிலாவது முதலீடு செய்வீர்கள். வீட்டுமனையோ, கட்டிய வீடோ, வாங்குவதற்கு யோகம் இருக்கிறது. நீண்டகாலமாக எதிர்பார்த்த பதவி உயர்வு கூடுதல் சம்பளத்துடன் நிச்சயமாகக் கிடைக்கும். குடும்பத்தில் சுமுகமும் அமைதியும் இருக்கும் சேமிக்க முடியும்.

இதுவரை நகைகளை அடமானம் வைத்த நிலை மாறி அவற்றை மீட்பதோடு புதிதாக நகை வாங்கவும் முடியும். மூத்த சகோதர சகோதரிகள் உதவுவார்கள். எல்லாவற்றிற்கும் அடுத்தவர்களை எதிர்பார்த்திருந்த நிலைமை மாறி நீங்கள் மற்றவர்களுக்கு உதவுவீர்கள். ஆறாமிடத்தில் ராகு இருப்பதால் உங்களின் மனவலிமை நன்றாக இருக்கும். எதையும் சமாளிக்கலாம் என்ற தைரியம் பிறக்கும்.

 

துன்முகி வருடம்

(பூரட்டாதி 4ம் பாதம் உத்திரட்டாதி, ரேவதி ஆகிய நட்சத்திரங்களில் பிறந்தவர்கள் மற்றும் தி, து, ஸ, ச, த, தே, தோ, ச, சி ஆகிய எழுத்துக்களை பெயரின் முதல் எழுத்தாக கொண்டவர்களுக்கும்.)

மழைவிட்டும் தூவானம் விடவில்லை என்பதுபோல அஷ்டமச்சனி முடிந்தாலும் பெரும்பாலான மீனராசிக்காரர்களுக்கு ராசியில் ராகு-கேதுக்கள் சம்பந்தப்பட்டு இருந்ததால் நன்மைகள் நடக்கவில்லை. மத்தளத்திற்கு இரண்டு பக்கமும் இடி என்பதுபோல் கடந்த சிலமாதங்களாக ஆறாமிடத்து குருவாலும் மீனராசிக்காரர்கள் கடன், நோய், எதிரி தொல்லைகளை அனுபவித்து வந்தீர்கள்.

பிறக்க இருக்கும் தமிழ்ப்புத்தாண்டான துன்முகி ஆண்டில் மீனராசிக்காரர்களின் கோட்சார கிரகநிலைகள் பெரியஅளவில் நன்மைகளைத் தரும் நிலையில் இருப்பதால் துன்முகி ஆண்டு துன்பங்கள் எதுவும் தராத நன்மைகளை மட்டுமே தரும் ஆண்டாக இருக்கும்.
இளைய பருவத்தினருக்கு அவர்கள் படிப்புக்குத் தகுந்த நல்ல வேலை உடனடியாக கிடைக்கும். ஏற்கனவே வேலையில் இருப்பவர்களுக்கு இதுவரை கிடைக்காத பதவி உயர்வு, சம்பள உயர்வு, நிலுவையில் இருந்த தொகையோடு சேர்த்து உடனடியாக கைக்கு வரும்.

சுயதொழில் செய்வர்கள் மிக சிறப்பான தொழில் வளர்ச்சியை காண்பார்கள். வியாபாரிகளுக்கு அற்புதமான காலகட்டம் இது. புதிய தொழில் ஆரம்பிக்கவோ கிளைகள் ஆரம்பிக்கவோ, இருக்கும் தொழிலை விரிவாக்கம் செய்யவோ ஏற்ற நேரம். எனவே, தயக்கத்தையும், யோசனைகளையும் உதறி தள்ளி சுறுசுறுப்பாக வேலைகளை கவனிக்க ஆரம்பித்தால் வெற்றி கொடி நாட்டலாம்.
தொழிலில் சிக்கல்களை சந்தித்துக் கொண்டிருந்தவர்கள் இனிமேல் தொழில் முன்னேற்றப் பாதையில் செல்வதைக் காண்பீர்கள். தொழில் அதிபர்களுக்கு அரசு உதவி கிடைக்கும். தொழிலாளர்கள் உங்களுக்கு ஆதரவாக இருந்து உற்பத்தியை மேலும் பெருக்கித் தருவார்கள்.

இதுவரை மந்தமாக இருந்த வந்த கூட்டுத் தொழில் இனி சிறப்பாக நடைபெறும். பங்குதாரர்கள் உதவியாக இருப்பார்கள். சரியான வருமானம் இல்லாமல் அவதிப்பட்டுக் கொண்டிருந்த மீனராசிக்காரர்களுக்கு இனிமேல் நிலையான ஒரு தொழில் அமைப்பு உருவாகி மாதாமாதம் நிரந்தர வருமானம் வரும்.

பொது வாழ்க்கையில் இருக்கக் கூடியவர்களுக்கு இது மிகவும் மேன்மையை தர கூடிய காலமாக அமையும். அதிகாரப் பதவிகள் தேடி வரும். அரசு, தனியார் துறை பணியாளர்களுக்கு சம்பளத்தை தவிர்த்த மறைமுக வருமானம் இருக்கும். விவசாயிகளுக்கும் கலைத்துறையினருக்கும் இது மிகவும் அதிர்ஷ்டமான கால கட்டம் என்பதால் நீங்கள் ஏற்கனவே மனதில் நினைத்திருந்த முன்னேற்றத் திட்டங்களைச் செயல்படுத்த அதிர்ஷ்டம் இனி கை கொடுக்கும்.

குடும்பத்தில் இதுவரை தடைப்பட்டு கொண்டிருந்த மங்கள காரியங்கள் இனிமேல் வெகு சிறப்பாக நடைபெறும். திருமணமாகாதவர்களுக்கு குருபலம் ஆகஸ்ட் மாதத்தில் வருவதால் இந்த வருடம் திருமணம் நடைபெறும். காதலித்துத் கொண்டு இருப்பவர்களுக்கு பெரியவர்களின் சம்மதத்துடன் திருமணம் நடக்கும். சிலர் புதிதாக காதலிக்க ஆரம்பிப்பீர்கள். குழந்தை பாக்கியம் தாமதித்தவர்களுக்கு தற்போது இந்த குருப்பெயர்ச்சிக்குப் பிறகு உடனடியாக நல்ல முறையில் குழந்தை பிறக்கும்.

இதுவரை கருத்து வேற்றுமைகளாலும், குடும்பச் சிக்கல்களினாலும் பிரிந்திருந்த கணவன் மனைவி ஒன்று சேர்வார்கள். குறிப்பிட்ட சிலருக்கு கணவன் மனைவி பிரச்னை விவாகரத்து வழக்கு வரை சென்று நிம்மதியை தொலைக்க வைத்தது. இனிமேல் மேற்படி விஷயங்களில் தீர்வுகள் வர ஆரம்பிக்கும். அந்த தீர்வுகள் உங்களுக்கு சாதகமாகவும் இருக்கும்.

கணவன் மனைவி உறவில் இதுவரை இருந்து வந்த பிரச்னைகள் உடனடியாக தீரும். கணவன் ஓரிடம் மனைவி வேறிடம் என்று பிரிந்து இருந்தவர்கள், வேலை விஷயமாக வெளியூரில் பிரிந்து வேலை பார்த்தவர்கள் உடனடியாக ஒன்று சேருவீர்கள். முதல் வாழ்க்கை கோணலாகிப் போய் இரண்டாவது திருமணத்தை எதிர்பார்ப்பவர்களுக்கு அந்த அமைப்பு இப்போது கூடி வரும். அது நன்றாகவும் நீடித்தும் இருக்கும்.

குடும்பத்திற்கு தேவையான அத்தியாவசியப் பொருட்கள் வாங்குவீர்கள். சொத்துச் சேர்க்கை இருக்கும். பிள்ளைகளின் பெயர்களிலோ மனைவியின் பெயரிலோ ஏதேனும் சொத்து வாங்க முடியும். சிலர் புதிய வாகனம் வாங்குவீர்கள். பிள்ளைகளின் திருமணத்திற்கு நகை வாங்கி சேமிக்கலாம்.

நண்பர்களால் மகிழ்ச்சி தரும் நிகழ்ச்சிகள் இருக்கும். இதுவரை வீடு கட்டுவது போன்ற சுப காரியங்களுக்கு இருந்த தடை விலகி புதிய வீடு கட்டுவதோ மனைவாங்குவதோ இனிமேல் செய்ய முடியும். குடும்பத்தில் சுப நிகழ்ச்சிகளும் சுற்றுலா செல்வது போன்ற மனதிற்கு இனிமை தரும் நிகழ்வுகளும் நடக்கும்.

இதுவரை தள்ளிப் போய் இருந்த வெளிநாடு தொடர்பான வேலை விஷயங்களும் வெளிநாட்டு பயணங்களும் தற்போது வெற்றிகரமாக கை கூடி வரும். வாழ்க்கைத் துணைவர் உறவு வழியில் ஆதரவுகளும் லாபங்களும் இருக்கும். பெற்றோர்களின் ஆசிர்வாதம் கிடைக்கும். பங்காளிச் சண்டை தீரும். பூர்வீக சொத்து பிரச்னை சுமுகமாக ஒரு முடிவுக்கு வரும்.

வழக்கு கோர்ட் காவல்துறை போன்றவற்றில் சிக்கித் திண்டாடிக் கொண்டிருந்தவர்களுக்கு அவை அனைத்தும் நல்லபடியாக முடிவுக்கு வரும். அநியாய வட்டிக்கு கடன் வாங்கி அதில் இருந்து மீள முடியாமல் அவஸ்தைப் பட்டு விழி பிதுங்கி கொண்டிருந்தவர்களுக்கு கடனை அடைப்பதற்கு நல்ல வழி பிறக்கும். இதுவரை உடல் நிலை சரி இல்லாமல் இருந்தவர்கள் குணம் அடைவார்கள். தொந்தரவு செய்து வந்த கடன்கள் கட்டுக்குள் இருக்கும். உங்களை பிடிக்காமல் பின்னால் பேசும் மறைமுக எதிரிகள் காணமல் போவர்கள்.

பெண்களுக்கு இது மிகச் சிறப்பான நன்மைகளைத் ஆண்டாகும். உங்களின் மதிப்பு உயரும். நான்கு பேர் கூடும் இடத்தில் தனித்துவமாக தெரிவீர்கள். வேலைக்கு செல்லும் பெண்களுக்கு அலுவலகத்தில் இதுவரை இருந்த வந்த மறைமுக எதிர்ப்புகள் விலகும். அலுவலகத்தில் ஆண்கள் உங்களுக்கு அடங்கி இருப்பார்கள். இதுநாள் வரை இருந்து வந்த மேல் அதிகாரி தொந்தரவு இனி இருக்காது. புகுந்த வீட்டில் அந்தஸ்து, கௌரவம் கூடும். மாமியாரை நீங்கள் வேலை வாங்க முடியும். .

கமிஷன் தரகு போன்றவைகளின் மூலமாக நல்ல பெரிய தொகை ஒரே நேரத்தில் ‘லம்ப்’பாக கிடைக்கும். மூத்த சகோதரர்களிடம் நல்ல உறவும் நன்மைகளும் இருக்கும். சகோதர சகோதரிகள் உதவிகரமாக இருப்பார்கள். பங்குச் சந்தை லாட்டரி போட்டி பந்தயங்கள் போன்றவைகள் இப்போது கை கொடுக்கும். வருகின்ற வருமானத்தை முதலீடாக்குவது நல்லது. வீட்டுமனை, நிலம் போன்றவைகள் இப்போது வாங்கிப் போடுவீர்கள். குழந்தைகளின் பேரில் டெபொசிட் செய்யலாம்.

உங்களுடைய மனதைரியம் கூடும். எதையும் சந்திக்கும் ஆற்றல் பெறுவீர்கள். நாளைக்குப் பார்க்கலாம் எனற ஒத்திப்போடுதல் இருக்காது. இதுவரை நீங்கள் பயந்து கொண்டிருந்த செயல்கள் விஷயங்களில் தலைகீழ் மாற்றங்கள் இருக்கும். அடுத்தவர்களின் உதவி உங்களுக்கு தேவைப்படும் நேரத்தில் கிடைக்கும். ஒரு சிலர் வலிய வந்து உதவுவார்கள்.

மீனராசிக்காரர்களுக்கு இது திருப்புமுனையான ஆண்டு என்பதில் சந்தேகமில்லை.

சனிப்பெயர்ச்சி பலன்கள்

மீனராசிக்கு "அதோ வருகிறது நல்லகாலம் இதோ வருகிறது நல்லகாலம்'' என்று புலிவரும் கதையாக நான் சொல்லிக் கொண்டிருந்த சனிப்பெயர்ச்சி இந்த மாதம் நடந்தேறி இதுவரை உங்களை பிடித்திருந்த அஷ்டமச்சனி விலகுகிறது. குறிப்பாக முப்பது வயதுகளில் இருப்பவர்கள், முதல்முறையாக அஷ்டமச் சனியின் கொடுமைகளை அனுபவித்தவர்கள் இந்த மாதத்திலிருந்து மிகப் பெரிய மாற்றங்களை கண்கூடாகக் காண்பீர்கள் என்பது உறுதி.

இப்போது சனிபகவான் மாறப்போகும் ஒன்பதாமிடம் ஒன்றும் அதிர்ஷ்டங்களை அள்ளித்தரும் இடமாக நமது மூலநூல்கள் சொல்லவில்லை. ஆனால் சனியினால் இதுவரை உங்களுக்கு நடந்து கொண்டிருந்த கெடுதல்கள் இனிமேல் உங்களுக்கு நடக்காது என்பதால் இனிமேல் உங்கள் வாழ்க்கை உங்கள் கையில் இருக்கும். மேலும் ஏழரைச்சனி அஷ்டமச்சனி முடிந்த பிறகு வாழ்க்கை நல்லபடியாக செட்டில் ஆகும் என்பது ஜோதிட விதி.

எனவே இனி உங்களால் வாழ்வில் நல்லபடியாக செட்டிலாக முடியும். சனியின் தாக்கத்தினால் வாழ்க்கையை இழந்தவர்கள், வேலையைப் பறிகொடுத்தவர்கள், தூக்கம் தொலைத்தவர்கள், கடன்தொல்லையில் அவஸ்தைப்பட்டவர்கள், உடல்நலம் கெட்டவர்கள் இன்னும் சில சொல்ல முடியாத பிரச்சனைகளில் சிக்கியவர்கள் அனைவரும் இனிமேல் அனைத்தும் உங்களுக்கு சாதகமாக அமைந்து நிம்மதி கிடைக்கப் பெறுவீர்கள்.

மீனராசிக்காரர்கள் சிலர் இப்போது நடந்த குருப்பெயர்ச்சிக்குப் பிறகு எனக்கு நல்ல பலன்களைத்தான் எழுதுகிறீர்கள் ஆனால் ஒன்றும் நடக்கவில்லையே என்று என்னிடம் குறைப்பட்டுக் கொண்டார்கள். ராசிபலன் என்பது பொதுவான ஒன்றுதான். அதிலும் கடந்த இரண்டு வருடங்களுக்கு மேலாக திக்குத் தெரியாத காட்டில் அலைந்து கொண்டிருந்த மீனராசிக்காரர்கள் சிலர் மட்டுமாவது என்னுடைய நம்பிக்கை ஊட்டும் ராசி பலன்களைப் படித்து தன்னம்பிக்கையைப் பெற்றிருப்பீர்கள் என்பது எனக்கு தெரியும்.

சிக்கலில் தவிக்கும் ஒரு ஆத்மாவை இன்னும் கொஞ்ச காலத்தில் உனக்கு நல்லகாலம் பிறக்க இருக்கிறது கவலைப்படாதே என்று தேற்றுவதுதான் ராசிபலனின் வேலை. அதுவே ஒரு நல்ல ஜோதிடரின் கடமை. அந்தவகையில் எனது கடமையை நான் மீனராசிக்கும் விருச்சிகராசிக்கும் சரியாகச் செய்திருக்கிறேன் என்பதற்கு என்னுடைய பேஸ்புக்கிலும் இணையதளத்திலும் இருக்கும் வாசகர்களின் கமெண்டுகளே சாட்சி.

இளையபருவத்தினர் இதுவரை இருந்து வந்த ஏமாற்றத்திலும் மன அழுத்தத்திலும் இருந்து விடுபடுவீர்கள். புதிய நண்பர்கள் கிடைப்பார்கள். புதிய அறிமுகங்கள் கிடைக்கும். உங்களைப் புரிந்து கொள்ளாமல் உங்களிடமிருந்து விலகி இருந்தவர்கள தற்போது பக்கத்தில் வருவார்கள். இனிமேல் வாழ்க்கை முன்னேற்றப் பாதையில் செல்லத் துவங்கும். இதுவரை உங்களுக்கு இருந்து வந்த தேவையற்ற பயஉணர்வுகளும் கலக்கமான மனநிலையும் சிறிய விஷயங்களைக் கூட பெரிதாக்கி பார்த்து பயந்து கொண்டிருந்த சூழ்நிலையும் இனிமேல் விலகி மனத்தில் ஒரு புத்துணர்ச்சி பிறந்து புதுமனிதராக மாறப் போகிறீர்கள்.

வேலையில் இருந்து இடைநீக்கம் செய்யப்பட்டவர்கள் மீண்டும் பணியில் சேருவார்கள். தற்காலிகப் பணியாளர்களுக்கு வேலை நிரந்தரமாகும். வேலை தேடிக் கொண்டிருப்பவர்களுக்கு அவர்கள் தகுதிக்கும் திறமைக்கும் ஏற்றபடி நல்ல சம்பளத்தில் வேலை கிடைக்கும். அலுவலகங்களில் ஏதோ ஒரு சின்ன பிரச்சனையால் நிறுத்தி வைக்கப் பட்டிருந்த பதவி உயர்வும் சம்பள உயர்வும் இனிமேல் கிடைக்கும்.

அரசு ஊழியர்களுக்கு இதுவரை மேலதிகாரிகளால் இருந்து வந்த மன உளைச்சல்களும் வேலைப்பளுவும் இனிமேல் நீங்கி உங்களை புரிந்து கொள்ளாமல் உங்களிடம் `கடுகடு' வென இருந்த மேலதிகாரி மாறுதல் பெற்று அந்த இடத்திற்கு உங்களுக்கு அனுசரணையானவர் வருவார். இதுவரை முயற்சி செய்தும் நடைபெறாத பல விஷயங்கள் இனிமேல் தெய்வத்தின் அருளால் முயற்சி இல்லாமலேயே வெற்றி பெறும்.

பண வரவுகள் சரளமாகி குடும்பத்தில் பணப் பிரச்சனைகள் எதுவும் இல்லாமல் நிம்மதி இருக்கும். இதுவரை குடும்பத்தில் இருந்து வந்த பிரச்சினைகள் தீரும். கணவன் மனைவி உறவு நல்லபடியாக மாறும். கருத்து வேறுபாடு, குடும்ப பிரச்சனைகள் அல்லது வேலை விஷயமாக பிரிந்து இருந்த தம்பதியினர் ஒன்று சேர்வார்கள். கணவன் ஓரிடம், மனைவி வேறிடம் என்று வேறு வேறு இடங்களில் பணிபுரிந்தவர்களுக்கு ஒரே இடத்தில் பணிமாறுதல் கிடைத்து குடும்பம் ஒன்று சேரும். உடல்நலம் சரியில்லாமல் இருந்தவர்களின் ஆரோக்கியத்தில் நல்ல முன்னேற்றம் தெரியும்.

இதுவரை இருந்து வந்த விரயச் செலவுகள் இனிமேல் இருக்காது. எனவே ஏதேனும் ஒரு தொகையை அது சிறியதாக இருந்தாலும் சேமிக்க முடியும். குடும்பத்தில் மங்களகாரியங்கள் நடக்கும் என்பதால் வருமானம் வந்தாலும் அதற்கு ஏற்ப சுபச்செலவுகளும் இருக்கும். சொத்து வாங்குவீர்கள். மனைவிக்கு நகை, பெண்குழந்தைகளின் திருமணத்திற்கென்று நகைசேமிப்பு போன்றவைகளை இப்போது செய்ய முடியும். இதுவரை மகன் மகள் விஷயத்தில் இருந்து வந்த மனக் கவலைகள் தீரப் போகிறது. வேலைக்குச் செல்லாமல் இருந்து வந்த இளைய வயதினருக்கு நல்ல வேலை கிடைக்கும்.

தாமதமாகிக் கொண்டே வந்த மகன், மகள் திருமணத்தை இப்போது நல்லபடியாக நடத்துவதற்கு பரம்பொருள் அருள் புரிவார். காதலித்துக் கொண்டிருக்கும் இளைய பருவத்தினருக்கு பெற்றோர் சம்மதத்துடன் திருமணம் கை கூடி வரும். சிலர் புதிதாக காதலிக்க ஆரம்பித்து தங்களது வாழ்க்கைத் துணையை அடையாளம் காண்பார்கள். அஷ்டமச் சனியின் தாக்கத்தினால் விவாகரத்து பெற்றவர்களுக்கு இரண்டாவது திருமண அமைப்பு இனிமேல் கூடி வரும்.

அந்த திருமண வாழ்க்கை நீடித்தும் நல்லவிதமாகவும் இருக்கும். பிள்ளைகள் மூலம் நல்ல செய்திகளை எதிர்பார்க்கலாம். நீண்ட காலமாக குழந்தை இல்லாத தம்பதிகளுக்கு இப்போது குழந்தை பிறக்கும் நேரம் கூடி வந்து விட்டது. ஒரு சிலர் உங்களை ஆலயத் தொண்டில் ஈடுபடுத்திக் கொள்வீர்கள். பூர்வீக சொத்தில் இதுவரை இருந்துவந்த வில்லங்கம் விலகும். தந்தைவழி உறவினர்கள் ஆதரவு கிடைக்கும். தந்தையிடம் இருந்து உதவிகளோ பொருள் வரவுகளோ இருக்கும்.

வெளிநாட்டில் படிக்கவோ, வேலை செய்யவோ முயற்சிப்பவர்களுக்கு உடனடியாக விசா கிடைக் கும். இது வரை வெளிநாடு செல் லாதவர்கள் இப்போது வெளிநாட்டுப் பயணம் செல்லும்படி இருக்கும். பயணங்கள் மூலம் நன்மைகள் இருக்கும். பொதுவாழ்வில் இருக்கும் அரசியல்வாதிகள், கலைத்துறையில் இருப்ப வர்கள், அன் றாடத் தொழில் செய்ப வர்களுக்கு இனி மேல் பிரச்சனைகள் எதுவும் இருக்காது. விவசாயிகளுக்கு இது நன்மை தரும் காலம்.

விளைந்த பயிருக்கு நியாயமான விலை கிடைக்கும். பணப்பயிர் மற்றும் எண்ணை வித்துகள் போன்றவை பயிரிட்டவர்களுக்கு லாபம் வரும். இரும்பு சம்பந்தப்பட்ட துறையினர், உழைப்பாளிகள் போன்றவர்களுக்கு மிகவும் நல்ல பலன்கள் இருக்கும். தொழில் அதிபர்கள், கலைஞர்கள், பத்திரிகை மற்றும் ஊடக துறையினர், இயக்கும் தொழில் செய்பவர்கள், தினசரி சம்பளம் பெறுபவர்கள் உள்ளிட்ட சமுதாயத்தின் அனைத்துத் தரப்பினரும் முன்னேற்றம் காணுவீர்கள்.

குறிப்பாக காண்ட்ராக்டர்கள், நிர்வாகப்பணி சம்பந்தப்பட்டவர்கள், ஒரு துறைக்கோ அல்லது நிறுவனத்திற்கோ தலைமைப் பொறுப்பில் இருப்பவர்கள், தந்தையின் தொழிலைச் செய்பவர்கள், நெருப்பு சம்பந்தப்பட்டவர்கள் போன்றோருக்கு இந்தக் சனிப்பெயர்ச்சி நல்ல பலன்களைத் தரும். இதுவரை வீடு வாங்க தடை இருந்தவர்களுக்கு இந்த தடை நீங்கி நல்ல வசதியான ஆடம்பர வீடு அமைய போகிறது. நீண்ட நாட்களாக சொந்த வீடு வாங்க வேண்டும் என்ற எண்ணத்தில் இருப்பவர்களின் ஆசை இப்போது நிறைவேறும்.

வீடு சம்பந்தப்பட்ட அனைத்துக் காரியங்களும் நினைத்தபடியே நிறைவேறும். வீடு கட்ட ஆரம்பித்து பாதியில் நிறுத்தியவர்கள் முழுதாக முடித்து கிரகப் பிரவேசம் செய்வீர்கள். வங்கிக்கடன் வாங்கி வீடு கட்டவோ நல்ல பிளாட் வாங்கவோ முடியும். இருக்கும் வாகனத்தை விற்றுவிட்டு அதை விட நல்ல வாகனம் வாங்க முடியும். வாகன யோகம் வந்து விட்டதால் வாங்க வேண்டும் என்று நினைத்திருந்த அதே மாடலில் புதிய வாகனம் வாங்குவீர்கள். சொகுசு வாகனம் வாங்குவதற்கும் அமைப்பு இருக்கிறது.

 

குருப்பெயர்ச்சி பலன்கள்

(பூரட்டாதி 4ம் பாதம் உத்திரட்டாதி, ரேவதி ஆகிய நட்சத்திரங்களில் பிறந்தவர்கள் மற்றும் தி, து, ஸ, ச, த, தே, தோ, ச, சி ஆகிய எழுத்துக்களை பெயரின் முதல் எழுத்தாக கொண்டவர்களுக்கும்.)

மீனராசிக்கு இதுவரை ஆறாமிடத்தில் இருந்து உங்களுக்கு அனைத்து விஷயங்களிலும் தடைகள் தாமதங்களைக் கொடுத்துக் கொண்டிருந்த குருபகவான் தற்போது மிகவும் நற்பலன்களைத் தரக்கூடிய இடமான ஏழாமிடத்திற்கு மாறி நன்மைகளைத் தரப்போகிறார்.
கடந்த சிலவருடங்களாகவே பெரும்பாலான மீனராசிக்காரர்களுக்கு எல்லாவற்றிலும் சறுக்கல்கள்தான் இருந்து வந்தன.

குறிப்பாக மழை விட்டும் தூவானம் விடவில்லை என்பதைப் போல அஷ்டமச்சனி முடிந்தும் உங்களுக்கு நல்லவைகள் நடக்கவில்லை. இந்த நிலைமை மாறி இனிமேல் ஏற்றஇறக்கங்கள் இல்லாத ஒரு சீரான நல்ல அமைப்புள்ள வாழ்க்கையினை மீனத்தினர் அனுபவிப்பீர்கள். இதுவரை இருந்து வந்த நிலை இந்தக் குருப்பெயர்ச்சி முதல் மாறுகிறது.

குருபகவான் இந்தப்பெயர்ச்சியால் உங்கள் ராசியைப் பார்க்கப் போவதால் குருபார்க்க கோடி நன்மை எனும் பழமொழி உங்கள் விஷயத்தில் நிரூபணமாகி இந்தப்பெயர்ச்சியின் மூலம் உங்களுக்கு அனைத்து மேன்மைகளும் கிடைக்க இருக்கிறது.

இன்னொரு துணுக்கமாக குரு ராசியை பார்ப்பது நன்மைதான் என்றாலும் அவர் எத்தகைய நிலையில் இருந்து ராசியை பார்க்கிறார் என்பது முக்கியம் என்பதாலும் உங்களுக்கு அவர் ராசிநாதன் என்ற நிலையில் இருந்து ராசியை பார்க்க போவதாலும் மீனராசிக்கு சிறந்த மேன்மைகள் கிடைக்கும் என்பது உறுதி.

குருபகவான் ராசியை பார்க்கப் போவதால் உங்கள் உடலும் மனமும் புத்துணர்ச்சி பெறும். முகத்தில் எந்நேரமும் சந்தோஷம் தெரியும். இதுவரை மனதில் இருந்து வந்த குழப்பங்கள் உடனே விலகும். சென்ற காலங்களில் உங்களை வாட்டி வதைத்த சோம்பல், மந்தம், விரக்தி மற்றும் தோல்வி மனப்பான்மைகள் இனிமேல் உங்களிடம் நெருங்காது. அனைத்து விஷயங்களிலும் இருந்த வந்த தொல்லைகள் தடைகள் தாமதங்கள் விலகி அதிர்ஷ்டக் காற்று உங்கள் பக்கம் வீசப் போகிறது.

இந்தக் குருப்பெயர்ச்சிக்குப் பிறகு புதிய மனிதரைப் போல உணருவீர்கள். உங்களின் அந்தஸ்து மதிப்பு அனைத்தும் உயரும் நேரம் இது. அடுத்தவர்களால் கௌரவமாக நடத்தப் படுவீர்கள். நீங்கள் தொட்டது துலங்கும் நேரம் இது. நீங்கள் நினைத்தது நடக்கும் காலம் இது. பிறந்த ஜாதகத்தில் நல்ல யோக தசா புக்திகள் நடந்து கொண்டு இருந்தால் உங்களில் சிலர் சாதனைகளை படைத்து புகழின் உச்சிக்கு செல்வீர்கள் என்பது உறுதி.

இதுவரை வேலை, வியாபாரம், தொழில் போன்ற ஜீவன அமைப்புகளில் இருந்து வந்த போட்டிகளும், எதிர்ப்புகளும், பொறாமைகளும், தடைகளும் விலகி அனைத்தும் உங்களுக்கு நன்மை தரும் விஷயங்களாக மாறும். பணிபுரியும் இடங்களில் இதுவரை இருந்து வந்த நிம்மதியற்ற சூழல் இனிமேல் இருக்காது.

உங்களைப் புரிந்து கொள்ளாமல் உங்களுக்கு தொல்லை கொடுத்த மேல் அதிகாரிகள் மாறுதலாகி உங்களைப் புரிந்து கொண்டவர்கள் அங்கே வருவார்கள். இதுவரை தடைப்பட்ட பதவிஉயர்வு, சம்பளஉயர்வு போன்றவைகள் இப்போது கிடைக்கும்.

இளைய பருவத்தினருக்கு நல்லவேலை கிடைத்து திருமணமும் நடக்கும். காதலிப்பவர்கள் பெற்றோர்கள் சம்மதத்துடன் நீங்கள் நினைத்தவரை மணமுடிப்பீர்கள். குழந்தை பாக்கியம் இல்லாதவர்களுக்கு குழந்தை பாக்கியம் உண்டு. மணவாழ்வில் பிரச்சினைகள் இருப்பவர்களுக்கு அது தீரும். சிலருக்கு வேலை மாற்றம் நடந்து வெளியூரில் வேலை அமையும்.

போட்டி பந்தயங்கள் கை கொடுக்கும். தொழில் ஆரம்பிக்க உகந்த நேரம் இது. சுயதொழில் செய்வோருக்கு எடுக்கும் முயற்சிகள் கை கொடுக்கும். தொழிலில் இருந்த முட்டுக்கட்டைகளும் அதிருப்தியான நிலைமையும் மாறி தொழில் சூடு பிடிக்கும். வேலை செய்பவர்களும் பங்குதாரர்களும் உங்களுக்கு உதவிகரமாக இருப்பார்கள். தொழில் முன்னேற்றம் மற்றும் விரிவாக்கத்திற்கான அனைத்தையும் தற்போது நல்ல விதமாகச் செய்ய முடியும்.

வியாபாரிகளுக்கு இது மிகுந்த லாபங்கள் வரக்கூடிய ஒரு காலகட்டமாக அமையும். எல்லாவிதமான வியாபாரமும் இப்போது கை கொடுக்கும். கிளைகள் திறக்கலாம். புதிய டீலர்ஷிப் எடுக்கலாம். வருமானம் சிறப்பாக இருக்கும். தொழிலில் பங்குதாரர்களை சேர்த்துக் கொள்வதற்கு நல்ல நேரம் இது. அவர்கள் மூலம் முன்னேற்றங்கள் இருக்கும்.

சில தொழில்முனைவோர்களுக்கு நல்ல சந்தர்ப்பங்கள் கிடைத்து அமோகமான தொழில் வெற்றியைப் பெற்று பெரும்பணக்காரர்கள் ஆவதற்கு தற்போது வாய்ப்பு இருக்கிறது. விடா முயற்சியுடன் எதையும் செய்வதன் மூலம் கடவுள்அருள் உங்கள் பக்கம் இருக்கும் என்பது நிச்சயம்.

அரசு வேலை எதிர்பார்த்துக் காத்திருப்பவர்களுக்கு நல்ல செய்தி உண்டு. மத்திய மாநில அரசுகளின் முதன்மைத் தேர்வுகளான ஐ.ஏ.எஸ், குரூப்ஒன் போன்ற பதவிகளுக்கு நல்லமுறையில் தேர்வுகளை எழுத முடியும். ஏற்கனவே தேர்வுகளை எழுதி முடிவுகளை எதிர்பார்த்துக் காத்துக் கொண்டிருப்பவர்களுக்கு நல்ல செய்திகள் கிடைக்கும்.

வெளிநாட்டு வேலைக்கு முயற்சி செய்தவர்களுக்கு அது கைகூடும். சொந்தத் தொழில் செய்பவர்கள் மிகுந்த நல்ல மாற்றங்களை உணர்வார்கள். தொழில் சீர்படும். லாபம் தரும். வரும் லாபத்தை சேமிக்க முடியும். செலவுகள் குறையும். விரையங்கள் இருக்காது.
வியாபாரிகளுக்கு வியாபாரம் திருப்திகரமாக இருக்கும். நல்ல வேலைக்காரர்கள் அமைவார்கள். எந்த ஒரு விஷயமும் வெற்றி தரும். ஆரம்பிக்கும் காரியத்தை சுபமாக முடிக்க முடியும். கூட்டுத் தொழிலில் இதுவரை இருந்த வந்த கருத்து வேறுபாடுகளும், மந்தமான நிலைமையும் மாறி தொழில் நல்லபடியாக நடக்கும். நண்பர்களும், பங்குதாரர்களும் உதவிகரமாக இருப்பார்கள்.

இந்த குருப்பெயர்ச்சி காலம் முழுவதும் உங்களின் பொருளாதார நிலை மிகவும் மேம்பாடானதாகவும் சரளமான பணவரவு இருந்து கொண்டே இருப்பதாகவும் அமையும். தொட்டது துலங்கும். இதுவரை வருமானம் இன்றி பணப்பற்றாக்குறையால் அவதிப் பட்டுக் கொண்டிருந்தவர்களுக்கு பணப்பிரச்சனை இல்லாத அளவுக்கு நல்ல வருமானம் இருக்கும்.

தர்ம காரியங்கள் செய்ய முடியும். அறப்பணிகளில் ஈடுபட்டு நல்ல பெயர் வாங்குவீர்கள். குறிப்பிட்ட சிலருக்கு ஆலயப்பணி செய்யும் பாக்கியம் கிடைக்கும். நீண்ட நாட்களாக போக முடியாமல் தள்ளிப் போயிருந்த தீர்த்த யாத்திரை இப்போது போக முடியும். காசி கயா பத்ரிநாத் கேதார்நாத் போன்ற வடமாநில புண்ணியத்தலங்களை தரிசிக்கும் வாய்ப்பு இப்போது கிடைக்கும்.

தந்தையின் ஆதரவு கிடைக்கும். தந்தை வழி உதவிகள் நன்றாக இருக்கும். இளைஞர்களுக்கு நீங்கள் விரும்பிக் கேட்கும் ஒரு பொருளை உங்கள் அப்பா வாங்கித் தருவார். அப்பா வழி சொத்துக்கள் மூலம் ஆதாயம் உண்டு. இதுவரை இருந்துவந்த பங்காளிப் பிரச்சனை தீரும். பூர்வீக சொத்துக்களில் உங்கள் பாகம் சேதமில்லாமல் உங்களுக்கு கிடைக்கும். பெரியப்பா சித்தப்பாக்கள் மற்றும் தந்தையுடன் பிறந்த அத்தைகளால் லாபம் இருக்கும்.

மூத்த சகோதரர், சகோதரிகளின் உறவு மேம்படும். அவர்களால் உதவிகள் இருக்கும். அண்ணன் தம்பி அக்கா தங்கை உறவுகள் பலப்படும். வயதில் மூத்தவர்களுக்கு மங்களகரமான நிகழ்ச்சிகள் வீட்டில் நடைபெறும். இதுவரை திருமணம் தாமதமான அக்கா அண்ணன் போன்றவர்களுக்கு நல்ல இடத்தில் திருமணமாகும். அதிகம் பெண்களுடன் பிறந்தவர்கள் தங்கள் சகோதரிகளின் வீட்டு சுபகாரியங்களுக்கு செலவு செய்ய வேண்டியிருக்கும்.

குறிப்பிட்ட சிலருக்கு இப்போது இருக்கும் வாகனத்தை விட நல்ல வாகனம் அமையும். வாகன மாற்றம் செய்வீர்கள். அருமையான புதிய வீடு கட்டுவீர்கள். பெருநகரங்களில் இருப்பவர்களுக்கு நல்ல இடத்தில் சொந்தமாக டீலக்ஸ் பிளாட் அமையும்.

பெண்களுக்கு இந்தக் குருப்பெயர்ச்சி நல்ல பலன்களை அதிகம் தரும். இதுவரை உங்களை புரிந்துக் கொள்ளாத கணவர் இனிமேல் உங்களை புரிந்து கொண்டு, உங்கள் மனம் போல் நடந்து கொள்ள ஆரம்பிப்பார். பிள்ளைகள் உங்களின் கஷ்டங்களைப் புரிந்து கொள்வார்கள். வேலை செய்யும் இடங்களில் மதிப்பும், மரியாதையும் கிடைக்கும். உங்களின் அந்தஸ்து உயரும்.

கடன்கள் கட்டுக்குள் இருக்கும். சிலர் புதிய கடன்களை வாங்கி பழைய கடன்களை அடைப்பீர்கள். சிலருக்கு நிரந்தரமாக கடன்கள் அடைந்து நிம்மதி கிடைக்கும். ஆரோக்கியம் மேம்படும். இதுவரை மருத்துவத்திற்கு கட்டுப்படாமல் இருந்து வந்த நோய்கள் தீரும்.
மீனராசிக்கு இது எதிர்கால முன்னேற்றத்திற்கு அடித்தளம் போடும் காலகட்டமாக அமையும் என்பதால் இப்போது ஏற்படும் நன்மைகளால் உங்கள் எதிர்காலத்தை சிறப்பாக அமைத்துக் கொள்வீர்கள்.

பரிகாரங்கள்:

ஜென்மநட்சத்திரம் அன்று குடும்பத்துடன் கும்பகோணம் அருகில் உள்ள புகழ்பெற்ற குருபகவானின் திருத்தலமான ஆலங்குடி சென்று சிறப்பு ஆராதனைகளை செய்யுங்கள். மேலும் ஒரு வியாழக்கிழமை பகல் ஒரு மணியிலிருந்து இரண்டு மணிக்குள் குரு ஹோரையில் ஒரு யானைக்கு அதற்கு விருப்பமான உணவு என்ன என்று அதன் பாகனிடம் கேட்டு தெரிந்து கொண்டு உணவிடுவது குருபகவானால் கிடைக்கும் நன்மைகளை கூட்டித் நன்மை தரும்.

ராகுகேது பெயர்ச்சி பலன்கள்

கெட்டிக்காரர்களாக இருந்தாலும் தவறு செய்தவர்களைத் தட்டிக்கேட்கும் மீன ராசி நேயர்களே!

உங்கள் ராசிநாதன் குரு ‘புத்திரகாரகன்’ என்றும், ‘பொன்னவன்’ என்றும் வர்ணிக்கப்படுகிறார். மனதில் பட்டதை மறைக்காமல் சொல்பவர்கள் நீங்கள். மற்றவர்களுக்கு வலியச் சென்று உதவுகிற எண்ணம் உங்களுக்கு உண்டு. பேச்சாற்றல் மிக்க நீங்கள் எதிரிகளைக்கூட நண்பர்களாக மாற்றிவிடுவீர்கள்.

ராசியில் கடைசி ராசியாக இருந்தாலும், வளர்ச்சியில் முதல் ராசியாகக் காட்சியளிப்பீர்கள். பண பலத்தால் மற்றவர்கள் சாதிக்க முடியாததை, நீங்கள் பக்கபலமாக இருக்கும் நண்பர் களால் சாதித்துக் காட்டுவீர்கள். நாகரிகப் பொருட்களின் மீது மோகம் கொள்வீர்கள்.

எந்த ஒரு செயலுக்கும் காரணம் உண்டு என்று சொல்லும் நீங்கள், அரசியல்வாதிகளின் நட்பை அதிகம் பெற்றிருப்பீர்கள். வாகனங்களை அடிக்கடி மாற்றம் செய்வீர்கள். உறுதியான மனமே உங்கள் மூலதனமாக இருப்பதால் இறுதியாக நீங்கள் எடுக்கும் முடிவே எல்லோரும் ஒத்துக்கொள்வதாக இருக்கும்.

அஷ்ட லட்சுமி யோகம் தரும் ஆறாமிடத்து ராகு!
அலைச்சலைக் கூட்டும் பனிரெண்டாமிடத்து கேது!

இதுவரை கன்னி ராசியில் சஞ்சரித்து வந்த ராகுவும், மீன ராசியில் சஞ்சரித்து வந்த கேதுவும் தனது வான்வெளிப் பயணத்தில் 8.1.2016 அன்று பின்னோக்கி வந்து உங்கள் பிரச்சினைகள் தீர வழிவகுத்துக் கொடுக்கப் போகிறார்கள். ஜென்ம கேது விலகுவது என்பது யோகம் தான். பாம்பு கிரகங்கள் விலகுவதால் கடந்த ஒன்றரை ஆண்டுகாலமாக நடைபெறாத செயல்பாடுகள் யாவும் இப்பொழுது துரிதமாக நடைபெறப்போகின்றது.

ஆனால் அதற்கு அடித்தளமாக யோகமான நாளில் சர்ப்ப சாந்தியை செய்து கொள்ள வேண்டியது அவசிய மாகும். அதிலும் ராகு 6–ல் வந்து அஷ்ட லட்சுமி யோகத்தை வழங்கப் போவதால் சிறப்புப் பரிகாரங்களைச் செய்வதன் மூலம் செல்வ வளத்தை மேலும் பெருக்கிக் கொள்ள இயலும். எட்டு வகை லட்சுமியின் அருளும் உங்கள் இல்லத்திற்கு வந்து சேரப் போகின்றது.

பண வரவு பெருகும். சேமிப்பு உயரும். செல்வாக்கு மேலோங்கும். தொழில் சம்பந்தமாக எடுத்த முயற்சிகளில் தொடர்ந்து வெற்றி கிடைக்கும். ஒருசிலர் பழைய தொழிலை மூடிவிட்டுப் புதிய தொழில் தொடங்க முயற்சிப்பர். அந்த முயற்சியும் கைகூடும். பல வருடங்களாக பதவி உயர்வு கிடைக்காமல் ஏக்கப்பெருமூச்சு விட்ட உத்தியோகஸ்தர்களுக்கு இப்பொழுது ஆச்சரியப்படும் விதத்தில் பதவி உயர்வு கிடைக்கப்போகிறது.

உயர் அதிகாரிகளின் தொல்லைகளை தாக்குப்பிடிக்க முடியவில்லையே என்று கவலைப்பட்டவர்களுக்கு விடிவு காலம் பிறந்து விட்டது. மேலதிகாரிகள் மாற்றலாகிச் செல்வர். உங்களுக்குரிய வேலை உறுதியாகும்.

பொதுவாக எதிர்ப்பு, வியாதி, கடன் எனப்படும் இடம் ஆறாமிடாகும். அந்த இடத்தில் வலிமையான கிரகமான பாம்புக் கிரகங்கள் சஞ்சரித்து நவக்கிரகத்தில் சுபகிரகம் என்று வர்ணிக்கப்படும் குருவும் கூடியிருந்தால் எதிரிகள் உதிரிகளாவர். எல்லோரும் இணைந்து செயல்படுவர். மனக் கசப்புகள் மாறும். உற்றார், உறவினர்பகை மறையும். விலகிச் சென்றவர்கள் விரும்பி வந்து இணைவர். பொருளாதார நிலை உயரும். மதிப்பும், மரியாதையும் கூடும்.

நீண்ட நாட்களாக உடலில் இணைந்திருந்த நோய்கள், உட்கொண்ட மருந்தாலும் குணமாகாதிருக்கலாம். இனி சாதாரண மருத்துவத்திலேயே நோய்கள் சரியாகிவிடும். சக பணியாளர் களால் ஏற்பட்ட பிரச்சினை மாறும். கொடுத்த கடன் வசூலாகவில்லையே, வாங்கிய கடனைக் கொடுக்க முடியவில்லையே என்று வருத்தப்பட்டவர்கள் இப்பொழுது நிம்மதி காண்பர். வாங்கல் – கொடுக்கல்களில் இருந்த பிரச்சினை தீரும்.

பயணங்களால் பலன் கொடுக்கும் பனிரெண்டாமிடத்து கேது!

பனிரெண்டாமிடத்தில் கேது சஞ்சரிக்கும் பொழுது விரயங்களைச் சுபவிரயமாக மாற்றி அமைத்துக் கொள்வது நல்லது. மனைவி, மக்கள் வழியில் வேண்டிய ஆடை, ஆபரணங்களை வாங்கிக் கொடுக்கலாம். கட்டிடங்களைக் கட்டி வாடகைக்கு விடலாம்.

பிள்ளைகளின் கல்யாண முயற்சிக்கும் கைகொடுத்து உதவ முன் வருவீர்கள். பழைய வீட்டைப் புதுப்பித்து புதிய வீடாக்கும் பணி வெற்றி தரும். நாகரிகமான முறையில் வீடு கட்ட வேண்டுமென்ற ஆசையை நிறைவேற்றிக் கொள்வீர்கள்.

உறவினர்களின் இல்லங்களில் நடைபெறும் சுபகாரிய நிகழ்ச்சிகளுக்கு உதவி செய்வீர்கள். வெளிநாட்டுப் பயணம் விரும்பும் விதத்தில் அமையும். மனைவி, மக்கள் வழியில் ஏற்பட்ட மனஸ்தாபங்கள் மாறும். அரசியல் துறையில் ஈடுபட்டவர்கள் இழந்த செல்வாக்கை மீண்டும் பெறுவர். மற்றவர்கள் உங்களை நம்பி ஒப்படைத்த முக்கியப் பொறுப்புகளை முடித்துக் கொடுத்து உங்கள் மதிப்பை உயர்த்திக் கொள்வீர்கள்.

அடகு வைத்த நகைகள் அனைத்தையும் மீட்டுக் கொண்டு வந்து அலமாரியை அலங்கரித்து வைப்பீர்கள். அடிமனதில் இருந்த பயம் நீங்கும். வெளிநாட்டுத்தொடர்பும், எண்ணிய விதத்தில் அமையும்.

ராகு–கேதுக்கள் சுய பலம் அற்ற கிரகம் என்பதால் அவை இருக்கும் வீட்டிற்கு அதிபதியின் பலத்தைப் பொறுத்தும், யார் காலில் இருக்கின்றதோ, அவரின் ஆதிபத்யத்தைப் பொறுத்தும் பலன்களை வழங்குவார்.

பாதசாரப்படி ராகு தரும் பலன்கள்!

ராகு பகவான் சூரிய சாரத்தில் சஞ்சரிக்கும் பொழுது (8.1.2016 முதல் 10.3.2016 வரை): பணத்தேவைகள் உடனுக்குடன் பூர்த்தியாகும். பாராட்டுக்களும், விருதுகளும் ஒருசிலருக்கு வந்து சேரும். இனத்தார் பகை மாறும். எதிரிகளைப் போல் உங்களைப் பார்த்தவர்கள் கூட இனிமேல் இனிமையாகப் பேசுவார்கள். பணிகளில் இருந்த தொய்வு அகலும். பாகப்பிரிவினை சுமுகமாக முடியும். வருடக்கணக்கில் நடைபெற்ற வழக்கு இப்பொழுது உங்களுக்கு சாதகமாக அமையும். அரசியல்வாதிகளால் ஆதாயம் உண்டு. ஆடம்பரப் பொருட்களை வாங்குவதில் நாட்டம் செல்லும். உத்தியோகத்தில் உயர் பதவி கிடைத்து மகிழ்ச்சியடையப் போகிறீர்கள். உன்னத வாழ்க்கைக்கு அடித்தளம் அமைத்துக் கொள்ளும் நேரமிது.

ராகு பகவான் சுக்ர சாரத்தில் சஞ்சரிக்கும் பொழுது (11.3.2016 முதல் 16.11.2016 வரை): இக்காலத்தில் எதிலும் கூடுதல் கவனம் செலுத்த வேண்டும். தொழிலில் இழப்புகள் ஏற்படாமல் பார்த்துக் கொள்ளுங்கள். உழைப்பிற்கேற்ற பலன் கிடைப்பது அரிது. ஊர் மாற்றம் பற்றிய சிந்தனைகள் மேலோங்கும். ஒரு சிலருக்கு வீடு மாற்றங்கள் அடிக்கடி வரும். தங்கம், வெள்ளி ஆபரணங்களை அடகு வைத்து செலவிடும் சூழ்நிலையும் ஒரு சிலருக்கு ஏற்படலாம். உடன் பிறப்புகளின் பகையை வளர்த்துக் கொள்ளாதீர்கள். ஆரோக்கியத் தொல்லையும் அதிகரித்துக் கொண்டே இருக்கும். வாழ்க்கைத் துணை வழியே விட்டுக் கொடுத்துச் செல்வது நல்லது. வருங்கால நலன் கருதி தீட்டிய திட்டங்கள் வெற்றி பெறுவதில் தாமதம் ஏற்படும்.

ராகு பகவான் கேது சாரத்தில் சஞ்சரிக்கும் பொழுது (17.11.2016 முதல் 26.7.2017 வரை): இக்காலத்தில் வீண் விரயங்கள் அதிகரிக்கும். விலை உயர்ந்த பொருட்களை கையாளுவதில் கவனம் செலுத்துவது நல்லது. அலைச்சல் அதிகரிக்கும். அடுத்தவர் நலன் கருதி எடுத்த முயற்சிகளில் ஆதாயம் குறைவாகவே கிடைக்கும். கொடுத்த கடன்கள் வசூலாகவில்லையே என்று கவலைப்படுவீர்கள். கூடுதல் லாபம் கிடைக்கும் என்று நம்பிச் செய்த முதலீட்டில் ஏமாற்றங்களைச் சந்திக்க நேரிடும்.

பாதசாரப்படி கேது தரும் பலன்கள்!

கேது பகவான் குரு சாரத்தில் சஞ்சரிக்கும் பொழுது (8.1.2016 முதல் 13.7.2016 வரை): ஆரோக்கியம் சீராகி ஆனந்தப்படுத்தும். ஆதாயம் எதிர்பார்த்தபடியே கிடைக்கும். புதிய முயற்சிகளில் வெற்றி காண்பீர்கள். பொருளாதார பற்றாக்குறை அகலும். இல்லத்தில் சுபகாரிய நிகழ்வுகள் எதிர்பார்த்தபடியே நடைபெறும். ஸ்தல யாத்திரைகளை மேற்கொள்வீர்கள். உத்தியோகம், தொழிலில் உன்னத நிலை கிடைக்கும். வருமானம் பெருகுவதால் வாகனம் வாங்கும் முயற்சியிலும் ஆர்வம் காட்டுவீர்கள்.

கேது பகவான் ராகு சாரத்தில் சஞ்சரிக்கும் பொழுது (14.7.2016 முதல் 22.3.2017 வரை): மிகுந்த கவனத்துடன் செயல்பட வேண்டிய நேரமாகும். நட்பு பகையாகலாம். உற்பத்தி செய்த பொருட்கள் தேங்கிக் கிடக்கிறதே என்று தொழில் அதிபர்கள் வருத்தப்படுவர். ஊர் மாற்றம், தொழில்மாற்றச் சிந்தனைகள் மேலோங்கும். பணப்பொறுப்புகள் சொல்வதன் மூலம் பிரச்சினைகள் உருவாகலாம்.

கேது பகவான் செவ்வாய் சாரத்தில் சஞ்சரிக்கும் பொழுது (23.3.2017 முதல் 26.7.2017 வரை): இக்காலம் ஒரு இனிய காலமாகும். சவாலான வேலைகளைக் கூட சாதாரணமாக முடித்துவிடுவீர்கள். பெரிய மனிதர் களின் தொடர்பால் பிரச்சினைகளில் இருந்து விடுபடுவீர்கள். வீடு வாங்க வேண்டுமென்ற எண்ணத்தை நிறைவேற்றிக் கொள்வீர்கள். வியாபாரம் வெற்றி நடைபோடும்.

வாழ்க்கை வசந்தமாக வழிபாடு!

ஆறில் சஞ்சரிக்கும் ராகு அதிர்ஷ்ட வாய்ப்புகளை அள்ளிக் கொடுக்கவும், 12–ல் சஞ்சரிக்கும் கேது பணத்தேவைகளைப் பூர்த்தி செய்யவும், வியாழன் தோறும் விரதமிருந்து தட்சிணாமூர்த்தி வழிபாட்டை மேற்கொள்வதோடு, மேலும் 63 நாயன்மார்களில் உங்களுக்கு உகந்த நாயன்மாரின் நட்சத்திரத்தன்று விரதமிருந்து வழி பாடுகளை மேற்கொள்ளுங்கள். வருங்காலம் நன்றாக அமையும்.